Ka Nupepa Kuokoa, Volume XLII, Number 11, 11 March 1904 — Kue Kahea Ahaolelo Kuikawa. Hoike o Kakauolelo Atkinson i kona manao. E Pokepokela ana paha na hoolilo o kela ame keia Keena Aupuni. [ARTICLE]

Kue Kahea Ahaolelo Kuikawa.

Hoike o Kakauolelo Atkinson i kona manao.

E Pokepokela ana paha na hoolilo o kela ame keia Keena Aupuni.

Mamuli o na nu-ne pili i ko kakou waihona dala o kela mau la aku nei, a i hoaiai mua ia aku ai "kekahi mau mea ma na kolamu o ke Kilohana nei, ua nui na manao lehulehu i aia mai iwaena o na- poo Aupuni a peia no hoi me ka poe waiwai. Ua manao kekahi pqe o ka hana pono e hana ai oia ke kahea ana i Ahaoielo Kuikawa, a o kekahi hoi, o ka hoomau aku i na hana 0 ko aupuni e"-like me na loaa o ke Aupuni e loaa mai nei. Malalo iho nei ( e loaa ai ka manao o ko kakou kakauolelo, A. L. Atkinson: "Ua hiki no ia kakou ke lawelawe aku 1 na hana o keia Teritori me ke kahea ole ia i kau Ahāolelo Kulkawa. hana pono a kela ame keia oihana o ke aupuni oia ka hoolilo ana aku i na lilo e kulike ai me na loaa o ka Teritori. "Ua hoao ka Ahaolelo e hana i ke-j kahi mea a ua haule wale. Ua haule wale ka hana e hiki ai ke loaa mai he mau loaa e hiki ai ke hoolilo aku e like me na haaw'ina dala i hookaawaleia ai, a aole wale no hoi o ia, aka aole i ' hookaawaleia he waihona e hiki ai ke j uku aku i na lilo kumau o ke Aupuni.) "Ma ko'u manao maoli iho aole 1 poho na manaolana. Ua hiki no ke hoopono- i ponoia a o Kiaaina Carter oia ke ka-, naka nana e hana ia hana. O ka hand ; e hanaia aku ana oia ka pokepoke ana i na hana ame na ukuhana o kela ame, keia oihana o ke Aupuni a hiki i ke kulike ana me na loaa oke Aupuni. j ' "O ka hoolilo no kp. makahiki 1902 ua hiki aku kona heluna mahuahua ae mamua o na loaa i ka $223,000 a 1 ka makahiki 1903 iho nei ua hiki aku ka huina hoolilo oi ae i ko na loaa i km $493,000, aneane hoi e hapalua miliona' dala. | "I keia manawa, eia no, na hoolilo o lanuari ame Feberuari a e ukuia aku ana ia mau hoolilo, ke heohui ia ae me ka aie o kela makahiki aku nei ua koikoi maoli no. Ke hoomau ia aku na lawelawe oihanla ana e like me keia e ku nei i keia manawa me he mea la e hiki aku ana na hoaie ana i ka $800,000 mawaho ae o ka aie o kela makahiki aku nei. O ka haawina dala i hookaa-: waleia no na mahina umijcumamawalu e pau ana i ka la 30 o lune, 1905, he' $4,600,000, a o na loaa mai ma ka hoo- I nohonoho ana he $3,064,000. "He mea pono no e hoomaopopoia, o ka mlliona dala e waiho nei iloko o ka waihona o ke Aupuni ua hookaawaleia no kekahi mau hana no,lakou ia mau haawina i hookaawaleia ai, a aole hoi e hiki ke hoolilo aku no kekahi mau hana e ae. He mau dala keia i hoaieia. Ke hOoliloia aku keia mau dala e loaa (

ana ka maha mai keia nele dala e kau nei." Ma ka Poalima o kela pule aku nei, ua hui aku o Kakauolelo Atkinson me Kiaaina Carter a kukakuka no keia ninau nui, a ma ka laua kukakuka ana i loaa mai ai keia manao, eia ke Kiaaina ke manao nei e pokepoke aku i na hoolilo o kela ame keia oihana o ke Aupuni a hiki i ka-wa e loaa ai ke kaupaona like ana mawaena o na loaa ame na lilo o ke Aupuni. Ua loaa mai no na laulahea olelo ana e kahea ana ke Kiaaina i ka Ahaolelo Kuikawa, aka e like me keia mau manao e hoikeia nei, aole e kahea ia ana.