Ka Nupepa Kuokoa, Volume XLII, Number 21, 20 May 1904 — Page 2
| This text was transcribed by: | Anna Hali'ahokulena Rizzo |
| This work is dedicated to: | kumu raylene ha'alelea kawaiae'a |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPE KUOKOA, MEI 20, 1904
NO KA MAKAHIKI $2.00
NO EONO MAHINA 1.00
SUBSCRIPTION RATES
ONE YEAR $2.00
SIX MONTHS 1.00
O NA OLELO HOOLAHA APAU E @OOUNALA MAI ANA NO KA HOOKAHA MALOKO O KELA NUPEPA, E @OOUNA PU MAI ME KA AUHAU, @ INA AOLE, AOHE NO E HOOKOMOLA E HOIKELA AKU NO KA AUMAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.
HOOPUKAIA E KA
HAWAIIAN GAZETTE CO. Ltd
Hookomoia ma ka Hale Loka o Honolulu,
Panalaau o Hawaii, ma ke ano
Mea o ka Papa Elua
DAVID L. A-I, Lunahooponopono
S.K. NAWAA, : Kokua Lunahooponopono
A.W. PEARSON, Lunanui
HONOLULU, OAHU.
POALIMA MEI 20, 1904
EUEU NA DEMOKARATA.
E like me ia e hoopukaia aku nei ma keia helu o ke Kilohana ame na lono e ae e lauahea mai nei eia na Demokurata ke eueu mai nei, a me he mea ia ua aneane e pala loa ka manawa no ia aoao e komo ki'iko'i loa ai i Hawaii nei no kona kuonoono loa iho.
Aia ke Konela C. P. Iaukea ke kuekaa mai nei ia Hawaii, a ke hoohulihuli mai nei i na kanaka kupono i ke koho balota no ke komo ana ma ka aoao kalaiaina Demokarata, a i na lono i loaa mai ua huli io mai no kekahi mau heluna o ka peo koho balota ma ia aoao ma kana hooikaika ana, a aole wale o ia, aka o ke kukulu koke ana i na ahahui ka hana hope hoi e ikeia aku ai ua huli io no ma ke ku ana o na ahahui.
Aole no keia he hana hou e puiwa ai o Hawaii nei no ka mea aia no he huina Demokarata i hele kaapuni ma na mokupuni mamua, eia nae aole i hua ia mau hana ana, oiai hoi ma keia i ka nana aku ua hua ka hana a hookahi mea aku i koe oia ka noho oo loa iho o ka manao paa e noho loa iho ma ia kahua, aka mawaho ae o ia mau hiohiona ua ku io ae kekahi mau ahahui Demokarata.
O kekahi mea e ikeia nei ma keia lawelawe ana a na Demokarata oa no ka hua hooikaika o ka lakou mau nana, a o ia mau hua, ma ka lawe ana ma ke ano nui, he poe Home Rula ka i huli, a makou hoi e hoomaopopo nei, ina pela io iho la na hiohiona alaila, o ke kahuliana o kekahi poe Hole Rula a komo i ke Demokarata oia no ka puiui ae o ke kino kalalaina Demokarata a wiwiemi mai hoi ke kino Home rula, alaila aole e u iho o ka pio no ia o Home Rula a lawe lilo ae hoi o Demokarata i ke aianui kalaiaina nana e holo paio aku me Repubalika.
Ma ka hookuku nana ana i na aoao kalaiaina o Hawaii nei i kela mau la ua lona ia makou ka hoomaopopo aia o Home Rula ke aol nei no i keia manawa oiai aia no he poe kupaa ma ia aoao eia nae he ola wale iho no me ka waiwai ole, a ua like no hoi ia me ka make iho. A o Demokarata hoi, ke ala mai nei oia i keia manawa a i ka nana aku i ka nee ana o ka manawa oia ana ka pani makalua o Home Rula ke haule aku ola no ka mau loa.
O kekahi mea i ikeia o ke ohohia iwaena o na Demokarata hou e puamai nei oia ke koho ana i mau elele Hawaii a hoouna aku ia lakou no Amerika Huipuia iloko o ka Aha Elele Wae Mohe peresidena, a e hooikaika hoi no Mr. Hearst kekahi moho Demokarata e hooikaika nei e kohoia i Peresidena no Amerika no ke kau e hiki mai ana, he kumuhana hoi keia e like ole nei ka pana Demokarata iwaena o na Demokarata Hawaii ame haole.
Ma ka hoike akea ana o kekahi mau ilikea ua hoohalahala loa lakou i ka hoouna ana i poe elele mai Hawaii aku nei me na a'o ana no ka hooikaika ana no Hearst a i ole no kekahi kanaka e ae paha, oiai hoi na Demokarata Hawaii e hooikaika nei e hele na elele Hawaii no Hearst he manao kokua hoi i ka lunahooikaika o Hearst e noho nei maanei.
