Ka Nupepa Kuokoa, Volume XLII, Number 16, 15 April 1904 — E aumeume ana paha. [ARTICLE]

E aumeume ana paha.

Ma ke ano o na ouli e omaka mai nei i keia mau la no na mea e pili ana i k wae ana i na Elele ame na Hoa e hoouna ia aku ana mai Hawaii nei aku no Kikako no ka wae ana i moho Peresidena no ka aoao kalaiaina Renuhalika, a e noonooia %na hoi i keia Poakahi ae, ua hiki ke ike ia e ala mai ana kekahi aumeume ikaika a e apu'epu'e ana no paha ke komo aku o kekahi poe e manao nei e loaa aku ia hanohano maluna o lakou. Me he mea la e hui mua ae ana paha na mokupuni mawaho aku nēi. o Oahu p wae mai i ka lakou mau Elele ame na Hoa mamua o ka hoea ana mai ma Honolulu nei, a e waiho ia ae ana ia mau inoa imua o ka Aha Elele, e likē hoi me kekahi manao'e hoopuka ia aku nei ma kekahi kolamu o keia helu. O A. G. M. Robinson, oia kekahi moho i ulu koke ae nei i keia mau la, a ke manaolana nei keia keōnimana e lanakila ana oia iloko o ka Aha Elele o ka Poakahi ae nei. O W. H. Hoogs ame Loio Amerika Breckons, o laua kekahi mau moho e manaoia nei, a ua laulaheaia ae he nui na hoaloha o Hoogs e hiki ai ke lilo iaia ka hanohano elele, a no Breckon hoi he mau hoaloha kona iloko o na Elele o ka Apana Koho Eha a e hooikaika ana keia mau hoaloha e lilo oia kekahi o na elele. He nui a lehulehu na nu-nu e nu nei eia nae na ka Poakahi e hoike mai i ka puana a ka moe. Ma keia Poakahi ae e hui mai ai na Elele o ka aoao Repubalika a wae ae i na Eiele ame na Hoa e holo aku ai i ka Aha Waemoho Peresidena no ka aoao kalalaina Repubalika e noho ana ma Kikako. He mea maij{ai no e lilo ko kakou Kiaaina I Elele.