Ka Nupepa Kuokoa, Volume XLII, Number 11, 11 March 1904 — Page 2
| This text was transcribed by: | Vicki Duffett |
| This work is dedicated to: | Hui Panala'au |
Ka Nupepa Kuokoa
KE KILOHANA POOKELA NO KA LAHUI HAWAII.
2. NUPEPA KUOKOA, MARAKI 11, 1904.
KA
NUPEPA KUOKOA
NO KA MAKAHIKI $2.00
NO EONO MAHINA 1.00
SUBSCRIPTION RATES
ONE YEAR $2.00
SIX MONTHS 1.00
O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, @ NA AOLE. AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna pololei
mai i ka HAWAIIAN GAZETTE
COMPANY, LTD.
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Honolulu,
Panalaau o Hawaii, ma ke ano
Mea o ka Papa Elua.
DAVID L. A-I, : : Lunahooponopono
S. K. NAWAA, : Kokua Lunahooponopono
A. W. PEARSON, : : : : : Lunanui
HONOLULU, OAHU
POALIMA : : : MALAKI 11, 1904.
KA AHAOLELO KUIKAWA.
E like me ia i ulu mai ai na noonoo o ka hoomaopopo ana i ka holopono ole o na hana kumau o ke Aupuni mamuli o ka lawa ole i na haawina dala nui kupono no ka manawa e kopana koikoi loa e nei pela i ulu mai ai na manao ina he mea pono e kahea ke Kiaaina i Ahaolelo Kuikawa i hoopauia ae ai keia pilika.
Ma ka hoopu-aia ana ae o ua ninau nei, a i uiia hoi e ke Kiaaina Carter iwaena o kekahi poe koikoi o ke kulanakauhale nei ame kekahi poe koikoi loa o na aoao kalaiaina ekolu o Hawaii nei, mai ia manawa mai ka ulu ana o na manao like ole o ka lehulehu no keia ninau, a makou no hoi e manaoio nei ua loaa maopopo aku la i ke Kiaaina ka hoomaopopo piha i ka pana koikoi loa o ka manao pililaula o ka lehulehu maluna o keia ninau, kahi hoi ana e hookahua iho ai i kana olelo hooholo ina nei no ke kahea a aole paha.
Ua ike pu ia no hoi ka like ole o na manao hoike akea o keia poe i ko lakou manao a me he la ua kaa aku ke koikoi ma ka aoao e ka-ua ana i ke kaheaia i ahaolelo kuikawa, a makou no hoi e komo kokua pu aku nei ma ia mahele, me ka manaolana e hana mai ana ke Kiaaina pela.
He mea maopopo e like me ia e ku nei a e like me ke ano o ka lawelawe ana i na hana ahaolelo o ke kau i hala, e nui ana no na hoolilo no na hana o ka ahaolelo kuikawa, alaila ke huiia ae me na anoai e puka hololea ole ai, oiai aole e hiki ke manaoio mua e aku e hana kuio mai ana na hoa ahaolelo apau i ka maikai a hooemi lilo no ke kau kuikawa, a ina no e puka mai ana na hua e holoiia ae ai ka pilikia o keia wa ano, ia manawa hookahi no e nui loa aku ana ka hoolilo mamua o ka hooemi lilo malalo o na loaa loaa mai.
No na ahaoelo hope ekolu i hala ae me he mea la, aia ka awerika o na hoolilo ma kahi o ka elua haneri kaukani dala a o na hua i loaa mai ua emi iho ko lakou waiwai nui mamua o na hoolilo aupuni, ka mea hoi aole e kupono e ola ke aupuni ma ia ano kahua, oiai — o ke kalaiaina kupono oia ka hoomakaulii ma ka hooikaika ana e kaa mau na lilo malalo o na loaa komo mai.
Ua ku ia oiaio maluna o na hana apau a pela no e lawelawe nei na kanaka oihana kalepa i ka lakou hana hoowaiwai a pela no hoi na home e malamaia ai; a hiki aku i ke kanaka. Nolaila o ka wehe ana i ahaolelo kuikawa, oia no ka hoonui loa ana aku i na lilo maluna o na loaa kumau o ke Aupuni.
Aole no keia kumu wale ka maikai o ka wehe ole ana i keia ahaolelo kuikawa aka, no ka mea, ua hoike manao akeaia ae aia no he mau hana a ke Aupuni e hiki ai ke hana no ka hooholopono ana i na hana imua, he hana hoi aia iloko o ka lima o ke Kiaaina ke holopono ka ka Aha Kiekie noonoo no kona mana piha a makou e manao nei ua oi aku ka waiwai o ka hoohana ana ia hana i keia manawa oiai o keia iho la kona manawa kupono, he hoomaalo ana ae ai i ka wehe ana i keia ninau ahaolelo kuikawa, a o ka lilo ole no hoi ia o ia mau loaa aupuni, a oia loaa aupuni i lilo ole aku la e lawa ana kekahi mau hemahema aupuni me ia mau loaa.
