Ka Nupepa Kuokoa, Volume XLI, Number 44, 30 October 1903 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

2          NUPEPA KUOKOA, OKATOBA 30, 1903.

 

KA MOOLELO KAAO O LAIEIKAWAI

 

KA HIWAHIWA O PALIULI, KA WAHINE O KA LIULA.

 

            "Ina e hele mai ua kaikamahine nei a'u a ku iloko o ke kai, he kaikoo ma ka moana, ina e ku ma ka aina, lulu ka makani, malu ka la, ua ka ua, ku'i ka hekili, olapa ka uwila, opaipai ka mauna, waikahe ka aina, pualena ka moana i ka hele a kuu kaikamahine Haku."

            A no keia olelo a ka Makaula, lilo iho la ia olelo ana i mea eehia no na kanaka a puni ka aha. Aka hoi, o ka poe nana na kaikamahine puupaa, aole o lakou oluolu.

            Nolaila, koi ikaika ae la lakou i ke Alii, e hoopaaia iloko o ka hale paehumu (Hale paahao) kahi e hoopaa ai i ko ke Alii poe lawehala.

            Ma ka manaopaa o kona poe enemi, hooholoia ae la ua Makaula nei e laweia iloko o kahi paa, a malaila oia e noho ai a make.

            Ma ka la o ua Makaula nei e hoopaaia'i, a ma ia po iho, ma ka wanaao, pule aku la oia i kona akau, a ma kona ano Makaula, ua hiki aku la ka leo o kana pule imua o kona akua. A ma ka malamalama loa ana ae, ua weheia ka puka o ka hale nona, a hele aku la oia me kona ike oleia mai.

            Ia kakahiaka, hoouna aku la ke Alii i kona Ilamuku e hele aku e ike i ka pono oua Makaula nei maloko o kahi paa o ke Alii.

            A hiki aku la ka Ilamuku mawaho o ka hale, kahi i hoopaaia'i ka Makaula, a kahea aku la oia me ka leo nui.

            "E Hulumanini e! E Hulumaaniani e!! E ka Makaula o ke akua!!! Pehea oe? Ua make anei oe?" Ekolu hea ana o ka Ilamuku i keia olelo, aole nae oia i lohe i kekahi leo noloko mai.

            Hoi aku la ka Ilamuku, a ha'i aku la i ke Alii, "Ua make ka Makaula."

            Ia manawa, kauoha ae ia ke Alii i na Luna o ka Heiau, e hoomakaukau no ka la e kauwila ai ka Heiau, a kau aku i ka Makaula ma ka lele imua o ke kuahu.

            A lohe ka Makaula i keia mea ma kahi haawale aku, a ma ia po iho, lawe aku la oia hookahi pumaia, ua wahiia i ke kapa me he kupapau la, a hookomoia iloko o kahi i hoopaaia'i ua Makaula nei, a hoi aku la a hui me kana mau kaikamahine, a ha'i aku la i keia ma mea, a me kona pilikia ana.

            A kokoke i ka la kauwila o ke Heiau, lawe ae la ka Makaula ia Laieikawai, a me kona mau hoa pu maluna o na waa.

            I ke kakahiaka nui hoi o ka la e kauwila ai ka Heiau, kiiia aku la ke kanaka o ka Heiau, a i ke komo ana aku o na Luna o ke Alii, aia hoi, ua paa i ka wahiia, laweia aku la a waiho maloko o ka Heiau.

            A kokoke i ka hora e kauia'i ke kanaka ma ka lele, akoakoa ae la na mea apau, ame ke Alii pu; a hiki ke Alii iluna o ka anuu, laweia mai la ua pumaia la i wahiia a kupon omalalo o ka lele.

            I aku ke Alii i kona mau Luna, "E wehe i ke kapa o ke kupapau, a kau aku iluna o ka lele i hoomakaukauia nona."

            I ka wehe ana ae, aia he pumaia ko loko, aole ka Makaula ka mea i manaoia. "He puamaia keia! Auhea hoi ka Makaula," wahi a ke Alii.

            Nui loa iho la ka huhu o ke Alii i na Luna o ka Halepaahao, kahi i hoopaaia'i ka Makaula.

            I kela manawa, hookolokoloia iho la kona mau Luna. Ia manawa hoi e hookolokoloia ana na Luna o ke Alii, hiki mai ia ua Makaula nei me kana mau kaikamahine maluna o ke kaula, a lana mawaho o ka nuku muliwai.

