Ka Nupepa Kuokoa, Volume XLII, Number 14, 1 April 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

  3@     NUPEPA KUOKOA,  APERILA 1, 1904

 

   KA

Nupepa  Kuokoa

 

NO KA MAKAHIKI - - - $2.00

NO EONO MAHINA - - - 1.00

 

  SUBSCRIPTION RATES

ONE YEAR - - - $2.00

SIX MONTHS - - 1.00

 

 O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA.  E HOOUNA PU MAI ME KA AUHAU, A INA AOLE NO E HOOKOMOIA.  E HOIKEIA AKU NO KA AUHAU OLELO HOOLAHA KE UI  MAI I KE KEENA NEI.

 

O na Dala apau o ka Pepa e hoouna pololei  mai i ka HAWAIIAN GAZETTE COMPANY, LTD.

 

 HOOPUKAIA  E  KA

Hawaiian Gazette Co,. Ltd.

 

Hookomoia ma ka Hale Leka o Honolulu,  Panalaau o Hawaii, ma ke ano Mea o ka Papa Elua.

 

DAVID L. A-I, : : Lunahooponopono

S. K. NAWAA, : Kokua Lunahooponopono

A. W. PEARSON, : : Lunanui

  HONOLULU, OAHU.

 

POALIMA : : APERILA 1, 1904

 

 E KANAKAMAKUA KA HANA E PONO AI.

 

 I keia Poakolu ae e noho ai ka Ahaolelo Kuikawa o kakau e like me ke kuahaua a ke Kiaaina, a na hoa ahaolelo e liuliu mai nei no ka hoomakaukau ana no na hana e waihoia mai ai na lakou e hana a ua maikai ia mau anoi e ana, he hoike ana ia i ka nui iini e komo iloko o ka hana, a makou e komo kokua nei ma ka hoohaili ana i ke poomanao nona keia kinomanao, oia hoi, "e kanakamakua na hana a keia Ahaolelo e pono ni" a he nui na kumu i maikai ai ia rula maikai.

 O kekahi o ia mau kumu oia kela manao maikai i hoike akea ia e Mr. Jas. H. Boyd (Kimo Boe) e puka aku nei ma ke Kilohana, oia hoi, e waiho na hoa i ka lawelawe kalaiaina a e lawelawe maoli ma ke kahua o ka oihana hoowaiwai, oiai he ninau pili wale no keia i ka pilikia dala o ke Aupuni no na hana kumau ona no ka manawa i hoomaopopo e ia, a e hanaia maloko o ka manawa kupono, a makou e kanalua ole ai i ka pane ae he hana kanakamakua ia.

 Ina e lawelawe na hoa e like iho la me ia alaila ua hiki loa ke hoomaopopoia e kaawale ana ke ano lawelawe pili kalaiaina ana, no ka mea, he kanawai paa ia o na mea kumau, oia hoi, "aole he hiki ke hoopiha a noho kekahi mau mea elua la wahi hookahi i ka manawa hookahi a ina nei no ka apakee ae o na hana ua maopopo loa  o na manao pili kalaiaina o na aoao kalaiaina ka i kauhihi ikaika loa aku iloko o na hoa a poinaia ka hookele ma ke kahua o ke kulana o ka lawelawe oihana maoli.

 O kekahi kumu i maikai ai ka hookaawale ana i na pili kalaiaina no ka mea, aole ke Aupuni ma ka aoao kalaiaina e hookahuaia ai a aole nona ke Aupuni aka no ka lehulehu holookoa me ka nana ole ae owai la ia, a e pono na limahana o ke Aupuni mai ke Kiaaina a ke kanaka lalo loa e pilikana ole aku i na hana kalaiaina me ka manao ole ae pela e lawelawe ai no ke Aupuni, ke kahua hoi a ke Kiaaina e makaaia loa nei ame kona hooikaika i ka pono pililaula maluna o ke kahua o ka lawelawe oihana maoli ma ke kaomi lilo, ana e hoopapau mai nei.

 A ke manao nei makou he hoomaalahi ana la i na hoa ahaolelo, no ka mea e waiho aku ana ke Kiaaina i na kumuhana i nowele pono ia e ia no ka hooaiai ana aku i na hoa no ko lakou apono mai, e pono ai ua poe kumuhana la e aponoia mai oiai ua lawelawe ia lakou e ka mea nona ka ike piha i ko lakou waiwai io, oiai oia no ka i ike maopopo i ke kulana holomua a holohope o ke Aupuni i oi ae mamua o kekahi poe okoa ae a mamua no o na hoa ahaolelo, a makou e ike e aku nei o kekahi mau hana kanakamakua iho la ia e pono ai kakou.

 O kekahi mau hookele maikai ana ia no ka hooemi lilo mai e like me ka malau o ka lawelawe ana no ka oihana pa'i a unuhi paha pili i na hana palapala apau a ka Ahaolelo Kuikawa ke lawelawe ia pela, oia hoi, e waihoia ma ke koho, a na ka mea koho haahaa i ikeia e kupono ana ka lawelawe ana, e haawiia ai nana na hana pa'i palapala apau mai ka unuhi ana ame ke pa'i ana ame ka heluhelu ana.

