Ka Nupepa Kuokoa, Volume XLII, Number 15, 8 April 1904 — Page 6
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Aperila 8, 1904
Ka Palapala i ka Aholelo
Oiai ka aoao 5 mai.)
OIHANA HOONAAUAO
No ka Hoonaauao i ka Lehulehu $341,396.00
OIHANA AINA AUPUNI
Komisia o na Aina Aupuni $12,940.00
Ana Aina 20,215.00
------------
$ 33,155.00
PAPA OLA
No ka Papa Ola 234.890.00
KEENA HOOIA
Luna Hooia 15,600.00
----------------
Huina $1,934,170.00
Ina e hooholo ia mai na haawina a oi ole aku mamua o keia mau huahelu i hoikeia a’e nei, o keia malalo iho nei ko kakou kulana:
NA LOAA AME NA LILO NO KA MANAWA E NEE MAI ANA MA KA HOOMAOPOPO ANA
NA LOAA
Na Loaa Kuloko $2,162,372.43
NA HOOLILO
Na Bila Haawina $1,934,170.00
Waihona o na Pake 10,000.00
Na Lilo o ka Ahaolelo Kumai, 1905 75,000.00
Na Aelike i uku ole ia 18,000.00
Bila o na haawina Huikau (Koho
No na haawina i uku ole ia) 20,000.00
----------------
$2,057,107.00
Koena e hoohui aku ai no ka hoemi o
$ 658,000 o ka aie kumau $105,202.43
NA KANAWAI HOOPONOPONO LOAA
He mea kaumaha no ka hiki koke ole ana ia kakou ke hooponopono i ko kakou mau lilo i mea e hapai koke ia a’e ai ke Teritore maluna o ka kahua paa o ka waiwai a waihona i makaukau. Ma keia kau kumau a’e o ka Ahaolelo, he umi hoi mahina mai kea manawa aku, e pono no e hoolilo nui i ka manawa ma ka noonoo ana i na kanawai e pili ana i na loaa, a mahope aku oia manawa ke manaolana loa nei wau e loaa aku ana i na makaainana ka ike moakakale’a ana i ka naauao o ka @mahu’i ana, a ia manawa no hoi e hiki ai ke ike ia ina paha ua koikoi loa aku na pokepoke ana, a i ole, aole no paha. I keia manawa, o na makaainana noonoo akea e kali ana lakou me ka hoomanawanui no na pono i lilo aku ame na haawina puikaika i loaa mai mamuli o keia mau hoololiloli ana. He nui na hana e hana ai i maikai a’e ai ke kulana ma Hawaii nei, aka e pono ia kakou ke hana i hookahi hana i ka manawa a ma ia ano e hiki ai ia kakou ke haawi aku i ka ike makaukau maoli no keia mau hana.
I mea e hoonee mua ia aku ai ka oukou hana, ua hoomakaukau wau he Bila no na Ukuhana no ka Hale a he Bila Hoolilo Kumau no ka Senate, e hoike ana hoi i ka manawa o umi-kumamalua mahina, e hoomaka ana mai ka ia i aku o Iulai o laua e elua, e like hoi me ka hiki ia’u ke hoike aku, na laua e hoopau i na hoolilo mauwale a hoopau hoi i na wahi i maopopo ole i kupono loa i ka pomaikai o ka Teritore holookoa.
NA KOKUA MAI NA OIHANA MAI O KE AUPUNI
E pono ia’u ke hoike aku ia oukou o na ike lawelawe o kela ame keia Oihana o ke Aupuni e hiki no ke loaa aku ia oukou, a e hauole loa no hoi wau ke hui kukakuka pu aku me oukou me ke akea o na launa ana, ma ke ano kino pakahi, a i ole, me ko oukou mau komite.
KE NOI A KE KIAANA
Ma ka aoao o na makaainana o keia Teritore, ke noi aku nei wau ia oukou i keia mau mea:
Akahi. E hoomana aku oukou i na lilo a oi ole aku maluna o ka papa hoike loaa; e hoopau oukou i na bila haawina e ku nei i keia manawa, pau pu me na kanawai kaulele a oukou i hooholo ai i kela kau Ahaolelo i hala.
Elua. I mea e loaa koke aku ai ko kakou mau loaa kumau a e hiki ai hoi ke hoihoi ia a’e a ke kahua ulakolako dala, a ma ia ano hoi e hoopa ia a’e ai ka hoopuka ana aku i na palapala kikoo dala, e pono ia oukou e hana i ka oukou mau haawina iloko o na loaa mai, a e hoohana hoi i ko oukou mau noonoo maikai e like me ia iloko o ke apo naauao.
