Ka Nupepa Kuokoa, Volume XLI, Number 31, 31 July 1903 — Ikaika Ka Hoomana Katolika [ARTICLE]

Ikaika Ka Hoomana Katolika

Ma ke koho wale ia, aia paha ka heluna o ka poe e hahai nei i ka manaoio o ka hoomana Katoiika Roma ma kahi o ka iwakalua-kumamahiku tausani, a he huahelu koho keia i ho~ ikeia ae e ka Makua Valetina. O kela heluna, he umi-kumamalua tausani o lakou he poe Pukiki, a o ke koena. he poe Hawaii, he mau ilipuakea kakaikahi ame Pake. Ma ke kohoia, he hapalua o na Hawaii he mau Katolika lakou. a o ka hapalua i koe iho he poe lakou no ka hoomana Hoolepope a Moremona. paha. Ma ka Makua Valetina wehewehe, ua ano emi mai na Katolika Hawaii a o ke kumu paha, no ke ku-e oolea.loa o ka hoomana Katolika I ke oki mare. 0 ka hapanui o keia poe muhee. ua komo aku lakou i ka hoomana Moremona, ka hoomana i ku-e ole i keia mea. He 104 ka nui o na halepuie Katolika ma Hawali Paeaina nei, he iwa-kalua-kumamalima kahuna ame umikumamalua kula. a he 2191 ka heluna o na kamaiki e hele nei i keia mau kula Katolika. Ma keia mau mea e ikeia iho ai he holomua na hana a ka hoomana Katolika maanei.