Ka Nupepa Kuokoa, Volume XLI, Number 33, 14 August 1903 — Ka Hana Apiki a na Ipo Aloha [ARTICLE]

Ka Hana Apiki a na Ipo Aloha

Ma ka po o ka Poaono iho nei, ua naue aku o Ah Young ame kana ipo

o Miss Maud Pomaikai ka inoa no kahi e malamaia ana Kekahi iuau ai laiki ma ke alanui Nuuanu. He maikai ka helehelena o Miss Pomaikai, pali ke kua mahina ke alo, a no ia kumu ua hlki ole I na maka o kekahi poe e iho ke hookaawale i ka leha mau ana aku i ua kaikamahine nei, a no ke gugu ai mau o keia poe, ua komo iho la ka manao walania iloko o j Ah Young a koi aku la i kana ipo e hoi laua.

Ua hoole paakiki aku la ka wahipe opio a olelo aku aohe i lawa kona ai laiki ana, a ua nui ko laua hoopaapaa ana no keia mea. No ka piha paakiki o Miss Maud, ua pii ae la ke kai lena o Kina a hoolele aku la i kekahi puupuu i ka maka o kana aloha.

Aole no nae i waiho wale aku ka wahine opio i ka hana a kana ipo a ua paku'i aku no oia i kekahi puupuu a waiho ana na maka o Ah Young iloko o ke kanikau. Ua hoomaka ih'o la laua e hakoko no 'kekahi manawa, a ua pilikia hoi o Mise Maud.

I kekahi mau hora mahope mai, ua kōmo aku oia ma ke keena ma,kai a hoike aku i ka mea i hanaia maluna ona. Ua ninaninau mai ke kakauolelo o ke keena iaia, eia nae, aohe i maopopo pono iaia e uwe ana paha keia wahine opio no kana ipo a i ole no kona eha paha i haawii'a mai ai e kana ipo o ka aina lenalena.

Eia nae, ua .komo mai ka manao aloha iloko o ke kakauolelo no ka wahine opio i hoopoinoia a ua hoounaia aku kekahi makai e hopu ia Ah 1 . Aole no nae i loihi kona manawa i noho ai ma ke ano he"paahao, ua kii.aku kekahi o kona mau hoaloha a pela iaia, eia nae, he mea makehewa wale no kei'a, aohe i pili hou mai o Miss Maud me ia, i kona puka ana mai ka halewai mai, ua lilo o Maud i ka ipo hou, a no ia mea, ua hoino iho la oia i na akua kii Pake i ka hikii ana mai i keia ulia pakalaki raa kona huelo.