Ekolu. E hana oukou i na, hoolilo o ko oukou aha kuikawa ma kekahi haawina kuwaho a ma ia ano e maalahi ai na loaa kumau o na lilo o ka hoao ia ma ke kanawai, a e kukulu, a’e hoi i kahua e hooponpono ana i na hana pakahi iloko o ia apana a ma ia ano hoi e hoomaha a’e ai ia Honolulu no na loaa huikau no ka auhau o ka lawe ana i na mea ino ame ke paipu lawe mea ino.
Eha. A o ka panina no hoi ia. Oiai aia ia oukou ka mana nana e paa nei i ka waha o ke eke o ka Teritore, he mea pno ia oukou e hoike a’e i ko oukou oiaio i ka hana i waihoia mai maluna o oukou ma ko oukou hoike ana aku imua o na makaainana i ka hawwina o ka hoomakaulii a laula hoi o ka oukou mau hooponopono ana, a ma ia ano e hoike, aku ai oukou i ko oukou kino ahaolelo i ke kupono no na makaainana o ka Teritore o Hawaii.
MAKEMAKE E NOHO IHO NO IANEI
-------------
E ano apuepue ana paha ka holo aku o ka Bana Hawaii no ka Hoikeike e malama la ana ma Sana Lui, e like hoi me kekahi manao i hoike mua ia aku ai ma kekahi o na kolamu o ke kilohana nei o kela mau pule aku nei i hala. I kela manawa ua loaa mai nei ka manao o ke Komite Hoeueu o Hawaii nei e paa ana i ka bana maanei oiai ma ka manao ana oia komite, he mea pono no e noho iho ka bana i ka manawa e like iho la me keia.
O keia ke kau nui o ka poe kaahele ana, a o ka bana oia kekahi mea maikai loa e makahehi mai ai na malihini ia Hawaii nei, nolaila ua loaa mai ka manao e pono i ka bana ke noho iho maanei.
O kela manao maluna ae oia ka manao i waihoia aku ai ia Mr. J. C. Cohen, ka haole nana i manao e lawe aku i ka bana no Amerika, a he pane hoi no kana leta i hoouna ae ai i ua komite la. Ua manao keia haole e lwe aku i ka bana ame kekahi poe himeni, huipu aku hoi me ka wahine haole leole’a i @ iho nei i kekahi anaina himeni maanei o keia poe apau e hele aku lakou ma kekahi mau kulanakauhale o Amerika a wehe aku i mau ahamele malaila, a ma ia ano e loaa ana ka uku e uku aku ai i ka poe e hele ana ma keia huakai, a mahope aku e holo loa aku a noho ma Sana Lui no ka hoikeike.
----------------------
Ua hiki mai o Hope-Lunahoomalu Knudeen, o ka Ahaolelo i hala ma Honolulu nei ma ke Poakolu nei. Ua ho@ ae oia i kona lilo ana i moho lunahoomalu no keia Kau.
HOOKAHI NO LULU ANA PIHA KA EWALU TAUSANI
------------
Ma ke Sabati i hala iho nei i loaa ai ka lanakila o ka lulu ana no na manawalea no ka Luakini Bihopa Pelekane ia Bihopa Restarick ma ka lulu ia ana a piha ka huina o $8,584.90.
He huina keia i luluia no ka waihona o ka hoopau pono ana i na hana i koe o ka Luakini Bihopa. Ua loaa keia huina mailoko mai o na halawai like ole i malamaia i kela Sabati hoomanao o ke ala hou ana o ka Haku, a he akahi hapa-kolu ia o ka huina nui i makemake ia no kela hooponopono a hoopau pono ana i na hana i koe no keia L@kini.
Mai keia manawa a keia bihopa i noho hana mai ai iloko o keia ekaleeia bihopa o Hawaii nei, oia hoi, he elua makahiki i hala ae nei ua kukulu oia i kona manao e nana mau aku a e kau mau aku na maka no ka manawa e hiki mai ana no ka hoopiha pono ia o keia huiha nui e pau pono ai ka hemahema o keia luakini.
No la manao no oia i hooikaika ai i kona mau hoahanau e ikaika ma keia hana a i ka Lapule iho ia i hookeia ai ia upu ana aole nae i ka pau o ka hana no ia kumuhana hooulu lulu i piha ai ka huina i makemakeia.
-----------------------
Ua kauleta aku nei o Kiaaina Carter ia Elele Kuhio e hoike aku ana aole ana mau inoa e noonoo nei i keia manawa no ka hoopiha makalua o ko kakou Aha Kiekie. O. E. P. Dole oia ka Kuhio e makemake nei no ia wahi.
