Ka Nupepa Kuokoa, Volume XLII, Number 16, 15 April 1904 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

No ke aha i lalau ai ka noonoo?

            @@@@@ puni inu lama mai ke kumu.  @@@@ po Poakahi nei i ala mai ai @@@@@ hana hoaloha ole mawaena o @@@@ Hana, kekahi o na kanaka @@@@ o ke kahua Kanulaau, ame @@@@@ hili, he kanaka poola, ma@@@@@@ ia ana o Kalama Hana i @@@@@@ waiho nei oia iloko o ka @@@@@@ Moiwahine malalo o na @@@@@ Kauka Walakahuki ame @@@@ penei ka moolelo i loaa mai @@@ manaonao:

            @@@@@@ kekahi hui a ua kapaia @@@@ "Ke Kalapu o ka Poe @@@@@ ka manao nui o ke ku-@@@@@ ua hui la oia ke kokua @@@@ i kekahi i ka wa nele, i @@@@ e make kekahi mea na @@@@@@@ nui e kanu iaia me ko la-@@@@@ Ke manao nei no nae ka @@@@ he hui hoopunipuni keia @@@@ maoli o keia hui he hui@@@@@

            @@@@@@@@hoikeia ae nei ua noho @@@@@ me Hana e inu lama.  @@@@@ Kahili ua ike oia ua @@@@@ nolaila i loaa ai iaia @@@@@ nohoi aku i kona hoa i @@@@@ ae la ka ena o Hana @@@@@@ i ka pahi ma kona @@@@@@ ana aku o ka pahi ia @@@@@ iho la hoi keia ma ko @@@@@@@ ame kekahi wahi o ke @@@@

            Mahope iho ua kiola aku la o Kahili @@@@@ Lalau iho la i kona hoa a @@@@@ hoihoi aku la iaia i kau-@@@@@@ o ka wahine e noho mai @@@@ kana kane, a i ko laua @@@@@ ana aku ua noho iho la ka @@@@ ka aoao o kana kane oiai @@@@@@@lana ana iluna o ka papa-@@@@@ na palapu aku o kana kane.  @@ K@@@ hoi, lalau aku la oia i ke-@@@@ a noho iho la iloko o ka @@@ waiho ana kona hoa houhou @@@@

            @@@@@ mai la keia lono manaonao @@@@@ i ka ohana e noho ana, ma @@@@ i ka Oihana Makai, a ua @@@ aku ka Hope Makai Kilini-@@@@ kekahi mau aliimakai no @@@@ hana hou pahi.  Na lakou @@@@@ i ke kauoha i ka halema'i @@@@ no hoi ke kaa a laweia aku @@@@ hou pahi no ka halema'i, @@@@@ hooponoia ae ai ko laua mau @@@@ No Kahili, mahope o ka pau @@@@ hooponopono a ke kauka ma-@@@@ wahi i eha, ua lawe loa ia @@@ Kuapapanui, kahi hoi ana e @@@ maopopo ke ola mai o kona @@@@@

 

Kepoikai ma ko Kalua wahi.

            @@@ o ko Lunakanawai Kaapuni, @@@ hoopanee ana i na hihia o kana @@ Hookolokolo a noho iloko o ka @@@ Iune, e like hoi me ka mo-@@@@ puka aku ei ma kekahi ko-@@@@@ helu, ua hoike koke ia aku @@@@ imua o Peresidena Rusawela @@@@@ Kuhina Knox, a o ka hopena @@@@ oia iho keia mau telegarama @@@@@ iho nei:

WASINETONA, Aperila 7.--I keia la @@@ aku nei o Peresiena Rusawela Lunakanawai Kalua, ka Lu@@@@ Kaapuni o Maui.  Aole i @@@@ pani aka me he mea la e @@@@@ ia ana.

WASINETONA, Aperila 8.--Ua hoike @@@ o Loio Kuhina Knox i keia la @@@ kohuia aku ana o A.N. Kepoikai Lunakanawai Kaapuni no Maui e @@@ hoi i ka makalua o Lunakanawai Kalua, i hookaawaleia mai ka @@@@ e ka Peresidena.

            Mawaho ae o keia mau lono telegarapa @ loaa mai he palapala noi mai Maui o ia Kiaaina Carter, i kakauinoaia @@ lunanui o ka mana hooko o ka @@ Repubalika ma Maui, e noi ana i @@@@ e waiho aku i ka inoa o A. Kepoikai i lunakanawai kaapuni no @@@ maluna aku hoi oia noi i wai-@@@@@@ o Kiaaina Carter i ka inoa Kepoikai a loaa mai la na hooia ana @@ ke Keena mai o ka Loio Kuhina. @@@@@ aku o Kiaaina carter me @@@ Kepoikai maluna o keia ninau a @@@@ i loaa mai oia ka ae ana Kepoikai e lawe i ka oihana lunakanawai @ waiho mai hoi i kona kulana @@@@ ka Teritori.