Mawaho ae o keia ame na kumu kupono e ae no ke kakoo ana i ka maikai o ka wehe ole ana i ka ahaolelo, ua hiki no kakou ke ike aole e liuliu loa o ka hiki mai no ia i keia kau koho balota ae a aole no hoi e pauaho loa o ka noho no ia o ka ahaolelo kumau. Nolaila i ka makou noonoo ana ua oi aku ka maikai o ka hoomanawanui ana me ka wehe ole i ahaolelo kuikawa a hiki mai ke kau kumau, a e hoohana aku ke Kiaaina i kona mana a ke kanawai i ae ai iaia, a maloko no hoi o ko lakou mau palena mamua o ke komo poo ana a nui aku ka pilikia.
Aole no ka nele dala loa o ke aupuni i makemakeia ai e wehe i ahaolelo kuikawa aka no ka lawa ole o ke dala no keia mau manawa aku a hiki i ka palena manawa a ka ahaolelo o ke kau i hala iho i kaupalena ai, a i noho mai ia o ka ahaolelo kumau nana no ia e hoomaopopo i na haawina no ka manawa e hiki mai ana.
Aia no he haawina dala iloko o ka waihona nui, eia nae, aole e lawa ia huina no na manawa i hoomaopopoia no ka mea e pau ana ia huina dala mamua o ka hiki ana mai o ka hopena manawa i hoomaopopoia, alaila o keia hana a ke Kiaaina e like me ke kaomi nui ana i na ukuhana o na luna aupuni i kaupalena ole ia e ka ahaolelo ame ka hoopau ana i kekahi poe limahana aupuni a koe iho ka poe e ikeia ai e hiki ia lakou ke auamo—pela hoi e pakali liilii aku ai a hiki i ka manawa e pau pono ai ka manawa, he hana oi aku ia o ka maikai mamua o ke kikoo mua ana aku i na loaa o na manawa e hiki mai ana a hoohana no keia hoena manawa ano, aole hoi dala no ka manawa e hiki mai ana ke kumu hoi e aie hou ai a e hoonui loa ana ia i ka aia aupuni.
Ke manaolana nei makou e kuhau aku ana keia manao wehe ahaolelo kuikawa a e noonoo nui kakou no keia mea e pono ai.
I KAHUA HALEKOA KA PAALII.
Ua hauoli loa makou i ka ikaika o ka manao hoohalahala o Mr. Cleghorn i keia manao i lauahea ae no ke kukulu ana i halekoa no ka Teritori iloko o ka Palii, oia no hoi ke kahua o ka Hale Mana Hooko o ka Teritori nei.
Aole wale no hoi oia ma keia hoohalahala aka o kekahi poe e ae he nui a o ko makou makemake nui oia no ka laulima mai o na manao o keia ano i mea e kuhau ai ke kukulu ana i ka halekoa ma keia kahua nani.
He mea oiaio no, no ke aupuni no keia kahua o ka Hale Mana Hooko e ku nei a no ke Aupuni no ka oihana koa, ka hana e koi ikaiha nei e kukuluia i halekoa, a aohe a makou hoohalahala i ke kukulu ana i halekoa no ka mea he mea kupono loa io no ia o ka malama ana o ke Aupuni i mana ikaika nona no ka malama ana iaia iho mai na ano anoninoni kuloko ame na mea like, aka o keia wahi i oleloia ae nei aole i maikai loa i kahua no ia hana.
He nui no na kumu kupono e kakoo ole ana i keia manao kukulu halekoa a o kekahi o ia mau kumu oia no ka hookaawale ana i ke kahua oihana kaua mai na oihana aupuni ae. He mea oiaio no aole he kanawai e paniku ana i ka hooko ana aku i keia mea, a aole ia he mea hewa, aka o ka nina @ui—o ka maikai loa anei ia o ke kukulu aku ia halekoa iloko o ke kahua hale Mana Hooko, a makou hoi e hoohakalia ole ai i ka pane ana aole ia o ka maikai loa.
He mea maikai ka hookaawale ana i kahua ku kaawale no ka oihana koa, e hoolawa ana i na pono apau i pili loa ia oihana aka o ka manao ana e kukulu iloko o keia pa nani alaila he hoohaiki ana ia i na mea apau, e like me keia—
I ka manawa paha e mahuahua loa ae ai ka oihana koa ke kukuluia ilaila e nele ole ai ka loaa o ka manao e hoonui ae i ka halekoa a i ole na hana paha, alaila, e palanaiki mai ana ia kahua e ku la no ka hoolawa piha ana i ka makemake. Aole o keia wale, aka like ole oia hoi, malia e ulu ae ka manao e kukulu hou i mau hale aupuni hou e like me ia hoopu-aia mamua iho nei a i ka manawa e kukuluia ai ia mau hale aupuni, a hui hoi me keia mau halekoa pakui alaila e hiki aku ana kakou i ka hopena o ka @awa ole o ke kahua ke hoolawa pono i keia mau mahele a elua na hana aupuni ame ka oihana koa.