E Pono e Hilinaia
---------
NO KA MEA O KA IKE IA O KEKAHI KUPA O HONOLULU NEI E HIKI AI NO KE HULI PONO
AKU ME KA HAKALIA OLE
-------------
O ka hele hoaa ana o kekahi malihini iloko o kekahi kulanakau hale he mea pono loa i ua malihini ia e hilinai aku maluna o kekahi kupa a kenuaaina o ua kulanakauhale nei no h=ke aakai ana iaia i kahi i makemakeia. He hua ia i ike mau ia e puka mai ana ma a @ a i maa no hoi. Ua loaa no hoi ia rula i kekahi moku e holo ana iloko o e awa mailhini iaia. O ka p@laka i kamaaina loa i kela awa oia ka mea hiki ke hilinaila aku e palekana ai ka moku no ka hookomo ana iloko o ua awa la.
Pela no na hoolaio. Aole e nele ka loaa o ke kanaula o ka manao e loaa ana ia kakou na olelo a ka poe o na wahi mamao loa no ka mea aole e hiki ke loaa ia kakou na mea e hooiaio ai la mau olelo, aka o ka hoike manao akea ana o ko kakou poe iho he mea hiki loa ke hilinaiia no ka mea, eia no ke alo na hooiaio e ikeia ai me ka nakalia ole. O na hoike o keia malaio iho kekahi o ia hooiaio ana.
O Mr. W.F. William o keia kulanakauhale, he kanaka malama halekukui oia ma ka oihana a he kanakolu ka nui o na makahii ana i noho hana ai ma ia hana. Eia kana olelo: “Owau kekahi iloko o na makahiki he nui i hala ae i komohia aku iloko o ka ehaeha ma ke kau. O ko’u eha aole he wahi eha nei aka he ko’iko’i maoli no, ke kumu hoi o’u i hoolanamanaoia ae ai i ko’u lohe ana i ka mana hoola kamahao o na Huaale Kuahaneenee ame Puupaa a Doan a kii koke aku la wau i ka Halekuai Laau Lapaau o Hollister ma, a o ka loaa koke no ia ia’u o ka oluolu i kuu ai ana. A o keia wahi moolelo uuku o ko’u noho ehaeha ana a hoolaia ke hana nei wau no ka pomaikai o ka poe i loohiaia e keia eha i ulu mai na puupaa mai, oiai o na Huale Kuahaneenee ame Puupaa a Doan oia ka laau lapaau kupono loa no keia ano eha.
He kuaiia na Huaale Kuahaneenee ame Puupaa a Doan no 50 keneta o ka pho hookahi e ka poe kuai laau lapaau apau a e loaa aku no hoi ma ke ekeleta mai ia hollister Drug Co., Honolulu, na agena kuai kukaa o ka Paeaina Hawaii nei ke loaa aku ke kumukuai.
------------------------
HUI NA MAMONA MA LAIE
------------
I ka Lapule i hala iho la i malama ai na Mamona i ka lakou ahahui o ka Paeaina ma Laie o keia mokupuni, a iloko o ka ahahui i waihoia ae ai na hana no ka noonoo ana, a he mau la ka malamaia ana o na hana.
Ua pau nui ae na elele mai na ekalesia Mamona ae o na mokupuni, a o ko lakou ahahui makahiki no hoi keia.
------------------
Eia ka Ahaolelo Kuikawa ke noho nei. Aole no i pau loa mai na lala, aka ei aku no lakou a hoea mai.
----------------------
HOOLAHA AINA AUPUNI
-------------
Ma ka Poaono, Mei 7, 1904, ma ka hora 12 awakea mamua iho o ke alo o ka Hale Hookolokolo, e kuai ia aku ana ma ke kudala akea ka hoolimalima o ka aina kula ame mahilaiki e waiho nei ma Hauula, Kookauloa, Oahu, nona hoi ka iliaina o 17.91 eka, oi iki a emi iki mai paha.
Manawa hoolimalima: --Elima (5) makahiki mai Iune 1, 1904 aku, uku hoolimalima haahaa: ---$214.00 no ka makahiki hookahi, e uku hapa makahiki ana ma ka hookaa mua.
No ke kii ame na mea aku i koe e ninau ne ma ke Keena Aina Aupuni, Honolulu.
JAS. W. PRATT,
Komisina o na Aina Aupuni.
Keena Aina Aupuni, Aperila 5, 1904. 3010---April 8, 15, 22.