 

Olohani na Kepani.

            Ma ka Poalua nei i olohani ae ai na @@@ rumi o ka Hotele Young, @@@ hoi i hoopauia aku ai lakou @@@@ aku he poe hou ma ko @@@@ makalua.  O ke kumu o @@@@ ana oia ka hopuia ana o @@@@ akou e ka Oihana Makai ma@@@ E hoikeia ana aku imua o Lu@@@@@ ke e ke pooluna o keia poe @@@@ ka aihueia o kekahi mau po@@@ Hotele e kekahi o na lima@@@ A lohe keia poe Kepani i ka @@@ lakou poo, komo iho la ka @@@ o lakou nona a hoouna aku i kekahi o lakou e hui aku @@@@ haku a hoike aku i ko @@@@ e hoopau ia ko lakou poo.  @@@ he hana a Lunanui Lake i @@@@@ keia mea.

            @@@@ hoikeia ae nei i hooholo iho ai @@@ mau Kepani e hana aku i ka la@@@@ hope loa nolaila ua hele like @@@@ e ike ia Lake, eia nae @@@@ ua loaa mua aku ka lono @@@@@ lakou i ka lunanui, a ua @@@ ku oia i kahi o ke Kanikela @@@@ iho aku i keia mau mea @@@@@ I ka hoi ana mai e @@@@@ keia poe me he poe koa @@@@@ hoi a hiki i ka puka o @@@@na.  I ka hoao ana aku @@@@@ keia poe Kepani e kamai@@@ ka lunanui, aole i haawiia @@@@ manwa nona e hoike aku ai i @@@@ manao, aka ua kauoha aku @@@@@ ia lakou apau e puka @@@@ a e lawe aku i ko lakou mau @@@ ua pau lakou mai ka hana @@@ Ua haalele iho la keia poe Kepani e like me ke kauoha i loaa aku ia @@@@ a ia lakou no a hala aku o ka @@@@ no ia o ka poe hou nana e lawe @@@ ka makalua o ka poe i pau.

 

            Ma Puukapu, Waimea, Hawaii, ma ka la 5 o Aperila nei, ua make iho la Keliikahuahi, he kaikamahine Ha@@@ a ma ka la 6 ae ua make iho la kona makuahine, oia o Hana, a kanuia aku la ko laua mau kinowailua i ka la hookahi.  Ua pahaohao na kamaaina keia mau make kupaianaha.

 

            Ma ka Poalua nei i hooko aku ai na la o ka Ahaolelo i ke kono a ka Hui aauwila o Honolulu e hele holoholo @u maluna o kekahi o na kaa o Waikiki a kipa loa aku i ka Haale o na @@

 

NA HOOMANAO NO KE ALA HOU ANA O KA HAKU.

            O ke Sabati Apr. 3, i hala oia ka la i ala ikaika ae ai na hoomanao ana o na Luakini o ke Kulanakauhale nei no ke ala hou ana o ka Haku Iesu Kristo mai ka make mai--maloko hoi o na luakini na hoowehiwehi like ole o na launahele ame na pua--o ke keokeo no nae ka oi a ua nani maoli no i ka nana aku a eehia no na hana i ku maoli i ke ano haipule.

            Ma ia la no hoi i unu nui ia ae ai kekahi poe i hele mau ole i ka pule a i lilo ole ka hele mau ana iloko o ka hale o ke Akua i mea maa, a ua piha maoli no i ka poe aloha i ka Haku, a lohe i na olelo hoolana maikai a na kahu haiolelo euanelio ma na awai ame ka olu o na noonoo no na mele maikai i haawiia mai e na papa-himeni.

            Ma ka Luakini o Kawaiahao na hoowehiwehi o na launahele uliuli nani o ka aina i o ia me na pua keokeo, o ka lilia ame na mea like a ma ke alakua o ka awai mamua pono o ka papa himeni he ke'a i owiliia me na wehi o ka aina ame na pua keokeo a ua uluwehi ka hulialo o ka awai a nani no hoi i ka nana aku.

            O na mele i haawiia mai e ka papa himeni ua kulike loa me ka hana ame ke ano o ia la a ua oluolu i ka hoolohe ana a ka poe i hiki ae ilaila, a mawaho ae o na olelo hoolana pokole mai ke kahu Rev. H.H. Parker mai, na komo hoahanau ame na bapetizo.

