Ka Nupepa Kuokoa, Volume XLI, Number 46, 13 November 1903 — HELE KOHANA I KE ALA POLIKUA A KANE. KA HOOLEWA O KA PUA ALII HON ROBERT WILCOX. [ARTICLE]

HELE KOHANA I KE ALA POLIKUA A KANE.

KA HOOLEWA O KA PUA ALII HON ROBERT WILCOX.

Ma ka auwina la Sabati nei, iwaena o ke kaumaha luuluu o na makaainana ame ke kilikilihune a na omaka o Kulanihakoi i laweia aku ai ke kino hope loa o Elele Robert W. Wilcox a waihoia aku ia ma kahi a ka Buke Nui i hoo- @ mua ai, —"E hoi ka lepo i ka lepo." Lihaliha wale! Ma ka la i oleloia ae la, ua hoike ae na makaainana Hawaii i ko lakou paumako hope loa, no ka mea i hala aku la, mamuli o ka hiki kino ana ae a hoopiha i na alanui kahi a ke kino uhane ole i hele ae ai no kona home moe kau a hooilo, a ma keia wahi aole i nele na waimaka i ka hoopulu ana iho i na papalina o na makaainana. He @ ka pulu he kino wailua ka mea i @ ae, he ukana koikoi hoi iloko o ka puuwai o na Hawaii, he pulakaumaka na ia i hala aku, he alakai wiwo ole no ka lahui, a he ma aloha hoi i hele kohana aku la i ke ala polikua a Kane — Aloha no — minamina wale! KE KINO WAILUA MA KA HALEPULE KAKOLITA Ma ka hora 2 auwina la, i pihaku'i ae ai ke kahua o ka Halepule Kakolita i na kanaka e hookeke ana a e kali ana no ka hemo ae o na pani puka o ka luakini, a ia manawa hookahi no hoi i piha ae ai na alanui i na kanaka o na lahui like ole. Ma ka hora 2:30 ua hiki ae la ke kaa kupapau ma ke alo o ka halepule a ku iho la ma ka aoao mauka la manawa i nee hou aku ai na makaainana Hawaii imua a pilipu me ka poe hapai pahu, a iwaena o keia @ i hapaiia ae ai ka pahu kupapau a laweia aaku ia noloko o ka halepule a waihoia iho la malalo o na anuu o ka awai; ka manawa pu no hoi i kukuluia ae ai kekahi mau kukui elua e a ana ma na aoao o ka pahu. Ua kahikoia iho o mua o ka awai ma ka huina hapa poepoe me na pua aala, a he hoi hoi kela mau hoohiwahea ke nana aku. Ua uhiia ka awai ame ke kuahu me ka @ [olelo/elele?] kanikau, a maluna iho hoi o ke kuahu e kau ana kekahi ke'a i huna mala@ ia me ka pua melia. Ma na aoao o ka pahu na hapai pahu i ku ae ai, a maluna o ko lakou mau helehelena na kipona wai a ke

