Ka Nupepa Kuokoa, Volume XLII, Number 12, 18 March 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, MARAKI 18, 1904.

 

KE KAUNANAHINE OKE Kuylanakauhale o Tarevis.

__

KE ALOHA I KA MAKA PAHIKAUA.

MOKUNA XVIII.

KA HAAWINA A'O A KA MAKA PAHIKAUA.

__

            @ ano ikiiki o ka manawa i hala koke iho e pili ana i ka @ ana i ka wahine, ua pau ia oiai ua makemake loa oia e @ a hooko i na kauoha a kona Haku, a oiai oia ma ia anoua @ ae la na paku paleo ka puka a komo ana ka Emepera me @ aina kuio, a oia wale no hoi i kana komo ana ae.

            @ keia komo ana ua ku koke iho la ke Kauna Paele oiai oia e @ ana a pane mai la me ka leo ikaika o ke kulana kauoha:

            @ Haku, ke manao nei wau ua ike iho la oe i ka mea @ mana piha iloko o keia kakela ma na hana i hanaia iho nei.  @ aku no oaha ia oe ka manao he mea paani wale ia no @ ka'u mau kauoha ame ko'u mana, ke ha'i aku nei au ia oe @ e hanaia mai kekahi o ia ano ma keia hope aku iloko o keia @  A ke manaolana nei au aole loa e ke'ake'a hou ia mai @ keia hope aku."

            "Maluna o ia kumuhana wau i hele mai nei e hooponopono pu@, e ke Kauna o ke Kakela Turona," i pane aku ai ka Emepera @ ikaika a koikoi no hoi me he kauoha la i ka hoolohe aku.

            "Aole a'u kuka ana i koe maluna o ia mau mea," wahi a ke Ka@ ka pii hou ana ae o kona huhu nui, "Aole he hooponopono @ i koe, aka he hoolohe kauoha wale aku no ka mea i makemake ia a e hooloheia me ka hakalia ole."

            "A he pololei loa ia au i hoike mai la e ke Kauna," i pane hou aka ai ka Emepera, "a ua hauoli loa wau e hooko aku e like me ka @ Kauna pakaha o ka aina haahaa o Mose-le nei."  Alaila huli ae la oia a kauoha  ikaika aku la i ka panapua:  "E ka panapua, e pani ae i na pani puka a e ki aku a paa."

            Me ka eleu nui o ka hooko kauoha, ua lele mai la ua panapua nei imua ma kahi o na pani puka ame ka hikiwawe loa ame ka hauoli no hoi o kona manaina ua pani ae la oia i na pani kaulua ma ka u-pa ana ae ia laua a mamua o ka puka ana o kekahi leo kanaka ua paa koke ae la i ke kiia a holoholo olioli ae la ua wahi kiai nei iloko.

            "Uwoki," i leo nui aku ai ke Kauna.  "E ku oe ma kau hana a @ ole hoi i ka ha'i kauoha aka i ka'u wale no."

            Eia nae ua poho ia manaolana o ua Kauna nei a no keia hana @ pii loa ae la kona piena.

            "E ae mai anei oe e hakaka me a'u iloko o ko'u kakela ponoi nei?"

            "O ka aa ana e hakaka he wahi mea wela iki no ia, a ua lawa @ ko'u lohe mau ana iloko o keia kakela i ka makemake hakaka mai ko'u manawa i hiki mai ai.  O na kakani leo wale iho no ame na @ ana iloko o keia kakela ua lohe au a ua lawa kuu lohe @ lakou.  A i keia manawa ua makemake au e ike pono i ka nui o ka ikaika o ka iwikuamoo o keia kakani leo wale ana maka hoolaha ana."

            Aia ma ka paia e kakau ana na pono kaua o ke Kauna Paele ame ka hoohakalia ole ua hele koke aku la o Rodolofo a lalau aku la i ke kahi pahikaua a hapai ae la me he la i ka nana aku a ke Kauna e @ ana i ke kaumaha o ia mea kaua.

