Ka Nupepa Kuokoa, Volume XLI, Number 38, 18 September 1903 — Page 5

This text was transcribed by:	Kate Motoyama
This work is dedicated to:	sister vivian chu

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, SEPATEMABA 18, 1903. 3

Hoohaunaele

na Sela Moku

@ me ke ano holokake mau @ mea ola me elua wawae, na @ pela no ka hana a kekahi @ Amerika ma ka halekeaka @ ka po Poaono iho nei.

@ kela manuwa keia no luna o @ haukapila Solace, a e hulihoi @ ro Amerika mai ka Hikina mai.

I ka wa i malamaia ai na hana ke@ a noho ana he ekolu mau sela me ka paalole piha o ka oihana kaua @ o ke aupuni o Amerika Huipuia @ noho mamua loa. Ua hoike m@ @ ae ma ko lakou mau nanai@ hana ua paa lakou malalo o ka @ a ka waiona, a o na olelo, na @ ole a he mea hoi e ehaeha ai @ o ka poe kulana lede a @ paha.

@ lohe ana o Ferry, ka haole e @ keaka mai ana, i keia mau olelo @ ua olelo ae oia ua minamina @ i ka noonoo ana ae ua hele @ oia i ka honua a haawi i mau hana hoikeike malao o na have like @ o ka honua nei, aka, i kona hiki @ o ka honua nei, aka, i kona hiki hou ana malalo o ka have Amerika, kona hae ponoi, akahi no oia a lohe i na @ lapuwale e puka ae ana iloko o k@ anaina, a mailoko ae ia o ka waha o na sela e aahu ana i ka lole o ka oihana kaua moana Amerika.

I ka lohe ana o na sela i keia mea, ua pii koke ko lakou inaina a hoomaka koke e hoohaunaele me ke koi ana aku e hoihoiia mai ka lakou dala. Ua kuka@ ae lakou ia lakou mawaho o ka hale.

I ua poe nei e hauwalaau ana, ua nihi mai la o Hope Makai Nui Chillingworth ma no keia kahua, a i ka lohe ana o ua poe sela nei e pau no lakou i ka palukuia e na makai in a aole lakou e poho malie, ua mimino wale aiho la no ua poe nei a oki e holo ana.

E malamaia ana he halawai a ka Hui Poola o Honolulu ma keia ahiahi, hora @. E hiki ae ana o Komisina Rsenberg malaila e kamailiio ai maluna o ke kumuhana kukulu uniona.

Ma ka la 15 o kela mahina i mareia ai ma Kealia, Kauai, e Bihopa Restari@k o ka Hoomana Bihopa o Alice Makee Spalding ame Kauna Leonado Ercole Bonzi, ke kaukaualii Italia.

Aohe he wahi e ae e loaa ai ka hau kilima ame na meaono iloko o keia kulanakauhale no ke kumukuai haahaa e like me ka Hale puhi palaoa Kalahiki (Sunrise Bakery) ma alanui Nuuanu kokoke i ke alanui Beretania. Ua makaukau keia wahi no ka hookipa ana i na makamaka Hawaii.

Ua ala aku nei o H. H. Williams i Nu Ioka no ka hooponopono ana no ka hookele ana i laia o ka Ahahui Kanu Kupapau o Amerika Huipuia ma Honolulu. Ina he makemaka kou e komo iloko o kekahi ahahui kanu kupapau, he mea maikai e kali a hoi mai o Mr. Williams.

Ka Hoolalal Huakai a ke Elele.

Ke Keikialii Kalanianaole, ka Elele Lahui no ka Ahaolelo Nui o Amerika Huipuia, ka mea hoi i manao e haalele ia Hawaii nei no ka holo ana i Wakimekona ma mokuuahi Pekina, ua hoopanee aku ia kona holo ana a hiki i ka malama o Okatoba ae nei.

E kau aku ana ke Ka@liiwahine Kalanianaole ma ka mokuahi Siberia.

Nowai ia Hewa?

Ua manao ia i kekahi manawa o ka laau ea hohono a mulea ke hoopa iho eia ka i oi ae no ka hoonomaikai ana i ke kino. Ke ike nei kakou oia ano noonoo he hawawa. Aole he kumu e hoopoino ai ka laau i na ike o ke kanaka e like no me ka hoopoino ole ana o na mea ai e aiia ana e ke kanaka. Nolaila, o kekahi lanakila haaheo i loaa i ka hana laau o na makahiki pokole i k@hope ae nei oia paha ka kaou e olelo iho ai o ka hoopakele ana i ke ake mai ke anu mai. Ua ike no na mea apau i ka awahia ame ke ea ohonohono o kela laau oiai oia ma kona ano. Aole no i hoohewahewaia ka olelo a ka ha@ o na kanaka e olelo nei e alo @ poho kaumaha mau me ka ma'i mamua o ka law ana i ka cod liver oil a e hooikaika e hoohalike aku ua like no kona pelapela ame ke ino me ko ka aila maoli, me ka nana ole ae @ hoike e hoike ana ma ke ano okoa. A@ e kekahi o na kanawai o na mea mau, o ka laau e hoapono ole ai ke honi iho a pela no hoi ke hoona iho me ka @lehe, a e hoinoino ana i ka opu, aole @ e hoopuka mai ana i ka maikai ma ke ano he laau, no ka mea, ke kahea nui ka waihona loko o ke hkanaka e hoo@keleia mailoko ae o ka umii ana o ka@ha. Iloko o ka