Aole o ia wale aka o ka nanaina nani o ke kahua hale aupuni e maalo ae ana ia nolaila ua maikai e huliia i kahua okoa no ka oihana koa, oiai i ka nana aku no keia mua aku ua lawa no keia kahua no na hana aupuni wale no a ua oi aku ka maikai o ka hoohuikau ole ia laua.
O ka manao ana e waiho aku na ka Ahaolelo Nui e hana mai i Kanawai Kalana no Hawaii, oia hoi, nana e hookumu a hooholo mai oia no ka hoonele ana ia Hawaii ahaolelo i ka mana hooponopono i kona iho a makou e manao nei he hemahema nui ia, ke o@e e loaa i pauku iloko o ia kanawai e haawi mana hooponopono ana i ko kakou ahaolelo. O ka haawi ana e like iho la pela oia no ka lilo pau loa o ka mana hooponopono o na kalana o Hawaii iloko o ka lima o ka Ahaolelo Nui, ma kekahi olelo ana ua nele kakou i ka mana hooponopono i ko kakou mau pono ponoi iho.
No ka mea aole e hiki ia kakou ke hooiaio mua iho e hanaia mai ana i kanawai kalana no kakou e like me ka kakou i makemake ai, oiai hoi, ma kekahi aoao, ua maopopo loa e hana mai ana kela poe hoa ahaolelo o ka Ahaolelo Nui e like me ka maa ia lakou a e like me ka lakou i ike ai, a nolaila e kupono ole ana ia mau mea a lakou e hana ai ia Hawaii nei oiai nae e kupono ana no ia mau aina hikina. Ma keia mea aole i hemahema na hoa ahaolelo, oiai oia ka maikai loa a lakou i hana ai aka aole ia o ka maikai loa e pili pono ai no Hawaii.
Alaila, heaha? Na kakou no e hana i kanawai kalana no kakou e like me kakou i hana iho nei i ke kanawai kalana i hanaia iho nei a haule pahu ai. Aole no e nele ka oleloia ua hawawa nui kakou ma keia hana ana, a ua pololei no ia olelo ana no ka mea o ka hana a ko kakou ahaolelo i hana hemahema ai e kau ana ia maluna o Hawaii holookoa (aole nae ke koikoi , no ka mea e kau no ia maluna o ka poe na lakou i hana a hooholo) aka e olelo anei kakou no ka haule ana o keia alaila aole e hiki hou ke hanaia, a makou e pane nei ua hiki no, e hanaia nae me ke akahele ame ka nui o ka manawa, aole e like me ia i hana mua ia iho nei.
Na keia kanawai kalana i haule pahu iho nei i hoike ai i ka nui hemahema ame ke poho nui a na ia mea no e ao ia kakou e hana akahele i kanawai kalana no kakou aole me ka puapuahulu, a e hoonui i ka manawa e hana ai, me ke kilo maikai loa ana, a iloko o ka hoomanawanui e pono ai ia mea, alaila i ka manawa e waiho aku ai iloko o ka ahaolelo e puka mai ana a he puka ana ia e loaa ana ia kakou ka ike aia no ia kakou na hooponopono ana apau ame ka lawelawe hana ana.
Ua oi aku ka maikai o keia mamua o ka waiho ana aku na ka Ahaolelo e haku kanawai mai no kakou, a o ke kanawai kalana hoi o kakou e noonooia mai la he hoao ana ia e hooponopono i na hemahema, a maikai loa hoi ina aole e kiolaia ae ka pauku i hookomoia e i ana e hiki no i ko kakou ahaolelo kuloko ke hooponopono. E noonoo nui kakou no keia ninau.
AOLE OU HOALOHA E LIKE ME KOU HOALOHA O KA WA I HALA. E kokua mau ana oia ia oe i kou manawa e poino ai. Ua like no ia me ka laau Chamberlain's Cough Remedy. He hoaloha ia iloko o na tausani home, a e like me kou hilinai ana i na hoaloha e ae, pela hoi oe e hilinai ai iaia i ko wa o ka pilikia. Ke kuaila nei e na Halekuai Laau apau. Benson, Smith & Co., Ltd., na Agena ma Hawaii nei.
I HALE HOOMAEMAE KOPAA.
MAI KA "EVENING BULLETIN"
MAI O FEBERUARI 29, 1904.
NA MANAO ALAKAI O W. C. ACHI.
I ka lehulehu:—O ka holomua o kela ame keia kanaka, me ka nana ole, eleele, melemele, ulaula a keokeo paha kona ili, ke kau nei no ia maluna o ke kumukuai o ke Kopaa maloko o ka oihana mahiko. Ke manaoio nei au, ua hiki mai ka manawa no kakou e huipu ai me ka lokahi a hakaka aku no ko kakou mau pono.
O kou manao ma keia mea, oia no keia, e ku ae kakou na poe ma Hawaii nei i keia wa, a kukala ae ke kokua nei kakou i ka manao e kukuluia i Hale Hoomaemae Kopaa ma Nu Ioka a i ole ma Piladelepia, a i hookahi ma ke kahakai komohana o Amerika, no na Iilo i $5,000,000.00 a i ole i $10,000,000.