            Ku mai la ka Makaula ma kekahi waa, a o na kaikuahine o Aiwohikupua ma kekahi waa, a o Laeikawai hoi iluna o ka pola o na waa kahi i ku mai ai, iloko hoi o kona puloulou Alii kapu.

            Ia wa a lakou e ku la ma Laieikawai, lulu ka makani, malu ka la, kaikoo ke kai, pualena ka moana, hoi ka waikahe o na kahawai Makaula i ka pau o Laieikawai a waiho iuka, ia wa, kui ka hekili, hiolo ka Heiau, haihai ka lele.

            A pau keia mau mea i ka hoikeia, i nana aku ka hana o Aiwohikupua, ame na mea e ae, e ku mai ana o Laieikawai maloko o ka puloulou Alii kapu iluna o na waa. Ia manawa, kanikani pihe aku la ka aha. "Ka wahine maikai--e! Ka wahine maikai--e! Kilakila ia e ku mai la!"

            Ia manawa, naholo mai la na kanaka a ku mauka o kahakai, hehi kekahi maluna o kekahi i ike lea aku lakou.

            Ia manawa, kahea aku la ka Makaula ia Aiwohikupua, "Mai hoahewa aku i kou mau Luna, aole wau na lakou i hookuu mai kahi paa mai, na kuu akua i lawe mai ia'u mai kuu pilikia mauwale aua a kuu Haku.

            "He oiaio ka'u olelo ia oe, he kaikamahine ka'u, kuu Haku hoi a'u i imi ai, ka mea nana keia mau iwi."

            A no ke ike maopopo ana aku o Aiwohikupua ia Laieikawai, he mea e hoi ka haalulu o kona puuwai, a waiho aku la i ka honua me he mea make la.

            A mama ae la ke Alii, kauoha ae la oia i kona Luna e lawe mai i ka Makaula me na kaikamahine pu mai, i pani ma ka hakahaka o Poliahu, ame Kinaikamalama.

            Hele aku la ka Luna a kahea aku la i ka Makaula, iluna o na waa, me ka ha'i ana aku i ka olelo a ke Alii.   

A lohe ka Makaula i keia mea, ha'i aku la oia i kana olelo i ka Luna, "E hoi oe a ke Alii, kuu Haku hoi, e olelo aku oe, aole e lilo kuu kaikamahine Haku i wahine nana, aia he Alii aimoku, alaila, lilo kuu kaikamahine."

            Hoi aku la ka Luna, hoi aku la no hoi ka Makaula me kana mau kaikamahine, aole nae i ike hou ia ma ia hope iho i Wailua, hoi aku la lakou a noho Honopuwaiakua.

 

MOKUNA XXVII.

 

(Kamailio no ke kii ana Kahalaomapuana ia Kaonohiokala)--Hiki o Kahalaomapuana ma Kealohilani--Hoi mai na kia o Kealohilani--Na kamailio a Kahalaomapuana me na kiai--Hele o Kahalaomapuana me Kaeloikamalama a ma ke alanui pii--Ka olelo kauoha a Kaeloikamalama ia Kahalaomapuana--Hiki o kawaokele kona makuakane--Na kamailio a laua--Ka olelo kauoha a kona makuakane.

 

            Ma keia Mokuna, e kamailio kakou no ke kii ana o Kahalaomapuana ia Kanohiokala i kane hoopalau na Laieikawai, ame kona hoi ana mai.

            A pau ke kauoha a Kahalaomapuana i kona mau kaikuaana, a makaukau hoi kona hele ana.

            Ma ka puka ana o ka la komo ae la o Kahalaomapuana iloko o Kihanuilulumoku, a au aku la ma ka moana a hiki i Kealohilani, eha malama me ke auahulu, hiki keia iloko o Kealohilani.

            Ia laua i hiki aku ai, aole laua i ike ia Mokukelekahiki ke kia nana e malama ko Kaonohiokala waiwai, kona Kuhina Nui hoi iloko o Kealohilani, elua ana hulu ko laua kali ana, hoi mai o Mokukelekahiki mai ka mahina mai.

            Hoi ma o Mokukelekahiki, e moe ana keia moo iloko o ka hale, i ke poo no piha iloko o ua hale nui nei o Mokukelekahiki, o ke kino no ame ka huelo o ua moo nei, iloko ho o ke kai.