WAMPOLE'S PREPARATION

AIa ilaila kahi o ka hookalakupua i noho ai, a eia hoi me makou ka hana eia alia aole hoi he hana okoa ae. O kona laau o keia au hou he onoono o like me kau e minoinoi ai i ka hone a i awaiauluia me na mea waiwai nui o ke ola ana o ka Pure Cod Liver Oil i laweia mai e makou mai ke akenaa mai o ka i'a cod makamaka hou loa, a hoohuihuiia me ka Compound Syrup o ka H@phosphites ame Extracts mai ka Ma@ ame Wild Cherry. E ae oluolu ana no ka puu moni ai iaia e kono aku iloo o ka opu e like me kona ae oluolu ana i ke kopaa, na mea ono i hanaia o kela ame keia ano a i ole o ke k@ma, e paee oluolu aku iloko o ka @. Ma ke lawe ana mamua o ka ai ana e hele aku no ia me ka maalahi @ ke kahua paa o kahi o halawai ai ka ai iloko o ka opu me ka lumilumiia me ka pono ole a hakoko aku no kou po@ e pale ana a e hoola ana i ka ma'i h@@luu, ka nele i ke koko, na ma'i o ka puu ame ke akemama ame nama'i i @ mai mamuli o ke koko maemae ole. Ua olelo ae o Kauka G. C. Shannon o @, penei: "E hoomau no au i kaua lawelawe ana me ia, ke hooia nei @ ua loaa mai ka pono nui i ka'u poe @ ame ke kulo ana o ka manao iloko ou." E pono e lawe aku i ka oiaio o ka cod liver oil; aole hoi o ka enaena. O kana hana kamahao mai ka hookumuia ana oia ka mea nana e ha'i aku i ka oiaio. E kaui@ no keia laau e ka poe kuai laau aupuni keia poepoe honua.

Nuhou o

na Aina E

KE KUPIKIPIKI-O MA MACEDO-

NIA.

SOFIA, Sept. 11--Ke loaa mau mai nei no na lohe mai na wahi like ole mai e hoike ana i na hana luku wale ame na hana hoomainoino. No keia mau lohe ke manaoia nei e ulu ae ana ke kaua, eia nae, he manaolana no e komo mai ana ma Mana a e hoonau i kela mau hana hookahe koko.

PERIN, Sept. 11.--ua Ho-aia ka ululaau o Perin i ke ahi a eia ke a nei oiai no e loaa mai ana ka lohe ke hakaka nei na Tureke me na kioi.

SOFIA, Sept. 11.--He eono haneri koa Tureke i hoopuehuia e na Macedoniana ma Ieletepe.

BERELINA, Sept. 11.--Ua holo aku nei no Beirut ka mokukaua Geremania "Moike" me 400 kanaka.

UA LAWE I KONA OLA IHO.

SANA JOSE, Kaleponi, Sept. 11.--O Isabela Clark, ke kaikamahine waiwai o ka Senatoa o Amerika Huipuia a onamiliona, ua lawe i kona ola iho. No ka inoino mai o ka manao ke kumu.

POWA IA KEKAHI HOTELE.

TACOMA, Wasinetona, Sept. 11.--Ua powaia kekahi hotele maanei a ua loaa aku he $1,600 ma ia hana karaina a lakou.

HOPUIA NO KE APUKA.

WASINETONA, D. C., Sept. 12.--Ma o ka noiiia ana o na hana aouka e pili ana i ke Keena Haleleta, ua puka hou ae kekahi mea kahaha loa ikeia la ma o ka hoopiiia ana o Luna Nana Haleleta Erwin o Kapalakiko e ke Kiure Kiekie. O Erwin ka lunanui o ka oihana lawe leta i na kuaaina a o Kapalakiko kahi o ke keena nui. O Hawaii kekahi i komo malalo o kana hoomalu ana. Ua hoopiiia o Erwin no ke apuka no na mea e pili ana i ke kuai ana i na pahu leta.

MOKU LAWE KOA NO HONOLULU.

