Ka Nupepa Kuokoa, Volume XLI, Number 47, 20 November 1903 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

NOVEMABA 20, 1903.

 

KAHUNAPULE O KANSAS

KA HIKI ANA I KONA IKE KE HOOPAKELE.

            Mahope o ka Make ana o ko Miss Bruechel Makuakane, ua Loohia iho la Oia i na Poino he nui, eia nae, ua Lanakila.

            O Rev. Charles Buechel, ke kahunapule i make o ka hoomana Geremania Mekokika Epikepola ma Wichita Knasas, oia kekahi o na kahunaoule i ike nui ia ma la mokuaina, oiai ua  noho hana oia ma na kulanakauhale nui oia mokuaina oiai oia e hana ana ma ka oihana kahunapule. O kana kaikamahine, Miss Lydia Buechel, e noho nei i keia manawa ma ka Helu 421 o ke alanui South water, Wichita, oia kekahi me i ike nui ia a o kana mau mea e ha'i ai maluna o kekahi kumuhana ano nui he mea pono e hooloheia. Penei kana mau olelo:

            "No eono makahiki ko'u noho ana iloko o ka nawaliwali hauli wale a na kauka hoi i hana ai aole no nae i loaa mai ka maha a o ka p@nina oia no ko'u waiho ana maluna o kahi moe, he luahi na ka ma'i haupuupu wale.  He nui ko'u haupu wale a ua hiki ole ia'u ke moe, ua inoino mai ko'u opu a o na mea apau a'u e ai ai ua lilo mai la lakou i mau mea nana e hoopoino i ko'u mau @a@a a lilo ae la i mea haa@ulu a nele hoi ke koko i na mea maikai @ ola ai ke kino. "

            "I ka wa e ola ana ko'u makuakane e lawe mau ana oia i na Huaale Akala a Kauka Williams no ka Poe Haikea @ ka wa e luhi loa ai oia mamuli o kana mau haiolelo pinepine a o keia mau huaale na mea nana e kokua mau ana iaia, ma ia ano ua hooholo iho la wau e hoao a e ike i ka mea hiki i keia mau huaale ke hana mai no'u. Mahope o ka pau ana o ka pahu mua na hoomaka mai la wau e oluolu a he mau pahu mahope mai oia ka mea nana i hooia mai ia'u. Ke ae oluolu nei wau e hoolahaia keia mau olelo a'u no ka manao he mea ia e kokua ai i kekahi poe okoa aku i loaa like i ka haawina i loaa ia'u a hoi hou mai ko lakou ikaika."

            O ka Huaale Akala a Kauka Williams no ka poe Haikea aole ona lua e like ai ma ke pale ana i na ma'i e puka mai ana mai ke koko maemae ole, a i ole mai ka nawaliwali, aa lo-lo a o keia no hoi na mea elua i pili mau i ko ke kanala mau lala. Ke hoola nei keia mau Huaale i na aa huki nawaliwali, ka ma'i hapa lolo, i ka hulahula, hu'i o na aa lolo, puuwai kapalili, ka hui o ke kua, rumatika, eha o ke poo ka nawaliwali mahope o ke kaa ma'i garipa ana ka hohoma o ka nanaina ame na @ao ma'i pili kane a wahine.

            Ke kuaiia nei na Huaale Akala a Kauka Williams no ka poe Haikea e na halekuai lapaau apau, a i ole e hoo@naia aku no ma ke eke leta i ka wa @ loaa mai ai o ke kumukuai, he kanalima keneta no ka pahu; eono pahu no elua dala, ma ke kakau ana ae ia Dr. Williams Medicine Co., Schenectady, N. Y. Mai  hilinai i ka olelo mai a kekahi mea eia iaia ka Huaale Akala eiaio a Kauka Williams no ka poe Haikea.  Aole he puka wale aku o keia mau huaale kaulana mai ka hale hana aku me ka paa ole i ka wa-hi a e kau ana hoi ka hoailona o ehiku wale no huaolelo. - "Dr. Williams' Pink Pills for Pale People."

 

HE HOOMAIKAI I NA POE KOHO BALOTA O KE KALANA O KAUAI.

            I o'u mau haku Makuaainana o ka Mokupuni o Kauai ame Niihau, Aloha oukou:

            E oluolu e lawe aku i ko'u mau hoomaikai nui no ko oukou hoolei ana mai i ka Lei o ka Hanohano maluna o ka oukou kauwa nei, mamuli o ko oukou koho ana me ka lokahi, a lilo owau kekahi Lala o ka Papa Lunakiai o ke Kalana o Kauai no@@ hoi ka huina balota kiekie loa a oukou i haawi ai i ka la 3 o Nov. i hala aku la, e like me ko oukou lokahi, pela auanei wai e hooikaika ai e hanaia ka pono kaulike.

Owai iho no ka oukou kauwa,

GEORGE WAIAU MAHIKOA

Kalihiwai, Kauai, Nov. 14, 1903.

 

MOOLELO O KA HALAWAI O KA AHAHUI EKALESIA O KA MOKUPUNI O KAUAI.

            Halawai ka Ahahui Ekalesia o ka Mokupuni o Kauai ma Lihue, Oct. 21 a@e 23, 1903; lunahoomalu mua G. L. Kopa, ma ka noho. Hoomaopopoia na hoa o ka Aha i hiki mai.