            He mea weliweli ia Mokukelekahiki ka ike ana i ua moo nei, lele aku la oia a hiki iluna o Muumealani, ilaila o Kaeloikamalama ke kupua aui nana e pani ka puka o ka peakapu o kukulu o Tahiti, kahi i hunaia'i o Kaonohiokala.

            Ha'i aku la o Mokukelekahiki ia Kaeloikamalama i kona ike ana i ka moo. Ia manawa, lele aku la o Kaeloikamalama me Mokukelehakahiki, mai luna mai o Nuumealani, he aina aia i ka lwea.

            Ia hiki ana mai o Mokukelekahiki ma ma ka hale e moe nei ka moo, ia manawa, olelo aku ia o Kihanuilulumoku (ka moo) ia Kahalaomapuana. "I hiki mai auanei keia mau kanaka e lele mai nei i o kaua nei, alaila, e luai aku wau ia oe a kau ma ka ai o Kaeloikamalama, a i ninau ae ia oe, alaila, ha'i aku oe, he kama oe na lana, a i ninau mai i ka kaua hana i hiki mai ai, alaila ha'i aku oe."

            Aole i upuupu iho mahope iho o ka laua kamailio ana, halulu ana o Mokukelehakihi laua me Kaeloikamalama ma ka puka o ka hale.

            I nana aku ka hana o ua moo nei, e ku mai ana o Kaeloikamalama me ka laau palau, o Kapahielihonua ka inoa, he iwakalea anana ka loa, eha kanaka nana e apo puni. Manao iho la ka moo he luku keia, aia nae e oniu ana o Kaeloikamalama i ka laau palau i ka welau o kona lima.

            Ia manawa, hapai mai la o Kihanululumoku i kona huelo mailoko ae o ka moana, pi ke kai iluna, me he po'i iloko o ka malama o Kaulua, pii ke ehu o ke kai iluna, pouli ka la, ku ka puna@ei, iuka.

            Ma ia wa, kau mai la ka weli ia Kaeloikamalama ma, hoomaka laua e holo mai ke alo aku o ua moo nei.

            Ia manawa, luai aku aua o Kihanuilulumoku ia Kahalaomapuana, kau ana iluna o ka ai o Kaeloikamalama.

            Ninau ae la o Kaeloikamalama. "Na Mokukelekahiki, na Kaeloikamalama; na kupua nana e malama ka peakapu o kukulu o Tahiti."

            Ninau laua, "Heaha ka kuakai au e kuu kama i hiki mai ai?"

            Hai aku la o Kahalaomapuana, "He huakai imi Lani."

            Ninau hou lana, "Imi i ka Lani owai?"

            "O kaonohiokala," wahi a Kalalaomapuana, "ka Lani kapu a Kaeloikamalama laua o Mokukeleahiki."

            Ninau hou laua, "A loaa o Kaonohiokala, heaha ka hana?"

            I aku la o Kahalaomapuana, "Ikane na ke kaikamahinealii o Hawaiiakea, na Laieikawai, ka Haku o makou."

            Ninau hou no laua, "Owai oe?"

            Ha'i aku la keia, "O Kahalaomapuana, ke kaikamahine muli a Moanalihaikawaokele laua me Laukieleula."

            A lohe o Kaeloikamalama laua me Komukelekahiki, he mea e ko laua aloha, ia manawa, kuu iho la mai ka ai iho, honi aku la i ka inu o ke kaikamahine.

            No ka mea, o Mokekelekahiki, ame Kaeloikamalama, he mau kaikunane no Laukieleula ka makuahine o lakou me Aiwohikupua.

            I aku la o Kaeloikamalama, "E hele kaua a loaa ke alanui, alaila, pii aku oe."

            Hele aku la laua hookahi anahulu, hiki i kahi e pii ai, kahea aku la o Kaeloikamalama, "E ka Lanalananuiaimakua--e! kuuia mai ke alanui, i pii aku wa--u!! ua hewa o lalo ne--i!!!"

            Aole i upuupu iho, kuu mai ana o Lanalananuiaimakua i ka punawelewele, hihipea ka lewa.

            Ia manawa, aoao aku la o Kaeloikamalama, "Eia ko alanui, i pii ananei oe a hiki iluna, a i ike oe hookahi, hale e ku ana iloko o ka mahina, aia ilaila o Moanalihaikawaokele o Kahakaekaea ia aina.

