Ka Nupepa Kuokoa, Volume XLII, Number 2, 8 January 1904 — Na Puliki i ka Makahiki Hou. [ARTICLE]

Na Puliki i ka Makahiki Hou.

Ma ,ka Makahiki Hou i malama ae ai na Pukiki o *ke kulanakauhale nei i ka piha ana i ka Hui Manawalea o Hawaii ka iwakalua-kumamalua makahiki o ke ku ana me na hoohauoli kupono. Ma ka hora elima me ka hapa o ke kakahiaka i haawi pu aloha ae ai lakou' ma ka hale kalapu, ma alanui 'Alapal a oia no hoi kah'i i malamaia ai ka hoohanohano ana o ka huki ana i ko lakou hae. Mai ka'haie kalapu aku ka haalele ana o na Pukiki ma ka maki ana, a ka'ihele 'au la a hlki i Roma no ka puie mesa, ia ka'kahiaka i ka hora 9:30. A i ka pau ana o ka pule ua ku laina hou ae la ua poe Pukiki nei a, maki hou aku la no ko lakou hale kalapu ma 'ka hele ana ma na alanui Papu a huli ma Vinia, a huli ma Nuuanu, a huli ma Pauoa, a huli ma Puowaina ame ke aianui Lusitana. O ka lakou bana no ka makamua loa. Mahope iho o ka hiki ana i ko lakou hale kalapu ua haawi ae la ka Peresidena Silva he mau olelo hoolana.