 

NA KAHU

            S. Kaili, J. K. Kaauwai, S. K. Kaulili, J. M. Lydgate, J.B. K. Leleiwi, G. L. Kona.

 

NA ELELE.

            S. Kanealii, P.M. Castro, J. Anuhea, P. Kaloaiole, W. H. Rice, Jr., D. Kapahee, J. K. Maliekekai.

 

NA LALA MAU.

            E. S. Timoteo, J.B. Hanaike, J. Kanoho, R. Puuki, J.K. Apolo, H.K. Kahele, S.M. Kauanoe.

            Ma ke koho ana o na Lunanui, ua hoomaula no na lunanui mua, G. L. Kopa, L. H.; S.K. Kaulili, Kaka@olelo.

            Na ka lunahoomalu i koho i na komite mau. J.M. Lydgate, San Kaili, a me E.S. Timoteo, na komite Imi Hana.

            S.K. Kaulili, J.B. Hanaike, ame J.R.K. Leleiwi, komite Halawai.

            Sa, Kaili, J.K. Kaauwai ame S.W. Kauanoe, komite Hoalohaloha.

            Ua lilo na hoa o ka Ahahui Kula Sabati ame ka Ahahui piopio i mau hoakuka, ma ke noi a J.K. A@oio.

            Ma ka hoike a ke komite Imi Hana, he 16 Kumuhana a he 19 mau Mahele.

            Ma ka noonooia ana o na kumuhana ame na mahele, ua hooholoia enei:

            1. Ma ka hoike a ke Komite E.S. Timoteo e pili ana i ka hoopii a ka Ahahui no R. Puuki i kekahi kau i hala. Ua hoopau loa ia ka hoopii a ua hoomau ia no o R. Puuki he @a@a mau no ka Aha o Kauai.

            2. Na D. Kanealii, P.M. Castro, J. Anuhea, P.Kalohaiole, W.H. Rice Jr., D. Kapahee ame J.K. Maliekekai.

            Heluheluia ka hoike kihapai o na Ekalesia o Hanalei, Koolau, Kapaa, Lihue, Ekalesia Hawaii, Lihue Ekalesia Haole, Koloa ame Hanapepe, a na ke kakauolelo i ko Waimea.

            3. Ua kohoia na komite i ka Aha Nui, S.K. Kaulili no na hoike kihapa@@ S. Kaili no na hana aka Aha.

            4. Ua kohoia na kahu apau i mau komite imi a paipai iwaena o ko lakou mau ekalesia pakahi i na dala e malama ai i na hoa o ka Aha Paeaina, ua komo pu o J. Aiu ma keia komite.

            5. Ua koho pu ia no i komite Himeni no na manawa halawai o ka Aha Paeaina, J.M. Lydgate, Sam. Kaili, S.K. Kaulili.

            6. Mamuli o kekahi palapala hoopii mai ka ekalesia mai o Hanalei, ua pani ia ma ka inoa o D. Puhi i make ame S.N. Kaneole, ka inoa Wm. K. Samuela, i komite imi dala no ka Hale Halawai o Wanini.

            7. Mamuli o ka Olelo Hooholo a S. K. Kaulili, ua poniia o J. Aiu ma ka Poalima Oct. 23, 1903, ma ka luakini o Lihue e ke komite, Sam. Kaili   S.K. Kaulili, E.S. Timoteo, I.K. Kaauwai ame G. L. Kopa.

            8. Ma ka hoike a ke komite o na Ekalesia Kahu ole, hale kahu, hale halawai ame Luakini.  Ua holo pono a maikai koe wale no ka hale kahu o Kapaa.

            9. No na mea e pili ana i ke ola o na kahu. Ua holo pono loa ke ola o na kahu o na ekalesia o Waimea, Hanapepe, Koloa, Lihue ame Kapaa. Koe ko Koolau ame Hanalei.

            10. Ma ke noi a I.K. Kaauwai ua kohoia o J.M. Lydgate, S.W. Kauanoe, M. Puulei ame D. Kanealii i komite hoopau i ka aie o ka Ekalesia o Hanalei i ke kahu.

            11. Ua kohoia o J. Aiu i komite no ka ekalesia o Koolau.

            12. Ua hoopanee hou ia ka noonoo ana i ka inoa o Z.M. Naakumakua a ke Kau o Aperila 1904.

            13. Mamuli o ka Hoike a E.S. Timotea no ka hoomahuahua ana i ke oia no na Kahu. Ua waihoia keia hoike iloko o ka lima o ke komite wae, a na ia komite e hoike mai i keia Kau ae. Komite, Sam. Kaili, I.K. Kaauwai, J.B.K. Leleiwi.

            14. Ma ka hoike a Sa. Kaili ke komite no ka hoomaopopo ana i na kumu a'o himeni no ka Aha Paeaina. A penei: Waimea, Mrs. L. Wright; Hanapepe, Mr. Sol. Hanohano; Koloa, D. Kapahee, Lihue; J.H.K. Kaiwi ame J.M. Lydgate; Kapaa, John Koani; Koolau, J. Huddy; Hanalei Wm. Werner.

            15. Ua kohoia o W.H.Rice Jr., i komite imi kahua ame ke kukulu ana i Hale Kahu no ka Ekalesia o Kapaa.

            16. Mamuli o ka Olelo Hooholo a S.K. Kaulili, ua hooholoia o ka lulu o ka Papa Hawaii o na Ekalesia o ka Mokupuni o Kauai i ka 1904, e hooliloia no na lilo o ka malama ana i na hoa o ka Aha Paeaina.