WASINETONA, D. C., Sept. 12.--Ua oleloia ae ma ke Keena Kaua e hooliloia no o Honolulu i wahi ku no na moku lawe koa no na Pilipine.

HOONAUEUE KE OLA'I.

PORTLAND, Oregona, Sept. 12.--Ua hoonaueue ae ke ola'i aupuni o Oregona ame Wasinetona. Aohe he poino i loaa mai.

LUKUIA ME KA MENEMENE OLE.

SALONICA, Sept. 12.--He ekolu haneri ka nui o na kipi i lukuia mahope o ko lakou haawipio ana.

HOAKOAKOAIA NA KOA O BULU-

GARIA.

SOFIA, Sept. 13.--E hoakoakoa koke ia ana na koa Bulugaria i ka loheia ana mai eia he 60,000 koa Tureke kokoke i ka palenaaina.

LADANA, Sept. 13.--E komo aku ana paha na mana nui e hoomalu a hoihoi hou i ka maluhia mawaena o Bulugaria ame Turkee.

ROMA, Sept. 13.--Ua hoouna mai o Tureke i ka lohe ia Italia e loaa koke no ka maluhia ma Macedonia.

KE KAU KUIKAWA.

OYSTER BAY, Sept. 13.--Aohe he kau kuikawa o ka Ahaolelo Nui mamua o Novemaba 9.

HE ULA KUPAIANAHA.

NORFOLK, VA., Sept. 13.--Ma o ke pahu ana o kekahi pahu alekohoia maluna o ka mokukaua Olvinoia ua make loa le elua kanaka a eha hoi he mau kanaka okoa iho no.

DAINAMAITAIA KA BANAKO.

VALLEY SPRINGS, S. D., Sept. 13.--Ua dainamaitaia he banako maanei e ewalu kanaka i uhiia na helehelena ma keia po a pakele aku me kekahi huina i oi aku maluna o $5000.

EKOLU HANERI KINO MAKE.

NU IOKA, Sept. 13.--Ua hiki mai maanei ke kino o 200 koa i make mai Manila mai i keia la maluna o na moku lawe koa Kilpatrick.

HOOPUPU O RUSIA.

WASINETONA, Sept. 13.--Ua hoea mai kekahi mau kuaua koikoi maanei a ua halanaia ke taona ame na wahi e kokeke mai ana i kahi o ka waikahe.

IAPANA KU-E IA RUSIA.

SHANGHAI, Kina. Sept. 13.-Ua waiho aku ke Kuhina Iapana ma Pekina i kana ku-e imua o ke Aupuni o Kina i ka haawi ana aku i manawa no Rusia e houlolohi iho ai i kona hookaawale ana aku mai Manakuria aku, a na keia mea i wehe hou ae nei i ka ninau e pili ana i ka Hikina.

LOAA I KA MAKANI INO.

NASSAU, Sept. 13.--Ua loaa mai ka lohe ma na mokuahi i ku mai maanei i keia la ua hoea aku ka makani ikaika ma na mokupuni o Bahama o ua nui na ola ame ka waiwai i poino.

KE ANAINA IKE POPE MUA.

ROMA, Sept. 13.--Ua haawi ae o Pope Pius X i kana anaina hookina akea mua i keia la.

E LILO ANA PAHA I REPUBALIKA.

BOGOTA, Colombia. Sept. 13.--Ke maka'u nei ke aupuni e kukaia ae ana ka Apana i Panama i kona kuokoa mai Colombia mai. Alaila, e hoao aku ana ka poe kipi e hui me Amerika Huipuia no ke kukulu ana i ke alawai.

MENEMENE OLE KA HANA.

SOFIA, Bulugaria. Sept. 13.--Ua puhi ahi ia he nui o na kauhale a he 22 Bulugariana i okiia na poo ma Alamagik.

Ua kupilikii mai na kanaka Kristiano ma Manasti@ a ke maka'ula nei e ulu ae ana kekahi luku ana.

UA PIHOLO PAHA.

LADANA, Sept. 13.--Ua loaa mai ka lono maanei ua piholo kekahi moku lawe koa e lawe ana i kekahi mau koa no Inia.

E WAIHO MAI ANA I KE KULANA.

VIENNA, Auseturia. Sept. 13.--Ke kamailio nei e waiho mai ana o Emeperia Franz Joseph i ma kona ano ke Moi no Hunegari.

WAIHO AKU I KE KU-E.

PEKINA, Kina. Sept. 13.--Ke koi ikaika nei o Chung Tung, ke poo o ke Keena Kalepa i na kuhina Pake e noi ikaika aku ia Keikialii Ching e hoolei i ke koi a Rusia no ka hookaulua ana iho i kona haalele ana mai ia Manakuria.

Na Luna Kalana

a ka Repubalika

(Mai ka aoao i mai.)