Ma ka nana ana @a ano maikai ka hoohalahala a na haole Demokarata, aole o ka hele o keia mau elele Hawaii Demokarata i Amerika no ka hooikaika ana no Hearst, olai aole i hoohalahala na haole no ka hoouna elele ana e like me ka na Repubalika aka no ka waiho a'o ana aku me na elele no ka mea i ka makou nana aku he mea hoohihia la ia Hawaii nei no ka manawa mua o kona au ana ma ia meheu.
Ua oi aku ka maikai o ka hele elele ana me na a o ole olai ma kela manawa ua mahae na Demokarata o Amerika aia he mau moho e manao nei e holo peresidena i oi aku maluna o ka akahi, a no ka mea o Demokarata Parker kekahi inoa ikaika loa oiai o Hearst kekahi e ikaika mai nei ma kekahi mau wahi a nawaliwali ma kekahi mau wahi. noiaila mamua o ka ike ana i ka hua aole e hiki ke kuailo maopopo mua ae owai la ka mea e iliana ka lanakila. A ina nei no ka helekaukahi o na elele Hawaii a haule ka lakou moho o ka hooikaika ana alaila he puupuu ikaika ia e hahana pono ai ka papalina o Hawaii Demokarata. A makou e manao nei he hana hawawa ia a oi aku no ka maikai o ka hele kaukahi ole no ka mea i puka no ia a haule paha aohe wahi lihi hoohalahala e ili mai ai maluna o Hawaii.
I ka houluulu ana i keia mau mea apau ua lawa ka hoomaopopo i keia manawa i ka eueu io o na Demokarata iloko o Hawaii i keia mau ia.
KA HANA PEPEHI MAKUAKANE
O ka hihia hoeha o David Hoopii kekahi o na oiwi Hawaii opio i hooloheia imua o ka Lunakanawai o ka Aha apana o Honolulu nei a ku ai i ka newa a hoopa'iia no hookahi mahina paahao no ka helu hookahi. he hihia keia e hoike ana he hana pepe@i makuakane a makou no hoi e hoomaopopo nei aole keia o ka pepehi makuakane mua loa i hanaia oiai aia no he mau hana o ia ano i hanaia ma na wahi apau. a maluna hoi o kela hana pepehi makuakane makou i makemake ai e hooaiai.
Auhea la ka noonoo maikai o ke keiki i ka manawa e kau ikaika ai kona au lima maluna o ka makuakane oi loa aku maluna o ka luaui i palupalu? Aia no ke aloha makua iloko o ke diki i ole ai e kau kakauha na lima. No ka nele o ke kanaka i ka noonoo maikai i kekahi manawa ua hanaia aku na hana i ku ole i ka maikai. alaila no keaha i maalo ae ai keia noonoo maikai? No ka piha ino mai no.
E like me ka mau o ka noonoo maikai iloko o ke kanaka pela no ka nui o na manawa e hanaia ai na mea ku i ka maikai he wahi hemahema no paga ke loaa ana aole nae e hiki ke uhi pu ia ka maikai loa ke puka mai kekahi hana e hanaia ana, a nolaila o ka noonoo maikai ka mea kupono e malamaia, a ua pili no hoi keia rula i na mea apau. Aka. i ka manawa e maalo ae ai ka noonoo maikai o ia aku la no ka hanaia o na ino e pau pu ai keia pepehi makuakane.
O ka hele ana o ke kanaka opio a inu i ka rama no kona lealea a maluna hoi o ka lealea ke kumu nui o ka inu ana, alaila uhiia ka noonoo maikai a hanaia aku na ino e hiki ana iaia ke hooko ka mea e nele ole ai o ka hanaia o ka pepehi makuakane a makuahine, a me he la pela i malele aku ai ka noonoo maikai mai ka mea i hoopa'iia no ka mea ua ano ona kahio oia.
A o na mea ino no apau e hapala ai i ka noho mau o ka noonoo maikai o lakou na mea e hookonokono ai no ka hanaia aku o na ino no apau e hiki ana ke hookoia ke kumu e nele ole ai ke komo aku o pepehi makuakane iloko o ia auna ino, a makou noi e manaoio nei oia kekahi o na hana noohilahila loa a hana haahaa loa eiai he pepehi ana ia i ku i ke kipi i kona iho.
He mau la keia e hakoko mai nei o Iapana me na Rukini a i ka nana aku eia o Rusia ke puha'u mai nei. Ma na lono i loaa mai a i na lono hope loa mai nei aia ka mana o Rusia ke ekekei la maluna o na wahi apau o ka anemoku o Liaotong a koe o Poto Ata kahi a na Rusia e pupue iki mai nei, a hakalia a loaa ole hou aku na kokua hou mai ke aupuni nui aku, oiai wahi a ka lono ua hemo ke alanui kukai manao o ka hikina mai ke kumu aku alaila e pahemo pu aku ana ua awa la o Poto Ata mai ia Rusia mai, eia nae hoi aole i pau ka hakoko ana.