            Aole no hoi i liuliu ua kau hou aku la oia i ua pahikaua la ma kona wahi mua a lalau hou aku la he pahikaua hou.  Me ia iho la oia i hana ai a hiki i ka loaa ana o kana pahikaua i manao ai ua @ iaiai he pahikaua kulua keia au e manao nei e paio mai ia'u @ loaa ole o kekahi i hoike ma ko'u aoao?" i ui aku ai ua Kauna nei.

            "Aole keia he kakapahi kulua," wahi a Rodolofo i pane aku ai @ ikaika o ka huhu nui oiai ua pii io ae la kona huhu mamuli @ hoomanao ana i na hana ino i hanaia e ke kauna mamua iho.  @ keia i ke kanaka puuwai elele a aloha ole i kona hoa@.  Aole hookahi a'u hauna pahikaua e waiho aku maluna ou @ ano o ke kulana no ka mea, aole e hiki ke hooponopono i ka @ oe.  He hookahi mea i maopopo ia'u i keia manawa, oia @ ia oe a i ole owau ke hoopai ia oe e like me ka hoopaiia o @ .  E makaukau oe me kau pahikaua e ka mea hoo@ wahine, me kau pahikaua oe e hoomakaukau ai nou iho a @ oe e a oia ai a e ike ae oe i ka mea kupono no kou pono."

            O ka panapua hoi aia no oia ke holoholo la me na manaina olioli @ ana maluna o kona helehelena a no ia mea paha ua himeni @ o ke ano henehene no nae no ke Kauna Paele, a no keia @ pane aku la ua Kauna nei.

            "Alaila ke hoomaopopo nei au i ke ano o na hana e hanaia mai @ o'u.  I ka manawa e lanakila ai au maluna ou oiai e lilo @ kou ola e pono ai ia'u alaila oia no ka manawa au e kauoha @ ai i ka panapua no ka lawe ana i kuu ola.  Maikai no keia hana @."

            "E ka panapua," i kauoha aku ai ka Emepera me ka leo ikaika, wale koke ae i ka puka a waiho aku i kau mau mea kaua iwahoka paha ame na pua, a e pani hou aku i ka puka me ke ki ana a paa ."         

            "E kuu Haku," i pane leo hohahaa aku ai o Sure ka panapua @ manao nei wau aole e hookauhihi wale aku keia mau mea kaua ke @ hanai, a he malama ana hoi ia i ka maluhia oiai o ke Kauna e kanaka oia nona na makemake ku i ka eleele a he pepehikanaka maopopo hoi."

            "Ma ia mea," wahi a ka Emepera, "ua popolei kau pane," alaila @ iho i ke kaula o ka pana a e haawi mai ia'u me ka haka @ ole."

            Alaila haawi aku la ka panapua i kana mau mea kaua me ke @ no nae aka ua lilo mai la ua mau mea kaua nei ia Rodolofo ame ka eleu nui ua kaalo koke ae la oia ma ka aoao o ke Kauna @ e lele ana ma kona aoao (ka aoao o ke Kauna) a waiho aku @ mau mea kaua la malaila.

            "Aia e kuu Haku," wahi a Rodolofo i pane aku ai i ke Kauna, @ e pio ia oe alaila aole e hiki i ka panapua ke kue mai ia oe @ aole ana mea kaua oiai aia ma kou aoao na mea kaua a @ oia i kauwa nau ame ka poe apau ma ko'u aoao."

            "A ina nei no kona kuhea e loaa na kokua no ka mea o kou @ aku ai ka Emepera, "aole e loaa iaia na kokua no ka mea o kou @ kanaka wale no ke lohe.  A ina owau ka mea e lanakila ana, @ aole e lawelawe ka panapua i kana mau mea kaua no ka mea, @ hana e koi ai no ka hoohana ana ia lakou.  Ua oluolu anei @ no keia mau mea e ke kanaka hoowahwaha wahine me @ wiwi la e ale ana i ka makani, ke makemake nei wau e ike @ ku ana imua o ke kane, oiai, ke hoopaa nei au i ka;u olelo @ hou aku wau i kekahi o na olelo hoino wahine mai ia oe @ keia manawa, alaila e waiho koke no wau i kuu mea kaua o @ maila a e hoeha aku ia oe me kuu mau lima nei."