Kaawale . . . 1

Huina . . 123

O Rawlina ka moho ma keia kulana.

PUUKU.

Na A. L. C. Atkinson i waiho mai ka inoa o S. E. Damon a ua hooholoia me ka lokahi.

ANA AINA.

Na Senatoa Achi i waiho mai ka inoa o R. N. Boyd, a ua lokahiia no ka loaa ole o kekahi mea makemake e holo ma keia kulana.

NA LUNAKIAI AKEA.

Na Nawaakoa i waiho mai ka inoa o Geo. F. Renton. ka "Rusewela o ka Apana Ellma" wahi a Nawaakoa. Na N. Fernandez i waiho mai ka inoa o John C. Lane, na Luahiwa mai o J. H. Boyd, na A. L. C. Atkinson o Mark Robinson, a na C. Hustace Jr. o John Lucas.

Eia iho ke koho ana:

Geo. F. Renton . . . 83

John C. Lane . . . 63

J. H. Boyd . . . 33

Mark P. Robinson . . . 80

Jack Lucas . . . 68

Geo. F. Renton, M. P. Robinson ame John Lucas na moho i puka.

NA LUNAKIAI APANA.

Kauoha aku ka lunahoomalu e malama na elele o na apana pakahi i ka lakou halawai no ka noonoo ana i ka lakou mau moho.

NA LUNAKIAI-APANA ELIMA.

Frank Pahia . . . 42

S. C. Dwight . . . 33

Chris. Holt . . . 23

Cari On Tai . . . 9

O Frank Pahia ame S. C. Dwight na moho lunakiai o ka Apana Elima.

KOMITE KALANA. APANA ELIMA.

Eia iho ka papainoa o na lala o ke komite apau o ka Apana Elima.

Mahela Ekahi--John Bell.

Mahele Elua--Andrew Adams.

Mahele Ekolu--Andrew Cox.

Mahele Eha--C. J. Holt.

Mahele Elima--D. Douglas.

Mahele Eono--G. W. Nawaakoa.

Mahele Ehiku--Dan Kamakauahoa, Wm. Henry, Isaac Cockett.

Mahele Eiwa--Jas. Shaw, Horace Crabbe.

Mahele Umi--Chas. Broad.

NA LUNAKIAI APANA EHA.

He ekolu manawa i malamaia ai ke koho ana no na lunakiai o ka Apana Eha, a ma ka balota ana, ua puka o J. A. Gilman ame A. Hocking.

KOMITE KALANA, APANA EHA.

Mahele Ekahi--W. W. Harris, J. Luahiwa.

Mahele Elua--G. B. McCellan, Hiram Kolomoku.

Mahele Ekolu--R. N. Boyd.

Mahele Eha--E. C. Peters, E. W. Quinn, W. W. Carlyle.

Mahele Elima--Sam Johnson.

Mahele Eono--W. S. Fleming.

Mahele Ehiku--T. H. Hughes.

Mahele Ewalu--T. J. King, Chas. Zeigler, J. C. Quinn.

Ua hoopanee ka aha he 20 minute i hala ka hora 10 o ka po Poakolu nei me ka holopono o na hana apau.

Ua hopuia o H. Alama, he Hawaii, ma ka Poakolu nei no ka ai hue i na medala hoohanohano o Kakiana Anami o ka pualikaua Iapana.

Ma ka Hue e Ikeia ai ka Laau

Mr. Lunahooponopono: He mea maikai ole i ko'u manao ka hooiha wale aku no i na kolamu o kau Nupepa me na manao paio waiwai ole. Oiai nae ua hoopukaia kekahi mau manao e pili ana no'u ma ke "Kuokoa" o ka pule i hala, he mea pono paha ia'u e pane aku no kekahi mau ninau kalaiaina i hoalaia e ko'u hoa naia ma kana leta akea.

He oiaio, e like me na mea i oleloia e kuu makamake aloha o na la i hala, aole au he Rpubalika i ka manawa a'u i waiho aku ai i kuu palapala waiho i ka Noho Peresidena o ka ahahui. Ma na rula naauao nae, i ka Mana Hookohu wale no e waiho ia ai na palapala o keia ano. A oiai, na na hoa o ka Ahahui au i koho mai i Peresidena, aole na ka Aoao Repubalika (He mea uhane ole) nolaila no au i waiho aku ai, ma ka halawai mua loa i kahea ia mahope iho o ko'u haalele ana i ka Aoao, ua waiho ia ia palapala imua o na hoa. Ua hoole ia nae e ka Luna hoomalu A. S. Mahaulu, ka heluhelu ia ana o keia palapala imua o ka halawai me ke noi mai no o na Hoa e heluheluia. Ina ua hewa au ma keia hana ana, alaila, ua kuhihewa maoli au i na loina i a'o ia i ko makou wa kamalii.