 Ke manao nei makou oia kekahi o na hana kanakamakua, i, oi loa aku ka maikai ame ka pono ame ka pololei mamua o na hana pa'i palapala o ka Ahaolelo o ke kau kumau i hala iho ia, kekahi kumu i hohono nui ai kekahi mau hoa ame ka poe kuwaho i pili aku ilaila e like me ia e hoomaopopoia nei i keia mau la.

 No ka pono o ke Aupuni ame ka aina ame ka lehulehu me ka nana ole ae owai la ia, ke pana nei ka pana o ka manao pililaula o ka lehulehu e kanakamakua ka hana e pono ai.

 

  KA HOME O NA I'A.

 

 E like me ia i hoopukaia ma ka helu i haia i ke Kilohana oia iho la ka mua o ka ike i loaa aku i ka poe i ikemaka ole a i heluhelu i ka hookoia ana o ka home o na i'a i hoalaia he mau la loihi loa i hala no ke kukulu ana i Hawaii nei a akahi no a hookola ma ke ku io ana ae o keia hale e ku nei ma ka aoao makai o Kapiolani Paka i Waikiki, a ka lehulehu hoi o ke kulanakauhale nei e hoohala mau nei i ko lakou manawa kaawale ma ka hele ana ilaila no ka makaikai ana me kahi auhau uuku o 10 keneta no kanakamakua a 6 keneta no kamalii, a koe ka Poakolu me ka auhau ole.

 O ka makamua loa keia o ke kukukuia ana o kekahi hale no na i'a o ka makamua loa no hoi ia i paa iloko o ka moolelo o Hawaii no ka hoike ana i ke ao holookoa, kekahi hana hoi i hookau aku ia Hawaii a like me kekahi mau aina naauao no lakou na hale o keia ano e ku ana a e hoonaauao ana hoi i ko lakou mau makaainana a Hawaii hoi i oi ae ai maluna o na aina naauao i loaa ole ko lakou hale no na i'a.

 I ke kanaka noonoo maikai a malamalama aole e nele ka loaa iaia ka ike me ke a'oa'o ole ia ina oia ka mua loa o kona ike ana i ka home o na i'a, a e olelo ai oia he waiwai nui ia no ia aina a no ka lehulehu, oi loa aku i ka poe imi naauao ma ia mahele o ka ike e like me na kula nui e hoonaauao nei pili ia kumuhana, a o ka mea i maikai loa ai keia oia no ka loaa like ana i na mea apau keia kuleana hoonaauao - mai ka poe aole i hoonaauaoia ma ia mahele ame ka poe i hoonaauaoia, e like me na haumana e laweia nei ilaila i kekahi manawa no ka hoikeike ana, a makou e kalele nei, he kula hoonaauao keia home o na i'a no ka lehulehu.

 O kekahi ia o na manao nui o ke kukuluia ana o keia home a he mea hapai hoi i ka lahui iluna a i ka aina hoi, eia nae, aia he mau pomaikai nunui e ae e hua mai ana, e like me na auhau komo, ame ka ume nui ia o na malihini kaahele honua a na ia poe no ame na hoolaha like ole e hooaiai aku ia Hawaii i ke ao holookoa, a o ia no hoi kekahi alanui e komo nui mai ai na pomaikai kuwaho.

 E like me ia e ku nei i keia manawa aia ke kuleana o keia hale malalo o kekahi poe ko'iko'i o ka aina ame ka hui kaauwila, a o lakou no ka poe e ohi ana i na hua o ua home la mawaho ae o na pomaikai pililaula e loaa ana i ke lehulehu, a ua kupono no ia no ka mea na lakou i kukulu ia hana aole wale no lakou iho aka no ka lehulehu a no ka aina, aka i ka manawa kupono e hiki mai ana e hulipauia ae ai ia waiwai hookamaha'o o keia mau la i ke Aupuni e lilo io ai i waiwai no ka lehulehu.

 

  KOHO LUNANUI O NA REPUBALIKA OPIO O HILO.

 

 HILO, Malakai 2. -I ka po o ka Poalua iho nei ka malamaia ana o ka halawai a ke Kalapu Repubalika o na Kanaka Opio o ka Apana Lunamakaainana Ekahi a iloko o ia halawai ka aponoia ana o ke kumukanawai ame na rula ame ke kohoia ana o na lunanui o ua kakapu la.

 Ma ka hoomaka ana o keia kalapu ua hiki aku na lala i komo i ke kanakolu a oi, he poe lala maoli, eia nae aole ia o ka pau o na hana oiai ua loaa keia manao e nee aku ka hana imua e loaa mai he mau hoa mai na mahele koho e ae apau.

 O ke kumukanawai i aponoia ae i kela po he kumukanawai ia i waiho mua ia iloko o ke Kalapu Repubalika o Honolulu a aponoia e ia a aia iloko o ua mau rula la kekahi mau mahele ikaika o ke kulana Repubalika oiaio maoli e pili ana i kela ame keia lala o ka hui.

 O keia malalo iho na lala i lilo ae ia lakou ka hanohano o ka lilo ana i poe lunanui no ua kakapu ia:

 James D. Lewis, Peresidena; R. A. Lyman opio, Hope Peresidena; Chas. Akau, Hope Peresidena Elua; W. H. Beers, Kakauolelo; S. L. Desha, Puuku; G. F. Afoonso, Kakauleta ame T. M. Rowland Makai.-Tribune.