            17. Ua hooholoia, aole e ae hou ia na hana kalaiaina maloko o na luakini o na ekalesia o ka Mokupuni o Kauai, a pela no na hana kupono ole e ae.

            18. Ua kohoia o J.M. Lydgate, Sam. Kaili ame S.K. Kaulili i komite hoomaopopo i ka nui o na hoa o na Aha e hiki mai ana ko ka halawai o ka Aha Paeaina ma ka mahina o Iune, Poakolu mua, 1904.

            19. Kohoia o Sam. Kaili i komite haawi i ka hoomaikai a keia Aha i ka Makuahine Mrs. M.S. Rice.

            20. Ua hooholoia e hoi aku na kahu ame na Elele a malama i anaina haipule no na pokii ma ko lakou mau ekalesia pakahi.

            21. Ua hooholoia, e halawai hou keia Aha ma Lihue i ka Poakolu elua o Aperila, 1904.

            22. Na Sam. Kaili, he olelo hooholo. Hooholoia: O Makou o na hoa o keia Aha, ke haawi aku nei i ko makou hoomaikai nui, me ka mahalo palena ole i ke komite nana i malama i na mea e oluolu ai ke ola kino o na hoa o keia Aha.

S.K. KAULILI, Kakauolelo o ka Ahahui Ekalesia o ka Mokupuni o Kauai.

 

HOALOHALOHA A KA AHAHUI OPIOPIO IMIPONO KRISTIANO O KOLAU HUILA.

Ia Keamalu Kunane,

            Aloha oe: Me ka naau kaumaha makou e hoike aku nei ia oe oiai ua oluolu i ka Makua Mana Loa ka lawe ana aku i ka hanu hope loa o kau kane Mr. Kunane, ma ka la 19 o Oct., a ua hookaawale mai hoi ia oe e noho aku me ka u kanikau nona a oiai o Kunane he lala oia no ka Ahahui Opiopio o Koolau Huila.

            Nolaila, e hooholoia o makou o na lala o ka Ahahui Opiopio Imipono Kristiano o Koolau, ma o ko makou mau komite la, ke komo pu aku nei i ke kaumaha pu me oe no ka haawina luuluu i ili iho maluna ou ame ka ohana, a ke noi ae nei i na Mana Lani e hoomama mai i kou luuluu e lawe aku hoi i na kaumaha apau.

Ma o ka makou mau komite la,

HOSE M. CASTRO,

MRS. J.  CASTRO,

Kealiauka, Oct. 26, 1903.

 

HE HOALOHALOHA NO KE KULA SABATI O  N. KOHALA IA MRS. R. K. NAIPO.

Mr. R.K. Naipo, Walohia wale:

            Oiai, ua oluolu i ke Akua Mana Loa, ka lawe ana aku i ka uhane mai ke kino aku o kau wahine aloha ma ka hora 11 p.m. o ka po Poakolu, Oct. 4, 1903. ma ko olua home aloha ma Honopueo, N. Kohala, Hawaii.

            Nolaila, ua ili iho maluna ou ame ka olua mau keiki na makamaka me na hoaloha, ame ke Kula Sabati hol@okoa, ke kaumaha me ka luuluu no ka lawe ia ana aku o kekahi o na makuahine eleu, makaala no na hana Kula Sabati ame na hana pili Ekalesia.

            Nolaila, o makou o ke Kula Sabati, ma o ko makou Komite la, ke komo pu aku nei e kanikau pu me oe ame ka olua mau keiki ma keia ao, me ke aloha waiohia nona no ka wa pau ole.

            A ke amama ae nei ka makou mau leo pule i ke Akua, e hoomama mai i hou kaumaha no kau wahine aloha i hala aku ia i ke ala hoi ole mai, no ka mea, o kakou ke hele aku ana i ona ia.

O makou iho no ma o ko makou Komite ia me ka walohia,

MIRIAM K. KEKUEWA,

MRS. J.W. KEOLOEWA,

MRS. S.H.K. NE,

MRS. R. NAKANELUA,

THOS. S.K. NAKANELUA,

J.H.KAMAUNU,

MRS. E.M. KAIMANA

S.H.K. NE,

North Kohala, Nov. 2, 1903.

 

HOOMAIKAI PIHA.

"Ia oukou e o'u mau haku o ka pahu Balota o ke Kalana o Hawaii Komohana nei, o ka la 3 aku nei o Novemaba, aloha nui:

            Mamuli o ka huina Balota o 400 i loaa ia'u mai ia oukou mai, ma ka la hakoko no ka hanohano o ko kakou Aina; a ua ikeia hoi ka hopena o na hana oia la.

            A ua ike hoi au, @a hilinai mai oukou a paulele mai maluna o ka moho a oukou i ake nui ai e lanakila.

            O keia huina balota nui i ha'lia maluna, he hoike ana mai ia i ko oukou manao lokahi, me ke aloha i ka hoakanaka.

            Nolaila, ke haawi aku nei au i ko'u hoomaikai ame ka mahalo nui, i na keonimana nona kela huina balota he Eha Haneri (400) a oukou i hoolei mai ai maluna o'u, ma ia la poina ole;

            A no ka mea, ua papahi mai oukou ia lei mae ole me ka puuwai lokahi i @ila ia maluna o ke aloha, ka pohaku naue ole i na waikahe he nui.