No na mea e pili ana i ke kulana o ke alakai kalaiaina ma kekahi mahele koko ma na hana koko balota, hookahi no kulana i hoomaopopoia. Maluna o ke alakai ke koikoi o na hana apau o kona apana. Ina no ka lanakila, nona na hanohano ame ka mahaloia e kona aoao. He meahou ia'u ke kuhi ana ae o kekahi alakai kalaiaina, i lanakila ka aoao ma kona apana i ka Moho a mau Moho paha. I ku no ka moho i ke kakoo ia e na Ahahui Kalaiaina ma kela ame keia Mahele. Nolaila ua kuhihewa iki naha kuu hoa paio i ke kaena ana, i lanakila ka aoao Repubalika ma Waialua nei i kekahi Moho i oleloia.

Ae hoi! "Ma ka hua e ikeia ai ka Laau." He olelo oiaio keia, a ke hoopili ae no hoi la i na hana o keia apana, he mau hua pokeokeo no ka i hoohua ia mai mahope a ke kukuluia ana o ke kumulaau Repubalika hou ma ko'u makalua, eia ua mau hua ia i ikeia e na maka o ka lehulehu:

Ua haalele iho he kanaha a oi aku mau hoa o ka AHahui Repubalika o Waialua nei. Pela ka heluna i hoikeia mai ia'u e kakou nei, a ua manao wale ia e haalele ana he mau hoa lehulehu hou aku a koe wale aku no na Luna Aupuni ame na paahana a ka Mahiko. O ka lua o na Hua i ikeia iwaena o na Elele Repubalika i holo moho i ka la koho i kaa hope ae, a ka Moho haahaa loa i koho ia, oia no ke alakai hou o ka Aoao Repubalika ma keia @oana, kuu hoa hoi e paio aku ai ma ka ia hakoko a ke Kalana e hiki mai ana. Ilaila aku e ike lea ia ai, owai ia o mana ka ihilinaiia e na makaainana o ka Ehukai.

Malia paha, e i mai ana kuu hoaloha o na la i hala. I haule no ka aoao Repubalika ma Waialua nei no ke kaawale ana aku o ka Elele Alii mai k@ia mau paemoku aku.

C. P. LAUKEA.

HOOLAHA HOOKO MORAKI.

HOOLAHA MANAO PANIKU A KU-

AI A KA MEA MALAMA MORAKI

O KA MEA PAA MORAKI.

JAMES OSBORNE.

I kulike ai me ka mana kuai iloko o kekahi moraki i hanaia e James Osborne ia S. M. Damon, J. H. Fischer ame H. E. Waity, he poe lawelawe oihana banako iloko o Honolulu malalo o ka inoa hui o Bishop and Company, i hanaia ma ka ia 10 o Feberuari, A. D. 1899, a i kakau kopeia iloko o ke Keena Kakau Kope, Oahu, iloko o ka Buke 187, ma ka aoao 355-357, a na ua Bishop and Company nei i oleloia i waiho pono aku ia H. A. Juen, ma ka la 8 o Sepatemaba, A. D. 1903, a ua waihoia aku i keia manawa no ke kakau kopeia ana ma ke Keena Kakau Kope i oleloia, ma keia ke haawiia aku nei ka hoolaha o ka mea malama moraki i oleloia o ka mea paa moraki ke manao nei e paniku i ka moraki i oleloia no ke kumu i uhaila, e hoike ana,--o ka uku ole ia o ke kumupaa ame ka ukupanee i ka manawa e uku ai, a maluna o keia paniku e kuai kudala akea ia aku ai, ma na lumi kudala o James F. Morgan, Alanui Kaahumanu, Honolulu, ma ka Poaono, ka la 10 o Okatoba, ma ka hora 12 awakea o ka la i oleloia, na aina i hoakakaia ma ka moraki i oleloia, oia keia e hoakakaia aku ana malalo iho.

No na mea aku i koe, e loaa no mai ka mea mai nona ka inoa malalo iho ma kona keena, Helu 79, Alanui Kalepa (Merchant St.,) Honolulu.

H. A. JUEN,

Mea Malama o ka Moraki.