 

  HOAHEWAIA O SENATOA BURTON.

 

 ST. LOUIS, Malaka 28.- O Senatoa Burton o Amerika Huipuia ua ahewaia oia ma ka lawe ana i ka waiwai ukuia mai, mai ka hui Rialto Grain Securities Company no ke kupale ana i na kuleana o ua hui la imua o ke Keena Oihana Leta.  Na ka Aha Kiure Kiekie keia hoopii ia Senatoa Burton he manawa i hala aku a o ka pau ana iho la no ia i ka hoolohe ana i kona hihia.  Oia kekahi o na senatoa o Amerika Huipuia mai Kansas aku a oia hoi kekahi lala o ke Komikina a ka Aha Senate o Amerika Huipuia i hoouna ai i Hawaii no ka noii pono ana i kolaila mau pono.

 Ua hoopiiia o Senatoa J. R. Burton i ka hapamua no o ka makahiki e ke Kiure Kiekie ma Sana Lui no ke kumu e pili ana i ka ukuia ana o ke dala iaia ma ke ano he senatoa e hooikaika ai ma Wakinekona no ke kaomi ana i ka hoopukaia o ke kauoha oiaio ole ku-e i ka hui Rialto Gran@ & Securities  He hui keia i komo aku iloko o ka hihia me na mana oihana leka.

 O keia senatoa i hoahewaia iho la ola kekahi lala o na senatoa Amerika i hele ai i Hawaii i ka makahiki 1902, he komike noii i na pono o Hawaii a i waihoia aku ai ka lakou hoike i ka Senate.

 

  E PAU ANA PAHA KA BANA HAWAII.

 

 Iloko o na haawina a ke Kiaaina Carter e pokepoke nei ua hui pu aku iloko olaila ka hoopau ana i ka bana Hawaii ame ka pualikoa, a ina oia ana ka haawina e loaa mai ana, alaila e pau ana ka lohe hou ia ana o na hokeo kani a keia poe e hoohauoli nei ia kakou ame na malihini e hoea mai nei i o kakou nei.

 I ka wa i malama ae ai ka bana i ka lakou hana hoomaamaa i kela Poaono aku nei, ua ha'i aku la o Berger i na keiki puhi ohe i keia mea a ua ha'i pu aku la oia lakou e hoomakaukau no ka hoea mai o ka manawa e hooko ia ai o keia hana a ke Kiaaina.  Wahi ana, me he mea la o keia ka la e pau ai ka loaa ana aku i na keiki puhi ohe ko lakou uku mahina e like me ia i hana mau ia ai i na wa i hala ae nei.

 He papahana kekahi e waiho nei no ka holo ana aku o ka hana i ka hoikeike e malama ia ana ma Sana Lui, a ua manaolana o Berger e holopono mai keia papahana, alalia e lawe aku ana oia i na keiki puhi ohe ilaila.

 Ua loihi na makahiki o ke ku ana o ka bana maloko o na alakai ana a Berger, a ua lehulehu hoi na mana aupuni i nohoia ai me ka paa o ka bana ma ko lakou hana e hana nei, a o keia ana paha ke kau e hoonele ia ai o Hawaii nei me ka bana ole nana e hoonanea i kona mau kini.

 

 BOMBAY, Mar. 30. - Eia o Inia ke holopapaia nei e ka ma'i bubonika. O ka nui o ka poe i make mamuli o keia ma'i i hoikeia mai o a o o ka aina no ka pule e pau ana ma ka la 19 o Malaki he 40,58T@.

 

   Olelo o ka Hanohano

 

 O na kanaka e hana ana e like me ka lakou olelo i olelo ai; a o na mea i puka ai ka oiaio e like me ka lakou i olelo ai - he mau mea hoolana manao hoowahawaha kakou i na hoopunipuni ia kakou; oi loa aku ka hoopunipuni i manaoia e hana pela.  Aka aole he hoopunipuni na kanaka apau ina no e hoopuka kuhihewa ke kanaka. Ina no iloko o na ahahui aole no e loaa.  Ua ike keia ame keia o ka hoohana ana i na hana kalepa aina maluna o ke alakai pono ame ka manaoio.  He mau miliona o na mea i kuaiia i kela ame keia la aole ma na olelo hoopaa i kakauia aka maluna o na olelo hoopaa waha wale no.  Ua kapa mau ia ae ka  Stock Exchange he punana no na piliwaiwai, eia nae aohe wahi e ae e malamaia ai na olelo hoopaa me ka hanohano nui ae.  Nolaila i ka manawa a makou e olelo ao i ka