            A no hoi, ke hiipoi mai nei au i ko oukou paulele a hilinai ana mai maluna o'u, me a'u ia e pee poli ai a halawai hou kakou i ka wa pono, e like me ia i ka la 3 i hala aku la.

            E kuu mau haku; no oukou au i kela la 3 aku la o Novemaba, a i ka mau loa ana.

            A maluna ae o na mea apau, e mau ke aloha pumehana me kakou apau.

Me ka Mahalo,

DAVID ALAWA,  Moho Holo Balota.

Holualoa, N.Kona, Hawaii, Nov. 6, 1902.

 

Ia Mrs. Keamalu Kunane, Koolau, Kauai, Aloha nui loa oe:

            No ka mea mamuli o ka lono ehaeha ame ka kaumaha i loaa mai ia makou na hoa paahana pu iloko o ka Ekalesia o Poni Moi ma Koolau. Mokupuni o Kauai, ka Mokupuni Kihapai pua o na moku o ka Pae Aina o Hawaii nei, ua oluolu i ke Akua Mana Loa ka lawe ana aku i ka uhane ola iloko o P. Kunane kau kane mare i aloha nui ia.

            NOLAILA, o makou na hoahanau o ka Ekalesia i ha'i mua ia maluna ae ma o ko makou Komite la ke hooholo nei,

            Akahi: Ke komo pu aku nei makou me oe ame ka ohana o kau kane i aloha nui ia i ke kumakena ame ke kanikau pu ana me oe ame ka ohana i hoonele ia i ka makua ole, me na manaolana pu no nae na ke Akua Mana Loa a ike ole ia e hoomama mai i kou ame ka ohana kaumaha ame ka luuluu i ka hoonele ia ana mai i ka makua ole, a

            Elua: O ka makou leo pule e lawe aku ke Akua ka Makua i kou ame ko oukou mau kaumaha apau loa a e hooili aku ia mau mea apau maluna o ke Keikihipa a ke Akua ka Hoola nui o ke ao nei, a

            Ekolu:  E hoolaha pu ia aku nei he mau leo hoalohaloha maloko o ka Nupepa Kilohana ke Kuokoa.

O makou iho no,

Ka Ekalesia o Pnio Moi na Koolau, Mokupuni o Kauai ma o ko makou mau Komite la.

JOSEPH AIU,

H.W. PUKALO,

HOSE M. CASTRO,

Na Komite: Koolau, Kauai, Nov. 1, 1903.

 

Mai Haawi Pio!

            O ka mau ma ke kulana hookahi, a aole hoi o ka eha ka mea e nauki ia nei ke kaa ma'i lohi ana. Ua like keia ala ana me kekahi la ua loihi. O ka nana ana aku i na mea apau, ua like ia me ka nana ana me na makaaniani bolu ame ka hele ana iloko o ke Awawa o ka Malu. Pau ka nana ana i na mea o waho, nana no iaia iho. O na hoailona o kela ame keia ano o na ano ma'i like ole, e ulu mau ana ka noonoo ana a ka mea i loohia i ka ma'i no keia mau mea a hiki i ka wa e komo mai ai kekahi mau noonoo maikai ana iloko o kona poo. I kekahi manawa, he mau mahina wale no ko ka mea ma'i noho ana iloko o keia kualana, i kekahi manawa, no na makahiki he loihi. E hooili aku i keia mea maluna o ke ano o ka ma'i, no ka mea, aohe like o ke ano o ka poe ma'i apau loa. E lohe mau ia ana keia olelo mai ka lehelehe mai o keia mau uhane popilikia. "O aohe o'u mea e pono ai, aole loa au e oluolu hou ae ana." Ae, e loaa no ia oe ka oluolu. Me kou manaoio ole no nae i ka pono a na laau lapaau e ae no nae oe i ka WAMPOLE'S PREPARATIONS e hana nou e like me kona hana ana no ka pono o kekahu poe he nui wale, he poe hoi i loaa i na nawaliwali inoino a kupilikii e like me kou. O ka ma'i hiki ole iaia ke hoola, he ma'i ola ole ia. He laau keia i like ka momona ame ka ono me ko ka hone meli, a ua loaa hoi iaia na mea hoonoono ai a hoola hoi o ke Cod Liver Oil Maemae, i loaa mai ai mai ke akepaa mai o ka i'a cod hou loa, ame ke Compound Syrup of Hyphophosphites ame ka Extracts of Malt Wild Cherry. He hiki ke hoomaemae i ke koko, kipaku aku i na laau make mai ke kino aku, hoomaikai i na hana a na lala, a e loaa no ka oolea i ke kino i hoonawaliwali ia e ka ma'i. Aohe he lohi a hopohopo na hana.  E hoao a e mahalo mai ia makou no keia hoakaka. E loaa no ka pono i ka lawe mua ana aku o ka ea huihui ia oe maloko o kekahi lumi paa loa. Na ka Omole mua e hoapono mai. "Aole loa oe e hoohokaia e keia laau." He kualia e na mea kuai laau maanei a ma na wahi no a puni ke ao holookoa.