1. O kela apana a mahele o ka aina e waiho la maikai o ke alanui aupuni ma Maulukikepa, Waikiki, Mokupuni o Oahu, a he hapa keia o ka Palapala Sila Nui Helu 3579, L. C. A. Helu 5240 ame Helu 5364 ia Kalama ame Nakookoo, a oia no hoi ka aina i hooliloia i ka mea moraki mai i oleloia ma ka palapala kuai aina mai a F. Meyer mai, i hanaia ma Okatoba 6, 1896, a i kakau kopeia iloko o ke Keena Hoona Aina iloko o Honolulu i oleloia, iloko o ka Buke 164 ma na aoao 280-1, a i apoia a hoakakaia e like me keia malalo iho:

E hoomaka ana ma ke kihi Hema o keia apana a holo e like me keia malalo iho e like me na kuhikuhi makeneki:

1. Akau 45 degrees Komohana 1056 kapuai holo ma ka pa-hale o Loiloa;

2. Akau 51 1/2 degrees Hikina 9.2 kapuai;

3. Hema 38 1/2 degrees Hikina 6. 0 kapuai;

4. Akau 42 degrees Hikina 123.0 kapuai holo ma ka apana i kuaiia ia Haupuu;

5. Akau 53 degrees Komohana 7.0 kapuai holo ma ka apana i kuaiia ia Haupuu;

6. Akau 42 degrees Hikina 103.0 kapuai holo ma ka apana i kuaiia ia Lono;

7. Akau 50 degrees 20' Komohana 101.0 kapuai holo ma ka apana i kualia ia Lono;

8. Akau 43 degrees Hikina 10 kapuai holo ma Kahue;

9. Akau 48 degrees Komohana 50.5 kapuai holo ma Kahue;

10. Akau 73 degrees Hikina 159.0 kapuai holo ma ka Waiwai o Bihopa a hiki i ke alanui;

11. Hema 65 degrees Hikina 109.6 kapuai holo ma ke alanui a hiki i ka pa:

12. Hema 43 degrees Komohana 279.0 kapuai holo ma pa pohaku;

13. Hema 41 degrees Hikina 105.6 kapuai holo ma ka pa pohaku;

14. Hema 52 degrees Komohana 132.0 kapuai holo ma ka pa pohaku a hiki i kahi i hoomaka ai, a nona ka iliaina o 93-100 eka.

2. O kela apana a mahele o ka aina e waiho la ma ke alanui aupuni ma Kapaakea iloko o Waikiki i oleloia, a e pili ana hoi me ka aina i hoakaka mua ia ae nei, a he hapa hoi o ka Ili o Kapaakea, Palapala Sila Nui Helu 4475, L. C. A. Helu 7713, Apana 39, ia V. Kamamalu, a i apoia a hoakaka pono loa ia e like me keia malalo iho:

E hoomaka ana ma ke kihi Akaukomohana o ka Palapala Sila Nui Helu 3579, L. C. A. Helu 5240 ame 5364 ia Kalama ame Nakookoo, a holo e like me keia malalo iho e like me na kuhikuhi makeneki:

1. Akau 65 degrees 00' Komohana 86 kapuai holo ma ke alanui;

2. Hema 42 degrees 00' Komohana 112 kapuai a hiki i ke kihi o ka Palapala Sila Nui 5379;

3. Akau 73 degrees 00' Hikina 159 kapuai holo ma ka Palapala Sila Nui 5379 a hiki i kahi i hoomaka ai, a nona ka iliaina o 4611 kapuai kuea.

O keia no hoi ka aina i hooliloia i ka mea moraki mai i oleloia e na Kahu malalo o ka Palapala Kauoha o B. P. Bishop ma kekahi palapala kuai aina i hanaia ma Feberuari 4, 1899.

8980--Sept. 11, 13, 25.--Oct. 2, 9.

AHA HOOKOLOKOLO KAAPUNI,

ELUA.

WAIWAI O KAMOKU.

Iloko o ka hana o ka Wawai o Kamoku

HOOLAHA I KA POE AIE.

Ma keia ke haawiia aku nei ka hoolaha i ka poe apau i loaa na koi i ka Waiwai o Kamoku o Honuaula, Maui, mea i make kauoha, e waiho mai i ua mau mea nei i ka mea nona ka inoa malalo iho. Lunahooponopono me ka palapala hooilina i pakuiia, o ka Waiwai i oleloia, ma kona wahi noho ma Waiehu, a i ole, ma ke keena o D. H. Case, Wailuku, Maui. Iloko o eono mahina mai ka la i hoopukaia aku ai keia hoolaha a in a aole, e kaupale loa ia aku no lakou.

JOHN LANI,

Lunahooponopono me ka palapala hoo-

ilina i pakuiia o ka Waiwai o Ka-

moku (w)

Wailuku, Maui, Augate 2@,1903.

2979--Sept. 4, 11, 18, 25.

E. Hakaka hou aku ana o Millett.

Ma na nupepa o Kapalakiko i ikeia iho ai e hakaka ana o Millet, ke kaeaea ku'ku'i puupuu iho nei o keia kulanakauhale me Johnson, he haole akamai i ka pelepele.