            "I nana aku auanei oe, ka elemakule e loloa ana ka lauoho, ua hina ke poo, o Moanalihaikawaokele no ia. Ina e noho ana iluna, mai wikiwiki aku oe, o ike e mai auanei leia ia oe, make e oe, aole e lohe i kau olelo, kuhi auanei ia oe he mea e.

            "Kali aku oe a moe, e huli ana ke alo i lalo, aole i moe, aka i nana aku oe, a i huli ke alo iluna, ua moe ka hoi, alaila, hele aku oe, mai hele oe ma ka makani, hele oe ma ka lulu, a noho iluna o ka umauma, paa oe a paa i ka umiumi, alaila, kahea iho oe:

            "E Moanalihaikawaokele--e!

            Eia wau he kama nau,

            He kama na Laukieleula,

            He kama na Mokukelekahiki,

            He Kama na Kaeloikamalama,

            Na Naikunane o kuu makuahine;

            Makuakane, makuahine hoi,

            O o'u me o'u kaikuaana,

            Me kuu kaikunane o Aiwohikupu hoi.

            Homai he ike, he ike nui, he ike loa,

            Kuu ia mai kuu Lani,

            Kuu kaikunane Haku--e.

            E ala! E ala mai o--e!!"

            "Pela auanei oe e hea iho ai, a ina e ninau mai kela ia oe, alaila, ha'i aku oe i kau huakai i hele mai ai.

            "I pii auanei oe, a i uhi ke awa, no ka makuakane ia hana, i hiki mai ke anu ma ou la, mai maka'u oe. Alaila, pii n oe, a i honi oe i ke ala, o ko makuahine no ia, nona ke ala, alaila, palekana, kokoke oe e puka iluna, pii no oe, a i o mai auanei na kukuna o ka la, a i keehi ka wela ia oe, mai maka'u oe, i ike auanei oe i ka oi o ka niho o ka la, alaila, hoomanawanui aku no oe a komo i ka malu o ka mahina, alaila pau ka make, o ko komo no ia iloko o Kahakaekaea."

            A pau ka laua kamailio ana no keia mau mea; pii aku la o Kamahalomapuana ahiahi, paa oia i ke awa, manao ae la keia o ka ka makuakane hana ia, mai ia po a wanaao, honoioia i ke ala o ke kiele, manao ae la keia o ka makuahine ia, mai ia wanaao a kiekie ka la, loaa oia i ka wela o ka la, manao ae la oia, o ka hana keia a kona kaikunane.

            Ia manawai, ake aku la keia e komo i ka malu o ka mahina, a ma ke ahiahi, hiki aku la oia i ka malu o ka mahina, manao ae la keia, ua komo i ka aina i kapaia o Kahakaekaea.

            Ike aku la oia i keia hale nui e ku ana, ua po iho la, hele aku la oia ma ka lulu, aia noe ala mai ana o Moanalihaikawaokele, hoi mai la oia a ma kahi kaawale, e kali ana o ka moe iho, e like me ke kuhikuhi a Kaeloikamalama. Aole nae i loaa ka hiamoe ia Moanalihaikawaokele.

            A ma ka wanaao, hele aku la keia, iluna ke alo o Moanalihaikawaokele, manao ae la keia ua hiamoe, holokiki aku, la keia a paa ma ka umiumi o ka makuakane, kahea iho la e like me ke a'ao'o ana a Kaeloikamalama i hoikei maluna.

            Ala ae la o Moanalihaikawaokele, ua paa kahi e ikaika ai, o ka umiumi, kupaka ae la aole e hiki, ua paa loa ka umiumi ia Kahalaomapuana, o i noke i ke kupaka i o ianei, a pau ke aho o Moanalihaikawaokele.

            Ninau ae la, "Nawai ke kama o oe?"

            I aku la keia, "Nau no."

            Ninau hou keia, "Na'u me wai?"

            Hai aku keia, "Nau no me Kaukieleula."

            Ninau hou kela, "Owai oe?"

            "O Kahalaomapuana."

            I ae la ka makuakane, "Kuuia ae kuu umiumi, he kama io oe na'u."

            Kuu ae la keia, ala ae la ka makuakane, a hoonoho iho la iluna o ka uha, uew iho la, a pau ka uwe ana, ninau iho ka makuakane, "Heaha kau kuakai i hiki mai ai?"

            "He huakai imi Lani," wahi a Kalaomapuana.

            "imi owai ka Lani e imi ai?"

            "O Kaonohiokala," wahi a ke kaikamahine.

            "A loaa ka Lani, heaha ka hana?"