 

            O KA PAA O KA LEO O KA BEBE i kaa malalo o ka naeoa'iku he hoaliona ia o ka puka mai o ka ma'i. Ina e hoohana koke ia ka laau kunu CHAMBERLAIN'S COUGH REMEDY i ka manawa no e hoomaka ai e paa ka leo o ka bebe a i ole mahope iho o ka puka ana o ke kunu alaila aole he olelo ana no ka mea he mea maopopo loa ka hemo o ia ano pilikia. Aole hala keia laau kunu mana hoola a he hala hakalia ole no hoi. O Benson, Smith & Co, Ltd., na Agena Kuai Kuka@i ka poe e kuai nei i kela laau.

 

Ma ke Kauoha.

Keena o ka Papa Ola, Honolulu, Hawaii Okatoba 29, 1903.

NA RULA AME KA KUHIKUHI NO NA MA'I LEPERA AME NA KOKUA E NOHO NEI MA KE KAHUA MA'I LEPERA O MOLOKAI.

(Hoolahaia i kulike me ka Pauku 993, P.L. 1897).

NA WAI INU ONA.

            PAUKU 32. Aole kekahi mea e noho nei ma ke Kahua Ma'i Lepera, Mokupuni o Molokai, e loaa ka pono no ka hana ana, puhi ana a i ole ma kekahi ano okoa ae paha e lilo ai i waiona: a i ole e paa paha malalo o kona malu, kana malama ana a ona paha, a i ole e kuai a e hoolilo ma kekahi ano i ka waiona i ikeia ma ka inoa "Suaioa"

NA KA PAPA OLA

Ma o kona Peresidena,

CHAS. B. COOPER, M.D.,

Ikemakaia:

C.C. Charlock, Kakuolelo o ka Papa Ola.

            Ke apono a ke hooiaio nei au i keia rula maluna ae.

SANFORD B. DOLE, Kiaaina o ka Teritori o Hawaii.

2988-Nov. 6, 13, 20.

 

NA LILO KOHO BALOTA.

HOOLAHA I NA MOHO NO NA OIHANA KALANA.

            Ke hoaiaiia aku nei na moho apau no na Oihana Kalana e pili ana i ka Pauku o na Rula ame Hooponopono no ka Oihana Hoohiki ame Malama Kau Koho Balota e like me ia i pakuiia e ke Kanawai e hoonoho ana i Aupuni no ka Teritori o Hawaii, e like me ia malalo iho:

            Pauku. 31. Maloko mai o na la he iwakalua mahope iho o kekahi koho balota ana, e waiho aku kela ame keia moho holo balota pakahi ame na agena pakahi a komike paha,  e hooikaika ana  no kekahi moho i ke Kakauolelo o ka Teritori, i hoike helu papa o kona a o ko lakou mau lilo koho balota no ua moho a koho balota ana la paha, e hoike ana i na huina pakahi i hooliloia; i ka manao ame ke kumu pakahi i hanaia ai ia hoolilo, i ke kanaka a mau kanaka paha i ukuia ai a e hoohikiia ua mau hoike lilo la e kela ame keia mea nana i hana ia hoolilo a e hamama no ko ka lehulehu nana ana.

HOIKE INA AOHE MAU HOOLILO.

                        Pauku 32. Ina o kekahi moho, a i ole o kekahi agena a komite paha e lawelawe ana ma kona inoa, aole i hana i kekahi mau hoolilo no ia koho balota ana, e waiho aku oia a o lakou paha me ke Kakauolelo o ka Teritori maloko mai o na la he iwakalua mahope iho o ke koho balota ana i hoike i hoohikiia e wehewehe ana no ia mea.

NA LILO POLOLEI I AEIA.

            Pauku 33. Eia iho malalo na lilo i ku i ke kanawai, aole o na mea e ae, e hooliloia ai no kekahi moho holo balota ma ke ano Senatoa a Lunamakaainana paha:

            1. Kona mau lilo pilikino ma ke ano moho holo balota.

            2. Na lilo o ke pa'i a hoolaha ana ma na nupepa.

            3. Na lilo o na lako palapala me na pooleta.

            4. Na lilo o na halawai makaainana akea ana.

            5. Uku hoolimalima ame na hoolako ana i na Keena Komite, aole nae e oi aku mamua o hookahi no kela ame keia wahi koho.

            6. Na uku o na Kakauolelo aole e oi aku mamua o hookahi ame elua elele no kela ame keia wahi koho.

            7. Na uku o na kiai aole e oi aku mamua o hookahi, ma ka la koho balota wale no ma kela ame keia wahi koho.

G.R. CARTER, Kakauolele o ka Teritori.

C.R. BUCKLAND, Lunakakauinoa Koho Balota.

Hale Nana Hooko, Honolulu, Novemaba 3, 1903.

2988-Nov. 6, 13,20.

 

HOOLAHA HUI I HOOHUILA.

TERITORI O HAWAII. KEENA O KA PUUKU, HONOLULU, OAHU.

MA KA HANA O KA HOOPAU LOA ANA I KA BITUMINOUS ROCK PAVING COMPANY, LIMITED, (KAUPALENAIA.)

            Oiai ka Bituminous Rock Paving Company, Limited, he hui i hoohuila a i ku malalo ame ka malu o na kanawai o ka Teritori o Hawaii, mamuli o ua Kanawai la, a e like me ia i hoikeia malaila, ua waihoia mai ma keia keena he Palapala noi e hoopauia ua hui la, me ka Palapala Hooia i hoopili pu ia i kulike ai me ke Kanawai.