  WAMPOLE'S  PREPARATION

ka laau lapaau o ke au hou i hoaoia a ikeia ka maikai, no kona hoopunipuni ole i kekahi, e loaa iaia na manaolana no ka hoolaia a pomaikai malaila ke manao nei makou e manaoio ana no lakou.  No ka oiaio o keia mea ua nui na ma'i i lawelaweia i na la i hala e hoike ana 'i kona ano.  Ua hooiaio wale ia aku no oia maluna wale no o na mea ana e hiki ai ke hoohana a holopono.  He hiki oia ke hana i na ma'i inoino o ke koko, La Garipa, na nawaliwali, na eha o ka puu ame ke akemama, ame na ano ma'i inoino o ke koko.  He ono ke ai me he home (meli) la a he hanai a hoola i'o.  He waiwai keia mailoko mai o ka Aila o ke Akepaa o ka I'a Cod (Pure Cod Liver Oil) huiia me ke Compound Syrup of Hypophosphites ame ka Extract of Malt and Wild Cherry.  Eia ka Kauka Austin D. Irvine olelo:  "Ua hoohana aku wau i keia laau ma na ma'i i ku i kana mana hoola. aka aole nae i ka poe i ku ole, a he maikai maoli no na hua i

 He loaa ka manaolana i ka oolopu laau mua a he maikai i ka opu.  Aole ia e hoopunipuni a hoopau-ha ia oe a he hoopakele no hoi i ka poe i nele i na hoomaikai mai kekahi ano laau e ae.  He laau ia no ka lanakila lapaau o ke au lapaau e hele nei.  He kuaiia keia laau e ka poe kuai laau Iapaau apau.

 

 HE DEMOKARATA O KAHAULELIO I KEIA MANAWA.

 

 O David Kahaulelio o Maui, kekahi hoi o na Repubalika o ka wa i hala a he alakai hoi ia mau la aia oia i Kona no ke kukulu ana i ka aoao Demokarata a ua oleloia ae ka holomua o kana alakai kukulu hana ana.  E like me ka hoikeia ana mai i ka Adavataisa ua piha kona ekeili me na pepa Demokarata i kakauinoaia.  Ua oleloia aole i maopopo i kanaka he mau pepa Demokarata lakou a hiki wale i ka manawa ana i hele ai iwaena o lakou.

 

 O KA POHOLE ANA ME KE PINE he mea no ia e lilo aku ai kekahi lala o ke kino a i ole make paha mamuli o ka loaa ana i ke koko laaumake i loaa mai mamuli oia eha ana.  O na poino e like iho la me keia he mea hiki no ke pale ia aku mamuli o ke kau ana ka laau hamo Chamberlain's Pain Balm.  He laau kaupale keia i na poino o keia ano a he laau hoola hoi no na moku, pepe, a wela paha i ke ahi.  Ke kuai ia nei e na halekuai laau lapaau apau.  Benson, Smith & Co., Ltd., na Agena ma Hawaii nei.

 

  OLELO  HOOLAHA.

 

 O ka poe koi waiwai apau i na waiwai o keia poe i make malalo iho nei i make ma ke Kahua Ma'i Lepera, Mokupuni o Molokai, ke waihoia aku nei ke noi e waiho mai i ka lakou mau koi ma ke Keena o ka Papa Ola maloko o eono (6) pule mai ka la aku o keia hoolaha.

  C. CHARLOCK,

 Kakauolelo o ka Papa Ola.

 Pihana (k) he Hawaii, 74 makahiki, make i Ianuari 2, 1901, ma ke Kahua Ma'i Lepera.

 S. Kaaua (k) he Hawaii, 63 makahiki, hookomoia i Sepatemaba 13, 1900 mai Punaluu mai, Hawaii, a make i Mei 3, 1902, ma ke Kahua Ma'i Lepera.

 Jas. Kaaona (k) he Hawaii, 37 makahiki, hookomoia i Mei 8, 1888, mai Hilo mai, Hawaii, make i Iulai 27, 1902, ma ke Kahua mai Lepera.

 Kamakahiki (k) he Hawaii 29 makahiki, hookomoia i Novemaba 14, 1893 mai Lahaina mai, Maui, make i Mei 6, 1902, ma ke Kahua Ma'i Lepera.

 Poola (k) he Hawaii 66 makahiki, hookomoia i Okatoba 1, 1901, mai Hilo mai Hawaii, make i Iune 3, 1902, ma ke Kahua Ma'i Lepera.

 Lau Fun nona ka inoa Lau Franch (Pake) he 45 makahiki, hookomoia i Ianuari 5, 1879, mai Oahu Halepaahao aku (Kawa), Oahu, a make i Feberuari 16, 1903, ma ke Kahua Ma'i Lepera.

 Jas. Kaiewe (k) he Hawaii 23 makahiki, hookomoia i Mei 3, 1900, mai Hana mai, Maui, make i Aperila 10, 1903, ma ke Kahua Ma'i Lepera.

 John Wahineaea (k) he Hawaii 31 makahiki, hookomoia i Okatoba 13, 1895, mai Hana mai, Maui, make i Iulai 30, 1903, ma ke Kahua Ma'i Lepera.

 Kamano (k) he Hawaii 46 makahiki, hookomoia i Sepatemaba 27, 1887, mai Keanae mai, Maui, make i Augate 30, 1903, ma ke Kahua Ma'i Lepera.

 Kamaholo (k) he Hawaii 34 makahiki hookomoia i Iune 7, 1898, mai Waikapu mai, Maui, make i Sepatemaba 19, 1903, ma ke Kahua Ma'i Lepera.