Malia paha o oleloia mai, o na poe e lawelawe nei ma ke ano Agena no na Mahiko ka poe kupono e hana ia hana, ke olelo nei au, aole pela, no ka mea, ke hauoli nei no lakou, no ka mea, he mea ole no ia lakou ia mea, oiai, na mahiko e puka ole ana, e ohi ana no lakou i ko lakou mau uku Komikina, oiai no nae na ona mahele iloko o na mahiko e noho ana me ka ohi ole i kahi puka; a o na poe e ae hoi e hana ana ma ke ano uku mahina e hana ana no na uku mahina emi mai.
Nolaila, ke olelo nei au, aohe keia he ninau na na Agena mahiko wale no e noonoo ai; ua ike no kakou, o na uku mahina o na mea apau, ina no e hana ana lakou no na poe Kalepa a i ole no ke Aupuni, ke kau nei no ia maluna o ka holomua o ka Aina; a oia holomua o ka Aina, ke kau nei no ia maluna o ke kumukuai o ke Kopaa.
Pela no hoi me ka poe e hana nei no lakou iho, o ka holomua o ka lakou mau oihana ke kau nei no ia maluna o ke kumukuai o ke Kopaa.
O na poe apau e hana nei a e loaa ana kahi dala, he mea pono e komo pu lakou iloko o keia paio ana; oia hoi, e haawi mai kela ame keia mea i kona mahele e like me kona mau loaa mai, iloko o kekahi Hui e kukulu ai i keia mau Hale Hoomaemae Kopaa.
E ae mai hoi na Agena Mahiko e kuai mai i ka lakou mau Kopaa apau i keia Hui no kekahi mau makahiki.
E hookomo mai hoi na Mahiko i ko lakou mahele e like me ka nui o ko lakou loaa mai, o na Agena Mahiko hoi i ko lakou mahele; na Kalepa hoi i ko lakou mahele; na Iuna Aupuni hoi i ko lakou mahele; na Kakauolelo hoi iloko o na Hale Kalepa i ko lakou mahele; a pela aku a hiki i na Pake ame na Iapana.
Alaila, e hoouna aku kakou i kanaka mai nei aku e malama i ko kakou mau hana; e like paha me Senatoa L. L. McCandless, Hon. Henry E. Cooper, a kanaka kupono e ae paha ma ke ano i Luna nui no ka Hui.
E komo ae na Hui, na Kalepa, na Loio a pela wale aku; penei paha, e hookomo ae na mea apau i Umi pa keneta o ko lakou mau loaa makahiki iloko o keia Hui; ke manaoio nei au, he mau makahiki pokole wale no, e lawa ana ke dala ia kakou e paio ai a loaa ka lanakila me keia me@.
E hanaia hoi ka Hui ma ke ano i Umi dala no ka mahele, i hiki ai i na mea apau ke lawe i na mahele iloko o keia Hui.
E noi aku hoi kakou i na Agena Mahiko e komo pu mai ma keia hana, a na lakou e alakai ia kakou ma keia hana.
He mea pono ia kakou ke hana, a e hana hoi me ka awiwi ma keia mea; i mea e hiki ai ia kakou ke hoopakele ae ia kakou iho.
O ka kakou mea kupono e ake aku ai e loaa i kumukuai kupono no ko kakou mau Kopaa.
Ke manaolana nei au e lohe mai ka lehulehu mai.
W. C. ACHI,
Honolulu, Feberuari 29th, 1904.
HE MANAO I KAKAUIA MAI.
Mr. Lunahooponopono, Aloha oe:—Ua ike iho la au he manao iloko o ke "Aloha Aina" o kela pule aku nei na D. A. Mahuka o Wailuku, Mokupuni o Maui, e paipai ana i ka lahui Hawaii e komo aku ma ka aoao kalaiaina Demokarata, oiai wahi ana ke kakali mai la ia aoao o ka hoea aku o ke kanaka Hawaii ilaila.
He mea oiaio, e ka lunahooponopono he hoaloha maikai o D. A. M. no ka mea kakau nei, aka aole no nae ia he mea e keakea mai ai iau i ka hoike ana aku i kou manao imua o ko maua lahui, a hookahi wale iho no ou manao, a oia no hoi keia:
I ka manawa o Demokarata e paonioni ana me ka aoao Repubalika, ihea la o D. A. Mahuka kahi i ku ai? Home Rula.
I ka manawa o Demokarata e hakoko ana maluna o kona mau kumuhana me na Repubalika, ma ka aoao hea la o D. A. Mahuka kahi i paio ai me kona ikaika apau? Home Rula.
I ka manawa o Demokarata e paio ana me ka hahana nui i ka Repubalika ma ke kahua o ke koho balota, ihea la o D. A. Mahuka kahi i kalele ai? Home Rula.
