Ka Nupepa Kuokoa, Volume XLII, Number 16, 15 April 1904 — E. W. DARLING, KA HOOKALAKUPUA. [ARTICLE]

E. W. DARLING, KA HOOKALAKUPUA.

Maluna mai o ka mokuahi Alameda 0 kela pule aku nei i hoea mai ai ma Honolulu nei o W. E. Darling, ke "Kanaka o ka. La" a he haole hoi i hoohalike iaia me ka nohona o Adamu ma iloko oka mahinaai o Edena. He haole keia i haalele i kona komo nui ana i ka lole, e hele ana hoi me kahi lole wawae ekekei i hiki aku i kona kuli ame ke palaka e uhi ana i kona hapa oluna, a o kona poo hoi e hele olohelohe ana aole papale, a pela hoi me kona mau"wawae. laia i lele mai ai ka aina nei oia no hoi ka manawa i puuluulu aku ai ko ka aina nei ma kona mau aoao e nana i ke ano o keia haole, a ua loaa ae no kekahi mau manao i ko Honolulu nei poe, mai Waolani mai keia haole i hiki mai ai. I keia mau ia iaia e heie nei ke pipili aku nei na kamaiii ame na kanakamakua iaia no ka ike ana i kana mau hana e hana ana ame ke ake ana e ike pono i ke ano o keia haoie hookalakupua nui wale. Ma ia la ana i hiki mai ai ianei ua kipa mai la oia ma ko makou keena nei, a maanei oia i hoike mai ai i kona ano, a ma ka hoolohe ana i kona mau ( manao ame ke ano o kana mau olelo e hoopuka mai ana, ua hiki ke ike ia aku aole he wahi lihi aku o keia haole i na eepa o Waolani. Ma ko makou keena nei oia 1 na la apau, e kakau ana hoi i kana mau mea i ike ai no Hawaii nei, aole mailoko mai o na buke moolelo, aka mailoko mai o kana mau mea i ikemaka ai. Ma kana mau hoike e pili ana i kona hoolilo ana iaia 1 kanaka hihiu a opulepule paha ma kekahi oieio ana ae, ua loaa mai keia mau ike:

He mau makahiki i hala ae nei ua loaa oia i ka ma'i akepau a ua olelo na kauka aole oia e ola ana. He kanaiwa a oi ka nui o kona mau paona kaumaha ia manawa, a ua pilikia maoli no kona olakino. Ua hoonaauaoia oia e kona mau makua a ua loaa iaia na ikē kiekie, a o kona makuakane he kauka, a eia no ia ke ola mai nei a pela no hoi me kona makuahine, a he mau kaikaina kona e noho mai nei ame na kaikuahine. lioko o kana mau haawina i a'oia ai ma ke kula, o ka haawina o na Mea Mau a ke Akua i hana'i oia kekahi, a i ka wa i ha'i aku ai ke kauka iaia e make ana oia, ua hooholo oia e hoao aku i ke ola ana i hoonaauaoia ai aia iloko o keia mau Mea Mau a hoi aku la oia iloko o kekahi pa hanal holoholona ma Portland, a wehewehe ae la i kona mau aahu a noho aku la na keia mau Mea Mau e hanai mai iaia. Ma keia hana -ana pela i ike iho ai oia i ka maikai ana mai o kona olakino a hoomau aku la oia i ka lapaau ana iaia iho me keia mau Mea Mau. Mai ia manawa ma,i ua pii ikaika mai kona maikai a i ka makahiki 1899, i hoi aku ai oia no kona home a hoolilo aku i kona manawa ma ka huli ana i na mea pili i ka oihana lapaau.

laia e noho ana iloko o ka pa hanai holoholona e hele ana hoi iloko o ka ululaau, ua noho aku oia a nana aku i ka hana a na holoholona, a ai hoi i na. huaai. Maanei oia i halawai ai me kekahi poe e hele ana e huli i ke ola no ko lakou 'mau kino, a ua ha'i aku oia i kona moolelo a hoike aku hoi ia laleou i ka hana pono e hana ai. Ua lohe oia i na mea e pili ana no ke kalo ame ka poi, a oia kekahi mea nana i kono aku iaia e holo mai i Hawaii nei e ai poi ai.