Alaila o ka lanakila mau o na Iapana ma na kahua kaua ma ke kaua moana a ma ke kaua aina oia ka mea nana e hookoikoi loa iho i ko Iapana kahua e paa nei i na aina apau o ka anemoku o Liaotong, a ke holopono kela kaua, aina e manaoia nei e hoouka ana, ma ka aoao hoi o Iapana he hookahi haneri kaukani koa, a ke puhee hou na Rukini oia ka maweheia ana oe o ke alanui no Iapana e komo ai iloko o Poto Ata ma ka manaolana nui hoi e kau nei mawaho ae o na kahua e piha pono ai ke koi iloko o keia kaua.
No Iapana uuku i hoike ae i ka nui ikaika o ke Aupuni Emepera o Rusia ma keia kaua e hahana mai nei, oiai he Aupuni nui hewahewa o Rusia ma ka nui o na kanaka, a ma ka nui ino o ka aina ame ka nui o na pono e 'ae i oi loa aku hoi i ko Iapana ame na aupuni o na ano like, a ke ao holookoa hoi i manao mua e aku ai na Rusia ka ai e pono ai oiai he wahi keiki wale no o Iapana ke hookukuia me ia aka o ka apiki o kepani ia e paluku mai nei iaia. He hoike keia, aole ma ka nui aina a nui kanaka wale no ka holomua aka maluna o ke akamai hookele oiai aia malaila ko Iapana kulana, o ka lawe ana i na ike o na aupuni naauao a hooko a i ka hui ana me kona mau ano pono iho, oia ka wiwoole ame na mea like ua pinana ae la ua Iapana neii ka mea hoi o Rusia i ikela ai pela iho la kona kulana ikaika.
KE NOHO MA'I NEI O DILLINGHAM
Malalo o ke poomanao i hoopukaia e ka nupepa haole "Chronicle" "Ulu mai he mau pilikia no Dillinham kka Onomilliona Hawaii eia ia nei a ke huli pono ia nei kona mau hana kalepa," a o keia mau mea malalo iho nei kekahi mau hooaiai ana i lawela mai:
O Benjamin Franklin Dillingham o Hawaii aia oia iloko o kekahi halelapaau o keia kulanakauhale a no kona kulana o keia manawa he mea pono loa e loaa laia na pomaikai o ka "lapaau hoomaha" a no ia mea aole i aeia aku kana wahine ame ke kaikamahine a laua e ike iaia ia laua i hele mai ai mai Honolulu mai.
O ke kanaka i hiki ole ke ikeia ame kona mau pono waiwai nui apau oia na mea ano nui loa e noonooia nei e na banako o keia kulanakauhale na banako nae e paa nei i kona mau paiapala ame ka noii pono ana o koonei poe i na hana i huli ia mai nei e ko Honolulu peo. Eia nae ua olelo ae kona mau hoaloha aia no he manaolana no ka hiki iaia ke hana a hoopiha pono i na @ala apau a kona hui e aie ana a e hoi mai ai hoi no kona waiwai pilikahi iho.
O kela iloko o ka Mahiko o Olaa ka mea i komo nui aku ai o Dillingham a o ka pepa o ka Hui Alahao o Oahu, oiai oia no ka mea oi aku o na kuleana iloko oiaila, oia pepa, ka i waiho hoopaaia aku i na banako kuloko no na panai a ua mau banako ia no ka hui mahiko.
Ua oleloia o ka Banako o Kaleponi oia ka i komo ko'iko'i loa aku a ua olelo pu la no hoi aia ma kahi o ka $500,000 ka aie i ua banako nei, eia nae ma ka hoike manao ana o kekahi hoa aia he mau palapaia hoopaa waiwai kekahi e lawa ai no keia aie. Wahi hou ana o dillingham he kanaka ma'i ola. O kana mau hooikaika nui loa ana ola ka mea nana i hooemi mai i kona ikaika, oia hoi ua hana aku a oi mamua o ka ikaika hiki ke hana. He mau mahina elua i hala aku akahi no ola a hoomaopopo i ka nui loa aku o ka hana manua o ka hiki ke auamo nolaila ua waiho loa iho la oia i na hana apau a hele hoolana aku la i Iapana a me keia manawa oia i lohe lauahea wale ai i ka emi mai o ka hapa pili i ka mahiko o Olaa, a no ia mea oia i hoi hou ai no ka hoomaopopo ana a hala loa mai i keia kulana kauhale no ka hui ana me na banako ia lakou kana pepa.
