Ka Nupepa Kuokoa, Volume XLII, Number 3, 15 January 1904 — KA HOALOHALOHA A KA PAPA LOIO. [ARTICLE]

KA HOALOHALOHA A KA PAPA LOIO.

Mamua o ka hoopanee ana o na hana o ka Aha Hookolokolo Kiekie i ka Poakahi iho nei, ua kauoha ae ia ka Aha e aponoia a e hoopaaia h<si ma ka mooleio ka olelo hooholo maialo iho nei i waihoia ae e ke komite o ka Ahahui Loio Hawaii oia o Stewart, Kaulukou ame Stanley, penei: "He kanaka o S. K.'Ka-ne i mahalo nuiia e kona mau makamaka a i aloha nuiia e kona mau hoaloha apau. O kona kulana holomua ame kona noonoo maikai, kona kulana noho malie, ame kona ano oluolu o na mea ia nana i hapai ae iaia ma ke kuUina kiekie aole wale no ma ke ano he hoa no ka Papa Loio aka, ma kona lawelawe pu ana no kekahi i na hana o ka lehulehu. Ma ke ano he loio ua akahele loa oia ma kana mau lawelawe ana ame ka maiau pu; a ma kona lawelawe ana hoi i na hana o ka iehulehu ua kupaa oia mahope o kana mea i manao ai ina ua manaoio oia aia ka pono ma kona aoao. laia i make aku nei ua hooneieia ka Papa Loio me kekahi o kona mau hoa kulana hanohano, a o ke aupuni Teritori hoi i kekahi o kona kanaka kupono, ka mea hoi i haawi i kona ikaika a i hopholo aku imua ma ka hoomaAielie ana i na kuee i uiu ae ma o ke ano o ka 111, a i hapai a hooholomua hoi i ke kulana aupuni maikai, nolaiia

"E hooholoia, Ma keia ke hoike nei ka Ahahui Loio o ko Hawaii Paeaina i kona kaumaha paumako nui i ka popiiikia i loaa iaia ma o ka make ana o Mr. Ka-ne, a i kona aloha hoi i ka \vahine kane-make ame kona ohana pu, a ke noi nei me ka haahaa imua o keia Aha Hanohano e hoopaa iho i keia olelo hooholo ma kona mau mooleio."