            Ma ka olelo hou ole ua hele aku la ke Kauna a lalau aku kekahi o kana pahikaua nunui e kau ana ma ka paia a owiliwili @ ka ikaika nui a hu ae la ka makani, eia nae, ua hoihoi hou@ oia a hopu aku la he pahikaua hou.

            Pela oia i hana ai a loaa kona makemake, he pahikaua nui ae @ ae kona kaumaha i kekahi mau pahikaua mua iho, a oiai ke Kauna e hoomakaukau ana nona iho ma ka hele ana i ka paia a hoi hou mai i kona wahi kahua mua, pela no ka Emepera e hoo@ mau ai iaia iho e like me kahi a ke Kauna e hele ai, oiai no nae @ ku @ oni ole ana ma kona kahuna.

            O ke Kauna aia oia me kona makaukau palekaua no ka mea he @ haule ole ia iaia o ka aahu mau i kona aahu kapa-kila ame ka pahikaua nui ma kona lima ua maopopo ka haakei o kona iini e ake ana a e hooiaio ana aole e nele ka lilo o ke ola o ke kanaka opio a e kona makemake no ia ana i hooholo ai.

            Aole oia i makemake e hoeha aku i ke kanaka opio, aka ua paa kona manao e pepehi maoli iaia a make ka mea hoi ana i hauoli loa ai iloko o kona luna manao i ka manawa a laua e ku ana he alo he alo.

            Ma ka aoao hoi o ke kanaka opio ua wehe mua ae oia i kona wahi kuka ekekei a ku kohana iho la me ka olohelohe mai luna a lalo, o kona palule me na kuuwelu silika kona wahi nani ma kona nui kino oluna no nae a he lolewawe paikini o lalo i na kuli a puha'uha'u maluna ae he wahi keiki wale no ke nana aku ma ka hookuku ana me ke Kauna Paele oiai he kanaka kino nui oia i hiki aku na makahiki i ko ke kanaka makua maoli, eia nae aia iloko o ka puuwai o ua kanaka opio nei ka lana malie o ka wai ame ka wiwoole e paipai ana i kona luna manao e hooko i ka hana no ka puka pono.

            Me kana pahikaua nui i hapai ae ai ke Kauna a uhau aku la i ka Emepera me ka ikaika nui, a ina no i loaa io aku ua kanaka opio nei ina no ua lilo ia oia i kanaka make, aka, ma kona aoao ua nui loa kona makaala i ke kaupale ana.

            I na manawa apau a ua Kauna nei e haawi ai i kana mau hauna pahi e hu mau ana ka makani me he hopoipio ana a ka makani ma ka puka-ki ka hihio, aka aole he wahi i manuhe'u aku ke koa o Palanipoka, eia nae, i kela ame keia manawa e nee hope mau ana oia me he la h iniha hookahi ka panee.

            O ke o wale no o na pahikua ke hui ae laua oia wale no ka mea lohe ia, a aia no hoi ka panapua ke haka pono la i ke kiina palamino o ke kukulu pale ana a kona haku opio i na hauna apau a kona hoa paio ka mea hoi i mahalo nui ai a loaa koke no iaia ka manaoio i ke akamai piha o kona haku ma keia mea he hakaka pahikaua.

            Ua hoomaopopo pu iho no hoi ua panapua la i ka paneenee mau o kona haku i hope a i kana noonoo iho e pili pu ana oia i ka paiaa ina pela iho la ka panee mau a ua makemake nui oia e haawi aku kona haku i hauna pahi oiai aole he mea o ia ano i paniia aku ma ke aoao o na kanaka opio nei.

            Eia nae aole he wahi mea a loli ae o ke kulana o ua kanaka opio nei a hiki wale i ke kokoke loa io ana i ka paia, kokoke i kahi o ka panapua e noho ana.  A i kekahi mau awa ua kaa pono ae la ke alo o kona haku mamua pono ona ke kumu hoi o ka loaa pono ana iaia ke kulana i ike pono ai oia i ka helehelena o kona haku a i kana nana aku i kona mau maka he oluolu wale no o ke ano ikaika no nae me he la aole kana e hana la aole he hakaka.