 Dan. Maluna  e (k) he Hawaii 24 makahiki, hookomoia i Aperila 21, 189@ mai Halawa mai. Molokai, make i Sepatemaba 29, 1903, ma ke Kahua Ma'i Lepera.

 Kealoha Nui (k) he Hawaii 70 makahiki, hookomoia i Novemaba 26, 190@, mai Lunalilo Home mai, Oahu, make 1 Okatoba 9, 1903, ma ke Kahua Ma'i Lepera.

 Ben Aalona (k) he Hawaii 29 makahiki, hookomoia i Okatoba 9, 1899, mai Halehaku mai, Maui, make i Okatoba 10, 1903, ma ke Kahua Ma'i Lepera.

 John Ailing (k) he 64 makahiki, hookomoia i Sepatemaba 1, 1896, mai Honolulu mai, Oahu, make i Okatoba 24, 1903, ma ke Kahua Ma'i Lepera.

 Kamai (aku) he Hawaii 53 makahiki, hookomoia i Sepatemaba 27, 1887, mai Waikapu mai, Maui, make i Novemaba 5, 1903, ma ke Kahua Ma'i Lepera.

 John Bell (k) he Hawaii 37 makahiki, hookomoia i Malaki, 2, 1892, mai Hana mai, Maui, make i Novemaba 13, 1903, ma ke Kahu Ma'i Lepera.

 Keiiiwahahee (k) he Hawaii 38 makahiki , hookomoia i Aperila 21, 1896, mai Honuakaha mai Oahu, make i Novemaba 29, 1903, ma ke Kahua Ma'i Lepera.

 3008 - Mar. 25.- Apr. 1. 8.

 

 HOOLAHA MANA HOOKOLOKOLO

 

ILOKO  KA AHA HOOKOLOKOLO KAAPUNI O KA APANA KAAPUNI ELUA,  TERITORI O HAWAII.  MA KE KEENA HOOPONOPONO WAIWAI.  E PILI ANA I KA WAIWAI O RICHARD M. PAHAU, I MAKE.

 

 Ma ka heluheluia ana ame ka waihoia ana mai o ka Palapala Noi o W. R. Castle Lunahooponopono Waiwai o ka Waiwai o Richard M. Pahau i make, e noi ana e loaa aku iaia ka mana no ke kuai aku i ke kuleana akahi-hapaha mahele ole ia o Richard M. Parau i oleloia, i make, iloko o ka pa-hale Home o ka ohana o Pahau iloko o Kawaiahao, Honolulu, Oahu.

 Ua haawiia aku ke kauoha o ka Poaono, ka la 9 o Aperila, 1904, ma ka hora 10 a. m. oia ka manawa i kohoia no ka hoolohe ana i ua Noi la i oleloia iloko o ke Keena Hookolokolo o keia  Aha Hookolokolo ma Wailuku, Maui, a o keia manawa i hoikeia ae la ame kahi i hoikeia ae la e akoakoa ae ai ka poe apau i pili i keia mea e hoike ai i na kumu ina he mau kumu ka lakou, e pono ole ai ke aeia aku ke Noi i oleloia.

 Hanaia ma Wailuku, Mokupuni o Maui, Malaki 17, 1904.

(Kakauinoaia) John W. Kalua, (Sila) Lunakanawai o ka Aha Kaapuni o ka

   Apana Kaapuni Elua.

Ikemakaia:  W. J. COELHO,

Kakauolelo o ka Aha Kaapuni o ka

   Apana Keapuni Elua.

3008 - Mar.25.- Apr. 1, 8.

 

  HOOLAHA HOOKO MORAKI.

 

HOOLAHA MANAO E HOOKO A KUAI A KA MEA PAA MORAKI.

 

 Mamuli o ka mana kuai i hoopaa ia iloko o kekahi palapala moraki mai ia Charles S. Desky mai a ia C. W. Booth, i hanaia ma ka la 22 o Sepatemaba, 1900, i kopeia hoi iloko o ke Keena Kakau Kope, Oahu, iloko o ka Buke 217, aoao 9 a hiki i 11, ma keia ka haawiia aku nei ka hoolaha ke makemake nei ka mea paa moraki e hooko i ka moraki i oleloia no ke kumu i uhaila, oia hoi, ka uku ole ia ana o ke kumupaa ame ka ukupanee i ka manawa e hookaa ia ai, a ma ka Poakahi, la 28 o Maraki, 1904, ma ka hora 12 awakea o ia la e haawiia aku ana ma ke kuai a e kuaiia aku ana ma na keena kudala o Will E. Fisher, No. 180, Alanui Kalepa, Honolulu, i na aina ame ka waiwai i hoakakaia iloko o ka moraki i oleloia, i hookuu ole ia hoi mamua aku o keia manawa mai ka moraki ae.  O na aina ame ka waiwai e kuai ia aku ai pela, ame na mahele aina pu hoi i hookuu ia, ua hoakakaia no ia iloko o ka papa helu waiwai i hoopili pu ia me keia a e nana ia aku ai ma keia.

 O ke kumukuai ma ke dala kuike no ia ma ke dala gula hoi o Ameriku Huipuia.  O na palapala kuai ma ka lilo no ia o ka mea e kuai mai ana.