Nolaila e kuu makamaka ke paipai nui nei au ia oe e komo i ka aoao Repubalika me au i ou mau makaainana ame ou mau makuahine o ka aina, e noonoo me ke akahele a mai pulale, aka, e hoala i ka noonoo maikai a e hoopaa i ko kakou puuwai ma ka aoao Repubalika no ka manawa pau ole.
Me ka oiaio,
BERNARD KELEKOLIO.
HAI KE KUE O KINAU.
Ma keia huakai aku nei a Kinau no Hawaii, a mawaho ae hoi o Hakalau, ua hai iho la kekahi o kona mau kue, a i ka loaa ana o keia pilikia oia no ka manawa a Kapena Freeman i hookele aku ai i kona moku iwaho o ka moana nui a huki ae la i hae hoailona poino. Ua ikeia aku keia hoailona poino e Mr. Ross mai Hakalau aku, a oia no hoi kona manawa i telepona aku ai i ka mokuahi Hawaii e ku ana i ke awa o Pepeekeo, a nana i holo aku a kolo aku ia Kinau no Hilo.
Ma ka halehana o ka hui kaaahi o Hilo i hooponoponoia ai ke kue i poino, a huli hoi mai ka moku no Honolulu nei ma ka Poalima. Mamuli o ka lohi loa o ka haalele ana ia Hilo aole i kipa ae o Kinau ma kona mau awa mau, aka ua holo pololei mai la oia no Honolulu nei a ku mai la ianei ma ka hora 10:30 o ka Poaono, a na ka mokuahi Helena i holo ae na awa a Kinau i haalele aku ai. I ka nana ia ana o kahi i poino aole i ili aku ka hewa maluna o na wiliki.
HOOLAHA HOOKO MORAKI.
HOOLAHA MANAO E HOOKO A
KUAI A KA MEA PAA MORAKI.
Mamuli o ka mana kuai i hoopaa ia iloko o kekahi palapala moraki mai ia Charles S. Desky mai a ia C. W. Booth, i hanaia ma ka la 22 o Sepatemaba, 1900, i kopeia hoi iloko o ke Keena Kakau Kope, Oahu, iloko o ka Buke 217, aoao 9 a hiki i 11, ma keia ke haawiia aku nei ka hoolaha ke makemake nei ka mea paa moraki e hooko i ka moraki i oleloia no ke kumu i uhaiia, oia hoi, ka uku ole ia ana o ke kumupaa ame ka ukupanee i ka manawa e hookaa ia ai, a ma ka Poakahi, la 28 o Maraki, 1904, ma ka hora 12 awakea o ia la e haawiia aku ana ma ke kuai a e kuaiia aku ana ma na keena kudala o Will E. Fisher, No. 180, Alanui Kalepa, Honululu, i na aina ame ka waiwai i hoakakaia iloko o ka moraki i oleloia, i hookuu ole ia hoi mamua aku o keia manawa mai ka moraki ae. O na aina ame ka waiwai e kuai ia aku ai pela, ame na mahele aina pu hoi i hookuu ia, ua hoakakaia no ia iloko o ka papa helu waiwai i hoopili pu ia me keia a e nana ia aku ai ma keia.
O ke kumukuai ma ke dala kuike no ia ma ke dala gula hoi o Amerika Huipuia. O na palapala kuai ma ka lilo no ia o ka mea e kuai mai ana.
No na mea aku i koe ame ka nana ana i na kii aina e hoike ana i kahi i waiho ai o ka waiwai i oleloia e like me ka mahele ia ana ma na apana, e ninau aku ia J. Alfred Magoon, keena hana ma ke kihi o na Alanui Kalepa ame Alakea, ma ka Hale Magoon, Honolulu, a i ole ia Will E. Fisher, mea kudala.
C. W. BOOTH,
Mea Paa Moraki.
Hanaia ma Honolulu, Feberuari 24, 1904
PAPA HELU WAIWAI.
O ka waiwai e kuai ia aku ana oia no keia malalo iho:
O kela mau apana aina a pau loa e waiho la mawaena o ke awawa o Pauoa ame ke awawa o Nuuanu iloko o ka Apana o Honolulu, Mokupuni o Oahu, Teritori o Hawaii, penei:
EKAHI: O ka Apana ekahi apau loa o ke Kuleana Helu 10,605 ia Kamakee Piikoi, nona ka ili o aiwa eka ame 9.39 kaulahao kuea, e like me ia i ko peia ma ka Moolelo o na Kuleana ma ke Keena Aina o ka Lehulehu ma Honolulu ma ka Buke 10 o na Kuleana i oleloia ma ka aoao 60.
ELUA: O ka Apana ekahi apau o ke Kuleana Helu 273 ia Joseph Booth, i kopeia ma ke Keena Aina o ka Lehulehu ma Honolulu iloko o ka Buke 1 o na Kuleana ma ka aoao 457, a i hoopukaia ai hoi maluna olaila ka Palapala Sila Nui Helu 302 ma ka la 14 o Mei, 1851, e like me ka mea i hoikeia ma ka Buke ekahi o na Palapala Sila ma ka aoao 302; nona ka ili o 208.3 eka.
