Ka Nupepa Kuokoa, Volume XLII, Number 12, 18 March 1904 — MAKEMAKE E KAAWALE. [ARTICLE]

MAKEMAKE E KAAWALE.

Ua hookomo ae nei o Mary Ellen Pahau ka mare a Robert Pahau he hoopii oki mare me kana kane no ke kumu hoomainoino. Ua waiho ae ka mea hoopii i kana mau hoohalahala e hoike ana i kona hanaino ia i kekahi mau manawa o ka makahiki 1 hala, ma ka pepehi ino ana, ku'i ana, peku ana a huki ana hoi i kona lauoho me ka ikaika, a i na manawa like ole no hoi ka hana ia ana o keia mau mea, a i hoomaopopo loa ia hoi ma ka la 27 o Feberuari ame ka la 28 ae, a ma Malaki 4 ame ka la 8 o keia makahiki no. Mawaho ae o keia ka hoike ana no ka ona mau o ke kane ame ka malama ole iaia. Ua hoike pu ae o Pahau wahine i ka nui o kona maka'u ma ka hele ana iloko o na alanui mamuli o keia mau •hana ino ikaika i hanaia ke kumu i l6aa ai keia manao e noho malama Joa iaia iho no ka maka'u o hanala mai kekahi hana e hoopiiikia ai iaia.