            Nolaila, me keia ke hoolahaia aku nei i ka mea a i ka poe apau i kuleana a e kuleana nei ma na ano apau iloko o ua hui @a i oleloia e waiho mai i na kumu ku-e i ka aeia o ua noi la i oleloia ma keia keena ma ka la a mamua ae o ka Poaha, Ianuari 7, 1904. a o kela ame keia mea e makemake ana e loheia ma ia hana e hele kino ae ma ke keena oihana o ka mea nona la inoa malalo iho ma ka Hale Mana Hooko, Honolulu, ma ka hora 10 a.m. o ua la la i oleloia e hoike mai no ke aha la e ae ole ia ai ia noi.

A.N. KEPOIKAI, Puuki teritori o Hawaii.

Honolulu, Okatoba 26, 1903.

2987-Oct.30-Nov.6, 13, 20, 27.

 

HOOLAHA AINA AUPUNI.

KOMIKINA O NA AINA AUPUNI.

            Aia he laikini aina no ka manawa o kanalima makahiki no ke kuai, hoololi a ohi, i ka ili wai ame ka mana i puka mailaila mai, maluna a mai na aina Aupuni mai e waiho la ma ka Mokupuni o Hawaii, e moe ana mawaena o ke kai ma ka aoao akau o ke awawa o Waipio ma ka aoao Hilina; ke awawa o Waipio ame ka palena, ka laina e moe la mawaena o na aina o Laupahoehoe 1 ame 2. Nakook@, Apua, Waikapu, ame Honopu@ ma kekahi aoao a ma kekahi aoao na aina o Puukapu ame Kawaihae 1. a holo ua @a@na palena la a hiki @ ke kiekie mai ka ili kai ae o 4,@@0 kapuai a mailaila aku @@  @in@ ouli o 4,@@@ kapuai mai ka ili kai ae o holo ana i Honokane ma ka aoao hema, ame ka aina o Honokane ame ka aina @likahi o Awi@i ma ka aoao Komohana, i kaa malalo o na pono p@@@@@ o ka poe

Ma ke Kauoha

i komo iloko oia mau waiwai e waihola aku ana ma ke kudala akea ma ka Poakahi. ka la 30 o Novemaba, 1903, ma ka hora 12 awakea, ma ke alo iho o ka Hale Hookolokolo.

            O ka poe i kupono ma keia kuai, e koho lakou maluna o ke kumu pa-keneta o ka puka o na loaa o ka hana i hoohanaia malalo o na kumu o ua laikini aina la, e ukuia i ke Aupuni o kaTeritori o Hawaii i kela ame keia makahiki, mai a mahope aku o ka makahiki ekolu o ka manawa o ua laikini nei.

            Ala he bona o $10,000 e kauohala ai no ka hoopaa lawa kupono ana no ke Aupuni, a maluna o na kahua o keia kauoha e hoohanaia ai a hoolilo ma na hana kukulu i ka $10,000 maloko o 1@ mahina.  Ma ka hoomaka ana i ka manawa o keia laikini aina he $500 e ukuia e ka mea e paa ana i ua laikini nei i ke Aupuni, e uku mua ai i kela ame keia hapa-makahiki (eono mahina) me ka nana ole ae i ka uku pa-keneta;  o ka hookaa mua o ka $500 e ukuia ia i ka manawa e haule ai ka hamare ma ka uku ana i ua huina la i ke Komikina o na Aina Aupuni.

            He 5 pa-keneta ke kumuwaiwai koho maluna o ka puka o na loaa. O na koho mawaho ae o ka uku pa-keneta o ka puka o na loaa aole ia e nanaia.

            O na mea e ae e pili ana i keia ano laikini e hoolakoia aku no ia mai ke Keena aku o ke Komikina o na Aina Aupuni.

E. S. BOYD, Komikina o na Aina Aupuni.

Keena o na Aina Aupuni, Okatoba 22,

2987-Oct.30-Nov. 6,13,20,27.

 

HOOLAHA AINA AUPUNI.

            Ke hoikeia aku nei ua hookohuia aku o Mr. W. G. Smith i Hope-Agena no na Aina Aupuni no ka Apana Aina Eono, Mokupuni o Kauai, oia hookohu e hoomaka ana ma ka la 1 o Novemaba 1903.

            O ke Keena Aina aia no ia ma na wahi noho Mr. A. S. Wilcox, i ikeia ma ka inoa "Kilohana" ma ke alanui nui mai Lihue aku a hiki i Koloa, ma ka Apana o Lihue, Mokupuni o Kauai.

E. S. BOYD, Komisina o na Aina Aupuni.

Keena o na Aina Aupuni, Honolulu, Nov. 10, 1903

2989-Nov. 13, 20, 27.

 

HOOLAHA O NA AINA AUPUNI.

                        Ma ka Poaono, Dekemaba 12, 1903, ma ka hora 12 awakea, mamua iho o ke alo o ka Hale Hookolokolo, e kuai kudala ia aku ana ma ke akea, i na hoolimalima o keia mau aina malalo iho nei:

            1.  Na Aina Aupuni o Pohakuhaku ame Kemau ma Hamakua, Hawaii, nona ka ili-aina o 80 eka, oi aku a emi mai:

            Manawa Hoolimalima  Elima makahiki (5)

            Uku-hoolimalima haahaa: $2.50 no ke eka, no ka makahiki hookahi e hookaa mua ana i kela ame keia hapa makahiki.