------------------------
HOOLAHA AINA AUPUNI
------------
Ma ka Poaono, Aperila 23, 1904, ma ka hora 12 awakea mamua iho o ke alo o ka Hale Hookolokolo, e kualia aku ana ma ke kudala akea ka hoolimalima o ka Aina Aupuni i ikeia Kahaumakaawe, e waiho la ma ka Awawa o Manoa, Honolulu, Oahu, nona ka iliaina o 6.88 eka, oi iki a emi iki mai paha.
Manawa – hoolimalima: --- Elima (5) makahiki; Uku hoolimalima haahaa: -- $175.00 no ka makahiki, e uku mua ana i kela ame keia hapa makahiki.
No ke kii aina ame na mea aku i koe e ninau a’e ma ke Keena Aina Aupuni, Honolulu.
J. W. PRATT
Komisina o na Aina Aupuni
Keena Aina Aupuni, Honolulu, Malaki 24, 1904
3008—Mch. 25: Apr. 1, 8.
----------------------------------
HOOLAHA AINA aupuni
--------------------
Ma ka Poaono, Aperila 23, 1904, ma ka hora 12 awakea ma ke keena o J. Kaelemakule, ma Kailua, Kona Akau, Hawaii, e kuaiia aku ana ma ke kudala akea, malalo o na kuhikuhi o ke Kanawai Aina o ka makahiki 1895, no na dala kuike na Hookuleana, ka aina Aupuni i ikeia ka aina o Honalo, e waiho la ma Kona Akau, Hawaii.
Iliaina: -- 763 eka. Kumukuai haahaa: --- $768.00
No ke kii aina ame na mea aku i koe, e ninau ae ma ke keena o J. Kaelemakule, ma Kailua, a i ole ma ke Keena Aina Aupuni, Honolulu.
JAS. W. PRATA
Komikina o na Aina Aupuni
Keena Aina Aupuni, Honolulu, Malaki 18, 1904
300@ -- Mch. 25 –Apr. 1, 8.
----------------
HOOLAHA HOOKO MORAKI
-------------
HOOLAHA MANAO PANIKU A KUI A KA MEA PAA MORAKI
---------------
JAMES H. HAKUOLE
I kulike ai me ka mana kuai iloko o kekahi moraki i hanaia e James H. Hakuole o Honolulu, Mokupuni o Oahu, Teritori o Hawaii, ia A. L. Shaw o Honolulu i oleloia, ma ka ia iwakaluakumamaiwa (39) o Novemaba, A.D. 1903 a i kakau kopeia iloko o ke Keena Kakau Kope o na Palapala Aina ma
HOOLAHA HOOKO MORAKI
---------------
Oahu, iloko o ka Buke helu 247, aoao 63 ame 63 ma keia ke haawila aku nai ka hoolaha ke manao nei ka Mea Paa Moraki e paniku i ka moraki i oleloia no na kumu i uha’iia e hoike ana i ka uku ole a o ke kumupaa ame ka ukupanee i ka manawa e uku ai, a maluna o ua paniku nei i oleloia e kuai ia aku ma ke kudala akea ma na keena kudala o James F. Morgan, Alanui Kaahumana, Honolulu, ma ka Poaono, ka la 2 o Ianuari, A. D. 1904, hora 12 awakea o ka la i oleloia, ka aina i hoakakaia iloko o ka moraki i oleloia e like me ia malalo iho:
E loaa no na mea aku i koe mai ka mea aku nona ka inoa malao nei a i ole ma na keena kudala o James. F. Morgan.
A.L. SHAW
Mea Paa Moraki
O kela apana a mahele o ka aina apau loa e waiho la ma Kunawai, Kawaiolena, Honolulu, Oahu, oia no hoi ka Apana 2 o ka Palapala Sila Nui Helu 6764, L. C.A. Helu 6247, hoopoukaia la Kanaulu, nona ka iliaina o 3 68-100 Eka, a @ no hoi ka aina i hooliloia i ka Mea Moraki Mai ma ka palapala kuai aina a Kekuialono (w) i hanaia i ka la elua (2) o Ianuari, A. D. 1900, a i kakau kope ia iloko o ka Buke Helu 201, aoao 333.
2993—Dec. 11, 18, 25 and Jan. 1
-------------
O ka kuai kudala o ka moraki maluna ae ua hoopaneeia a ka Poaono, Feberuari 13, 1904, i ka hora 12 awakea o ka la i oleloia ma na keena kudala o James F. Morgan, helu 857 Alanui Kaahumanu, Honolulu.