He manawa ae nei i hala, ua manaoia o Johnson kekahi mea e aa ana e hakaka me Jeffries, ka moho pelepele o ke ao nei i keia wa, eia nae, aohe i hookoia keia mea. Ua oleloia he kanaka akamai a oolea o Johnson, a in a e lanakila ana o Millet maluna on a, e lilo no o Millet i kanaka kaulana iwaena o na kanaka pelepele. O J. C. Cohen ko Millet alakai.

E Malama i kou Ili

KE ANO O K AMALAMA, HOOMAEMAE ME KA HOOUI ANA I KA @

A ME KA HELEHELENA.

No ka malama, hoomaemae a me ka hooui ana i na ili, i ole ai e loaa i ka huehue, ili pohaku, ili akaakaa wale, kolekole, lena, hou @ui, ili pakakaka, ili lahilahi, a i na ano kinaunau lehulehu wale o ka ili, aole loa kekahi kopa ili a helehelena paha e hiki ke hoohalikela me ke HOPA KUTICURA, no na mea, aohe kopa e ae e hiki ai ke imi aku a loaa na kumu penei: ka paakiki, apehupehu a hoopaaia paha o na pukapuka o ka ili.

E Malama i kou Lauoho

KE ANO O KE PALE ANA I KA LAUOHO HELELEI NA EHAEHA O

KA ILI POO ME KE KEPIA.

E hoioi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, hamo malie me ke KUTICURA, ka laau hamo maemae loa, ke komi malie ia a komo iloko o ka ili o ke poo. O kela wahi laau hoonui lilo ele, iloko o kona ano ole, he oi aku o ka maikai no ka hoomaemae ana i ka ili o ke poo, a e paa ana ka ekaeka o ka lauoho me ka ili, a me ke kepia, e oluolu ana na aai eha, ka weweia, a e hooikaika ana i na kumu lauoho, e hoolawa ana i naa me na mea kupono e ulu ai, a e ulu auanei ka lauoho maluna o ka ili maemae, a ola maikai no hoi, ma kahi i nele ai i na laau e ae a pau.

E Malama i kou Lima

KE ANO O KA HANA ANA I NA LIMA A PALUPALU ME KE AIAI I KA

PO HOOKAHI.

E holoi a lumai i na lima i ka wa e makaukau ai e moe, iloko o ka huehua KOPA KUTICURA manoanoa hoi i hoopumehanaia. Hoomaloo pono o hamo puni me ke KUTICURA HAMO, ka laau hoola ili oi loa, a o ka oi ake no hoi o ka laau hamo maemae loa. F.Komo i mikilima alualu i ka po, me ka hana nae i mau pukapuka ma na manamana. No na lima ula, kalakala, a mokumoku, maloo nakakaka, maneo, owelawela o na poholima, malao kekee, me na manamana hu'i, o keia lapaau ana no hookahi po wale no ka mea kepanaha loa, a he mea hoopomaikai no hoi i ka poe a pau i eha, mokumoku kalakaia a lahilahi paha o na lima.

O POTTER DRUG AND CHEM. COMP., Boston, U. S. A., na On a o na laau CUTICURA a pau loa.

Mea

PAANI AME HOOIKAIKA KINO

Kahi o

Pearson & Potter Co.,

LIMITED.

ALANUI HOTELE ME UNIONA

HOOKAHI PA HAUKALIMA ME KA MEAONO NO : 10 KENETA

HOOKAHI KIAHA WAIU ME KA MEAONO NO : : : 10 KENETA

MA KA HELKUAI PUHI PALAOA

SUNRISE BAKERY

Alanui Nuuanu kokoke i Alanui Beretania.

O ka Hau Kalima (Ice Cream) e hanaia nei maanei mai ka waia maikai a momona maoli i loaa mai ai, oiai o na meaono e hanaia nei aia ma ke ano maikai loa. He hookoia na kauoha palaoa me na meaono o na ano apau no ke kumukuai kupono. E hele nui mai.

HOOLAHA HOOKO MORAKI.

LOOHALA MANAO PANUKU A KUAI

A KA MEA PAA MORAKI.

I na mea apau e pili ana i keia:

I kulike ai me ka kanawai ame ka pono o ka mana kuai iloko o keia palapala moraki i hanaia e How Chong ame Chong Dow, ka mea moraki mai ia W. G. Irwin, J. A. Cummins, ame W. D. Alexander, na Kahu no ka Oahu Railway and Land Company, ma mea Paa Moraki, i hanaia ma ka la 29 o Novemaba 1890 a i kakau kopeia ma ke Keena Hoona Aina Hawaii ma Honolulu , Oahu iloko o ka Buke 129 ma na aoao 135-137, a o ua moraki nei ua haawiia i ka Oahu Railway and Land Company i kakauia malalo iho, a ma keia manawa oia ka mea e paa nei a on a hoi o ua mea nei, e na Mea Paa Moraki i olelo mua ia ae nei, ma kekahi palapala haawi kuleana i hanaia ma ka la ekahi (1) o Ianuari, 1897, a i kakau kopeia ma ke Keena Hoona Aina i oleloia ma ka Buke 171, aoaoa 67 et. seq., a ke haawi pu ia aku nei ka hoolaha o ka Oahu Railway and Land Company, ka mea malama moraki o ka moraki i oleloia, ke manao nei e paniku i ua mea nei no ke kumu i uhaila no ka uku ole la o ke kumupaa ame ka ukupanee o elua palapala uku ale o ka huina o $125.00 pakahi, a i hoopaaia ma ka moraki i oleloia.