EKOLU: O kela mahele apau o ka Palapala Sila Nui (Grant) 524 ia Joseph Booth, i kopeia iloko o ka Buke 5 o na Palapala Sila Nui (Grants) ma ka aoao 524, e waiho la ma ka aoao ma Ewa o ka palena ma Waikiki o ke kahua o ka na pohaku ma ka palena ma Waikiki o ke alanui Kaiulani; oia no hoi ke alanui kaa nui mai ke alanui mai ma ke awawa o Pauoa a hiki i na aina palahalaha maluna aku i ike ia ma ka inoa o "Pacific Heights."
EHA: I kela apana aina uuku e pili ana i ka apana ekahi o ka palapala hoona kuleana 273 Palapala Sila Nui 302 a ma ka aoao Hikina mauka o ka aina o B. P. Bishop ma kekahi aoao Hema o ke Alanui Aupuni ma ka aoao Ewa o ke awawa o Pauoa, ma ka aoao Komohana a makai o ka aina o Laika, koe kekahi apana uuku no Holani.
ELIMA: I kela apana aina i hoike ia ma ka Palapala Sila Nui 5634, Kuleana 1661 ia Waiwaiole i ike ia keia wahi ma ka inoa o Waimapuna Punananoio, me keia nei e hoomaka ana ma ke kihi Akau o keia apana malalo o ka puka wai i kameki ia e pili pu ana me ka paipu nui H. 53 deg. 05 min. K. mamao 46.2 kapuai e holo pololei ana
1. H. 26 deg. 55 min. E. 33.0 kapuai a hiki i ka laau;
2. H. 65 deg. 50 min. K. 49.5 kapuai a hiki i ka laau;
3. A. 23 deg. 30 min. K. 36.8 kapuai a hiki i ka laau;
4. A. 71 deg. 05 min. H. 47.5 kapuai a hiki i kahi i hoomaka ai—ka nui he 1.680 kapuai kuea, oi iki a emi mai paha ame kuleana o ka Mea Paa Moraki o keia ano ame kela ano iloko o ka Waimapuna i hoike ia maluna ma ka Palapa Sila Nui Helu 5634, Kuleana 1661 i ike ia ma ka inoa o Punananoio ame ka wai e hu mai ana malaila mai.
EONO: He kuleana alahele maluna o na aina apau o C. S. Desky e holo ana ma kahi o na paipu wai e ku nei i keia wa i wahi e hooponopono ai i ka wai o keia waimapuna i hoike ia maluna no ka hooholo ana o ka wai o keia mapuna a hiki i ka aina i hoikeia ma ka pauku elima a maluna o na aina mai ka pauku akahi a hiki i ka pauku eha oia no o Pakipika Hila.
O kekahi hapa o keia aina i hoike ia maluna ua ana ia a ua okioki ia iloko o kekahi mau pa he 98 ka nui a o keia mau pa aole i wehe ia mailoko ae o ka moraki, a oia no ke kuai ia aku ana. O ka aina holookoa apau loa me keia mau pa he 98, oia no ke kuai ia ana, koe na apana i wehe ia a i hoike ia malalo:
EKAHI.
(Pa 30) Ili 28,400 kapuai kuea i lilo ia Mary Castle.
(Pa 13) Ili 19,225 kapuai kuea i lilo ia Cordelia F. Allen.
(Pa 12) Ili 45,000 kapuai kuea i lilo ia A. S. Parke.
(Pa 38) Ili 18,900 kapuai kuea i lilo ia Sila B. Pratt.
(Pa 39) Ili 21,800 kapuai kuea i lilo ia H. L. Kerr ame Martin L. Smith.
(Pa 41) lilo ia J. M. Atherton.
(Pa 48) lilo ia F. E. Nichols; o keia mau pa elua 41 ame 48 he 34,000 kapuai kuea ka nui.
Ka aina i lilo ia T. Clive Davies he 6 10-100 eka ka nui.
Ka aina i lilo ia C. W. Booth he 1 37-100 eka ka nui.
He palapala mai ia Chas. W. Booth a ia Charles S. Desky i hana ia i ka la 22 o Sepatemaba, 1900. a i kopeia ma ke Keena i oleloia iloko o ka Buke 217, aoao 9 a hiki i ka 11, a e hoike ana i na apana ekahi a hiki i ka apana ewalu i hookoe ia maluna.
ELUA.
(Pa 5) Ili 12,400 kapuai kuea.
(Pa 6) Ili 14,400 kapuai kuea.
(Pa 11) 1/2 Ili 1 ame 43-100 eka.
(Pa 14) Ili 15,760 kapuai kuea, lilo ia John T. Moir.
(Pa 18) Ili 24,500 kapuai kuea, lilo ia E. O. White.
(Pa 20) Ili 23,400 kapuai kuea, lilo ia H. P. Baldwin.
(Pa 21) Ili 28,500 kapuai kuea, lilo ia H. P. Baldwin.
