Ka Nupepa Kuokoa, Volume XLII, Number 22, 27 May 1904 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, MEI 27, 1904.     5

NUHOU KULOKO

@ @ mai Kona mai i keia ka@ @ me na lala o ka Ahahui e@ @ ka Teritori o Hawaii, e holo @ Kauai no ka Ahahui e ma@ ma Lihue.

@ @ Poakahi ae oia ka La Hoolei @ @manao ia ana ia la ma Ho@ @ Mai poina ka poe he mau @ hele ae e hoohiwahiwa i @ he.

@ @ kekahi Kepani i kona hoa # panapana ma ke kihi o @ Muliwai ame Pauahi i ka po @ make loa.  Eia ke Kepa-@ kanaka ke paa mai nei ma @

Ma ka Poakolu nei i pau ai ka hoo-@ o ko Meheula hihia, a ma-@ noho ana o na kiure no ka @ hooholo, ua puka mai la @ ole o ka lakou olelo hoo-@   Nolaila e noho hou ana keia hi-@ mua aku.

@ ka mokuahi Kina o ka Poakolu @ hiki mai ai ka Elele Hawaii, @Alii Jonah Kalanianaole, ame @ Kama'iliiwahine, ma Honolulu @ aole i kau pu mai nei ka Moiwahine Lilioukalani me laua, aka e hiki @ @ i keia pule ae maluna mai @ ka mokuahi Sonoma.

Ke makemake oe i mau pihi pulima @ pahi alo paha i hana ia me ka daimana a i ole i komo daimana olino@ paha, mamua o kou kuai ana ia @ mea ma na halekuai o Honoluu nei e heluhelu mua ae i ka hoolaha a @STON DIAMOND CO., he oluolu @ loa na kumukuai a he ae ia hoi na @kaa liilii ana.  He hiki no ia oe ke @ha aku me ka hookaa mua ole @ ke kumukuai, a ke makemake oe e lawe alaila hoomaka oe e hookaa i ke kumukuai.

Piholo ia Mau Mokukaua o Ia-

pana.

(Mai ka aoao 2 mai)

ST. PETERSBURG, Mei 26.---Wahi a Generala Kuropatin aia he 40,000 ka nui o na koa Iapana ma Fengweng@heng a aia he mau mahele ke nee la @ ka hema.  He kulana kupilikii ma Korea mamuli o ka ma'i e laha nei iwaena o na koa Iapana.

LIAOYANG, Mei 26.---Ua haawi aku nei na Kiaaina Pake i ko lakou mau kokua ia Generala Kuropatin no ka malama ana i ka maluhia.

CHEFOO,  Mei 26.---Ua ala ae kekahi kaua ma ka akau o Dalny ma ka la Sabati nei.  Ua ku aku na koa Rusia me ka ikaika e kaupale ana i ka nee ana mai o na Iapana.  O ka hopena o keia hana aole i loaa mai nei.

He Mau Hooia no ka Lono Kaua

(Mai ka aoao 1.)

@ ka enemi, ke alahaka kaaahi ame na kaaahi.

TAKAHIRA.

Wasinetona, Mei 20, 1904.

@ SAITO, Honolulu:

(Loaa mai Hora 8:10 a. m.

O ka enemi i kaua mai ma kahi e kokoke ana i Kinchow ma ka la 16 o ia @a mahele Elima, Umi-kumamaha ame Umi-kumamaono o na regimana helewawae Kipupololei me na pu kani pinai @ ewalu.  Mahope o ke kaua ana ua auhee aku ka enemi a waiho iho la he @ poe make, he mau aliikoa ame na k@  Ma ka hoike a ka poe i paapio mai o ka nui o ka poino ma ka aoao o @ enemi ua hiki aku i ka 300.

TAKAHIRA.

Wasinetona, Mei 21, 1904.

@ SAITO, Honolulu:

Ma ka la 20 ua hoea mai la he hoo@kahi pualikoa o ka enemi ma kahi he @ mile ma ka akau o Takushan a @ hoopuniia ae la e ko kakou pualikoa @ wawae  Ua auhee aku ka enemi me @ o na poino a he hookahi aliikoa @ i paapio mai.  Aole he mau poino ma ko kakou aoao.

TAKAHIRA.

Wasinetona, Mei 24, 1904.

@ SAITO, Honolulu:

Ua hoike ae o Generala Kuroki, ma @ la 21, ua halawai aku kekahi hapa @ ko kakou pualikoa hele wawae me @ koa kaulio o Rusia ma kahi he e@ mile ma ka hikina-akau o Kuan@  Ua auhee aku ka enemi no ka @ hikina-akau, e haalele ana hoi he @ kinomake ma ke kahua kaua.  Aole @ mau poino ma ko kakou aoao.

TAKAHIRA.

KU MAI A HOLO AKU KA

MOKUAHI SIBERIA.

E like me na mea i hooaiai mua ia aku ai ma ko makou helu i hala e pili ana no ka hoea mai i Honolulu nei na komisina mai Pilipine, pela io no i hoo@oia ai.  Ma ke kakahiaka o ka Poalima o ka pule i hala i komo mai ai ka mokuahi Siberia, mai na aina mai o ka Hikina, iloko o ke awa o Kou nei, a @oomau aku la i kana huakai no Ka@akiko ma ke awakea o ka Poaono @

Ua hookipaia na malihini hanohano i holo mai, e ka poe waiwai o ke kulanakauhale, a ua hauoli kela poe ia lakou ina ka aina nei.  O keia huakai a Siberia i holo mai nei, oia kekahi o na huakai nui loa o na ukana no kela @wa a no ia kumu i ka ulua loa iho ai kona holo ana a ka Poaono ae.  Iaia i malele iho ai ia nei a holo aku na kau aku la o Kiaaina Carter maluna ona @ holo ana hoi no Amerika no kana @uakai no Wasinetona, a holo loa ae i kahi e noho ai ka Aha Elele waemoho Peresidena.  Mamuli o ka nui o na maka hanohano iluna o kela moku, hui pu aku hoi me ke Kiaaina e Hawaii nei, @ piha ku'i ae ka uwapo i pili ai kela @oku, a ua hiki kino ae no hoi ka hana Hawaii ne ka hoohauoli ana i ka poe kaahele.

