Ka Nupepa Kuokoa, Volume XLII, Number 11, 11 March 1904 — LAWE PAHA I KONA OLA IHO. [ARTICLE]

LAWE PAHA I KONA OLA IHO.

"Mr. Dunn, Aloha nui kaua. "Ua hana hewa wau iloko o kuu ola ana a he mea pono ia'u ke hele aku iloko o ka ululaau a ki iho ia'u a make, a e hana ana no hoi wau pela. Aole loa o'u maikai mahope o ko'u hana ana i kekahi hana ino loa a'u hoi i pono ole ai e hana. E haawi i ko'u aloha nui i ke keiki ame ka ohana. E hana aku e like me kau i manao ai no ko'u mau pono kino. H. KAPEA." O keia maluna ae nei ka palapala i loaa aku iloko o ka ume o ko Mr." Dunn pakaukau ma ka Poakahi nei. Ma ka Poaono o ka puie i hala, ua kaii mai la o Mr. Dunn ia H. Kapea o ka hoea aku ma kahi a laua i aelike ai e hui, aka nae-aole i hiki aku o Kapea, a o ka la no hoi ia o Kapea i nalowale honua aK I ka huliia ana aku o kona iumi e noho nei ma ka hale o ka Hui Kamehameha, ma alanui Papu, ua loaa aku la kona mau pono apau e waiho ana, a ma ka nana pono ia ana ua loaa mai keia ike, aole oia i noho iloko o kona iumi no kekahi mau la. O ka hana hewa a H. Kapea i hana ai a i hoikeia hoi e ia iloko o kana leta, me he la oia ke apuka ana i na dala he hoo- | kahi haneri a ka Hui Hawaiian Trust, kahi hoi a Kapea i noho ai no kekahi mau makahiki loihi. O ua hana apuka la ua hanaia i ka la 15 o Dekemaba 11903, a o ka huina ana i apuka ai, oia ka.loaa hoolimalima o ka aina o John Ena, ma Waikiki. Ua hoounaia aku 0 H. Kapea e hele aku e ohi i keia hoolimalima e like me kana hana i hoo-~ hanaia ai e ka hui, a i ka loaa ana mai j aole loa oia i hoihoi aku. I ka hoi ana mai nei o Mr. J. R. Galt mai Kapala- j kiko mai, loaa iho la keia mea a Ka- ] pēa i hana ai, a ua hoike aku oiā. ia! Kapea e hoopiiia ana oia ma ke ka- I nawai. Ua ae aku o Kapea i kona he- | wa a noi-aku hoi i kona haku e haawi ; mai i manawa nona e pani ai i kana | mea i lawe ai, aka ua hoole loa mai kona haku. Ma ka Poalua nei i hoohileiia ai ka palapala hopu no Kapea, eia nae aole he mea i maopopo i kona wahi i hele ai, a ina ua hooko oia i kana mea i hoike ai ma kana leta, alaila aia oia ma kahi e waiho nei o kona kino make. Eia ka Oihana Makai ke huli nei ia H. Kapea. Ma ka manao o ka Makai Nui Baraunu, aole i hana o Kapea i ka hana pepehi iaia iho, a o keia. leta ana 1 kakau ai he mea wale no ia e hoo- j puhili ana i ka Oihana Makai. Aole 0 keia hewa ka mea a ke kanaka e manāo ai e pepehi iaia iho, a ina he . mau mea okoa aku kekahi e pili ana 1 keia mea, alaila malaila paha i ikaika loa ai ka manao o Kapea e lawe i kona ola. O ka huina nui o na dala kuikē i laweia, he loaa ohiia he 123, a he $4500 ma ka bona, a o kekahi o keia'mau bona oia i hoopaa ai i kana mau nota aie i aie ia no ka huina aie nui he $1090/ No kekahi mau bona iho aole i maopopo kana mea i hana ai no lakou, a i ka. hoohui ana i keia -mau mea apau ua hiki ka huina nui o na dala i mai ke kuike a na bona i ka $4623.