 No na mea aku i koe ame ka nana ana i na kii aina e hoike ana i kahi i waiho ai o ka waiwai i oleloia e like me ka mahele ia ana ma na apana, e ninau aku ia J. Alfred Magoon, keena hana ma ke kihi o na Alanui Kalepa ame Alakea, ma ka Hale Magoon, Honolulu, a i ole ia Will E. Fisher, mea kudala.

  C. W. BOOTH,

  Mea Paa Moraki.

 Hanaia ma Honolulu, Feberuari 24, 1904.

 

   PAPA HELU WAIWAI.

 

 O ka waiwai e kuai ia aku ana oia no keia malalo iho:

 O kela mau apana aina a pau loa e waiho la mawaena o ke awawa o Pauoa ame ke awana o Nuuanu iloko o ka Apana o Honolulu, Mokupuni o Oahu, Teritori o Hawaii, penei:

 EKAHI:  O ka Apana ekahi apau loa o ke Kuleana Helu 10,605 ia Kamakee Piikoi, nona ka ili o aiwa eka ame 9.39 kaulahao kuea, e like me ia i kopeia ma ka Moolelo o na Kuleana ma ke Keena Aina o ka Lehulehu ma Honolulu ma ka Buke 10 o na Kuleana i oleloia ma ka aoao 60.

 ELUA:  O ka Apana ekahi apau o ke Kuleana Helu 273 ia Joseph Booth, i kopeia ma ke Keena Aina o ka Lehulehu ma Honolulu iloko o ka Buke 1 o na Kuleana ma ka aoao 457, a i hoopukaia ai hoi maluna olaila ka Palapala Sila Nui Helu 302 ma ka la 14 o Mei, 1851, e like me ka mea i hoikeia ma ka Buke ekahi o na Palapala Sila ma ka aoao 302; nona ka ili o 208.3 eka.

 EKOLU:  O kela mahele apau o ka Palapala Sila Nui (Grant) 524 ia Joseph Booth, i kopeia iloko o ka Buke 5 o na Palapala Sila Nui (Grants) ma ka aoao 524, e waiho la ma ka aoao ma Ewa o ka palena ma Waikiki o ke kahua o ka pa pohaku ma ka palena ma Waikiki o ke alanui Kaiulani; oia no hoi ke alanui kaa nui mai ke alanui mai ma ke awawa o Pauoa a hiki i na aina palapalaha maluna aku i ike ia ma ka inoa o "Pacific Heights."

 EHA:  I kela apana aina uuku e pili ana i ka apana ekahi o ka palapala hoona kuleana 273 Palapala Sila Nui 303 a ma ka aoao Hikina mauka o ka aina o B. P. Bishop ma kekahi aoao Hema o ke Alanui Aupuni ma ka aoao Ewa o ke awawa o Pauoa, ma ka aoao Komohana a makai o ka aina o Laika, koe kekahi apana uuku no Holani.

 ELIMA:  I keia apana aina i hoike ia ma ka Palapala Sila Nui 56@, Kuleana 1681 ia Waiwaiole  i ike ia keia wahi ma ka inoa o Waimapuna Punananoio, me keia nei e hoomaka ana ma ke kihi Akau o keia apana malalo o ka puka wai i kameki ia e pili pu ana me ka paipu nui H. 53 deg. @5 min. K, mamao 46.2 kapuai e holo pololei ana.

  1.  H. 26 deg. 55min, E. 33,0@ kapuai a hiki i ka laau:

  2.  H. 65 deg. 5@ min. K. 49.5 kapuai a hiki i ka laau;

  3.  A. 23 deg. 3@min. K, 26.5 kapuai a hiki i ka laau:

  4.  A. 71 deg. @6 min. H. 47.5 kapuai a hiki i kahi i hoomaka ai - ka nui he  1,680 kapuai kuea, oi iki a emi mai paha ame kuleana o ka Mea Paa Moraki o keia ano ame kela ano iloko o ka Waimapuna i hoike la maluna ma ka Palapala Sila Nui Helu 5634. Kuleana 1851@ i ike ia ma ka inoa o Punananoio ame ka wai e hu mai ana malaila mai.

 

 EONO:  He kuleana alahele maluna o na aina apau o C. S. Desky e holo ana ma kahi o na paipu wai e ku nei i keia wa i wahi e hooponopono ai i ka wai o keia waimapuna i hoike ia maluna no ka hooholo ana o ka wai o keia mapuna a hiki i ka aina i hoikeia ma ka pauku elima a maluna o na aina mai ka pauku akahi a hiki i ka pauku eha oia no o Pakipika Hila.

 O kehahi hapa o keia aina i hoike ia maluna ua ana ia a ua okioki ia iloko o kekahi mau pa 98 ka nui a o keia mau pa aole i wehe ia mailoko ae o ka moraki, a oia no ke kuai ia aku ana.  O ka aina holookoa apau loa me keia mau pa he 98, oia no ke kuai ia ana, koe na apana i wehe ia a i hoike ia malalo:

 

   EKAHI.

 

 (Pa 30)  Ili 28,400 kapuai kuea i lilo ia Mary Castle.

 (Pa 13)  Ili 19,225 kapuai kuea i lilo ia Cordelia F. Allen.

 (Pa 12)  Ili 45,000 kapuai kuea i lilo ia A. S. Parke.