            Ma Kaumakapili ia haawina hookahi no a ua laukanaka no ia betela a ua maikai no na hana ma ke alakai ana a ke kahu Rev. W.N. Lono e like me kela i hoikeia no Kawaiahao.  O na hoowehiwehi o ka Luakini Bihopa Pelekane o ia u'i okoa no hoi ia ma na hoowehiwehi ana a Mrs. Tenney ame kona mau hoa, a ma ka hora 6 kakahiaka ka hoomaka ana o na hana ma o Akidiakona Webber, kahi hoi i akoakoa nui ae ai ka poe hele pule a i mele ia hoi e ka papa himeni o na hawaii oo ame opio ma ka olelo Beritania.  Ma ka hora 7 ia Rev. Mackintosh na hana, a i ka hora 8 i a Rev. Simpson a i ka hora 9 ia Rev. Fitza i ka hora 11 i ka bihopa no hoi.

            Ma ka Luakini o Kaukeano Hou o ia ana no a aohe he mea i nele ka loaa o na hoolana manao ana no ka mea Nona ka la a pela no hoi ma ka Luakini Kakolika Roma ame Mekokika.

 

He Moku nani ka Likelike Hou.

            Ma ke kakahiakanui o ka Poalua nei i hookomo mai ai ka mokuahi Likelike Hou, o ka Hui Mokuahi o Waila Ma, i ke awa o Kou nei mai Kapalakiko mai, mahope o kona holo ana mai ma ka moana no na la 9 a oi.  He moku nani keia o 130 kapuai ka loihi, i hanaia me ka hao, a he 13 1-2 mile hoi kona holo i ka hora hookahi.

            Ma kana huakai mai nei mai Kapalakiko, he elua ona la iloko o ka ino, a ua hoike ae o Kapena F.M. Berg, ke kapena nana oia i lawe mai nei, i ka maikai o ka holo ana o keia moku a aole hoi he mau kuia i loaa aku i kona mau mikini, oiai ka moku iloko o ka ino.  Ma na ano apau he moku paa keia e haaheo ai ka hui nona ia moku ame ke kapena nana oia e hooholo aku maanei.

            I kona hoopili ana mai i ka uwapo ua hiki aku na iaia o ka Hui Mokuahi o Waila malaila a hoomaka aku la e makaikai i ka moku.  Ua hoolele koke ia ae kona mau ukana i lawe mai nei no keia awa a hoomakaukau koke ia no ka holo ana aku no kona mau awa ma Molokai, Lanai ame Maui.  Ua hiki kino ae o Kapena Napala, a oia kekahi o na kanaka Hawaii haaheo loa i ka hii ana mai o kona moku hou.

            O Kapena Napala, oia kekahi o na kanaka Hawaii i pii iluna o ke anuu kapena, a he Hawaii hoi i hoomaka i ka hana ma ke ano he sela no na moku o Waila ma.  O Likeliek kahiko, oia kekahi o na mokuahi a Kapena Napala i holoholo ai ma ke ano he sela, a me he mea la ia manawa ana e holoholo ana ma ia kulana, aole paha i loaa mua iaia he moeuhane e hiki mai ana ka la ona e lilo aku ai i kapena no ka mokuahi e holo aku ana ma ia inoa hookahi.  He kanaka Hawaii o Napala i hilinaiia e kona mau haku, a he Hawaii hoi i halawai ole na moku ana e noho kapena ana me na poino.  Ua kamaaina oia i na kai o Hawaii nei, a ua hookele aku oia i kona mau moku me ka maalahi i waena o na puko'a ame na pilikia o ke alaholo moana me ka loaa ole o na poino.  Oia nei kekahi o na kapena Hawaii noonoo maikai, a hoopono ma ka hana, a o kona hookiekieia ana ae i kapena no kekahi mokuahi hou loa, he haawina ia e hoike mai ana i ka hilinai piha o kona mau haku iaia.

 

E aumeume ana paha.

            Ma ke ano o na ouli e omaka mai nei i keia mau la no na mea e pili ana i ka wae ana i na Elele ame na Hoa e hoouna ia aku ana mai Hawaii nei aku no Kikako no ka wae ana i moho Peresidena no ka aoao kalaiaina Repubalika, a e noonooia ana hoi i keia Poakahi ae, ua hiki ke ike ia e ala mai ana kekahi aumeume ikaika a e apu'epu'e ana no paha ke komo aku o kekahi poe e manao nei e loaa aku ia hanohano maluna o lakou.