Ma keia ke hoolaha hou ia aku nei ua hoopanee hou ia ke kuai o ka moraki maluna ae a ka hora 12 awakea o ka Poaono Feberuari 27, 1904, ma ke Keena Kudala i hoikeia maluna ae.
A.L. SHAW
Mea Paa Moraki
3003---Feb. 19, 26
O ke kuai maluna ae ua hoopaneeia a ka Poaono, Maraki 26, 1904, hora 12 awakea ma kahi i hoikeia maluna.
A. A. L. SHAW, Mea Paa Moraki, 3005—March 11, 18, 25.
---------------
O ka kuai maluna ae ua hoopaneeia a ka Poaono, Aperila 9, 1904, hora 12 awakea ma haki i hoikeia maluna.
A.L. SHAW
Mea Paa Moraki
3009 – Apr. 1
-------------------
HOOLAHA MANAO PANIKU A KUAI A KA MEA PAA MORAKI
-------------
DAVID KALAAUKAPU
------------
Ma keia ke haawiia aku nei ka hoolaha i kulike ai me ke kanawai a ma ka pono o ka mana kuai i hanaia iloko o kekahi moraki i hanaia e David Kalaaukapu ia Mary E. Foster i ka la 13 o Aperila, 1894, a i kakau kope ia iloko o ke Keena Hoona Aina o ke Aupuni, Honolulu, Oahu, iloko o ka Buke Helu 147, aoao 145 ame 146, o Mary E. Foster i oleloia, ka Mea Paa Moraki, ke manao nei e paniku i ka moraki i oleloia no na kahua i uha’lia iloko o ka moraki i oleloia, e hoike ana; o ka uku ole ia o ke kumupaa ame ka ukupanee i ka manawa e uku ai.
Ke haawi pou ia aku nei no hoi kahoolaha o na aina pakahi apau loa ame na pa-hale i hooliloia i ua moraki nei i oleloia i hoopaaia iloko @ laila a hoakakaia mahope iho nei, ame na hana hou maluna iho, e kuaiia aku ana ma ke kudala akea e ka mea paa moraki i oleloia ma ka Keena Kudala o James F. Morgan, iloko o Honolulu i oleloia, ma ka Poaono, ka la 16 o Aperila, 1904, ma ka hora 12 awakea o ka la i oleloia.
O ka waiwai i hoopaaia maloko o ua moraki nei i oleloia a i manaoia e kuaiia aku e like me ia i olelo mua ia ae nei, ala ke waiho la i Punaluu, Honolulu i olelo mua ia ae nei, a oia no hoi kela malalo iho:
1. 1. Ka Aina i hoakakaia iloko o ka Palapala Sila Nui Helu 1287 i hoopukaia ia Keapohaku.
2. 2. Ka Aina i hoakakaia iloko o ka Palapala Sila Nui Helu 1289 i hoopukaia ia Kaialiilii.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.
No na mea aku i koe e ike ae ia Atkison, Judd ame Mott-Smith, Judd Building (Hale), Honolulu i olelo mua ia ae nei, na lolo o ka mea paa moraki.
MARY E. FOSTER
Mea Paa Moraki.
30088—Mar. 25—Apr. 1, 8, 15
HOOLAHA MANAO PANIKU A KUAI A KA MEA PAA MORAKI
-----
H. M. DOW
--------
Ma keia ke haawila aku nei ka hoolaha mamuli o ka mana kuai i hanaia iloko o kekahi moraki i ka la 14, o Okatoba, 1901, e H. M. Dow o Honolulu, Mokupuni o Oahu, Teritori o Hawaii, Mea Moraki Mai (o Sarah C. Dow, wahine mare a H. M. Dow i oleloia ua hui pu iloko olaila a hookuu i kona kuleana o ka wahine mare, iloko a i pili aku i ka aina i hoopaaia e ua moraki la i oleloia) i ka The First American Savings and Trust Company of Hawaii, Limited. Mea Paa Moraki, he moraki i kakau kope ia iloko o ke Keena Kakau Kope Aina iloko o Honolulu i oleloia iloko o ka Buke Helu 226, aoao 446 a hiki i ka, pau pu me ka 449, ke manao nei ka Mea Paa Moraki i oleloia e paniku i ka moraki i oleloia no na kumu i uhakiia, e hoike ana no ka uku ole ia o ke kumupaa, ka ukupanee ame na auhau i ka manawa e uku ai.
Ke haawi pu ia aku nei no hoi ka hoolaha o ka waiwai apau i hoopaaia e ua moraki nei i oleiola e kuaila aku ana ma ke kudala akea ma na keena kudala o James F. Morgan. Alanui Kaahumanu loko o Honolulu i oleloia ma ka Poaono, ka la 16 o Aperila, 1904, ma ka hora 12 awakea o ka la i oleloia.