            I aku la o Kahalaomapuana, "I kii mai nei au i kuu kaikunane Haku, i kane na ke kaimakahine alii o Hawaiiakea, na Laieikawai, ke aikane Alii a makou, ko makou mea nana i malama.

            Ha'i aku la ola i na mea apau i hanaia e ko lakou kaikunane ame ka lakou aikane.

            I mai la o Moanalihaikawaokele, "Aole na'u e ae aku, na ko makuahine wale no e ae aku, ka mea nana ke Alii, aia ke noho la i kahi kapu, kahi hiki ole ia'u ke hele aku, aia hanawai ko makuahine, alaila, hoi mai i o'u nei, apau na la haumia o ko makuahine, alaila, pau ka ike ana me a'u, hoi no me ke Alii.

            "Nolaila, e kali oe, a hiki i na la ma'i o ko makuahine, i hoi mai kela, alaila, ha'i aku oe i kau huakai i hiki mai ai ianei."

            Kakali iho la laua ehiku la, maopopo iho la na la e hanawai ai o Laukieleula.

I aku la o Maoanalihaikawaokele ia Kahalaomapuana, "Ua kokoke mai ka la e ma'i ai ko makuahine, nolaila, ma keia po, e hele mua oe ma ka Halepea, malaila oe e moe ai, i hiki mai kela i kakahiaka, e moe aku ana oe, i ka hale, aole ona wahi e hele aku ai, no ka mea, ua haumia, ina e ninau ia oe, ha'i pololei aku no oe e like me kau olelo ia'u."
(Aole i pau.)

 

            MA KE KAUOHA

 

HOOLAHA MANA HOOKO.

 

            Ma ke kauoha a ke Kiaaina e Haawii @i hoolaha no na Wahi Koho Balota e like me ia malalo iho ame na Lunanana o ke Kau Koho Balota no ke Kau Koho Balota e malamala ai i kal@ ekolu (3) o Novemaba, 1903, no ke koho balota ana no na Luna Kalana. O ka ina mua o ka Lunanana o keia ame keia mahele e hana oia ma ke ano he Lunahoomalu.

            APANA EKAHI, KALANA O HAWAII HIKINA.

            Mahele 1.  Wahi koho balota, Hale Hookolokolo o Pohoiki, Lunanana Koho Balota:  H. E. Wilson, Lunahoomalu; J. N. Kamoku, ame Kauka J. Holland.

            Mahele 2.  Wahi Koho Balota, Halelio o ka Papa Alanui i ka Mile 11 3-@, Alanui Luapele. Lunanana Koho Balota:  W. M. McQuaid, Lunahoomalu; W. B. Nailima, Jr., ame J. W. Kekoakulana.

            Mahele 3.  Wahi Koho Balota: Haleukana o Davies & Co., kihi o alanui Kalepolepo ame Waiakea, Lunanana Keho Balota:  David Spaulding, Lunahoomalu; C. M. Prouty ame Wm. Geo. Kaihenui.

            Mahele 4.  Wahi Koho Balota:  Hale Hookolokolo Kaapuni, Hilo, Lunanana Koho Balota:  Wm. Vannatta, Lunahoomalu; Ira E. Ray ame David Ewaliko.

            Mahele 5.  Wahi Koho Balota:  Halekula o Papaikou, Lunanana Koho Balota:  J. T. Moir, Lunahoomalu:  J. M. Kauhi ame Simeone Paaluhi.

            Mahele 6.  Wahi Koho Balota:  Hale Hookolokolo o Honomu, Lunanana Koho Balota:  J. B. Oliviera, Lunahoomalu; Wm. Hay ame H. K. Unea.

            Mahele 7.  Wahi Koho Balota, Hale Hookolokolo o Laupahoehoe.  Lunanana Koho Balota:  E. W. Barnard, Lunahoomalu; C. H. Swain ame B. M. Kahue.

            Mahele 8.  Wahi Koho Balota, Halekula o Kaohe. Lunanana Koho Balota Albert Horner, Lunahoomalu:  S. W. Kauwahipaula, ame Henry Louisson.

            Mahele 9.  Wahi Koho Balota, Hale Hookolokolo o Honokaa. Lunanana Koho Balota:  Chas. H. Fox, Lunahoomalu:  John Ai ame Geo F. Hall.

            Mahelel 10.  Wahi Koho Balota, Halekula o Kukuihaele, Lunanana Koho Balota:  Wm. Horder, Lunahoomalu:  T. M. Naleilehua, ame J. G. Jones.