            Me he mea la e hui mua ae ana paha na mokupuni mawaho aku nei o oahu e wae mai i ka lakou mau Elele ame na Hoa mamua o ka hoea ana mai ma Honolulu nei, a e waiho ia ae ana ia mau inoa imua o ka Aha Elele, e like hoi me kekahi manao e hoopuka ia aku nei ma kekahi kolamu o keia helu.

            O A.G.M. Robinson, oia kekahi moho i ulu koke ae nei i keia mau la, a ke manaolana nei keia keonimana e lanakila ana oia iloko o ka Aha Elele o ka Poakahi ae nei.  O W.H. Hoogs ame Loio Amerika Breckons, o laua kekahi mau moho e manaoia nei, a ua laulaheaia ae he nui na hoaloha o Hoogs e hiki ai ke lilo iaia ka hanohano elele, a no Breckon hoi he mau hoaloha kona iloko o na Elele o ka Apana Koho Eha a e hooikaika ana keia mau hoaloha e lilo oia kekahi o na elele.  He nui a lehulehu na nu-nu e nu nei eia nae na ka Poakahi e hoike mai i ka puana a ka moe.

           

            Ma keia Poakahi ae e hui mai ai na Elele o ka aoao Repubalika a wae ae i na Elele ame na Hoa e holo aku ai i ka Aha Waemoho Peresidena no ka aoao kalaiaina Repubalika e noho ana ma Kikako.  He mea maikai no e lilo ko kakou Kiaaina i Elele.

 

Hanai i ka Bebe iloko a ka Pahu Aniani.

            O ka hana kamahao mua loa iloko o ka moolelo o Hawaii nei e pili ana no ka hanai ana i ka bebe iloko o ka pahu aniani, eia ke hanaia nei ma ka home Kapiolani i keia manawa.  He pahu aniani, keia i hanaia me na ku hao, a aia iloko o keia pahu ka pulupulu maikai a maemae kahi i waiho ai.  He makana keia na Miss Alice Campbell, a mamuli o kona iini nui i na hana o keia home i haawi ai oia i keia makana nani.

            Ma ka la 30 o Malaki nei ua hanau ae la he wahi bebe kaikamahine ma ka Home Kapiolani, a o keia ka bebe mua loa i hoaoia ai ka hana a keia pahu aniani.  Ua hoomoeia aku keia bebe iloko o ua pahu la, a noho aku ka wahine malama keiki e kiai i kana milimili.

            Aia ma kekahi aoao o ua pahu la e kau ana kekahi wahi kukui, a na keia kukui e hoowela i ka wai e holo ana iloko o na paipu liilii e hoopuni ana i ua pahu la ma ka aoao malalo.  aia no hoi ma kekahi aoao he ohe a na keia ohe e ume mai i ka ea maikai iloko o ke keena malalo a malaila e hoopumehanaia ai a loaa na degree 94 a i ole 95.  Aia no hoi he ohe loihi a maloko o keia ohe e puka aku ai ka ea ino iwaho, a ua hoomakaukau no he mea nana e pale aku i ke komo hou ana aku o ua ea ino la iloko o ka pahu.

            O ka pumehana e paa ana iloko o ka pahu e mau ana ia i na manawa apau, a e kaupale mau ana hoi i ke komo ana aku o ka makani nana e hoopilikia i ke ola o ka pua e moe lolii ana iloko o ka pahu aniani.

            Ua hoomoeia aku ka bebe iloko o ka pulu i haliiia iloko o ka pahu, a noho aku ka wahine hiikeiki e kiai iaia me ka makaala loa.  I kela ame keia elua hora e hoololiia ai ka omole waiu, a ia manawa hookahi no hoi e nana ia ai ka nui o na degere, a hooponopono ia no hoi ke kukui.

            He nui ka poe i naue aku e ike i keia mea kamahao, a ke manao nei ka makuahine o ka home e ohi i mau kenikeni na keia bebe mai ka poe e hele nei e makaikai a i komo hoi ke aloha iloko o lakou no ke kamaiki iloko o ka pahu aniani.

 

NOHO KE KAU KIURE O APERILA NEI.

            Ma ke kakahiaka Poakahi, Apr 4, i weheia ae ai ke kau kiure o Aperila nei e Lunakanawai Kaapuni De Bolt ma kona hoonohonoho ana i na la e noho ai a hoolohe ia na hihia e waiho nei iluna o ka papa kuhikuhi hana o keia kau.  Eia iho kekahi mau hihia e noonoo ia ana ma keia kau:

            Ka hihia pepehi kanaka o Edward M. Jones, e hoolohe ia ana i ka la 2 o Mei.  Ka hihia pepehi kanaka o Osumi, hooloheia i ka Poalua mai.  Ka hihia pepehi kanaka o Yoshikawa Dengiro, e hoolohe ia ana i ka la 18 o keia mahina.  Ka hihia pepehi kanaka o Man Chong, hooloheia ma keia Poakahi iho nei.

