Ka Nupepa Kuokoa, Volume XLII, Number 2, 8 January 1904 — Kokoke e Hooholoia na Kaa Uwi la Nunui. [ARTICLE]

Kokoke e Hooholoia na Kaa Uwi la Nunui.

O ke ano kaauwila nunui o ka Hul Kaauwila o Honolulu nei ke aneane aku nei e paa pono a i ka manawa kupono o keia mahina e hoaoia ai ua ano kaa nunui nei. He elua mau kaauwila liilii o ke ano e holoholo* nei i keia manawa ua hoohuiia ae a ka pau pono ka hana no ia mau kaa e lilo ai i hookahi kaa nui, nona hoi ka nui noho o kanakolu, ua Uke ia me umi-kumamalima noho o ka aoao hookahi, ua like hoi ia me kanaono ohua. He nui ioa ae keia kaa a loihi no hoi mamua o na kaa nunui o ke alanui | Moi e holoholo nei nona ke ano poepoe a ma na aoao o keia kaa nui he elua i anuu alapii e kau ai iluna a iloko o ike kino.