O keia no hoi ka manawa i ikeia ai kon nawaliwali mai a i keia manawa aia oia iloko o kekahi halelapaau kahi i noho ai, kahi hoi e hiki ole ai kekahi mea ke ike iaia. Wahi a kekahi kanaka oihana banako ano nui aia ka ale o ka hui a Dillingham i ka $4,000,000, eia nae aole e hiki ke olelola na kulana hana ua poho wale. I ka manawa i hoomaopopoia ai keia mau kulana e ko Honolulu poe ua hoopukaia he hoike oiaio, ua kaulike kona waiwai me ka aie.
KEKAHI MAU HOIKE NO
KE KAUA
(Mai ka aoao 1 mai.)
kekahi mau kou i ka aina a oki ae la i na uwea telegarapa.
Iwaena o na mea hoopahu a rusia i loaa aku he ekolu i holopono ka hoopahuia ana a o ka eha o na topito ua pahu ae la a poino ka moku topito Helu 48, a make iho la he ehiku o kona mau Iuina a eha no hoi he ehiku. Aole he mau poino e ae i'ili mai ma ko kakou aoao.
TAKAHIRA
Wasinetona, Mei 14, 1904
Ia SAITO, Honolulu:
Ua hoike ae nei o Generala Kuroki ua lilo ae i ko kakou mahele koa o Kuantinchang ma ka la 7 iho nei, a ua alualu aku kekahi o ko kakou pualikoa hele wawae ma ka la 11 nei i ko ka enemi pualikoa kaulio e auhee ana mai Shueblichan a paapio mai la he elua mau kkoa a he lutanela oia no hoi ke keiki a Generala Honvali.
TAKAHIRA.
Wasinetona, Mei 16, 1904
Ia SAITO, Honolulu:
Ua hoike mai o Adimarala Kataoka ma ka la 14 iho nei ua hoomau aku ko kakou mau moku topito i ka lakou hana e huli ana i na mea i hoomoeia iloko o ke kai me ke kialia aku e ko kakou mau mokukaua. Ua hana ae ka enemi he wahi papu no ka manawa ma ka anemoku mawaena o kerr ame talienwan (Dalny) a hookau aku ia he ekolu mau pukuniahi maluna olaila. Ua hana hou ae no hoi lakou i kekahi papu a hoouna ae la i kekahi puaiikoa malaila a paio mai la me ka ikaika i na kipoka ana a ko kakou mau moku.
Ua hoomau aku la no ko kakou mau moku topito i ka lakou hana me ka nana ole ae i keia mau kipoka ana a ka enemi a wawahi aku la ia elima mau mea hoopahu. me ka ulia pakalaki ua pahu ae la kekahi mea hoopahu malalo o ka moku Miyako, he moku lawe lono o 1,800 tona a piholo iho la ua moku la. O ka poino ma ko kakou aoao iloko o keia kaua ana he elua i make a he eono i eha.
TAKAHIRA
Eia hou no i Honolulu nei na iala o ka Hale o na Lunamakaainana mamuli o na palapala kii hoike no ka hihia o Solomona Meheula, Enoka, Johnson ame Jonah Kumalae, a@ hoomaka hoi ka lakou hana ma ka Poakolu nei.
Hui Ino.
AOLE HOME MA HONOLULU NANA E HOOKIPA
Ka malihini hookipa ole ia ma Honolulu.
Ina he ma'i maneo o ka ili.
Uha maneo, ua ikea, aneane pau loa na home.
Aole malihini ka meeau.
Launa laua me ka peo ino.
Hiki mua, noho loihi.
Aole mau makou, "na mea ino" e haalele mai no lakou.
Lawe i ka Laau Hamo a Doan@ nana e hoomamao aku ma kahi e.
Laau hamo a Doan's, ola ka io ulu ma ka uha, me ka maneo o ka ili.
He kanaka Vitoria, Auseteralia, kana mau hooia keia.
Ua loihi ko Mr. William Preston noho ana ma Vitoria, oi aku mamua o ka hapalua keneturia, nolaila, ua ike a kamaaina ko makou peo heluhelu. Mr Preston, kona wahi e hoho nei Helu 68 Alanui Argyle, Kilda. Wahi ana: "No kahi manawa ua hoopoinoia aku e ka meeau ma kuu mau wawae. I kahi manawa ua mahuahua ae, oi aku nae i ka po, nui ka eu o ka ili. Kii aku hookahi poho o ka Laau Hamo a doans e hai aku au, ua emi koke keia upehupehu o ka ili i ka wa pokole loa. Ka Laau Hamo a Doan's, oia ka helu ekahi a'u i ike ai, he ola ka meeau."
O ka Laau Hamo a doans oia ka laau kupono, e oia ai o na ano mai ma ka ili, e laa ka meeau, uha hemo, anu, nahu kanapi, pahole, upehupehu, a he nui aku. Ka laau keia e ola ai.