            Ma keia kau no hoi o ke kiure e noonoo ia ai na hihia o W.H. Wright, ka Puuku i alapoho iho nei i na dala o ka waihona dala o na Pake.  E noonoo pu ia ana hoi na hihia elima e ku-e ana ia B.H. Wright, me ke kali pu ana hoi i ka olelo hooholo a ka Aha Kiekie.

            Ma ka la 20 no hoi o keia mahina e hoolohe ia ai na hihia o Jonnah Kumalae, Enoch Johnson ame Meheula.  O kekahi mau hihia e ae e waiho nei ua hookaawale ia no ko lakou mau la e hoolohe ia ai.

 

AOLE ANA MA HILO.

            Ma ka halawai ana a ke Komike Kuwaena o ka aoao Repubalika ma ka po Poaono, Aperila 2, ua hoololiia kahi e noho ai ka Aha Elele Wae Elele i ka Ahahui Nui o na Repubalika e noho mai ana ma Kikako, Amerika.  Ma ka halawai mua a ua komite la ua hooholo lokahi lakou e hoihoi i kahi o ka halawai ma Hilo, a ma keia halawai ana hoi ua hoololiia a e noho ana ua Aha la ma Honolulu nei ma ka la 18 o Aperila nei, aole hoi ma ka la 21 e like me ka hooholo mua ia ana.

            Na Puuku Kepoikai i hoala mai i ka manao e hoololi ana i kahi e noho ai ua Aha la, a ma ka Mr. Williams mau hoakaka ana hoi i hoololiia ai ka la e noho ai ua Aha la a ka la 18 o keia mahina.  Ua noonooia me ka maikai na hana, a ua loaa hoi ka hoohoo ana i ka la e noho ai mamuli o ke kupono ana o ia la i ka manawa e hiki mai ai na moku holo piliaina o kakou nei ma Honolulu nei, a e pau ana na hana o ia Aha iloko o ka manwa kupono e hiki ai i ka poe o na mokupuni e holo mai ana ke hoi aku no ko lakou mau wahi pakai.  O kekahi kumu i loaa mai ai keia hoololi ana i kahi e noho ai o ua Aha la, mamuli no ia o ka noho ana o ka Ahaolelo Kuikawa.

 

Apopo Owaowala na Keiki.

            O ka la apopo oia ka la e owaowala ae ai na keiki o keia kulanakauhale ma ke kahua paani mauka ae nei o Kauluwela.  O ka la keia i hookaawaleia ai no na lealea hookuku o na hana hooikaikakino a na keiki o keia kulanakauhale, a o ka la hoi o kela ame keia kula e hoike ae ai i ko lakou makaukau ma keia hana.

            Ua hanaia ae kekahi papa kuhikuhi no na hana o ia la, a e hiki ae ana ilaila ka bana Hawii no ka hoolealea ana i na hana o ia la.  Ke manao wale ia nei e pa'iapa'i ana na hookuku ana a na kula ame na hui e komo ana iloko o na hana o ia la, aole hoi e like me na wa i hala ae nei ka lilo mau o ka hanohano i na keiki o ke kula o Kamehameha.  O na kula e komo ae ana ma na hana o ia la oia ke Kula o Kamehameha, Punahou ame na hui Maile Ilima ame Honolulu.

 

            O ke "Kanaka o ka La" oia kekahi kanaka e hahai nui ia nei e ko Honolulu nei poe i keia mau la.  Ohuohu oia i ka lei i ka Poakolu nei iaia i hele aku ai e ike i kona mau hoaloha oluna o ka mokuahi Alameda.

 

            Mai poina i ka alawa ana ae i ka hoolaha e puka nei ma ko makou pepa e pili ana i na lumi ame na hale hoolimalima e waiho nei ma Kalihi, ma Waiokamilo Camp.  E kipa ae e ike ia David Kaahanui, ka lunanui o ia wahi.