            Ma keia haawi hauna pahi mau ana no hoi o ke Kauna oia kekahi mea hana i hoopuhalu iho i kona ikaika a hiki wale no i ka manawa i ikeia aku ai o ka emi ana mai o ka ikaika a uhau pu wale aku no oia i kana pahi i kekahi manawa, a aia hoi ma kona mau lehelehe ka hu'akuha a e nele ole ana hoi ka loheia aku o ka nui mai o kona hanu mamuli o ke ano naenae.

            Ma ke kulana o na mea hakaka ua hiki no ke hoomaopopoia aku e na holona ma ke koho wale ana, ua like no ko laua kupilikii, oiai ma ka aoao o ke Kauna, ka nui o ka naenae ame ke emi mai o ka ikaika a ma ka aoao hoi o ke kanaka opio, ke pili pu la oia i ka paia he kulana ano puikaika.

            Eia nai, me he uwila la i ka nui eleu o ka Emepera ua lele aku la oia iwaho ma kekahi aoao me ka ikaika nui no hoi ia lele ana a ia manawa hookahi no i niniu ae ai kana pahikaua me he huila makani la e olaolapa ana iloko o ke ea a i ka manawa i pa aku ai ka hauna pahi a ke Kauna i keia kulana niniu o ka pahi a Rodolofo oia no ka manawa i hemo aku ai ua pahikaua nui nei mai ka lima aku o ke Kauna a lele ana i kahi e me ka ikaika nui a kapalulu aku la i ka papa a haule iho la i ka papahele, a pau pu mai la no hoi kekahi mau pono kana o ua Kauna nei i ka helelei mamuli o ka pa ikaika ana aku i ka pahi.

            Alaila kukulu iho la o Rodolofo i kana pahikaua ma ke kukulu ana iho i ka winiwini i ka papahele a kalele iho la no hoi kona lima akau maluna o ke kumu a haka pono aku la i na maka o kona hoa paio, a oia no hoi ka mua loa o kona hoomaopopo ana i ka nanaina makau iloko o na maka o ua Kauna nei.

            "E hoomaha iki e ku Kauna Paele," wahi a ka Emepera i pane aku ai.  "Ina ua naenae a maha ole oe mamua o ka hoomaka hou ana pehea la oe e manao ai e hiki ia oe ke kupale nou iho."  Alaila aui ae la kona poo ma kona poohiwi a pane aku la:  "E lawe mai i ka pahikaua a ke Kauna e ka panapua."

            Me ka eleu nui ua miki koke aku la ua panapua nei a haawi aku la i ka pahi i ka mea nona ia kuleana me ka hoomaopopo pono loa ana iho i ka mau no o ke kulana o kona haku opio me he la aole i hakaka.

            "Kupale nou iho," i kauoha ikaika aku ai ka Emepera i kona hoa paio me kona nee ana aku imua no ka hui ana.  Alaila hopu paa pono iho la ke Kauna i kana pahikaua a hoomaka hou iho la no ka lua o ka manawa a i keia manawa aole he hii i ke Kauna ke kupale nona iho a hiki maoli i kona manawa i ike maopopo ai aole e hiki iaia ke lanakila maluna o kona hoa paio, aka oia ana ka mea e poino a he manawa wale no o ka make ina nei o ka hookoia mai.

            Ma kekahi hauna pahi hala ole a ka Emepera oiai he mau hauna pahi kana i haawi ai me ka loaa pono mau ana o ka pahikaua a ke Kauna, aia hoi, ua pa pono aku la ka papalina akau o konahoa paio me ka ikaika nui ma ka papalina laula o ka pahi i uhau aku ai ka Emepera aole ma ka oi, aka ma ka palahalaha o ka pahi, a na ia ikaika o na hauna la i kulai ikaika aku i na Kauna nei a waiho kamono ana iluna o ka papahele me ka halulu nui, me he la ua haule mai kekahi wahi kiekie mai me ka nakeke nui o kona mau pono kaua kila e aahu ana.

            "Ala! ala e ka ilio hihiu hae," i hooho leo ikaika ae ai ka Emeper.  "Ku iluna e ka mea hooweliweli nui i na wahine, ka pepehikanaka hilahila ole o ka poe nawaliwali i hiki ole ke kupale no lakou iho.  Ku iluna e like me ke kanaka makua aole hoi e moe e like me ka ilio wiwi."