            2.  Ka Aina Aupuni o Kaohe, ma Hamakua, Hawaii, nona ka ili-aina o 185 eka, oi aku a emi mai.

            Manawa Hoolimalima:-Elima makahiki (5)

            Uku-hoolimalima haahaa:-$2.40 no ka eka, no ka makahiki hookahi e hookaa mua ana i kela ame keia hapa makahiki.

            No ke kii ame na mea aku i koe e ike ae ma ke keena o na Aina Aupuni, Honolulu.

E. S. BOYD, Komisina o na Aina Aupuni.

Keena o na Aina Aupuni, Honolulu, Nov. 10, 1903.

2989-Nov. 13, 20, 27.

 

HOOLAHA HUI I HOOHUIIA.

            Ke hoikeia aku nei o ka poe no lakou na inoa malalo iho nei ua kukulu ae nei lakou i kekahi hui no ka lawelawe ana ma ka oihana Kalepa Humuhumu Lole, Kalepa Waiwai a poe Kuai Lole ame na Waiwai like ole ma Honolulu a e ikeia ua hui la ma ka inoa o "C. K. CHOW AND COMPANY."

            Hanaia ma keia la 7 o Novemaba, 1903.

Inoa o na Lala,                                  Kahinoho.

C.K. CHOW, o Honolulu.

LEONG KONG, o Honolulu.

CHUN KAM MOON, o Honolulu.

CHANG KAN CHUN, o Honolulu.

WAT GING, o Honolulu.

LEONG PUN, o Honolulu.

CHANG QUAI, Hongkong, Kina.

JEAR JOCK KAI, o Hongking , Kina.

2989-Nov.13, 20, 27.

 

HUI HOOLEWA HONOLULU.

            Ke hooiaio nei keia, hui i kana mau hana kokua i kona mau lala. I keia wa ua @i mamua o 1300 lala, a ke oii mai nei i kela ame keia la.

J.H. TOWNSEND, Kakauolelo,

124 Alanui Beritania

Tel. Main 411.

 

He Huaale Maikai

Aole he like o na Huaale a Ayers" me na huaale e ae no ka mea he mau huaale kokua keia i ka hana a na naau, a he laau hoomaha maikai loa hoi. Ina he paa kou hanalepo o na "Huaale a Ayers" ka laau e hemo maikai ai, a e hemo maikai mau ana hoi mahope aku oia manawa.

Aole loa he hiki i kekahi kanaka ka Olelo ae he maikai kona ola kino ina aole he hemo o kona hanalepo he hookahi manawa o ka la, a oi aku paha. Ina i maopopo kela kanawai o ke ola i na kanaka apau, aole loa e like ka nui o ka poe ma'i me ka mea e ike ia nei i keia mau la.

Ua hana ia owaho me ke kopaa he maikai loa ka lawe ana.

Aohe mau Huaale i oi ae ka maikai mamua o na "Huaale a Ayers"

Hoomaukaukau ia e Kauka J.C. Ayers & Company, Lowell, Mass. U.S.A. @ loaa no keia mau Huaale ma ka Hale Kuai Laau o Hollister, alanui P@@@.

 

HOOLAHA MANAO PANIKU A KUAI A KA MEA PAA MORAKI.

ISAAC TESTA.

            Ma keia ke haawila aku nei ka hoolaha ma o ka pono a mamuli o ka mana kuai maloko o kekahi moraki i hanaia i ka la iwakalua-kumamakahi (21) o Maraki, 1903, he moraki i kakau kope ia iloko o ka Buke helu 2@1, aoao 137 a hiki i ka 13@, a i hanaia hoi @ Isaac Testa maloko o kona kuleana maoli a ma kona ano Kahu i ka The First American Savings & Trust Co,. of Hawaii, Ltd. a o ua The First American Savings & Trust Co. of Hawaii, Ltd. nei i oleloia ke manao nei e paniku i ka moraki i oleloia no na kumu i hoikeia maloko o ua moraki nei i oleloia, e hoike ana, o ka uku ole ia o ke kumupaa ame ka ulupanee i ka manawa e ulu ai.

            Ke haawi pu ia aku nei no hoi ka hoelaha o na aina apau loa a ku pakahi, na hale noho ame na mea apau i hoopaaia iloko o ka moraki i oleloia i hoakakaia a e hoakakaia ai mahope iho a i ole o ka nui e hoolawa kupono ai i ka huina i koiia e ka moraki i oleloia, ame na koina apau, na auhau ame ha hooliloa apau e pili ana i kela kuai a paniku, e kuai kudalaia aku ana ma ke akea, e James F. Morgan ma kona keena kudala ma Alanui Kaahumanu, Honolulu, i olelo mua ia ae nei, ma ka Poaono, la iwakalua-kumamawalu (28) o Novemaba, 1903, ma ka hora 12 awakea o ka la i oleloia.

            O ka waiwai i hoopaaia maloko o ka moraki i oleloia a e kuai kudala ia aku ai o@a keia:

            1. O kela mau apana a mahele o ka aina e waiho la ma Kaalawai, Mokupuni o Oahu, oia no hoi na apana Helu 7 ame 8 o ka Aina o Rosa, na Apana ma Kaalawai, he hapa hoi o na apana F ame G o ka Mahele Lunalio o Kaalawai, a oia no hoi ka aina i lilo ia Isaac Testa ma ka palapala kuai i kakauia iloko o ka Buke 188 aoao 409, nona ka iliana o 54053 kapuai kuea:

            2. O kela mau apana a mahele o ka aina e waiho la ma Kapahulu, Waikiki, Oahu i olelo mua ia ae nei a oia no hoi na apana Helu 16 ame 17 iloko o ke Kuea eha o na apana o Kapahulu i lilo ia Isaac Testa ma kekahi palapala kuai i kakau kope ia iloko o ka Buke Helu 188, aoao 408, nona ka iliaina o 10,000 kapuai kuea.

