Ka Nupepa Kuokoa, Volume XLI, Number 39, 25 September 1903 — HEMO IA MAU KANAKA REPUBALIKA. Haalele Kumalae, Boyd, C. Wilikoki i ka Aoao Repubalika. Komo i ka Aoao Home Rula, a me na Aahu Home Rula Lakou e Ola nei—He Akehi Oana Paha? [ARTICLE]

HEMO IA MAU KANAKA REPUBALIKA.

Haalele Kumalae, Boyd, C. Wilikoki i ka Aoao Repubalika.

Komo i ka Aoao Home Rula, a me na Aahu Home Rula Lakou e Ola nei—He Akehi Oana Paha?

E like me ka paila ikaika loa o na hana kalaiaina no na hana koho balota o ke kulana aupuni kalana i keia manawa ua ikaika loa ka paila ana o ka wai wela a hemo aku mawaho o ka pa o ka aoao Repubaiika kekahi mau hoa koikoi a ikaika loa o ia aoao kalaiaina aole o ia wale aka ua poholo aku iloko o kekahi pa, ka aoao Home Rula. Ua waiho aku o Lunamakaainana Jonah Kumalae, James H. Boyd (Kimo Boe) Chas. Wilikoki, ke kaikaina o ka Elele i pau ka Hon. R. W. Wilikoki, C. W. Booth ame D. H. Kahaulelio i ko lakou pili me ka aoao kalaiaina Repuhalika a komo aku la i ka aoao Home Rula a ke aahu nei i na lako o ka aoao Home Rula. No Kumalae ua hoike akea io ae oia i kona haalele ana i ka aoao Repubalika kahi ana i paio ikaika ai me ka pauaho ole a komo aku la iloko o ka aoao Home Hula a wahi ana e paio ikaika ana oia e like me ka ikaika i loaa iaia no ka pono pililaula. Ua oleloia o kekahi kumu o ko Kumalae haalele ana i kona aoao mua i ku ai oia no ka haawi ole ia ana iaia o ke kulana lunahoomalu o ka Ahaolelo i hala aku nei. Eia nae, ua hoike pu ae no ua Kumalae nei o kekahi

kumu nui o kona waiho ana i ka aoao kalaiaina oia ka hoao a hana ia o keia ano e lumai a hoihoi i na Hawaii i hope a i lalo paha i na manawa apau. Wahi ana aole he hewa o ka aoao kalaiaina aka o ka poe oloko olaila ka hana apiki. O ka Kimo Boe hoohalahala hoi oia no na leo ikaika a ka Nupepa Adavataisa he nupepa Repubalika ame kekahi mau pepa e ae, a ina aole he makemake na nupepa repubalika ame ka poe repubaiika i na Boe alaila e hemo aku lakou a hui aku me na Home Rula. Ua manaoia e apoia mai ana o Boe i moho holo balota luna aupuni kalana eia nae ua hoohalahala kekahi mau Home Rula no ka mea na na Home Rula oia i hoonoho aku ma ka noho Lunanui o na Hana Hou o ke Aupuni eia nae ua manao ole ia mai lakou (Home Rula.) Aole i maopopo loa na kumu o ko Booth komo ana iloko o ka aoao Home Rula ame kekahi mau ha e iho aka hookahi mea i maopopo loa oia ka lilo ana o ia mau lala Repubalika i mau Home Rula ke kumu i kukala leo nui ai na nupepa o ka malele ana aku o kekahi o keia mau hoa oia ka waiho maemae ana iho o ke kahua kalaiaina Repubalika.