O ka waiwai apau i hoopaala maloko o ua moraki nei i oleloia oia keia malalo iho:
O kela apana a mahele o ka aina e waiho la ma ka ihona kukulu-hema o ka Puu o Puowaina, Honolulu, Oahu, i ikeia hoi na Apana 523 ame 524, i apoia a i hoakakaia e like me ia malalo iho:
E hoomaka ana ma ke kihi Hikina o na Alanui Prospect ame Hackfeld a holo:
Akau 21 deg. 12 min. Hik. Oialo 2@ kapuai ma ke Alanui Hackfeld:
Hema 65 deg. 48 min. Hik oiaio 185.3 kapuai ma ka Aina Aupuni:
Hema 21 deg. 12 min. Kom. Oiaio 200 kapuai ma ka Apana 325.
Akau 68 deg. 48 min. Kom oiaio 185.5 kapuai ma ka aoao mauka o ke Alanui Prospect a hiki i haki i hoomaka ai nona hoi ka iliaina o 37,100 kapuai kuea i hui pu ia ka aina apau a i hoakakaia iloko o ka Palapala Sila Nui Helu 3666 i ka Mea Moraki Mai.
Pau pu me na hale pakahi apau, na hana hou maluna o ka aina na kuleana apau, na pono apau ame na mea apau i pili i ua apana a mahele la o ka aina. THE FIRST AMERICAN SAVINGS AND TRUS COMPANY OF HAWAII, LTD.
Ma o M.P. Robinson, Hope-Peresidena, Mea Paa Moraki.
Ma ke Dala Kuike ka makemake a ma ke Dala Gula Amerika no hoi a ma la aoao o ka mea kuai mai na lilo palapala apau.
No na mea aku i koe e ike ae ia Smith & Lewis , na @ o ka Mea Paa Moraki.
Hanaia –ma. Honolulu, Feberuari 23, 1904.
3008 – Mar. 25 – Apr. 1, 8, 13
-----------------------------------
HOOLAHA MANAO PANIKU A KUAI AKU
---------------
WONG SEE
----------------
Malalo a ma ka pono o ka mana kuai i paa iloko o kekahi molaki i hanaia i ka la 4 o Iulai 1900, hanaia mawaena o Wong See ka wahine a Loo Chit Sam o Honolulu, Mokupuni o Oahu Teritori o Hawaii, o ka aoao mua, o ka Loo Chit Sam i oleloia o ka aoao elua ame Loo Goon o ka aoao ekolu, ame D. Campbell i noho mua ma Waimea, Mokupuni o Kauai, aka i keia manawa aia ma Ladana, Enelani, a i @oopaa ia iloko o @ Keena Hoona Aina o Hawaii ma ka buke 215 a ma na aoao 276-279, a e like hoi me ka Mokuna XXXIII o na kanawai Ahaolelo o ka makahiki 1874, i kapaia “He Kanawai no ka hooponopono ana i ke kuai o na waiwai i molakiia me ka Hoopii ole ame ke Kauoha no ke kuai ana” ame ke Kanawai (Mokuna IX o na Kanawai Ahaolelo o ka makahiki 1890), e hoololi ana ia mea hookahi o ka D. Campbell oleloia ke haawi nei i ma hoolaha ke manao nei oia e paniku aku i ka molaki i oleloia no na kumu i uhalia: --oia hoi no ka uku ole ia o ke kumupaa ame ka ukupanee o na mahele elua i huiia ame na mota hoaie lehulehu i pili i a iloko a i hoopaaia iloko o ua molaki la i oleloia i ka wa e uku ai.
Ke hoolaha pu ia aku nei no hoi o ka waiwai i paa ma ua aku nei no hoi o ka waiwai i paa ma ua molaki la i oleloia e kuaiia aku ana ma ke kudala akea ma na rumi kudala o James F. Morgan, ma ke alanui Kaahumanu, Honolulu, n.a ka Poaono, ka la16 o Aperila, 1904, ma ka hora 12 awakea.
O ka waiwai i paa iloko o ua molaki la i oleloia oia iho keia:
O kela mau apana a mahele o ka aina e waiho la ma Pawaa, Honolulu i olelo mua ia ae nei, oia no hoi na hapa o ka palapala Sila Nui (Grant) 177 i hoopukaia ia Peter J. Gulick a i hoike moakake loa ia hoi e like me keia:
Pa 11 A ame ka hapa o ka Pa 10 A ma ka aoao mauka o ka hooloihi ana i ke alanui Moi i apoia a i hoakakaia e like me keia malalo iho:
E hoomaka ana ma ke kihi Kom. O keia apana aina ma ka laina mauka o ke alanui Moi ma kahi o 832 kapuai mai ke alanui McCully a e holo ana hoi.