            Aka aole he mea hiki i ke Kauna ke hana no ka mea aia ia ke moe malie la me ka nui o ka maeele o ka eha e hamohamo malie, ana hoi i kona papalina, kahi i loaa mai ai i ka pa'i a ka papalina o ka pahikaua.  Huli ae la ke kanaka opio a kau aku la i kana pahi ma ka paia, ma kona wahi mua i loaa aku ai, a komo ae la i kona kuka a holoholo iho la iloko o ua keena nei.

            "Ano, e kuu Haku Kauna," i pane aku ai ka Emepera, "ina ua makaukau oe ua hauoli loa wau e hooponopono kaua no keia mea no kona panina."

            "O, e lawe aku i keia kakela nou." i hooho ae ai ke Kauna mahope iho o kona hooponopono ana iaia iho.

            "Aole o'u makemake e haowale aku i kou waiwai a aole no ia mea ka'u paio ana me oe, aku wau no ko makou ola ame ko makou kuokoa e kaa ole aku ai malalo o kekahi hoohewale."

            "Aole au he hoohewale, e kuu Haku, awahi a ke Kauna, aka he hoike maopopo ana keia i ko'u ike mua loa ana i kekahi kakapahi kamahao loa ua makaukau loa wau e kapa aku ia oe he haku no'u i na manawa apau o keia mua aku.  He manao anei kou no ko kaua kuka like ana?"

            "Aole au i lawe mai i kekahi poe okoa i mea hoohilahila ia oe ma keia paio ana aka o ka panapua wale no ke kanaka imua o ko kaua alo a ke manaoio nei wau aole oia e kukala akea no keia paio a kaua."  Alaila huli ae la oia i ka panapua a pane aku la?  "Aole oe e hoole mai ana i kou hoopa ana i ka olelo aole oe e kukala akea aku i keia paio ana o maua."

            "Aole loa wau e kamailio no ia mea ina ia he mea e hoohana ai au i kuu pana ame na pua."

            "Alaila ua pono.  A pehea kou manao e kuu Haku Kauna?"

            "Ua makemake loa wau e hoopau i ka'u mau hana ino i hana iho nei a ina he mea hiki e hoolilo hou ia ia'u i hoaloha nou ke manaoio nei au owau ana kekahi hoaloha pilipaa loa ou ma keia hope aku."

            "Ke ae aku nei i kau mau olelo a ke ae pu nei no hoi au i ka mau no o kou mana piha maluna o kou kakela nei, aka, ua makemake nui au i kou hoopaa mai i kau olelo, aole loa e hana hou ia kekahi o na hana i hanaia mamua iho nei a aole hookahi a ia ano e maalo ae iloko o keia wahi ma keia mua aku.  O na kauoha ku i ke ano pegana e hoopau loa ia lakou a aole e pono e lohe hou ia."

            "Aole a'u hoohalahala maluna o kena mau wehewehe, aka, e hooko me ka hauoli a ina makemake oe e waiho aku wau i kauoha e kii aku i ka wahine opio i hookukeia ua makaukau loa wau e hooko.

(Aole i pau.)

_____

MAKAI KIU

KALOKE HOME AME KA

Hihia i Huliia me ka Noeau

__

MOKUNA X.

HE MAU MEA ANO NUI I LAWEIA MAI KA HOIKE A WAKEKONA.

            "Aole hoi paha oia e hana mai ana i kekahi hana pupule e like iho la me ia.  Ua hoolako aku maua i na mea apau ana e makemake ana.  O kona hana ana i kekahi hana karaina o kona hoike ana u ia i kona wahi e pee nei," wahi hou a Baremoa.

            "Ua pololei kau, e Baremoa.  Wee, e Bare----"

            "E hoomaikai nui mai ke Akua ia oe, e Sir Hanale, a ke hoomaikai nui aku nei wau ia oe mailoko lilo mai o ko'u puuwai!  Ina i lawe ia ua kaikoeke nei o'u, ina ua pepehi mua iho wau i ka'u wahine."