APANA ELUA, KALANA O HAWAII KOMOHANA.

            Mahele 1.  Wahi Koho Balota, Hale Hookolokolo Kaapuni o Kohala. Lunanana Koho Balota:  Geo. P. Tulloch, Lunahoomalu:  Joseph Hussy ame Robert K. Naipo.

            Mahele 2.  Wahi Koho Balota, Hale Hookolokolo o Waim a. Lunanana Koho Balota:  J. Crowley, Lunahoomalu; Chas. B. Wells ame D. W. K. Maialoha.

            Mahele 3.  Wahi Koho Balota, Hale Hookolokolo Kaapuni, Kailua, Lunanana Koho Balota:  Thomas Aiu, Lunahoomalu; J. L. Kawewehi ame J. K. Laioha.

            Mahele 4.  Wahi Koho Balota:  Halekula o Konawaena, Lunanana Koho Balota:  W. Henry Greenwell. Lunahoomalu; John Keawehawaii ame R. Wassman.

            Mahele 5.  Wahi Koho Balota, Hale Hookolokolo o Hookena. Lunanana Koho Balota:  Geo. W. McDougall, Lunahoomalu; J. Nahinu ame Jos. Kaeo.

            Mahele 6.  Wahi Koho Balota, Halekula o Papa, Lunanana Koho Balota:  F. Buchholtz, Lunahoomalu; Sam. K. Kaaiailii ame D. Kaupiko.

            Mahele 7.  Wahi Koho Balota, Hale Hookolokolo o Waiohinu. Lunanana Koho Balota:  Robert L. Wilhelm, Lunahoomalu; David K. Wailehua ame F. C. Eaton.

            Mahele 8.  Wahi Koho Balota, Halekula o Pahala, Lunanana Koho Balota W. P. Fenell, Lunahoomalu:  J. J. Kaaka ame J. K. Hoopii.

 

APANA EKOLU, KALANA O MAUI

 

            Mahele 2.  Wahi Koho Balota, Hale Hookolokolo o Pukoo, Lunanana Koho Balota:  J. H. Mahoe, Lunahoomalu:  D. McCorriston ame John Kamai.

            Mahele 3.  Wahi Koho Balota, Hale Hookolokolo Kaapuni, Lahaina. Lunanana, Koho Balota:  Henry Dickenson, Lunahoomalu:  C. V. Dudoit ame A. Makekau.

            Mahele 4.  Wahi Koho Balota, Halekula o Honokohau, Lunanana Koho Balota:  Geo. Kahui, Lunahoomalu:  D. Kapaku ame L. K. Kalama.

            Mahele 5.  Wahi Koho Balota, Halekuai o Kahalepaiaoa. Lunanana Koho Balota:  S. Kahoohalahala, Lunahoomalu:  M. Kealakaa ame Chas. Gay.

            Mahele 6.  Wahi Koho Balota, Hale Hookolokolo Kaapuni, Wailuku, Lunanana Koho Balota:  Kauka R. W. Boote, Lunahoomalu:   Moses Kauhimahu ame Jas. L. Coke.

            Mahele 7.  Wahi Koho Balota, Haleamaia ma ke Alanui Puunene, Kahului Lunanana Koho Balota:  D. Quill, Lunahoomalu:  A. C. Kanaeholo ame J. J. Walsh.

            Mahele 8.  Wahi Koho Balota, Halemai ma Kihei, Lunanana Koho Balota:  C. G. Hofgaard, Lunahoomalu:  Sam. Kuula ame H. T. Batelle.

            Mahele 9.  Wahi Koho Balota, Hale Hookolokolo o Makawao, Lunanana Koho Balota:  George Forsyth, Lunahoomalu:  E. H. Kekapa ame Noa Kamakau.

            Mahele 10.  Wahi Koho Balota, Halewiliko o Hamakuapoko. Lunanana Koho Balota:  W. S. Nicoll, Lunahoomalu:  J. H. N@ ame Henry Long.

            Mahele 11. Wahi Koho Balota, Halekula o Huelo. Lunanana Koho Balota:  J. R. Meyers, Lunahoomalu; J. Vincent ame D. N. Onunui.

            Mahele 12.  Wahi Koho Balota, Halkula o Kanae, Lunanana Koho Balota:  Chas. Haui, Lunahoomalu; D. W. Napihaa ame D. W Kawahamae.