Ke haawi pu ia aku nei no hoi ka hoolaha mahope o ka pau ana o ekolu pule mai ka la i hoopukaia aku ai keia hoolaha, e hoolahala aku no ka waiwai i hoopaaia ma ka moraki i oleloia no ke kuai kudala ia ma ke akea, a e malamala ua kuai nei ma na lumi kudala o James F Morgan ma Honolulu ma ka Poaono ka la umi (10) o Okatoba, 1903, ma ka hora 12 awakea o ka la i oleloia.

O ka waiwai i hoopaaia ma ua moraki nei i oleloia a i manaoia e kualia aku e like me ka mea i hoike mua ia ae nei, ua hoakakaia e like me keia malalo iho:

O keia apana a mahele o ka aina e waiho la ma Pearl City iloko o ka Apana o Ewa, Mokupuni o Oahu, a i hoakaka maopopo loa ia he Apana 3 iloko o Kuea 8 maloko o kela palapala aina a kii i kakau kope la iloko o ke Keena Hoona Aina i oleloia ma ka Buke 121 ma na aoao 243-244.

Goo Kima

\MALAILA E LOAA AI NA

Mea Kuai âme na Mea Nani Like Oia.

Perry Block, Kihili o na Alanui Hotele ame Nuuanu.

Loaa mai na Pono Hoa ma na Mokuahi Apau.

O na mea apau e like me ka mea i oeloia.

Na Pila Meakanai Liilii.

Nona ka iliaina o 11,250 kapuai kuea.

Ma ke dala gula Amerika, a ma ka aoao o ka mea kuai mai ka lilo palapala kuai.

No na mea aku i koe, e loaa no ia Hatch & Ballou, na lolo o ka Oahu Railway and Land Company, ka mea malama o ka moraki i oleloia.

Hanaia ma Honolulu, Sepatemaba 3, 1903.

OAHU RAILWAY AND LAND COM-

PANY,

Ka Mea Malama o ka Moraki.

2879--Sept. 4, 11, 18, 25.

HEAHA KA LAAU HAMO EHA?

O ka Laau Hamo Eha a CHAMBERLAIN, he laau ia no ka hapalapala ana mawaho iho, a ua kupono hoi na ka hoohanaia ana e like ae la me keia a ua loaa no hoi iaia he mau mea maikai i oi ae mamua o na laau hamo o keia ano. He laau maikai loa keia no ka rumatika. He mau tausani o na ma'i i hoikeia mai ua hoolaia ae lakou mahope o ka hoao ana i na laau o na ano like ole me ka loaa ole o ka maha. Ua hiki loa ke hooiaiola aku ua hiki i ka Laau Hamo Eha ke hoola i na rumatika ikaika loa e eha kukonukonu hoi.

Ua hiki i ka Laau Hamo Eha ke hoola i na palapu e like me ka papaa i ke ahi, pau i ka wai wela, iloko o ka manawa pokole loa. He laau hoomaemae no hoi keia, oia hoi, aohe he hiki i ka palahehe ke paa mai i kahi o na eha, na ia mea, aohe e loaa ka mea ma'i i ka linalina i ka manawa e oia, ae ai ka eha. No ke kua haneenee, eha o na ami, ame ka neuralagia, aohe he lua e loaa aku keia. Ua loaa iaia ka mana kupono e hiki aku ai ma kahi o ka ma'i e noho pono ana, a na ia kumu, aohe on a lua e like ai. O ka mea i loohia i kekahi o keia ano ma'i, mea i loohia i kekahi o keia ano ma'i., mai hookaulua i ka lawe koke ana i ka mea e loaa ai ke ola. I ka lawe mua ana no e hoomaopopoia iho ai ka pono ame ka pono ole. E hoao BENSON, SMITH & CO., na gena kukaa nana e kuai nei.

Ua ku mai ka Lehua i ke ahiahi Poakolu nei me kekahi kanaka pupule mai ke Kahua Ma'i mai o Molokai. He kokua kela kanaka me ke kahua a no kona hoao ana e pokepoke i kekahi hoa kanaka me ke ko'i, ua hopaaia ola.