            "Ke manao nei wau, e Wakekona, eia kaua ke kokua nei i keia hana ha'iha'i kanawai a e pono kaua e hopu ia no ke kokua hewa!  Aka i ko kaua lohe ana iho nei i na mea apau, ua komo mai ka manao iloko o'u he mea pono ole ka hoike ana aku i keia mea i ka oihana makai, nolaila ua hiki mai la kaua i ka hopena oia mea.  Ua pono, e Baremoa, ua hiki ia oe ke hoi aku."

            Ua ku iki iho la o Baremoa a haawi hou aku la i mau olelo hoomaikai a puka aku la oia a hoi aku la, aole no nae hoi i liuliu aku ua komo hou mai la oia iloko o ka lumi.

            "Ua nui maoli no kou lokomaikai ia maua, e Sir Hanale, a nolaila ke manao nei wau e hana aku i na hana apau i ku i kou makemake.  Ua maopopo no ia'u kekahi mau mea, e Sir Hanale, ame he mea la ina paha wau i ha'i mua aku ia oe ina paha ua pono, aka nae he manawa loihi mahope mai o ka huliia ana i loaa ai ia'u ua mea la.  O ua mea la e pili ana no ia i ko maua haku i aloha ia, Sir Kale."

            Ua hoohikileleia o Sir Hanale ame Wakekona i ko laua lohe ana i keia mea a ua ku koke ae la laua iluna.

            "Ke maopopo nei anei ia oe ke ano o kona make ana?"

            "Aole, aole maua i ike ia mea."

            "Alaila heaha ua mea la?"

            "Ua ike wau i ke kumu o kona hiki ana i ka puka-pa ia po.  I hele aku oia e hui me kekahi wahine."

            "E hui me kekahi wahie?  Oia anei?"

            "Ae,"

            "Owai ka ino o ua wahine la?"

            "Aole e hiki ia'u ke ha'i aku i kona inoa, aka ua hiki ia'u ke ha'i aku i na huakumu.  He L.L."

            "Pehea i loaa ai keia ike ia oe e Baremoa?"

            "I ua kakahiaka la o ka po ana i hele aku ai, ua loaa mai la iaia kekahi leta.  He nui no kana mau leta i loaa mai ia kakahiaka oiai he kanaka oia i ike nui ia e na mea apau, he kanaka puuwai hamama, nolaila, o ka poe i komo iloko o na poino ua ike lakou iloko o Sir Kale e loaa ai ka maha ia lakou.  Iwaena o na leta i loaa mai ai iaia o keia kekahi.  O ua leta la ua hoounaia mai Kumebe Terese mai, a o ka limakakau mawaho o ka wa-hileta he limakakau no ka wahine."

            "Well, pehea hou aku?"

            "Aole wau i noonoo iki no keia mea a na kuu wahine i hoomaopopo mai ia'u.  He mau pule i hala ae nei, e hoomaemae ana kuu wahine i ka hale nei a komo loa aku la iloko o ko Sir Kale keena heluhelu - aole i hoomaemae ia ua lumi la mai ka manawa i make ai o Sir Kale, a iaia iloko o ua lumi la i loaa ai iaia keia leta iloko o ke kapuahi hoopumehana.  O ka hapanui o ua leta la ua pau i ka helelei a he hapa uuku ka i koe mai, he mau kihi hoi o ka leta e hui like ana, a e moakaka pono ana no na mea i kakauia.  I kinohi ua manao iho la maua he palapala hoomanao paha, aka i ko maua wehewehe ana ae, loaa iho la keia mau huuolelo ia maua:  'E oluolu, e oluolu mai oiai he keonimaua oe, e puhi iho i keia leta i ke alii, a e hiki ae ma ka puka-pa ma ka hora umi.'  Malalo iho o kiea e kau ana kela mau huakumu, L.L."

            "Eia no anei ua mau apana la ia olua"

            "Aole.  Ua helelei iho ua mau apana la mahope o ko maua hooponopono ana iho."

            "Ua loaa mai anei kekahi mau leta ia Sir Kale i like aku ka limakakau me ko keia leta i loaa ai ia olua."