1. 1. Ak. 16 deg. 45 min. Hik. Oiaio, 277 kapuai e holo ana ma ke koena o ka Pa 10 A a hiki ma ke alanui ke’a; malaila aku
2. 2. Hem. 68 deg. 40 min. Hik. Oiaio 204.8 kapuai e holo ana ma ke alanui ke’a 45 kapuai ke akea;
3. 3. Hem. 17 deg. 15 min. Kom. Oialo, 276.6 kapuai e holo ana ma ka Pa 12 A no ke alanui Moi:
4. 4. Ak. 69 deg. 3 min. Kom. Oiaio, 203 kapouai e holo ana ma ke alanui Moi a hiki i kahi i hoomaka ai; nona ka iliaina o 1.30-100 eka.
Pa 14 ma ka aoao makai o ke alanui Beritania, i apoia hoi a i hoakakaia penei:
E hoomaka ma ke kihi akau o keia ke kihi Hikina hoi o ka Apana 13 a holo aku.
1. 1. Hem. 68 deg. 47 min. Hik. 155 kapuai ma Alanui Beritania.
2. 2. Hem. 21 deg. 30 min. Kom. 275 kapuai 6 iniha ma Apana 15.
3. 3. Ak. 69 deg. Kom 155 kapuai ma ke alanui.
4. 4. Ak. 21 deg. 30 min. Hik. 276 kapuai ma ka Apana 13 a hiki i kahi i hoomaka ai he 98-100 eka.
Pa 14 A ma ka hooloihi ana o ke alanui Moi i apoia a i hoakakaia penei:
E hoomaka ana ma ke kihi Akau o keia ke kihi Hikina hoi o ka Apana 12 A a holo aku.
1. 1. Hem. 69 deg. Hik. 154.6 kapuai ma ke alanui.
2. 2. Hem. 21 deg. 30 min. Kom. 275 kapuai 6 iniha ma ka Apana 15 A.
3. 3. Ak. 69 deg. 03 min. Kom. 154.6 kapuai ma alanui Moi.
4. 4. Ak. 21 deg. 30 min. Hik. 276 kapuai ma ka Apana 13 A a hiki hou i kahi i hoomaka ai he 98-100 eka.
Pau pu me na hale apau, na hooponopono apau, na pono apoau, na mana apau, ka maluhia apau, na mea apau e plili ana ilaila a i ole iloko olaila.
D. CAMPBELL,
Mea Paa Moraki.
Ma o HENRY HOLMES
Kona Loio
HOOLAHA HOOKO MORAKI
-------------
Ma ke dala kuike ka makemake @ ma ka dala gula Ameriak @ ak aoao o ka mea kua@ palapala a pau.
No na mea aku i @ Holmes ame Stanley @ Paa Molaki.
Hanaia ma ka la 24 @ 3005—Mar. 25: Ap@
HOOLAHA MANAO PANIKU @
AI A KA MEA PAA MORAKI
---------
CHANG A CHONG
--------
I kulike ai me na mea @ iloko o kekahi moraki @ Chang A. Chong o Honolulu @ Castle, Jr., Kahu i @ o Mei, 1901, a i kakauk@ ka Buke Helu 221, aoao @ manawa ke paaia nei @
Hamm-Young Company @ ano he mea malama @ ia aku nei ka hoolaha @ ka mea paa moraki e @ moraki i oleloia no ke @ oia no ka uku ole ia @ panee ame ke kumu @
Ke haawi pu ia aku @ hoolaha mahope o ka @ pule ekolu mai ka la @ laha ana o ka waiwai @ ua moraki la e hoolaha @ no ke kuai aku ma ke@ ma na keena kudala o @ 30 o Aperila, 1904, ma ka @ kea o ka la i oleloia.
No na mea aku i koe@ loaa mai ia W. R. Castle @ ka Mea Paa Moraki.
Hanaia ma Honolulu, Aperila @
THE VON HAMM-YOUNG@ LIMITED.
Mea Malama @
Oka aina i paa iloko o @ la i oleloia oia iho kela:
O kela pa-hale apau loa i @ maikai no ka lawelawe oihana @ e waiho la ma ke kukulu Hikina @ alanui Nuuanu, mauka iki @ alanui Vinia, oia no hoi kekahi@ o ka aina i hoakakaia iloko @ C. Award 4700 B., ia Keo no @ ai hoakaka piha ia hoi penei.
