Ka Nupepa Kuokoa, Volume XLII, Number 11, 11 March 1904 — AHA WAE ELELE REPUBALIKA MA HILO. [ARTICLE]

AHA WAE ELELE REPUBALIKA MA HILO.

Ma ka halawai a ke Komite Kuwaena o ka Aoao Repubalika i malamaia ma ka Poaono o ka pule i hala i hooholoia ai, e noho ka Aha Wae Elele e holo aku ai i ka halawai nui a na Repubalika e malama ia aku ana ma Amerika, ma Hilo, i ka la 21 paha o Apeiila e hiki mai ana. O na mea nui i noonooia ai ma ia halawai ana oia no ka manao e kahea aku i ke koho balota Elele e hele aku ai no keia Aha Wae Elele e malamaia aku ana ma Hilo. Ua nui na manao i hoikeia Iloko o ka halawai. O kekahi poe ua ku-e loa i ka malama ana i ke *oho balota Elele no ka halawai ina Hilo, mamuli o ka nui o na lilo e hoolilo aku ai no ke koho balota ana; o kekahi poe hoi ua manao he mea pono e haniia ka hana'i maa mau i ka Aoao Repubalika, oia hoi ka malama ana : na.koho balota. O ka hopena i loaa mai mahope o na ha'i manao ana, oia ka hoomanaia ana o ka lunahoomalu e e malamaia ke koho balota ma ka la 26 o keia mahina. .