Laau hamo a Doan's e loaa no ma na hale haawi laau apau, ma ke 50 keneta o ke poho (eono poho $2.50). e kauoha mai i ka Hollister Drug Co.
agena no ka Paeaina Hawaii.
EI AKU NA MOKUKAUA O AMERIKA
Ma ka Poalua ne i loaa mai ai ka lono ma ka uwea telegarapa, ua haalele aku na mokukaua Amerika Marblehead ame Concord ia Kapaiakiko ia la a holo mai no keia awa a me he mea la e ku mai ana laua lanei ma ka la 26 o keia mahina. Ke manao waie ia nei e holo mai ana laua e like me ka mea mau, oia hoi he uni @@le i ka hora hookahi ma ka averika ana.
UA LIKE KANA HANA ME KEKAHI HANA MANA. O ka oluolu e loaa mai ana mai ka laau Chamberlain's Pain balm i ka wa e hookauia ai maluna o kahi i wela a i ole pohole pahi e hiki koke mai no ia me ka hikiwawe a i ano like aku me ka hana mana. O na eha o keia ano he hiki no ke ola me ka loihi ole o ka manawa ina e hoopaa koke ia keia ano laau, a ina aole i nui loa kahi i eha ke ola mai aole loa e kau ana ka alina ma kahi i eha. ke kuai ia nei ma no halekuai laau lapaau apau. Benson, Smith & Co. Ltd., na Agena ma Hawaii nei.
HOOLAHA MANA HOOKOLOKOLO
ILOKO O KA AHA KAAPUNI O KA APANA KAAPUNI EKOLU. TERITORI O HAWAII, MA KE KEENA HOOPONOPONO WAIWAI. ILOKO O KA HANA O KA WAIWAI O LUKIA KUAIMOKU, MEA I MAKE.
Kauoha O ka Hoolaha no ka Hoolohe ana i ke Noi no ka Aponoia o na Hoike Helu Waiwai Hope loa. Mahelehele ame Hookuu ana.
Ma ka heluheluia ana ame ka waihoia ana mai o ke Noi ame ka Hoike o na Helu Waiwai o John D. Paris, Lunahooponopono Waiwai o ka Waiwai o Lukia Kuaimoku i make, iloko olaila i noi ai oia e aeia aku i $320.42 a auhau no oia iaia iho me ka huina o $4,108.00, ame kana noi e nana pono ia mai ka hoike ame ke aponoia mai, a e hoopukaia mai i kauoha hoope loa no ka mahelehele ana i ka waiwai i koe iho iloko o kona mau lima i ka poe apau ii kuleana iloko olaila ame ka hookuu mai iaia ame kona mau hope hoopaa mai na ko'iko'i aku apau ma ke ano lunahooponopono o ka Waiwai o Lukia Kuaimoku i make.
Ua kauoha pu ia no hoi o ka Poaha, ka ia 30 o Iune, A.D. 1904, ma ka hora 10 a.m., imua o ka Lunakanawai o ka Aha i oleloia ma ke Keena Hookolokolo o ua Aha Hookolokolo ia i oleloia ma Kailua, Mokupuni o Hawaii. oia kahi ame ka manawa i hooholoia no ka hoolohe ana i ke Noi i oleloia ame ka Hoike Helu Waiwai, a o ka poe apau i kuleana iloko olaila e hele ae ma ia wahi a i ka manawa i hoikeia a hoike aku i ke kumu, ina he mau kumu kekahi a lakou, no keaha la e ae ole ia ai ia mea ame ka waiho pu ae i mau hoike no ka poe apau i kuleana iloko o ka waiwai i oleloia.
A he hoolaha no hoi o keia Kauoha, iloko o na olelo Beritania ame Hawaii, e hoolahaia iloko o na nupepa Evening Bulletin ame Kuokoa i pa'iia a hoopukaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua iho o ka manawa i hooholoia iloko nei no ka hoolohe i oleloia.
Hanaia ma Kailua, i keia la 9 o Mei, 1904
Na ka Aha:
J.P. CURTS,
Kakauolelo.
3016 Mei 20, 27 Iune 3, 10.
HOOLAHA HOOKO MORAKI.
HOOLAHA MANAO PANIKU A KUAI A KA MEA PAA MORAKI.
