Ka Nupepa Kuokoa, Volume XLI, Number 33, 14 August 1903 — Ua Haunaele ka Lakou Aha [ARTICLE]

Ua Haunaele ka Lakou Aha

MAUI, Aug. B,—Ma ka la elua i hala aku nei i ulu ae ai kekahi haunaele iwaena o na Pake ame na lapana o ka mahiko o P"aia. Ma ka manawa o ka la aia kekahi mau Pake ame kekahi mau lapana e noho piliwaiwai malie ana (pai kau) aka i ka manawa i ulu ae ai kekahi wahi hoopaapaa mawaena o kekahi Pake ame kekahi lapana ua lele aku la ka Pake a hili aku Ia i ke poo o ke Kepani me kekahi hao a ua eha loa ke t>oo o kona hoa o ka hana hookahi. Ma keia manawa ua aumeume iho la laua a no ka'laua uwa o ka hoailona hakaka ua umeia mai na hoa lahui o na kanaka a elua i kahi o ka hana, he aneane ma kahi o ka elua haneri ka nui. Ua ku aku keia huina nui e like me kona lahui iho, ma ka aoao o na mea hakaka. O ka hua o kela oia ka hailuku ana o na aoao a elua no ka paio ana, me na paukulaau, na pohaku, na kini na omole ame na laalaau a he lele huikau hoi kau iloko o ka lewa maluna o lakou iho. Aole no i liuliu loa keia haluku ana no ka mea, ua hoea mai la na lima o ke Aupuni a pau ana kekahi poe i ka paa, eia nae, he eiwa wale no, he elima Pake a he eha lapana. Ma ka la 7 mai, ua hookolokoloia ua •poe la imua o ka aha a ka Lunakanawai Copp o Mākawao a pau i ka hoopaiia e like me ko lakou mau kulana hihia pakahi iho.