            Mahele 13.  Wahi Koho Balota. Hale Hookolokol o Hana. Lunanana Koho Balota:  F. P. Rosecrans, Lunahoomalu; G. W. Kauhane ame B. K. Kaiwiaea.

            Mahele 14.  Wahi Koho Balota, Halekula o Kipahulu, Lunanana Koho alota:  R. M. H. Kame, Lunahoomalu; J. K. Piimanu ame P. M. Kaluna.

            Mahele 15.  Wahi Koho Balota. Hale Hookolokolo Honuania. Lunanana Koho Balota:  A. S. K. Kaholokai, Lunahoomalu:  Ed. Wilcox ame G. K. Kunukau.

APANA EHA, KALANA O OAHU.

Mahele 1.  Wahi Koho Balota, Hale mala i ka pau ana o ke Alanui Punahou. Lunanana Koho Balota:  John Effinger, Lunahoomalu: Harry @lane ame Stephen Umau@.

Mahele 2.  Wahi Koho Balota Halekamaia, kihi o na alanui Kumu ama Piikoi. Lunanana Koho Balota:  @ M. White, Lunahoomalu:  W. C. Wilder ame W. H. K. Omakekau.

Mahele 3.  Wahi Koho Balota Ka Hale ma ke Komo ana aku o ka @uawai lalo o Alanui Nuuanu @ Waip@ Lunanana Koho Balota: F. F. McIntyre, Lunahoomalu:  Albert Waterhouse ame J. P. Kahahawai.

Mahele 4.  Wahi Koho Balota.  Halekamala Emma Kuea. Lunanana Koho Balota, William Sa@ Lunahoomalu, T. C. Polikapu @ F. B. Angus.

Mahele 5.  Wahi Koho Balota Kapuaiwa Hale, Lunanana Koho Balota:  A. F. Cooke, Lunahoomalu E. K. Lilikalani ame J. Mahoney.

Mahele 6.  Wahi Koho Balota Honolulu Hale. Lunanana Koho Balota:  C. C. Swain, Lunahoomalu:  @ @ @ ame John M. Mahuka.

Mahele 7.  Wahi Koho Balota, Halekula o Waimanalo, Lunanana @ @ Koho Balota:  G. C. Chalmers, Lunahoomalu:  John Kekuku ame A. Irv@.

Mahele 8.  Wahi Koho Balota @ Thomas (Kamaki) Kuea ma @ Beretania, Lunanana Koho Balota:  E. Fisher, Lunahoomalu:  F@ @ ame Geo. E. Smithies.

APANA ELIMA, KALAN @

Mahele 1.  Wahi Koho Balota @ Hookolokolo o Kaneohe. Lunanana Koho Balota:  H. Cobb Adams.  Lunahoomalu:  S. L. Kauai ame E. @ @.

Mahele 2.  Wahi Koho Balota @ @ Hookolokolo o Koolauloa. Lunanana Koho Balota:  A. W. Crockett, Lunahoomalu; J. Keanu ame Jos. Kek@.

Mahele 3.  Wahi Koho Balota, @ Hookolokolo o Waialua. Lunanana Koho Balota:  W. L. Wond, Lunahoomalu, Oscar Cox ame Chas. David.

Mahele 4.  Wahi Koho Balota.  @ Hookolokolo o Waianae. Lunanana Koho Balota:  Lema Spencer, Lunahoomalu; S. K. Hui ame S. N. Ka@ha.

Mahele 5.  Wahi Koho Balota. Halehulahula o Ewa, Lunanana Koho Balota; P. A. Swift, Lunahoomalu. W. F. Johnson ame B. Starr Kapu.

Mahele 6.  Wahi Koho Balota. Hale Hookolokolo o Ewa, Lunanana Koho Balota:  W. G. Ashley, Lunahoomalu Kauka Williams ame John E. K@.

Mahele 7.  Wahi Koho Balota. @kahi a kokoke i ka Hale Kaawai o Palama. Lunanana Koho Balota:  H. Birbe, Jr., Lunahoomalu:  John K. @ @aeae ame Benjamaine Kaneleha@.

Mahele 8.  Wahi Koho Balota. Ha@ukana o W. C. Achi, kokoke @ akau o na alanui Liliha ame M. Lunanana Koho Balota:  More@ @lu, Lunhahoomalu:  A@ @ ame E. P. Sullivan.