 (Pa 38)  Ili 18,900 kapuai kuea i lilo ia Sila B. Pratt.

 (Pa 39)  Ili 21,800 kapuai kuea i lilo ia H. L. Kerr ame Martin L. Smith.

 (Pa 41)  Iilo ia J. M. Atherton.

 (Pa 48) lilo ia F. E. Nichols; o keia mau pa elua 41 ame 48 he 34,000 kapuai kuea ka nui.

 Ka aina i lilo ia T. Clive Davies he 6 10-100 eka ka nui.

 Ka aina i lilo ia C. W. Booth he 1, 37-100 eka ka nui.

 He palapala mai ia Chas. W. Booth a ia Charles S. Desky i hana ia i ka la 22 o Sepatemaba, 1900, a i kopeia ma ke Keena i oleloia iloko o ka Buke 217, aoao 9 a hiki i ka 11, a e hoike ana i na apana ekahi a hiki i ka apana ewalu i hookoe ia maluna.

 

   ELUA.

 

 (Pa 5)  Ili 12,400 kapuai kuea.

 (Pa 6)  Ili 14,400 kapuai kuea.

 (Pa 11) 1/2 Ili 1 ame 43-100 eka.

 (Pa 14)  Ili 15,760 kapuai kuea, lilo ia John T. Moir.

 (Pa 18)  Ili 24,500 kapuai kuea, lilo ia E. O. White.

 (Pa 19)  Ili 20,000 kapuai kuea, lilo ia E. O. White

 (Pa 20)  Ili 23,400 kapuai kuea, lilo ia H. P. Baldwin.

 (Pa 21)  Ili 28,500 kapuai kuea, lilo ia H. P. Baldwin.

 (Pa 23)  Ili 19,300 kapuai kuea, lilo ia G. P. Castle.

 (Pa 24)  Ili 18,400 kapuai kuea, lilo ia G. P. Castle.

 (Pa 34)  Ili 20,200 kapuai kuea, lilo ia W. J. Lowrie.

 (Pa 35)  Ili 25,320 kapuai kuea, lilo ia W. J. Lowrie.

 (Pa 36)  Ili 24,150 kapuai kuea, lilo ia W. J. Lowrie.

 (Pa 37)  Ili 22,400 kapuai kuea, lilo ia W. J. Lowrie.

 (Pa 42)  Ili 17,900 kapuai kuea, lilo ia Juliette M. Atherton.

 (Pa 49)  Ili 26,500 kapuai kuea, lilo ia Percy M. Pond.

 (Pa 54)  Ili 24,500 kapuai kuea, lilo ia Frederick J. Amweg.

 (Pa 55)  Ili 23,400 kapuai kuea, lilo ia Frederick J. Amweg.

 (Pa 63)  Ili 23,500 kapuai kuea, lilo ia Thomas E. Wall.

 (Pa 92)  Ili 25,000 kapuai kuea, lilo ia John Cassidy.

 (Ka Aina o Ripley)  Ili 2 ame 4-10 eka.

 A oia no hoi na apana aina i hookoe ia a weheia mailoko ae o ka moraki i oleloia, i hanaia i Sepatemaba 22, 1900, a kopeia iloko o ka Buke 214, aoao 218 a pela aku, a oia no hoi na hookoe ana i hoakakaia maloko olaila a i heluia mai ka ekahi a hiki i ka iwakalua-kuma-makahi hui ia.

 

    EKOLU.

 

 (Pa 28)  Ili 24,383 kapuai kuea, i lilo ia P. A. Parmalee.

 (Pa 22A)  Ili 66,258 kapuai kuea, i lilo ia G. P. Castle.

 (Pa 22)  Ili aneane 23,000 kapuai kuea, i lilo ia G. P. Castle.

 (Pa 33)  Ili 84,707 kapuai kuea, i lilo ia Alexander Young.

 (Ka hapa Komohana o ka Pa 40)  Ili 9,850 kapuai kuea, i lilo ia Juilette M. Atherton.

 (Pa 21A)  Ili 51,200 kapuai kua@, i lilo ia H. P. Baldwin.

 (Pa 52)  Ili 20,600 kapuai kuea, i lilo ia G. T. Kluegel.

 (Pa 7 ame Pa 8)  Ili aneane 36,000 kapuai kuea, i lilo ia C. M. Walton.

 (Pa 1 ma ka aoao Hikina o ke Awawa o Pauoa)  Ili 10,485 kapuai kuea, i lilo ia Heinrich Voss.

 (Pa 28 ma ka aoao Hikina o ke Awawa o Pauoa)  Ili 6,360 kapuai kuea, i lilo ia S. Fowler.

 (Pa 4 ma ka aoao Hikina o ke Awawa o Pauoa)  Ili 6,075 kapuai kuea, i lilo ia F. De Mello.

 

   EHA.

 

 O ka aina e ku nei ka hale uwila o Pakipika Hila nona ka ili o 2500 kapuai kuea, ame ke kuleana alahao o na kaa uwila i hoike ia maloko o ka palapala hookuu moraki i hanaia ma ka la ekolu o Dekemaba, 1902, Buke 239, aoao 167.

