Ka Nupepa Kuokoa, Volume XLII, Number 16, 15 April 1904 — Keikialii Pu Lun O Kina. [ARTICLE]

Keikialii Pu Lun O Kina.

Maluna mai o ka mokuahi Gaelic o ka po Poaono i hala i hoea mai ai ma Honolulu nei ke Keikialii Pu Lun o Kina, a ma ke kakahiaka o ka la Sabati ae i lele mai ai oia iluna nei o ka aina iloko o na hoohanohanoia e ke Aupuni Teritori ame ke Aupuni Majcua, ame ka lahui Pake e noho nei ma Honolulu nef. O kei.a iho la ka makamua o ka loaa ana i ka lahui Pake he manawa e ike aku ai i na hiohiona o kekahi o ko lakou'mau koko alii, oiai ma na kanawai o Kina, aole i ae wale ia na makaainana e ike aku i ko lakou mau alii, he ole hoi ka hookuukuu wale ia o na alii e hele aku iwaena o ko lakou mau makaainana.

I ka wa i hookokoke mai ai ka moku i ka®uwapo o Hakafila ma, makai ae o ka uwapo o Haaliliamanu, oia ka manawa i hiki ae ai he elua mau mahelekoa Amerika a leu ae la iloko o na laina no ka hookipa ana mai i ke Keikialii. Mawaho ae o keia he elua mau mahelekoa o ka Pualikoa Kiai Lahui, pi a na makaainana no hoi o Kina ame ko na lahui e ae e noho nei iloko o Honolulu nei. I ka hoopili ana mai o ka moku i ka uwapo, oia no ka" manawa i haawi aku ai keia mau maheleleoa i ke aloha, a o ka manawa no H'oi ia i kiia ae ai na pu aloha iloko o ka pa Alii. Mamua aku o keia manawa ua holo aku kekahi waapa mokuahi, a iiuna ona o Kakauolelo A. L. C. Atkinson, W. H. Hamilton, lutanela o ka pualikoa Amerika, ame Thos. Cummins, lutanela 0 ka Pualikoa Kiai Lahui Hawaii, ame ke Kanikela Pake me kona mau ukali. Na Kakauolelo Atkinson i waiho aku 1 ke Keikialii. i na Honolulu nei i <apoia mai hoi w ohaoha. • ' Ma ka aina nei, ua-hoonohonohoia ae kekahi huakal, e hoomaka ana me 'kekahi hapa o na makai kaulio, ka bana Hawaii, ka Pualikoa Amerika, ka Pu- ' ali Kiai Lahui, ke Keikialii Pu Lun ame Kakauolelo Atkinson, maluna o ke kaa; na Lutanela Hamliton ame Cummins, maluna o ke kaa; Hope-Komisi-na Wong Kai Kah ame Konela Jones, Kanikela Pake, Tso Fan, ame na ukali o >ke* Keikialii. Ua nee aku ka huakai ma alanui Moi a hiki i Young Hotele, kahi hoi i hoomakaukauia r<o ke Keikialii ame kona mau, hoa .> noho ai. Maanei i halawai ai ke Keikialii ame kona mau hoa me Kiaaina Carter, a haawiia aku hoi na puili aloha ana i ka malihini hanohano e ke Kiaaina. Mahope ma,i ua laweia ae la ke Keikialii me kona mau hoa no ke Keena o ka Ahahul Huiia o na Pake, ma ke alanui Moi, kahi hoi i malamaia ae ai na haiolelo a i waihoia ae ai hoi na palapala noi i ke Keikialii, a mahope mai i hoi hou aku ai no ka Young Hotel, kahi i hoomakaukauia ai na mea ai.

I ka auwina la, hora 1:45, ua kau aku la ke Keikialii me kona mau hoa, ke Kakauolelo Atkinson ame na Lutaneia, maluna o kekahi kaa uwila a holo aku la no Kfilihi. Mailaila mai holo ma ke alanui Hotele no Punahou a huli i kai a hui me ke alanui. Moi a holo loa no Waikiki a kipa ma ka Home o na I'a. Pau ka makaikal ana ia wahi huli hoi mai ma ke alanui Moi a hiki i Kamaki Kuea, kahi i lele nui iho ai a kipa .aku i kahi o ke Kanikela Pake, kahi hoi i haawiia ai ka ike alii. O ke Keikialii Pu Lun, oia ke keiki a ke Keikialii Yih-wei, ka hoahanau o ka Emepera e noho alii mai nei i keia manawa, a ua hiki aku hoi <ona nau makahiki i ke 32. O keia k.ma huakai mua loa mawaho aku o kona aina hanau, a o keia ana ke keikialii mua loa 0 Kina e hele ana i ka hoikēike nui e malama ia ana ma Sana Lui. He Pake keia i heluhelu nui i ka moolelo o na Aupuni naauao, a ma kona ano he naka naauao. Aole he hiki iaia ke kamailio ma ka olelo Beritania, a o kana mau kukaiolelo ana ma ka unuhiolelo wale no. Ua hiki iaia ke kakau i j'kona inoa ma ka olelo Beritania ame ka olelo Pake, a he hikiwawe hoi i ke apo ana i ko Amerika.« mau launa ana, a he kanaka demokarata hoi, ma kona. mau manao. He lehulehu 'kana mau wahine aole no nae o lakou 1 hahai mai iaia ma kana huakai. Ua hala loa aku oia no Anierika ma ke kakahiaka o ka Poakah} ae. NOHO LUNAHOOMALIi NO KA AHA WAEMOHO KEPUPALIKA. WASINETONA, Apr. j7. —E noho lunahoomalu ana no ka manawa o Elihu Root, a o Lunahoomalp Cannon o ka Hale o na Lunamakaaipana oia ka lunahoomalu o ka Aha Waemoho Lahui o ka aoao Repubalika.< . POINO IA MOKU. VITORIA, Apr. 8.-6 na mea i loaa aku ma ke kai o Bar£lay, oia na mea nana i hoike mai i ki poino ana o ka moku Pelekane Lamoi'na, i iho nei mawaena o Puget Sound ame Queenstown, a ua make aku he kanakolu mau olakino.