 

E.W. DARLING, KA HOOKALAKUPUA

            Maluna mai o ka mokuahi Alameda o keia pule aku nei i hoea mai ai ma Honolulu nei o W.E. Darling, ke "Kanaka o ka La" a he haole hoi i hoohalike iaia me ka nohona o Adamu ma iloko o ka mahinaai o Edena.  He haole keia i haalele i kona komo nui ana i ka lole, e hele ana hoi me kahi lole wawae ekekei i hiki aku i kona kuli ame ke palaka e uhi ana i kona hapa oluna, a o kona poo hoi e hele olohelohe ana aole papale, a pela hoi me kona mau wawae.  Iaia i lele mai ai ka aina nei oia no hoi ka manawa i puuluulu aku ai ko ka aina nei ma kona mau aoao e nana i ke ano o keia haole, a ua loaa ae no kekahi mau manao i ko Honolulu nei poe, mai Waolani mai keia haole i hiki mai ai.  I keia mau la iaia e hele nei ke pipili aku nei na kamalii ame na kanakamakua iaia no ka ike ana i kana mau hana e hana ana ame ke ake ana e ike pono i ke ano o keia haole hookalakupua nui wale.

            Ma ia la ana i hiki mai ai ianei ua kipa mai la oia ma ko makou keena nei, a maanei oia i hoike mai ai i kona ano, a ma ka hoolohe ana i kona mau manao ame ke ano o kana mau olelo e hoopuka mai ana, ua hiki ke ike ia aku aole he wahi lihi aku o keia haole i na eepa o Waolani.  Ma ko makou keena nei oia i na la apau, e kakau ana hoi i kana mau mea i ike ai no Hawaii nei, aole mailoko mai o na buke moolelo, aka mailoko mai o kana mau mea i ikemaka ai.  Ma kana mau hoike e pili ana i kona hoolilo ana iaia i kanaka hihiu a opulepule paha ma kekahi olelo ana ae, ua loaa mai keia mau ike:

            He mau makahiki i hala ae nei ua loaa oia i ka ma'i akepau a ua olelo na kauka aole oia e ola ana.  He kanaiwa a oi ka nui o kona mau paona kaumaha ia manawa, a ua pilikia maoli no kona olakino.  Ua hoonaauaoia oia e kona mau makua a ua loaa iaia na ike kiekie, a o kona makuakane he kauka, a eia no ia ke ola mai nei a pela no hoi me kona makuahine, a he mau kaikaina kona e noho mai nei ame na kaikuahine.  Iloko o kana mau haawina i a'oia ai ma ke kula, o ka haawina o na Mea Mau a ke Akua i hana'i oia kekahi, a i ka wa i ha'i aku ai ke kauka iaia e make ana oia, ua hooholo oia e hoao aku i ke ola ana i hoonaauaoia ai aia iloko o keia mau Mea Mau a hoi aku la oia iloko o kekahi pa hanai holoholona ma Portland, a wehewehe ae la ia kona mau aahu a noho aku la na keia mau Mea Mau e hanai mai iaia.  Ma keia hana ana pela i ike iho ai oia i ka maikai ana mai o kona olakino a hoomau au la oia i ka lapaau ana iaia iho me keia mau Mea Mau.  Mai ia manawa mai ua pii ikaika mai kona maikai a i ka makahiki 1899, i hoi aku ai oia no kona home a hoolilo aku i kona manawa ma ka huli ana i na mea pili i ka oihana lapaau.

            Iaia e noho ana iloko o ka pa hanai holoholona e hele ana hoi iloko o ka ululaau, ua noho aku oia a nana aku i ka hana a na holoholona, a ai hoi i na huaai.  Maanei oia i halawai ai me kekahi poe e hele ana e huli i ke ola no ko lakou mau kino, a ua ha'i aku oia i kona moolelo a hoike aku hoi ia lakou i ka hana pono e hana ai.  Ua lohe oia i na mea e pili ana no ke kalo ame ka poi, a oia kekahi mea nana i kono aku iaia e holo mai i Hawaii nei e ai poi ai.

 

HOAO E LAWE I KE OLA O ALFONSO.

            BARCELONA, Sepania, Apr. 7.--Ua hoao ia ae nei e lawe i ke ola o ka Moi Alfonso o Sepania i keia la oiai e haalele iho ana ka huakai alii i kahi hoikeike i keia la.  Ua kiolaia aku kekahi mea hoopahu maluna o ka Moi aka ua pa-hu ae mamua o ka hiki ana aku o ua mea pa-hu la ma kahi a ka manao puuwai eleele i manao ai.  He elua mau kauwa a ke alii e ku kokoke ana mai kahi i pa-hu ai i loaa aku na haawina ehaeha maluna o laua.  Aole loa he wahi alina o ka poino i loaa aku i ka Moi.

 

Poe Akepau i loaa hou ke Ola Kino Maikai.

            Ke hoike mau mai nei na Kauka ia makaou mai na wahi like ole mai o ke ao nei no ka nui o ka poe i aneane e loaa i ka ma'i Akepau i hoopakele ia mai keia ma'i mai mamuli o ka laau

"Ayer's Cherry Pectoral."