 O na aina i hookeia maluna e kuai ia ana me ka hookoe i ke kuleana alahele i hana ia ma kekahi palapala e C. S. Desky ame kana wahine mare ia C. W. Booth ma ka la 23 o Sepatemaba, 1900, a i kopeia iloko o ka Buke 210, aoao 284-5, a oia no hoi ke kuleana alahele  no ka hoomoe paipu wai ana ma ka aoao e huli ana i ke Awawa o Pauoa.

 Ina e lawa ole ana ke dala no ka hookaa ana i ka huina i ale ia mai na aina i hoakakaia maluna ae, ame na lilo o ka hooko ana i ka moraki, alaila o na apana aina malalo iho i hoakaka mua ia ae nei, a i kuai ia hoi mamua aku nei, aka aole nae i hookuuia mai ka moraki ae, e kuai ia aku no e like me ka papahelu malalo iho:

 (Pa 23)

 (Hapa Komohana o ka Pa 89@)

 (Pa 21A)

 (Pa 52)

 (Na Pa 7 ame 8)

  @-Mar. 4, 11, 18, 25.

 O ke kuai maluna ae ua hoopanenia a hiki i ka Poakahi ia 4 o Aperila, ma ka hora 12 awakea o ia ia.

  WILL E. FISHER,

  Mea Kudala.

3000 - Apr. 1.

 

   HOOLAHA KUMAU

 

 LEWERS & COOKE

 LUI AME  KUKE,  Kaupale@ala

Na Mea Hookomo mai a Kuai aku i na

LAKO HANA HALE

 

 O Kela ame Kena Ano.

Malaila e loaa ai na mea malalo ihea

 

 NA PAPA N. W., NA PAPA HOLE, PILI HALE, NA PUKA, NA OLEPELEPE AME NA PONO PUKA ANIANI, NA KUI; AME NA MEA PILI O KA OIHANA KAMANA; NA PONO PENA.

 NA PENA LIKE OLE AME N@ HULU PENA, NA ANIANI, NA P@PA HALE; PALE PUKA ANIANI, MOENA, ETC.

 

 O na kauoha pono hale apau loa o hiki mai ana ia makou e hooko koke ia no me ka eleu ame na KUMUKUAI  HAAHAA  LOA.

  LEWERS  &  COOKE

 

 Hui Alahao ame Aina o Oahu

 MANAWA  HOLO

 Mei 1,1903.

 MAI HONOLULU AKU

 

 No Waianae, Waialua.  Kahuku ame na wahi hoolulu ma ke alahao- *9:15 a.m., *3:30 p.m.

 No Pearl City, Ewa Mill, ame na wahi hoolulu ma ke alahao- +7:30 a.m., *9:15 a.m., *11:05 a.m, *8:15 p.m., *3:20 p.m., +4:15 p.m., *5:15 p.m., @9:30 p.m., +11:15 p.m.

 

   MAI  WAHO  MAI.

 

Ku i Honolulu mai Kahuku, Waialua, ame Waianae mai *8:38 a.m., *5:31 pm.

Ku i Honolulu mai Ewa Mill ame Pearl City mai -+6:50 a.m., +7:46 a.m., *8:36 a.m., *10:38 a.m., *2:06 p.m., *4:31 p.m., *5:31 p.m., *7:40 p.m.

 

 *@5:31 p.m., *7:40 p.m.

*Kela ame keia la.

@Sabati wale no.

 +Koe ke Sabati.

 

G. P. DENISON, Lunahoohana.

F. C. SMITH,  G. P.& T. A.

 

Kakela me Kuke

[KAUPALENAIA]

 

Poe Kalepa ma  ke Komisina

  : : A HE : :

POE  LAWELAWE  KOPAA

 

Poe Agena no na Ma hiko Lehulehu.

 

KAUKA  T.  MITAMURA

Alanui Kukui Ololi Helu 68, Honolulu

Na Hora Hana:

 Hora 10 a 12 kakahiaka! hora 7:30 a hiki i ka hora 7:30 p. m Sabati: Hora 6 a 8 p. m.

Telepone Blue 2366  P.O. Box 842@.

 

Poe Akepau i loaa hou ke Ola Kino Maikai.

 

 Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane e loaa i ka ma'i Akepau i hoopakele ia mai keia ma'i mai mamuli o ka laau

  "Ayer's  Cherry  Pectoral."

 Ke loaa i keia laau e loaa ana i ka ma'i ka maha no ka wa mau loa, a aole no kekahi manawa pokole e like me kekahi ano laau okoa ae.

 Aohe Laau Kunu i oi ae o ka maikai mamua o ka LAAU KUNU

 "Ayer's  Cherry Pectoral."

He mea maikai e ike kakou i keia, no ka mea ua hoola keia laau i ka poe i loaa i keia haawina no aneane kanao@e makahiki.  E malama mau i keia laau.  Ina aole au omole laau kunu o keia ano, e kuai koke mamua o ka loaa ana i ke kunu.  Ina ua loaa kekahi iloko o ka ohana i ke anu e hooinu i keia laau a e loaa no ka maha.

 Hoomakaukau ia o Kauka J. C. Ayer & Co., Lowell, Mass., U. S. A.

 E loaa no keia mau Huaale ma na halekuai laau a pau.