K. KULIKE AME J. KULIKE.
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia ia ka la 27 o Iulai 1903, i hanaia e Kaaluea Kulike ame James Kulike no Honolulu laua a elua, Mokupuni, O Oahu, Teritori o Hawaii, na Mea Moraki Mai, ia Mrs. M. McInerny o Honolulu i olelo mua ia ae nei, ka Mea Paa Moraki, a i kakau kopeia iloko o ka Buke Helu 252, aoao 6, 7 ame 8, o ke Keena Hoona Aina o ke aupuni, o Mrs. M. McInerny i oleloia ke manao nei e paniku i ka moraki i oleloia no na kumu i uha'iia, e hoike ana: o ka uku ole o Kaaluea Kulike ame James Kulike i oleloia i ka manawa e uku ai i ka ukupanee maluna o ke kumupaa nona ka huina o $400.00 i hoopaaia malalo o ka moraki i oleloia.
Ke haawi pu ia aku nei no hoi ka hoolaha o ka aina i oleloia ame na hana hou i hoopaaia maloko o ua moraki la i oleloia e kuaiia aku ana ma ke kudala akea ma na keena kudala o James F. Morgan, ma Alanui Kaahumanu, Honolulu, ma ka Poaono, ka la 18 o Iune, 1904, ma ka hora 12 awakea o ka la i oleloia.
O ka waiwai i hoopaaia iloko o ka moraki i oleloia oia kela mahele a apana o ka aina apau loa e waiho la a e moe la i Keehia, Apana o Hamakua. Mokupuni o Hawaii, ola no hoi ka aina i hoakakaia iloko o ka Palapala Sila Nui (Grant) Helu 2333 ia Kailikahuma, a i apoia a hoakakaia penei:
E hoomaka ana ma ka ihona kiekie o ke Alanui Aupuni a holo:
Hem. 80 deg. Kom. 1000 kapuai a ke awawa o Kealakaha:
Hem. 18 deg. Kom. 1200 kapuai, a malaila aku
Hem. 40 deg. Kom. 800 kapuai, a malaila aku
Akua (oiaio) 1050 kapuai, a malaila aku
Hem. 82 deg. Hik. 1000 kapuai, a malaila aku
Akau 9 deg Hik. 1200 kapuai, a malaila aku
Akau 20 deg. Hik. 2100 kapuai a hiki i kahi i hoomaka, ai nona ka iliaina o 95 Eka, 2 Ruda (Roods).
A i hoakaka loa ia ma ke ano oia ka aina i hooliloia ia Kaaluea (w) maka palapala kuai i hanaia i ka la 1 o Okatoba, A.D. 1884, a i kakau kopeia iloko o ka buke 91 aoao 230, iloko o ke Keena Hoona Aina i oleloia.
MRS. M. McINERNY.
Mea Paa Moraki.
Ma o kona loio ponoi la,
E.A. McINERNY.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo paiapala apau.
No na mea aku i koe e ike ae ia Frank Andrade, ka loio no ka mea paa moraki.
Hanala ma Honolulu. mei 20, 1904. 3016 Mei 20, 27, Iune 3, 10, 17.
LELEKAWA A HA'I KA WAWAE
Ma ka lelekawa ana o kekahi keiki opiopio Hawaii ma kekahi wahi kiekie o ka halewaapa o ka Healani iloko ae nei o ke awa o Kou nei ua ha'i ae la Kona wawae a lawe loa ia ma ka Halma'i Moiwahine no ka lapaau ana.
I ka Lapule keia auau ana a he nui no hoi na kamalii e olioli nui ana iloko o keia auau ana, @ o kekahi paani i lealea loa ia e na kamalii ola ka leiekawa ana ma keia wahi kiekie, a ma kekahi hana ana he elua mau keiki o ka lele like ana, mahope aku kekahi o kekahi a ma ia lele ana i huikau ae ai a loaa ai ka poino i ke keiki elua oia hoi ka hoki ana o kona wawae maluna iki ae o ke kuekue waewae.
Me ka eleu no hoi o kona mau hoaauau a kau ana ke keiki eha i kula a lawe loa ia i ka haukapila kahi hoi ona i hooponoponoia ae ai no kekahi wa pokole manua o kona hoihoi ia ana i kon home ponoi.
HOOLAHA MA KE KAUOHA
HOOLAHA I KA PEO MEA WAI
O ka nui o ka wai e pau nei ua oi loa aku i ka manawa no kekahi mau la kakaikahi i hala iho nei ke kumu hoi e pono e malamaia na rula ame na kuhikuhi o ka hoohana ana i ka wai no ka hoopulu mea kanu ana a e malamaia keia me ka hooko ana.
O ka poe mea kuleana waii a o ka poe, e u@u auhau wai nei. ke haawaiiaku nei ka hoolaha ia lako a o ka hookahe wai ana no ka hoopulu mea kanu ua kaupalenaia mawena o na hora 6 ame 8 a.m., a mawaena o na hora 4 ame 6 p.m.
O ke ku e ana i keia hoolaha maluna ae oia no ke oki ia aku o kon kuleana wai me ka hakalia ole me ka hoolaha ole hou ana: aole no hoi e hoihoi hou ia aku a hiki i ka manawa e uku mua ia mai ai na koina ame na hoolilo o ka hookui paipu wai hou ana.
