Ka Nupepa Kuokoa, Volume XLI, Number 33, 14 August 1903 — MAI LILO I PUU LEHU. [ARTICLE]

MAI LILO I PUU LEHU.

Ina aole i ikeia aku i ka manawa kupono, ina la eia ke waiho nei ma ke kahua o ka halealii mua Iolani Hale he puu pohaku ame kekahi puu lehu, ka hopena a ka.hana menemene ole a ke ahi. Ma ka hora 4 paha o ke ahiahi Poaono nei, ua ike aku ke kanaka kiai hale e puka mai ana ka uwahi ma na hakahaka o ka lumi uuku malalo pono ae o ke alapii nui e pii ana no ka hale iluna. O kahi keia e malamaia ai na pono holoi hale apau, a ua piha hoi i na ano mea like ole. Ma ka auwina la Poaono nei, malaila np ka poe malama hale kahi i hana ai, a i ka pau ana o ka lakou hana, ua kiia ua lumi nei. .Ma ka hora 4 i hoomaka ai ke kiai. i kana iuina, a oia ka wa ana i ike ai e like me ka mea i hoikeia ae nei maluna. No ka paa o ka puka, ua holo aku oia e kii i ke ki iloko o ke keena oihana o ke Keena o na Hana Hou, a I kona komo ana aku, ua loaa aku o Kakauolelo C. M. White o ia keena, a no ka loaa ole o ke ki, ua holo aku laua e wawahi i ka puka o ua lumi nei. I ka hemo ana, ua hoomaka koke laua e kinai ma o ka pipi ana me ka iliwai, a no ka nui ino loa ole o ka a ana, ua pio koke no. I ka pio ana, ua ikeia iho ua poino na iliwai ame na mea e ae, a ua papaā. hoi ka paia, eia nae, aole i inoino loa ke kulana. Aohe i maopopo ke kumu o ka hoomaka ana o keia ahi, me he mea la, no ka wela oloko o keia iumi ke kumu i a. wale ae ai ke ahi.