Ka Nupepa Kuokoa, Volume XLII, Number 11, 11 March 1904 — HOALOHALOHA. [ARTICLE]

HOALOHALOHA.

Ia Mrs.. Henry Waterhouse, aloha oe: Oiai ua oluolu i ka Mea Mana Loa, ka lawe ana aku i ke ola makamae o kau kane i aloha nui ia, a hoa paahana pu, me makou, iloko o ka hana nui.a ke Akua i haawi mai ai iloko .o ko kakou mau lima, Hon. Henry Waterhouse, nolaila, o makou ka Ekalehia, ke Kula Sabati, ame ka Ahahui Hoolkaika Kristiano o Paia, Maui, ma ko makou komite la, ke hooholo nei. Akahi—Ke komo pu aku nei makou i ke kanikau pu ana me oe no kāu kane aloha i hala aku ma ka aoao mau o ka honua. Elua—Ke xomo pu nei makou i ke kanikau pu ana me na keiki makUa ole, ame na ohana e ae apau ana i haalele iho nei. Ekolu—Ke pule pu nei makou i ke Akua, e hoomama mai i ko oukou mau naau luuluu. O makou iho no me ke aloha, Jno. Kalino, Peter N. Kahokuoluna, Jno. Kaluna, Sarah A. Kahokuoluna, Kawahine Kaluna, Komite. Paia Maui, Maraki 3, 1904.