Honolulu, Mei 12, 1904.
(Kakauinoaia) J.H. HOWLAND.
Lunanui o ka Oihana Wai o Honolulu.
Aponoia e
(Kakauinoaia) C.S. HOLLOWAY,
Lunanui o na Hana Hou.
3016 Mei 20, 27 Iune 3.
HOOLAHA I KA POE AIE.
WAIWAI PAA O J.P. MIOI
Ke haawi ia aku nei ka hoolaha e S.K. Mioi, Lunahooponopono Waiwai Paa o J.P. Mioi i make, o ka poe apau loa he mau koi ka lakou iloko o ka waiwai i oleloia, ke ha'i ia aku nei lakou e waiho ae i ua mau koi la, me na hooiaio i hooiaioia ame na palapala kikoo pololei, ina eia kekahi oia ano ke waiho nei a ina no hoi aia koi ua hanaia ma kekahi molaki maluna o ka Waiwai Paa, i ka mea nona ka inoa malalo iho nei ma Kailua, Kona Akau, Hawaii, a i ole ia G.F. Maydwell, Holualoa, Kona Akau, i hoike mua ia ae nei, kona ioio, iloko o na mahina eono mai keia la aku, a i ole e hoole loa ia no ia mau koi no ka wa mau loa.
S.K.MIOI.
Lunahooponopono o ka Waiwai o J.P. Mioi i make.
Kailua, Kona Akau, Hawaii, Mei 17, 1904.
3016 Mei 20, 27. Iune 3, 10.
HOOLAHA I KA POE AIE.
WAIWAI PAA O EKEKALA MALANI
Ke haawi ia aku nei ka hoolaha e Malani, Lunahooponopono Waiwai Paa o Ekekala Malani, mea i make, o ka poe apau he mau koi ka lakou iloko o ka waiwai paa i oleloia, ke ha'i ia aku nei ia lakou e waiho ae i ua mau koi la me na hooiaio i hooiaioia ame na palapala kikoo pololei, ina eia kekahi oia ano ke waiho nei, ina no o ua koi la ua hoopaaia e kekahi molai maluna o ka waiwai paa, i ka mea nona ka inoa malalo iho nei, ma Keauhou, Kona Akau, Mokupuni o Hawaii, a i ole ia G. F. Maydwell, Holualoa, Kona Akau, i olelo mua ia ae nei, kona loio, iloko o na mahina eono mai keia la aku, a i ole e hoole loa ia no ia mau koi no ka wa mau loa.
MALANI,
Lunahooponopono o ka Waiwai Paa o Ekekala Malani i make.
keauhou, Kona Akau, Hawaii, Mei 17, 1904
3016 Mei 20, 27 Iune 3, 10.
HOOLAHA AINA AUPUNI
HOOLAHA AINA AUPUNI
Ma ka Poaono, Iune 18, 1904, hora 12 awakea, ma ke alo iho o ka Hale Hookolokolo, e kuai ia aku ai ma ke kudala akea ka hoolimlima o na aina malalo iho nei iloko o Waikiki, Honolulu, Oahu:
Apana 4A, Mookahi, iliaina 24.57 eka.
Apana 5 Kalia, iliaina 22.22 eka.
Apana 6C, Kaaumoa, iliaina 1.97 eka.
Apana 6D, Kapuna, iliaina .53 eka.
Manawa hoolimalima 5 makahiki.
Uku-hoolimalima kaupalenaia $1,250.00 no ka makahiki hookahi, uku mua i kela ame na mea e ae e hele ne ma ke Keena Aina Aupuni, Honolulu, Oahu.
JAS. W. PRATT,
Komikina Aina Aupuni.
Keena Aina Aupuni, Mei 17, 1904.
3016 Mei 20, 27 Iune 3.
MAKEMAKEIA
I KANAKA MAKAUKAU
MA KE KUAI LOLE.
E Kakau ae ma ka P.O. Box 809
EKOEANAIAOE
Oi Mamua o ka Hapalua o na Lilo
ke kuai oe i
KE DAIMANA
He Oluolu loa na Uka ana.