Mahele 9.  Wahi Koho Balota. H@kamala ma ka huina o na alanui Kuakini ame Nuuanu. Lunanana Koho Balota:  A. W. Neely:  Lunahoomalu S. H. Kameakapu ame C. F. Alexander.

Mahele 10.  Wahi Koho Balota. Ka Kihi Komohana o na alanui Maunakea ame Pauahi. Lunanana Koho Balota J. L. Kaulukou, Lunahoomalu Abraham Bolster ame W. K. Ka@huia.

APANA EONO, KALANA O KAUAI

Mahele 1.  Wahi Koho Balota. Halekula o Niihau. Lunanana Koho Balota:  J. B. Kaomea, Lunahoomalu @. W. Kealo ame E. K. Nohokula.

Mahele 2.  Wahi Koho Balota. Halekula o Kekaha. Lunanana Koho Balota O. Omstead, Lunahoomalu:  J. @. Kaiawaawa ame L. Kilauano.

Mahele 3.  Wahi Koho Balota. H@ Hookolokolo o Waimea. Lunanana Koho Balota:  C. B. Hofgaard, Lunahoomalu:  S. Makaila ame A. Bom@.

Mahele 4.  Wahi Koho Balota Halekula o Hanapepe. Lunanana Koho Balota:  H. H. Brodie, Lunahoomalu @ W. Palama ame Walter D. M@.

Mahele 5.  Wahi Koho Balota. Hale Hookolokolo o Koloa. Lunanana Koho Balota:  David Kapahee, Lunahoomalu:  James Luka ame Hy, Biak@.

Mahele 6.  Wahi Koho Balota. Hale kooholokolo o Lihue. Lunanana koho Balota:  H. D. Wishard, Lunahoomalu:  M. K. Kanikanihia ame E. de@.

Mahele 7.  Wahi Koho Balota Hale Hookolokolo o Kapaa. Lunanana koho Balota:  J. W. Neal, Lunahoomalu:  L. K. Kaumualii ame S. W. M@.

Mahele 8.  Wahi Koho Balota, Halekula Aupuni, Kilauea. Lunanana Koho Balota:  Jas. L. Huddy, Lunahoomalu:  I. M. Cox ame Robert S@.

Mahele 9.  Wahi Koho Balota Hale Hookolokolo o Waioli. Lunanana Koho Balota:  C. H. Willis, Lunahoomalu:  H. K. Kanehe ame C. B. M@.

GEO. R. CARTER, Kakauolelo o ka T@

C.R. BUCKLAND, Lunahoopaainoa Koho Balota, Hale Mana Hooko, Honolulu, Okatoba 1, 1903.

2984--Oct. 9, 16, 23, 30.

 

Ohaohaia na Kamehameha

 

Ma ka leka i loaa mai i ka Ahahui Kamehameha mai ka Hon. C. R. @ mai ua ikeia iho na manao @ i na haumana o ke Kula o Kamehameha, ke kula ana ame Pauahi @ kukulu ai no na Hawaii, o keia @ iho ua leka nei:

Kapalakiko, Sept. 1@, @@@@

Mr. Sam. W. Spencer, Peresidena o ka Ahahui o na @mana Kamehameha, Honolulu.

Aloha oe,

Ua loaa mai ia'u kai leka o ka @ 7 o ka mahina i hala a ua hauoli @ ike ana i ka pii maikai o ke kula@ ka Ahahui. Ma ka hui lokahi ana ona Haumana e ikaika ai ka Ahahui W wahi hoomaha hoowaiwai nui @ kona mau iala a e pii mau ai hoi @ ano i kela ame keia makahiki.

He mau makahiki i hala ae ua @ au i Pepa Heluhelu ma ka inoa @ look" ame ka Harpers Weekly @ @ e manaao nei eia ke loaa mau aku @ i ka Ahahui. He mau pepa waiwai @ keia a o na Hoikeike o @ Lu@ makahiki 1904, oia ana kekahi mau @ maikai loa e makemake nui ia ai.

O na mea i makemake ma ia'u no ka holomua o na Kamehameha mai na k@kikane a i na kaikamahine ua @ loa au i ko'u lohe ana i ke kulana @ kai o na keiki ame ko lakou ano ulakolako. O ko lakou lanakila ma keia noho ana aia no ia maluna o lakou iho.

No ka pakui no ko'u mau manao no na kanaka opio, ke haawi aku nei au i ko'u aloha ma ke ano Hawaii, Aloha oukou auau.

Owau iho no me ka oiaio,

CHAS. R. BISHOP.