            Ke loaa i keia laau e loaa ana i ka ma'i ka maha no ka wa mau loa, a aole no kekahi manawa pokole e like me kekahi ano laau okoa ae.

            Aohe Laau Kunu i oi ae o ka maikai mamua o ka LAAU KUNU

"Ayer's Cherry Pectoral."

He mea maikai e ike kakou i keia, no ka mea ua hoola keia laau i ka poe i loaa i keia haawina no aneane kanaono makahiki.  E malama mau i keia laau.  Ina aole au omole laau kunu o keia ano, e kuai koke mamua o ka loaa ana i ke kunu.  Ina ua loaa kekahi iloko o ka ohana i ke anu e hooinu i keia laau a e loaa no ka maha.

            Hoomakaukau ia e Kauka J.C. Ayer & Co., Lowell, Mass., U.S.A.

            E loaa no keia mau Huaale ma na halekuai laau a pau.

 

WAIAKAMILO CAMP

HE MAU HALE A RUMI HOOLIMALIMA ME KA EMI LOA NO UMI MAKAHIKI KA LOIHI.

            E loaa no i na poe apau e makemake ana i mau HALE a mau RUMI hoolimalima, me ka emi a haahaa loa o ka auhau.  Mai ka $1.50 o ka rumi no hookahi mahina, a pii aku.

            He home kupono keia no ka poe apau mai ka poe waiwai a ka poe ilihune; eia ke noho nei he mau ohana lehulehu ma keia wahi, ua kani-a-moopuna kekahi poe.  Nolaila, eia ka wa no na Hawaii e loaa ona wahi kupono e noho ai me ka oluolu loa o ka uku hoolimalima.

            No na mea aku i koe, e ninau ia MR. DAVID KAAHANUI, ka Lunanui puuwai hamama ma Waiakamilo, Kalihi Camp.

 

E Malama i kou Ili

KE ANO O KA MALAMA, HOOMAEMAE ME KA HOOUI ANA I KA HI A ME KA HELEHELENA.

            No ka malama, hoomaemae a me ka hooui ana i na ili, i ole ai e loaa i ka huehue, ili pohaka, ili akaakaa wale, kolekole, lena, hou nui, ili nakakaka, ili lahilahi, a i na ano kinaunau lehulehu wale o ka ili, aole loa kekahi kopa ili a helehelena paha e hiki ke hoohalikeia me ka KOPA KUTICURA, no ka mea, aohe kopa e ae e hiki ai ke imi aku a loaa na kumu penei: ka paakiki, apehupehu a hoopaaia paha o na pukapuka o ka ili.

E Malama i kou Lauoho

KE ANO O KE PALE ANA I KA LAUOHO HELELEI, NA EHAEHA O KA ILI POO ME KE KEPIA.

            E holoi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, hamo maile me ke KUTICURA, ka laau hamo maemae loa, ke komi malie ia a komo iloko o ka ili o ke poo.  O keia wahi laau hoonui lilo ole, i loko o kona ano ole, he oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoho me ka ili, a me ke kepia, e oluolu ana na aai eha, ka wewela, a e hooikaika ana i na kumu lauoho, e hoolawa ana i naa me na mea kupono e ulu ai, a e ulu auanei ka lauoho maluna e ka ili maemae, a ola maikai no hoi, ma kahi i nele ai i na laau e ae a pau.

E Malama i kou Lima

KE ANO O KA HANA ANA I NA LIMA A PALUPALU ME KE AIAI I KA PO HOOKAHI.

            E holoi a lumai i na lima i ka wa e makaukau ai e moe, iloko o ka huahua KOPA KUTICURA manoanoa hoi i hoopumehanaia.  Hoomaloo pono a hamo puni me ke KUTICURA HAMO, ka laau hoola ili oi loa, a o ka oi aku no hoi o ka laau hamo maemae loa.  E komo i mikilima alualu i ka po, me ka hana nae i mau pukapuka ma na manamana.  No na lima ula, kalakala, a mokumoku, maloo, makakaka, maneo, owelawela o na poholima, maiao kekee, me na manamana hu'i, o keia lapaau ana no hookahi po wale no ka mea kupanaha loa, a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.

            POTTER DRUG AND CHEM. COMP., Boston, U.S.A., na Ona o na laau CUTICURA a pau loa.

 

Eia makou ke hoi nei no

ko makou Halekuai Hou

i noho mua ia iho nei e

Lewers & Cooke, Ltd

ma Alanui Papu.

Pearson & Potter Co., LIMITED.