Mai kuai oe i Komolima Daimana nou a i ole na pihi pulima paha ame na waiwai makamae e a'e o keia ano a hiki i ka wa e ike mua ai oe i ke DAIMANA ZAMBESA, ke alohilohi nani. Ke kuai aku nei makou ma ka hapaiua o ke kumukuai o ke Daimana Trust a ma ka uku liilii ana keia a me keia mahina me ka oinolu loa o na uka ana. E kauoha mai i kekahi o keia ina i ku i koa makemake a makemake paha oe e pae iho, ua hiki ia oe ke uku mai me ka haahaa, @laila e @@ mai ia makou i kela ame keia mahina ma ka uka liilii ana o elua dais a hiki i ka pau ana. Aia iloko o na Palapala ho Akaka e hai ia ai ua aiaua apau e kau oha mai i hope mau o keia mau Palapa La Hoakaka. @ ke aula maoli o ia ke apopana o paa i keia mau daimana. @ waibo ia aku @ @ hooiaio ana i kakau ia no keia mau waiwai no keia ame keia waiwai e lilo aku @. he hui makou i hilinei ia i hoonila hoi malalo o kekahi huina waiwai io o $100,000.00 a e hooana aku no makou i ka makou mau waiwai no ka ho a'o ia mai me ka nane ole ae i na koikoi e ili mai ana. Ke haawi aku nei makou i ke daimana me na kumukuai e hiki ai i kela a me kela ke kuai mai a hiki hoi ke aku mai i hookahi lale a i o@ elua paha i kela ame kela mahina. ke hoola nei makou e hoouna ia aku no i ka moe kauoha mai @ lo@ no iaia iloko o hookahi pule. E oluola e kauoha mai i mau palapala @; no ka @@ like @ ko@ waiwai io me ke kula i @ i ke Daimana
BOYLSTON DIAMOND CO.
510 Boylston Building,
Chicago, Ill.
HOOLAHA KUMAU
LEWERS & COOKE
LOI AME KUKE, Kaupa enaia
Na Mea Hookomo mai a Kuai @ i na
LAKO HANA HALE
O Kela ame Kena A@
Malaila e loaa ai na mea malalo @
NA PAPA N. W., NA PAPA HOLE PILI HALE, NA PUKA, NA OLEPELEPE AME NA PONO PUKA ANIANI, NA KUI, AME NA MEA PILI O KA OIHANA KAMANA, NA PONO PENA.
NA PENA LIKE OLE AME NA HULU PENA. NA ANIANI NA PAPA HALE, PALE PUKA ANIANI MOENA, ETC.
O na kauoha pono hale apau loe e hiki mai ana ia makou e hooko ko@ ia no me ka eleu ame na KUMUKUA@ HAAHAA LOA.
LEWERS & COOKE
Hui Alahao ame Aina O Oahu
MANAWAHOLO
Mei 1, 1903.
MAI HONOLULU AKU
No Waianae, Waialua, Kahuku ame na wahi hoolulu ma ke alahae
*9:15 a.m., *3:30 p.m.
No Pearl City, Ewa Mill, ame na wahi
hoolulu ma ke alahao ***7:30 a.m.
*9:15 a.m., *11.05 a.m., *8:13 p.m.,
*3:20 p.m., **4:15 p.m., *5:15 p.m.,
**9:30 p.m., ***11:15 p.m.
MAI WAHO MAI
Ku i Hololulu mai Kahuku. Waialua, ame Waianae mai *8:36 a.m., *5:31 p.m.
Ku i Honolulu mai Ewa Mill ame Pearl City mai ***6:50 a.m., ***7:46 a.m., *8:36 a.m., *10:38 a.m., *2:05 p.m. *4:31 p.m., *5:31 p.m., *7:40 p.m.
*5:31p.m., *7:40 p.m.,
*Kela ame keia la.
**Sabati wale no.
***Koe ke Sabati
G.P. DENISON, Lunahoohana
F.C. SMITH
G.P. & T.A
KAKELA ME KUKE
(KAUPALENAIA)
Poe Kalepa ma ke Komisina
A HE
POE LAWELAWE KOPAA
Poe Agen no na Ma@
hiko Lehulehu.
Kauka T. Mitamura
Alanui Kukui Oiloi helu 68. Honolulu @
Na Hora Hana:
Hora 9 a.m. a 12 m: 6:30 p.m. @
p.m. Sabati, Hora 9 a.m. a @
Telepone Blue 2366 P.O. Box @
HE HUAALE MAIKA@
Aole he like o na
"HUAALE A AYERS".
me na huaale e ae no ka mea @
huaale kokua keia i ka ha@
naau, a he laau hoomaha @
"HUAALE A AYERS".
Ka laau e hemo maikai ai, a@
maikai mau ana hoi ma@
ola manawa.
Aole loa he hiki i kekahi a'@
Oielo ae he maikai kona @
ina aole he hemo o kona @
he hookahi manawa o ka la @
paha. Ina i maopopo keia @
ke ola i na kanaka apau @
o like ka nui o ka poe ma @
mea e ike ia nei i kela mau @
Ua hana ia owaho me ka @
maikai loa ka lawe ana.
Aohe mau Huaale i oi ae ka @
manua o na
"HUAALE A AYERS."
Hoomakaukau ia e Kauka @
7 company, Lowell, Mass.
@ loaa no kela mau Huaale @
Hale Kuai Laau o Hollister, @
Papu.