            3. O kela mahele o ka aina nona ka iliaina o 2 34-100 eka e waiho ia i Manoa, Oahu, oia no hoi ka hapa o ka R. P. (Grant) helu 161 ia W. H. Rice Tr. a i lilo ia Isaac Testa ma ka palapala kuai a J. S. Emerson, ke Komikina, i hanaia i ka la iwakalua-kumamahiku (27) o Sepatemaba, 1895,  a i kakau kope ia iloko o ka Buke helu 155, aoao 324.

            4. O kela aina apau loa e waiho la ma Kawaiolena, Honolulu, Oahu i olelo mua la ae nei, nona ka iliaina o 78-100 o ka eka oiai no hoi ka hapa o ka Apana 1 o ka R. P. helu 2697, L. C. A. 1165, a i lilo ia Isaac Testa, Kahu, ma ka palapala kuai i kakau kope ia iloko o ka Buke 141 aoao 9.

            Kuike a ma ke dala gula Amerika ka makemake a ma ka aoao o ka mea kuai mai ka lilo palapai kuai apau.

            Hanaia ma Honolulu, Okatoba 19, 1903.  THE FIRST AMERICAN SAVINGS & TRUST COMPANY OF HAWAII, LTD.

Ma o ka Peresidena, CECIL BROWN.

2986-Oct. 23, 30-Nov. 6, 13, 20.

 

KUAI A KE KOMASINA.

KUAI A KE KOMISINA O KA WAIWAI MA KONA AKAU, MOKUPUNI O HAWAII.

            Mamuli o kekahi Olelo Hooholoa i haawila e ka Mea Hanohano J. T. De Bolt, Lunakanawai Ekahi o ka Aha Kaapuni Apana Ekahi, i hanaia ma ka la 16 o Okatoba, M. H. 1903, ma ka hihia i kapaia M. F. Scott ku-e ia E. K. Pilipo, ame kekahi poe e ae, ma ka Aha Kaulike, o ka mea nona ka inoa malalo iho ke Komisina i hookohuia e ka Aha, e kuai aku ana ma ke Kudala akea, a e aponoia nae e ka Aha.

            Ma ka Poaono, Dekemaba 12, 1903, ma ka hora 12 awakea oia la, ma ka aoao mauka e komo ai i ka Hale Hookolokolo ma Honolulu, i na kuleana apau o na poe apau i kuleana ma ua hihia la ma ka hihia i oleloia maluna a o lakou pakahi hoi a pau iloko o kela apana o Holuloa 1 ame 11 Kona Akau, ma ka Mokupuni o Hawaii, a i hoikeia ma ke kuleana Helu 7713 Apana 43 ma ka inoa o V. Kamamalu, a ke waiho nei hoi mauka o ka 1000 Eka i hookaawaleia no M. F. Scoot, a e pili pu ana hoi me ua Apana Aina la, a mauka hoi ke alanui Aupuni ma Kona Akau; a o ka aina e kuai ia ana, ua hoalakaia penei:

            E hoomaka ana ma ke kihi Hikina Akau, ma ke kihi o ka 1000 Eka i hoolimalimaia, a e holo ana penei ma ka meridiana oiaio:

            1. Hik. 55 deg. 15 min. 42 sek. Ak., 28118 kapuai e pili ana ia Puapuaanui ame Puaa 1 a hiki i ke kahua Ana Aina ma Puu Laalaau, mailaila ae;

            2. Hik. 28 deg. 00 min. 45 sek. Hema, 10841 kapuai e pili ana me Keahou 2 a hiki i ke kihi Hikina Akau o Kaumalumalu;

            3. Kom. @@ deg. 48 min. @@ sek. Hema, 18850 kapuai a hiki i ke kihi Hikina Hema o Holualoa 4;

            4. Kom. 22 deg. 04 min. 00 sek. Akau, 1716 kapuai;

            5. Hema 72 deg. 00 min. 00 sek., 51@0 kapuai;

            6. Kom. 14 deg. 50 min. 00 sek. Akau 7550 kapuai a i kahi i hoomaka ai, a ma ia aina he 5189 Eka.

            E kuai ia ana ua aina la ma ke kumukuai koho aky he Elima Tausani Dala kuike. O na lilo o na Palapala na ka poe kuai mai; a e paa ana no hoi malalo o ke koena i koe o ka hoolimalima o ua  aina ia i hanaia e William R. Kakela ia M. de Gouveia a i kopeia ma ka Buke 14@ aoao 4@7.

            O ka aina maluna ae oia kekahi o na aina hanai holoholona ma Kona, a i ole, oia no ka aina Helu Ekahi.

            No na mea i koe e ninau i ke Komisina, a i ole la, ia J. K. Nahale, Kailua, Kona Akau, Hawaii, a i ole @a W. C. Achi o Honolulu Oahu.

W. A. WALL, Komisina.

W. C. ACHI, Loio no ke Komisina.

Honolulu, Okatoba 2@, 1903.

@@@@-Oct. 30-Nov. 6, 13, 20, 27-Dec. 4, 11