aloha. Maluna o ka pahu e kau ana ka hae aloha o Hawali, a mailoko mai o kona mau waihooluu nani e popohe mai ana na pua nani o ka aina. Ma ka noho mua loa e kokoke ana i ke klno waliua, e noho ana ka wahine-kane-make ame kana mau lei makua ole, a ma na wawae e ku ana o Kauka Walters, ke kauka o ka mea i make. I ka wa i komo aku ai ke kino make ma ka puka o ka halepule, oia no ka wa i kani mai ai o ka ogana me kona leo kanikau, a ia wa pu no hoi i mele mai ai ka papa himeni, a pii ae la no hoi o Bihopa Libert a komo no hoi na keiki e lawe ana i na ipu kukui mea ala ame na ke'a a nee aku la ma ko lakou wahi i hookaawaleia ai. Eia iho ka papa kuhikuhi o na hana i hanaia maloko o ka luakini: "Cor Jesu" ... Papa Himeni Reading—Non intres... Solo—"When the Tears"... Fr. Valentin Libera — Absout... "Miseremini"... Papa Himeni Finale — In paridisum... Eia iho na hapai pahu: G. C. Beckley, Elia Long, Palmer Woods, C. P. Iaukea, Frank Harvey, David Notley, J. H. Boyd, A. Fernandez, J. E. Bush, Sam Nowlein, C. W. Ashford, T. C. Polikapa: hapai pahu: J. W. Bipikane, D. Damien, Chas. Notley, D. Kalauokalani, Jr., J. M. Poepoe, R. N. Boyd, J. C. Lane, J. K. Prendergast, Wm. Mossman, Jr., J. A. Akina, William White, ame Frank Harvey. KA HUAKAI HOOLEWA—NA KEIKI POOLA MA KA HUKI KAA KUPAPAU. Mahope o ka pau ana o na hana hoomanao maloko o ka luakini ua ka'ika'iia mai ka pahu a komo iloko o ke kaa kupapau i hoomakaukauia ai, a nee aku la ka huaki me ka hukiia ana o ke kaa kupapau e na keiki poola i aneane aku ko lakou huina i ka ehahaneri a e alakaiia ana e William Olepau. Aole i komo iloko o ka huakai ka hana lahui, aka, na kekahi mau keiki o ka puali puhiohe kahiko o Hawaii nei i alakai aku i ka huakai me na leo o na mea kani ame na pahu, a ma ka pa ilina o Konia i hui aku ai ka huakai me ka bana lahui. Eia iho malalo iho nei ka papa kuhikuhi o ka huakai i hoomakaukauia: Ilamuku o ka La. Joseph Clark. Mahele Makai. S. C. Dwight, alakai, a me ka Hui Hookuonoono Oiwi Hawaii.

William Kaleihuia, alakai, ame ka Hui Puuwai Aloha. Na Lala o ka Aoao Home Rula. Na Komite Kuwaena o ka Aoao Home Rula. Kauka Walters. Bihopa Libert. Hui Poola, malao o W. Olepau, e huki ana i ke kaa Kupapau. Na Hapai Pahu. Kama'liiwahine Theresa Owana Wilcox Keikialii Keoua Wilcox, Kama'liiwahine Kaohi Kapumahana Wilcox, W. S. Wilcox, Mrs. W. F. Sherratt ame ke Keiki. Chas. Wilcox, kana wahine ame na keiki. Mrs. Gohier, E. Wilcox ame R. Wilcox. John Napua. Mrs. E. Johnson ame Stone. Wllliam White ame ka wahine. Mrs. J. A. Akina ame ka ohana. Sam Aki ame ka ohana. Mrs. Taylor. Rev. Mr. ame Mrs. Manase. Mrs. Kahuila Wilcox. Ke'lii E. K. Kekaaniauokalani. Ke'lii Lucy K. Peabody. Ke'lii Kalanikiekie Henriques. Ke'lii O. Makainai. Ke'lii A. K. Palekaluhi. Kama'liiwahine Mary Kunuiakea. Kama'liiwahine Kekaikuihala. Kama'liiwahine Hoonanea Simerson. Kama'liiwahine Malaea Kahaawelani. Kama'liiwahine Mary Kinoole Ailau. Kama'liiwahine Methan Beckley. Kama'liiwahine Kahapula Beckley. Kama'liiwahine Kahinu.. Kama'liiwahine Hannah Boyd me kona Kaikaina. Sam. Kamaiopili me kana wahine. Kama'liiwahine Kahalelaukoa Booth. Kama'liiwahine D. Hopili Kama'liiwahine Kalinonoa. Peresidena Kalauokalani ame kana wahine. Hope-Peresidena J. P. Makainai ame kana wahine. Lunamakaainana D. M. Kupihea ame kana wahine. J. M. Kealoha ame kana wahine. Na hoa o ka Ahaolelo. Ka Lehulehu. Ma ka pa ilina o K@ [Konia?] i ku iho ai ka huakai, a ka'ika'iia aku la ka pahu kupapau no ka lua, a malaila i malamaia ae ai na hana hope loa e Bihopa Libert, a waiho aku la ke kino lepo ma kona home puanuanu no ke kali ana i ka wa e hoala hou ia mai ai kona ilina, aloha no!