            "Aole wau i hoomaopopo i kela."

            "Aole anei i komo mai kekahi manao iloko ou owai la keia mea nona ua huakumu L.L."

            "Aole loa.  Ua like no ko kakou pohihihi ma keia mea.  Aka ke manao nei wau i ka wa e loaa ai keia wahine oia ka mea nana e ha'i mai ia kakou i ke ano o Sir Kale make ana."

            "Ke maopopo ole nei ia'u, e Baremoa, ke kumu o kou huna loihi ana i keia hoike waiwai nui," i pane aku ai o Sir Hanale.

            "Well, mahope koke iho no oia loaa anao keia leta ia maua i loaa mai ai ko maua pilikia ponoi.  O kekahi no hoi, ua oi aku ko maua aloha no Sir Kale, oiai ua nui kana mau hana aloha i hana mai ai no maua.  Ua manao o ka hoopuka ana i keia mea aole no ia he mea e pomaikai ai ko maua haku, a he maikai no hoi ke hana me ke akahele oiai he wahine kekahi iloko o keia mea."

            "Alaila ke manao nei oe he mea keia e hapala aku ana i kona inoa maikai?"

            "O ko'u manao maoli, aole he waiwai e loaa mai ana mamuli oia hana ana.  Ano hoi, ua oluolu mai oe ia maua, nolaila he hana pono ole na'u e huna iho ai i keia mea mai ia oe mai, a o keia ka'u mea i ike e pili ana no Sir Kale Basekavila."

            "Ua pono, e Baremoa, ua hiki ia oe ke hoi aku," I ka hala ana aku o Baremoa, ua huli aku la o Sir Hanale a pane aku la ia Wakekona.  "Well, e Wakekona, heaha kou manao no keia mea i koaa mai la ia kana?"

            "Ma ko'u nana aku ke hooliloia nei ka pouli i pouliuli loa."

            "O ko'u manao hookahi no ia.  Ina no hoi he hiki ke huli aku a loaa ka mea nona keia mau huakumu L.L. o ka pau no ia o ke pohihihi.  Ua ike ae la kaua aia no kekahi mea i ike i na mea oiaio o kona make ana a o ka kaua e huli aku a loaa keia mea.  Heaha kau i manao ai e hana aku kaua?"

            "E pono ia kaua e ha'i aku i keia mea ia Kaloke Home i keia manawa.  O keia kana mea e makemake loa nei e loaa aku iaia, a ke ole wau e kohohewa o keia ka mea nana e koi koke aku iaia e hele koke mai."

            Hoi koke aku la o Wakekona a komo aku la iloko o kona lumi a hoomaka koke iho la oia e kakau i kana hoike ia Kaloke Home.  Ua ike maopopo o Kauka Wakekona ua nui maoli no ka Kalohe hana i hana nei ma Ladana, oiai iaia e hoouna aku ai i kana mau hoike, e like me na mea i hoike maa ae nei ma na mokuna i hala, ua loaa mai la he mau haina pokole wale no e homaikai mai ana ia Wakekona no na hoike i loaa aku iaia, a aole hoi he mau mea e hoike ana no ka Wakekona mea e hana aku ai.  Ke hoomanao la no hoi o Wakekona o kela hihia a Kaloke e huli ana ia lakou i haalele aku ai iaia ma Ladana oia ka Kaloke hihia nui e huli ana ia manawa, a komo koke mai la ke kuaki iloko ona me ka iini e hoea koke mai o Makaikiu Kaloke Home ma Basekavila.

            I kekahi la ae, oia no ka la 17 o Okatoba, he la nui loa ia o ka na, a komo koke mai la na hoomanao ana iloko o Kauka Wakekona no ka lawehala a laua i alualu ai he elua po mamua aku, a iaia e noonoo ana ua hoi hou mai la na hoomanao ana iloko ona no kela kino kanaka ana i ike ai.  Oia anei kekahi e pupue mai nei i ke anu ame ke koekoe o na pakaua e hiolo iho ana?  I ke ahiahi ana iho, komo iho la o Wakekona i kona kapa heleua a hoomaka aku la e hele no ke kula, me ka piha o kona poo i na noonoo like ole.  E nou…