(Pa 23) Ili 19,300 kapuai kuea, lili ia G. P. Castle.
(Pa 24) Ili 18,400 kapuai kuea, lilo ia G. P. Castle.
(Pa 34) Ili 20,200 kapuai kuea, lilo ia W. J. Lowrie.
(Pa 35) Ili 25,320 kapuai kuea, lilo ia W. J. Lowrie.
(Pa 36) Ili 2,150 kapuai kuea, lilo ia W. J. Lowrie.
(Pa 37) Ili 22,400 kapuai kuea, lilo ia W. J. Lowrie.
(Pa 42) Ili 17,900 kapuai kuea, lilo ia Juliette M. Atherton.
(Pa 49) Ili 26,500 kapuai kuea, lilo ia Percy M. Pond.
(Pa 54) Ili 24,500 kapuai kuea, lilo ia Frederick J. Amweg.
(Pa 55) Ili 23,400 kapuai kuea, lilo ia Frederick J. Amweg.
Pa 63) Ili 23,500 kapuai kuea lilo ia Thomas E. Wali.
(Pa 92) Ili 25,000 kapuai kuea, lilo ia John Cassidy.
(Ka Aina o Ripley) Ili 2 ame 4-10 eka.
A oia no hoi na apana aina i hookoe ia a weheia mailoko ae o ka moraki i oleloia, i hanaia i Sepatemaba 22, 1900, a kopeia iloko o ka Buke 214, aoao 218 a pela aku, a oia no hoi na hookoe ana i hoakakaia maloko olaila a i heluia mai ka ekahi a hiki i ka iwakalua-kumamakahi hui ia.
EKOLU.
(Pa 28) Ili 24,383 kapuai kuea, i lilo ia P. A. Parmalee.
(Pa 22A) Ili 66,258 kapuai kuea, i lilo ia G. P. Castle.
(Pa 22) Ili aneane 23,000 kapuai kuea, i lilo ia G. P. Castle.
(Pa 33) Ili 84,707 kapuai kuea, i lilo ia Alexander Young.
(Ka hapa Komohana o ka Pa 40) Ili 9,850 kapuai kuea, i lilo ia Juliette M. Atherton.
(Pa 21A) Ili 51,200 kapuai kua, i lilo ia H. P. Baldwin.
(Pa 52) Ili 20,600 kapuai kuea, i lilo ia G. T. Kluegel.
(Pa 7 ame Pa 8) Ili aneane 36,000 kapuai kuea, i lilo ia C. M. Walton.
(Pa 1 ma ka aoao Hikina o ke Awawa o Pauoa) Ili 10,485 kapuai kuea, i lilo ia Heinrich Voss.
(Pa 28 ma ka aoao Hikina o ke Awawa o Pauoa) Ili 6,360 kapuai kuea, i lilo ia S. Fowler.
(Pa 4 ma ka aoao Hikina o ke Awawa o Pauoa) Ili 6,075 kapuai kuea, i lilo ia F. De Mello.
EHA.
O ka aina e ku nei ka hale uwila o Pakipika Hila nona ka ili o 2500 kapuai kuea, ame ke kuleana alahao o na kaa uwila i hoike ia maloko o ka palapala hookuu moraki i hanaia ma ka la ekolu o Dekemaba, 1902, Buke 239, aoao 457.
O na aina i hoikeia maluna e kuai ia ana me ka hookoe i ke kuleana alahele i hana ia ma kekahi palapala e C. S. Desky ame kana wahine mare ia C. W. Booth ma ka la 22 o Sepatemaba. 1900, a i kopeia iloko o ka Buke 210, aoao 284-5, a oia no hoi ke kuleana alahele no ka hoomoe paipu wai ana ma ka aoao e huli ana i ke Awawa o Pauoa.
Ina e lawa ole ana ke dala no ka hookaa ana i ka huina i aie ia mai na aina i hoakakaia maluna ae, ame na lilo o ka hooko ana i ka moraki, alaila o na apana aina malalo iho i hoakaka mua ia ae nei, a i kuai ia hoi mamua aku nei, aka ao@e nae i hookuuia mai ka moraki ae, e kuai ia aku no e like me ka papahelu malalo iho:
(Pa 22)
(Hapa Komohana o ka Pa 40)
(Pa 21A)
(Pa 52)
(Na Pa 7 ame 8)
HOOLAHA AINA AUPUNI
HOOLAHA AINA AUPUNI.
Ma ka Poaono, Aperila 2, 1904, ma ka hora 12 awakea, mamua iho o ke alo o ka Hale Hookolokolo, e kuai ia aku ana ma ke Kudala Akea he elua Pa-hale Aupuni, e waiho nei ma Kalokohanahou, Kaneohe, Koolaupoko, Oahu, e like hoi me keia malalo iho nei:
Pa-hale 1, nona ka iliaina o 1.04 eka: kumukuai haahaa $200.00
Pa-hale 2, nona ka iliaina o .16 eka: kumukuai haahaa $50.00.
