Ka Nupepa Kuokoa, Volume XLII, Number 2, 8 January 1904 — Elua Makahiki o Gallagher Noho ia i Kawa. [ARTICLE]

Elua Makahiki o Gallagher Noho ia i Kawa.

Ma ka Poakahi iho nei 1 wehe ai ke kau hookolokolo o ka Aha Hookolokolo Kaapurrf Eikahi ma ka noho ana ae o Lunakanawai E like me ke ano mau pela no keia o ka piha mau no—o kekahi no na hooponopono ana 0 na kiure. Iloko o ka huina o na hoa kiure kiekie o ka Teritori he iwakalua-kuma-makahi ka nui a hookahi i hookuuia a koe iho ke koena no lakou keia mau inoa malalo iho: Edgar L. Lewls, R. L. Scott, A. S. Rohertson, W. H. Babbitt; H. Z. Austin, C. F. Merrifield, H. A. Wilder, J. A. Baker, A. H. McChesney, F. P. Mclntyre, Arthur Johnstone, Sol. K. Nihoa, Sam K. Paulo, John Paahulu, E. B. Hickey, F. H. Armstrong- ame Doug]as Kaona. O W. H. Tell kekahi o na kapena mAkai o ka wa i hala oia ka makai o ka aha no na kiure. Iloko o keia noho ana: ua hooloheia ae ka hihia o Gailagher no ka aihue 1 na waiwai makamae o Mrs. Kuihelani Parker. He elua kulana hoopii o keia kanaka—hookahi no ka wawahl hale ma ke degere elua a hookahi no ka aihue ma ke degere ekahi. O Hugh Rooney oia kekahi i hoopiiia no ka malama 1 ka waiwai i aihue ia, oia hoi, o na mea makamae o ka hale o Samuela Parker! Geo. A. Bavis ame Henry Hogan na loio ma ka aoao hoopiiia a o ka Hope Loio Aupuni no hoi ma ka aoao o ke Aupuni. Ma kekahi kumu o ka aoao pale ua hoike ae na loio ua hanaia ka hana e Gallagher i kona wa ona, aka ua hoike ae ka loio Aupuni i ke ku-e loa o ia manao a ka aoao pale oiai e kaiair wa ana ka mea i hoopiiia i kona mau haku iuka o Puuohia mahope koke iho o ka aihue ana. Ma keia manawa ua puoho leo nui mai la o Gallagher no ke pale ana laiaiho, ma ka hoike ana, he hoopunipuni na mea i hoikeia oiai he hana wale ana no 'kana i ke kaa'a hoi no e hiamoe no ka ona. Ma keia manawa ua hookau aku la ka Luna.kanawai Robinson maluna o Gallagher no ka hoopaahao ana ma Kawa ma ka hana ikaika no eiua makahiki. Mawaho ae o keia hihia ua nui no na hihia e ku makaukau nei no ka hooloheia a e hooloheia nei.