E hoomaka ana ma ke alanui @ nu aku e pili kokoke ana i ka @ i ikeia mamua aku nei no John @ holo aku:
1. 1 Hem. 25, deg. Kom. 1 Kau@ kapuai ) ma ke alanui Nuuanu
2. 2 Hem. 43 102 deg. Hik. 1 5 Kau@ (99 kapuai) ma ka R.P. 2358
3. 3 Ak. 34 deg. Hik. 1.10 kaulah@ 6 kapuai) ma ka L. C. A. 7162
4. 4 Ak. 55 deg. Kom. --------ma ka pa-hale o John Meek a @ kahi i hoomaka ai nona hoi ka @ o .24 eka oi iki a emi mai @ pau pu me na hale e ku nei @ iho olaila.
3010 ---Apr. 8, 15, 22, 29
----------------------------
HOOLAHA MANAO PANIKU A @ AI A KA MEA PAA MORAKI
-----------------------
MILEKA KAIKALA AME S. P. KA@ KALA
Ke haawi ia aku nei ka hoolaha kulike ai me ke kanawai a @ pono o ka mana kuai i paa iloko @ kahi molaki i hanaia e Mileka @ kala (w) ame S. P. Kaikala @ Mary E. Foster, hanaia i ka la 24@ ne, 1895, a kakau kopeia iloko @ Keena Kakaukope o Honolulu, @ iloko o ka buke 158 a ma na aoao @ ame 349, o Mary E. Foster i oleloia @ mea paa molaki ke manao nei e @ ku i ka molaki i oleloia no ka uha@ ana o na kumu i hoopaaia iloko @ la, oia hoi, no ka uku ole ia ana @ kumupaa o ka huina i hoikeia@ olaila, a me ka ukupanee, i ka@ uku ai.
Ke holaha pu ia aku nei no @ na aina ku pakahi apau loa a pa-@ apau, i hooliloia e ua molaki la@ ia, i hoakakaia iloko olaile, a e @ kakaia aku ana ma keia hope aku @ hooponopono apau iluna o ua aina @ e kuai ia aku ana ma ke kudala @ e ka mea paa molake i oleloia @ Keena Kudala o James F. Morgna iloko o Honolulu i oleloia, ma ka @ ono, Aperila 16, 1904, ma ka hora 12 awakea o ka la i oleloia.
O ka waiwai i hoopaaia ma @ lapala molaki ia i oleloia a e @ ia nei no ke kuai ana aku e ! me ia i ha’i mua ia ae nei oia @ malalo iho nei:
I ka apana aina i oleloia mal@ e waiho ana ma Kahala-a W@ Koolauloa, Mokupuni o Oahu, @ ka apana aina a S. Kaheana (k) Kina (w) i kuai lilo loa ai no (k) ma ka laua palapala kuai naia ma ka la 1 o Malaki, A. D. @ a i hoolalo ia ma ka la 15 o Ma@ i kopeia ma ka Buke Aupuni @ la 15 o Malaki, A.D. 1882, ana @ ame 236. A maloko oia apana a@ 74-100 ka nui o ka ili, oia no k@ o ke Kuleana Helu 18@ i hookoia ma ka Kaheana (k) i make.
Ma ke dala kuike ka ma@ a ma ke dala gula Amerika no ma ka aoao o ka mea kuai @ lilo palapala apau.
No na mea aku i koe e ninau Atkinson, Judd ame Mott-Smith Judd Building, (Kauka Hale) H@ i hoike mua ia ae nei na Loio Mea Paa Molaki.
MARY E. FOSTER
Mea Paa Moraki
3008—March 25 – Apr. 1, 8, 15
----------------------------------
Na kauka Huki Niho Noeau
--------------
hana pololei a hiki i keia manawa, a he haahaa ka auhau o ka huki ana. O ko laua no hoi ke keena kauka huki niho nui hookahi iloko o ka Paeaina Hawaii nei, a lawa pno no hoi me na lako oihana o ke ano hou loa a maikai no hoi.
He hukiia kou niho me ka eha ole a iloko no hoi o ka lawelawe noeau a maiau ana no hoi e hanaia ai, a o ia no hoi ka makou e ake nei. Aohe auhau no ka nana ana. He wahine Hawaii ke kokua iloko o ke keena hana.
Keena hana ma Arlington Block, Helu215, Alanui Hotele, ma o aku o Alanui Union.
--------------------------------