Ma ke dala kuike ka makemake a ma ke dala gula Amerika no hoi.
No ke kii aina ame na mea aku i koe, e ninau ae ma ke Keena Aina Aupuni, Honolulu.
JAS. W. PRATT,
Komisina o na Aina Aupuni.
Keena Aina Aupuni, Honolulu, March 2 1904.
3005—Mch. 4, 11, 18.
HOOLAHA AINA AUPUNI
I ka Poaono, ka la 26 o Maraki, 1904, ma ka hora 12 awakea, a ma ke alo iho o ka Hale Hookolokolo e kuai ia aku ai ma ke kudala akea ka hoolimalima o ka aina kula ame ka loko ia e waiho la ma Kanohouluiwi, awa o Kaneohe, Koolaupoko, Oahu, nona ka iliaina ke huiia apau loa he 6.25 eka oi iki a emi mai.
Manawa: 10 makahiki mai Aperila 1, 1904 aku.
Uku hoolimalima kaupalenaia: $50 no ka makahiki hookahi e uku mua ia i kela ame keia hapa-makahiki.
No na mea aku i koe e ike ae i ke Keena Aina Aupuni, Honolulu.
JAS. W. PRATT,
Komikina Aina Aupuni.
Keena Aina Aupuni, Honolulu, Feberuari 24, 1904.
3004—Feb. 26; Mch. 4, 11.
HOOLAHA KUMAU
LEWERS & COOKE
LOI AME KUKE, Kaupalenaia
Na Mea Hookomo mai a Kuai aku
i na
LAKO HANA HALE
O Keia ame Kena Ano.
Malaila e loaa ai na mea malalo @
NA PAPA N. W., NA PAPA HOL@, PILI HALE, NA PUKA, NA OLEPE@EPE AME NA PONO PUKA ANIANI, NA KUI. AME NA MEA PILI I KA OIHANA KAMANA, NA PONO PENA.
NA PENA LIKE OLE AME NA HULU PENA, NA ANIANI, NA PEPA HALE, PALE PUKA ANIANI, MOENA, ETC.
O na kauoha pono hale apau loa @ hiki mai ana ia makou e hooko koke ia no me ka eleu ame na KUMUKUAI HAAHAA LOA.
LEWERS & COOKE
Hui Alahao ame Aina o Oahu
MANAWA HOLO
M@ 1, 1903.
MAI HONOLULU AKU
No Waianae, Waialua, Kahuku ame na wahi hoolulu ma ke alahao—
*9:15 a.m. *3:30 p.m.
No Pearl City, Ewa Mill, ame na wah@ hoolulu ma ke alahao—@7:30 a.m.,
*9:15 a.m., *11:05 a.m., *8:15 p.m.
*3:20 p.m., @4:15 p.m., *5:15 p.m.
@9:30 p.m., @11:15 p.m.
MAI WAHO MAI.
Ku i Honolulu mai Kahuku, Waialua, ame Waianae mai *8:36 a.m., *5:31 p.m.
Ku i Honolulu mai Ewa Mill ame Pearl City mai—@6:50 a.m., @7:46 a.m.,
*8:36 a.m., *10:38 a.m., *2:05 p.m.,
*4:31 p.m., *5:31 p.m., *7:40 p.m.
*$5:31 p.m., *7:40 p.m.
*Kela ame keia ia.
@Sabati wale no.
@Koe ke Sabati.
G. P. DENISON,
Lunahoohana.
F. C. SMITH,
G. P. & T. A.
Kakela me Kuke
[KAUPALENAIA]
Poe Kalepa ma
ke Komisina
::A HE ::
POE LAWELAWE KOPAA
Poe Agena no na Wa
hike Lehulehu.
KAUKA T. MITAMURA
Alanui Kukui O@oli Helu 68, Honolulu. Na Hora Hana:
Hora 10 a 12 kakahiaka! hora 7 @ hiki i ka hora 7:30 p.m. Sabati. Hora 6 a 8 p.m.
Telepone Blue 2366 P. O. Box @42
O KE
Koko Ino ka mea e
Ioaa ai na Pilikia
ma ke Kino.
E Heluhelu i keia mau Manao.
O KA LAAU@—
AYER'S SARSAPARILLA
—KA
laau nana e hookaawale na mai ino mai kou koko aku. He laau hoonoono ai, a he laau e hooikaika ana i kou mau iaia apau. O ka Laau Ayer's Sarsaparilla ka laau kaulana loa a puni ke ao holookoa. Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o ko m@ lehelehe, puipui maikai kou mau papalina, a loaa ke kulana ola kino maikai.
He loaa na puu paa o ke kino i ka laau Ayer's Sarsaparilla, e hoopakele ana mai ka mai puu paa (Brights' Disease) ame n@ mai ola ano. Ke ko@ ikaika aku nei makou e lawe ia keia ano laau ma kahi i ike ia na mai Puu paa apau.
Hoomakaukau ia e Kauka J. C. Ayers
E loaa no keia mau Huaale ma @ hale kuai l@ apau.