 

            KUNUKALEA.--O keia kekahi o na ma'i poino loa ke ole e loaa e na lapaau ana i ka wa kupono.  Ma na hoike make ua ikeia ua oi aku ka nui o ka poe i make mamuli o keia ma'i mamua o ka ma'i fiva lenalena.  E hiki no ke hoopau ia ae keia mau pilikia ma ka lawe mua ana i ka laau kunu Chamberlain's Cough Remedy.  He mea ia nana e hoowali i na mea i paa iloko o ka houpo a he mea hoi ia e hemo pono mai ai ua mau mea ia, hoohemo i ke kunu, a hoemi mai hoi i ka ikaika o ka onou ana a ke kunu a emi mai no hoi na ehaeha.  Ua hoohana nui ia keia laau i na manawa apau i loaa mai ai na ahulau me ka holopono ame ka maikai.  Ke kuai ia nei ma na halekuai laau lapaau apau.  Benson, Smith & Co., Ltd., na Agena ma Hawaii nei.

 

HUI HOOLEWA HONOLULU

            Ke hooiaio nei keia hui i kana mau hana kokua i kona mau lala.  I keia wa ua oi mamua o 1300 lala, a ke pii mau nei i kela ame keia la.

            J.H. TOWNSEND, Kakauolelo,

 

Fidelity Funding Co.

Kukuluia maluna o ke Kanawai o Kaleponi

Kumupaa i uku piha ia...$200,000

Waihona Kuwaho...25,000

Aole he mau koi mawaho mai.

            E haawi no makou i manawa i ka poe apau e makemake ana e hoopukapuka i ka lakou mau dala a e waiho kakoo aku ana hoi he loaa o 50 pa-keneta ia lakou e loaa no malalo mai o na makahiki Elua (2).

            E haawi ia aku no na hoike apau me ka haule e

            R.D. HIGHTOWER, Agena Nui ma Hawaii nei.

41 ame 42 Young Block, Honolulu.

 

E HELE MAI A E IKE I NA MEA PILI I KA

AHAHUI KANUKUPAPAU

O AMERIKA

KA MAIKAI

KA PONO

KA HAAHAA

E LOAA NO I NA LALA O KA AHAHUI HE $100.00 LILO HOOLEWA INA IA E MAKE.

H.H. WILLIAMS

MEA LAWEKUPAPAU

LOVE BUILDING    ALANUI PAPU

 

GOO KIM

[KUKIMA]

KIHI O NA ALANUI NUUANU ME HOTELE

Na Waiwai Lole Hou, na Waiwai Makamae, ame na Lole mauu etc.  Ke kuaiia nei me ke kumukuai haahaa loa

 

S. OZAKI,

Imua o ka lehulehu

KE HOIKE AKU NEI MAKOU KE HOOPAU NEI I KA MAKOU OIHANA.  KUAI LIILII A E KUAIIA AKU ANA KA MAKOU MAU WAIWAI ME NA KUMUKUAI HAAHAA MA KO MAKOU HALEKUAI MA KE ALANUI MOI.

E HOIKE IA AKU ANA KA MANAWA E KUAI AI.

109-115 ALANUI MOI.

 

O na Palulu La Maikai Loa no kou lanai hale oia no na Palulu Ohe.  Eha a hiki i ka Umi Kapuai laula, no ke kumukuai o 20 keneta o ke kapuai.

E loaa no ma ka Halekuai o

FUKURODA

Helu 28-32      Alanui Hotele

 

Makino Drug Co.

O ka wehe koke ia ana iho nei no ia

HE MAU WAIWAI HOU

NA LAAU LAPAAU APAU

NA WAIALA MAEMAE LOA

He Hui Hawaii keia, a ke hauoli nei makou ke kipa mai ko makou mau hoaloha.  He hiki ke loaa na laau lapaau apau i na manawa a pau o ka la a pela no hoi i ka po.

E hoomanao i kahi--kihi o na alanui Hotele ame Muliwai.

He mau waiwai hou--he mau waiwai hou--he mau paikini ano hou.

E kipa mai e ike ia makou.

 

HOONAUEIA E KE OLAI.

            VIENA, Apr. 8.--Ua loaa mai nei ka hoike manei no ka hoonaue oiai ma Macedonia ma ka la 4 o Aperila nei, a ma ia hoonaue olai ana he iwakalua-kumamaha poe i make a he kanaha poe i eha.  He 1,500 hale i pau i ka wawahiia a aia ke halii ia ke kaumaha ma ia wahi.

            (O ka hoonaue oiai no keia i loaa like mai i ke kulanakauhale o Honolulu nei ma ke kakahiaka o ka la i hoikeia ae la maluna, aole no nae hoi i loaa mai he mau poino e like me keia i hoikeia ae nei.)