Ka Nupepa Kuokoa, Volume XLII, Number 14, 1 April 1904 — HOAO E PUHI I KA HALEL. [ARTICLE]

HOAO E PUHI I KA HALEL.

Ma kahi o ka honi ekahi o ka wanaao Poakahi nei i hanaia ae ai kekahi hana hono e puhl i ke ahi ka haie e ku rvel ma ka aoao mauka o ke kihi 0 ke alanui Muliwai ame Pauahi, a e nohola nei hoi e kekahi mau Kepani' malama halekuai. I ka manawa i hoikeia ae nei e noho ana kekahi mau Kepani maluna o ka pa pale o ke kahawai o Nuuanu, e nanea ana i ke konane mai o ka mahina, a ia lakou maiaila ua ike aku la lakou i ka a ana mai o ke ahi iiuna o ka lanai o ka hale 1 hoikeia ae nei. Ua liolo like aku la kela mau Kepani me na pakeke wai a hiki i kahi e a ana o ke ahi a kinai lho la a pio. I ka huii nul ana o keia mau Kepani i ke kumu o ka a ana o ke ahi, ike iho la lakou nei ua nininiia oluna o ka lanai me ka ailamahu, a pela n'o hoi kekahi moena e waiho ana. Ua hiki aku ka makai ma kahi o keia hana hoao e puhi ahl, a hanu aku la mahope o ka meheu o ka mea nana i hana i keia hana, aole no nae he wahi mea a loaa uku.