KANAKOLU MAKAHIKI MA

KA OIHANA.

Iwaena o na makai e lawelawe nei i ka oihana makai ma Honolulu nei, a i ole ma Hawaii Paeaina nei, he hookahi wale no kanaka i noho loihi ma ka oihana me ke kakaikahi o na manawa i haule iaia.  Ua noho makai oia no elua nohomoi o Hawaii nei, hookahi aupuni peresidena, a elua kiaaina, e lawelawe ana hoi i ka oihana malalo o na Ilamuku he ehiku, o ua kanaka Hawaii la oia no o George Waipa.

[grahic:  photographic portrait "GEORGE WAIPA]

Ua hoomaka oia ma ka oihana makai i ka malama o Dekemaba, la 1, 1874, a o W. F. Allen ke noho kiaaaina kuikawa ana ia manawa ma kahi o Kiaaina J. O. Dominis, a nana i kakauinoa ae i ko Waipa hookohu mua loa ma ka oihana makai.  O Kalakaua, oia ka moi o Hawaii nei ia manawa, a o W. C. Parke ke noho Ilamuku ana ia manawa.  Mai ia manawa mai kona noho ana a hiki i keia manawa, koe wale no he hookahi makahiki ona i kapaeia ai mai ka oihana mai mamuli o ka hopu ana i kekahi Pake, aka nae ua hoihoi hou ia ae oia i ka oihana mamuli o ke kauoha a kona haku.

He kanaka Hawaii o Waipa i kamaaaina i ka poe o Honolulu nei, a he inoa maikai kona iloko o ka oihana ana e noho nei.  He oia mau no kona nui ame ke konahao o kona mau lala, a ma kona ikaika e ike ia aku nei e hala hou ana no he mau makahiki iaia ma ka oihana.  Aole i maopopo ia Waipa kona la i hanau ai a pela no hoi me ka makahiki, aka wahi ana, ua hanauia oia i ke kau ma'i kamalaboki, oia paha ka makahiki 1853.  O ka lua o na kanaka Hawaii e noho loihi loa nei ma ka oihana oia o Sam. Macy, i noho hoi ma ka oihana mai ka makahiki 1885 mai.

MAANEI MAI ANA PAHA

NA MOKUKAUA O KE KAI

BALATICA.

ST. PETERSBURGH, Mei 8.---Eia ke hooikaika ia nei na hana maluna o ko ke kai Balatica aumokukaua elua o Rusia, no lakou hoi ka huina o umi-kumamahiku mokukaua holo mama.

E like me na hoonohonoho hope e holo aku ana keia mau mokukaua ma ke alahele o ka Lae Hona, e holo ana hoi mai Cronstadt iloko o ka pule hope o Iulai.  Eia o Adimarala Rojestvensky ke hoohala nei i kona manawa ma Cronstadt e hooholomua ana hoi i na hana.

Ua hoopukaia aku nei na kauoha i keia la i na alakai o na mokukaua Sissoi, Veliki ame Navarian ame Adimarala Nachimoff e lawe koke ae i na meakaua iluna o ko lakou mau moku a hoomakaukau no ka holo ana aku no ka Hikina.

O ka mea oiaio eia o Geremania ke hookuu nei i kekahi mau mokukaua ona ua hoike hooiaioia mai, eia nae ke hoole loa nei oia.  Ua haawi aku nei keia aupuni ia elua o kona mau moku topito ia Rusia.

(Ina e oiaio ana keia lono maluna ae, alaila o ke alahele a na mokukaua o Rusia e holo mai ai, oia no ke alahele e hoea mai ai kela mau moku maanei, a aole e nele ana ko lakou kipa ana mai e lawe i lanahu no lakou.  A ina o kela iho la ke alahele pololei, alaila e ike ana kakou i keia mau mokukaua o Rusia.)

KOMITE KUWAENA DEMO-

KARATA.

Ma ka po Poakahi nei i malamaia ae ai ka halawai a ke Komite Kuwaena o ka aoao Demokarata ma Waverley Hall a ma ia halawai ana i hoopihaia ae ai na makalua o na komite i waiho mai o ia papa komite.  He iwakalukumamalima ka njui o na lala o keia komite a he umi poe hou i pakuiia aku iloko o keia papa, a iwaena o lakou o R. B. Kidd kekahi, ko Hearst lunahooikaika maanei.

O na lala hou o ke komite i kohoia ae ma ia halawai ana oia o C. P. Iaukea, W. S. Noblitt, R. B. Kidd, John K. Prendergast, John Emmeluth, David Kahaleaahu, D. E. Metzger, S. K. Kaloa, W. A. Kinney ame H. T. Moore.

Ua loaa pu mai no hoi he mau hoike mai na hui mai i kukuluia ma na apana e hoike ana eia na kukulu hui ana ke nee nei me ka maikai ma na wahi ike ole o ke kulanakauhale nei.

KAMEHAMEHA AME H.A.C.

O ka paani kinipopo o ka Poaono i hala i maopopo loa ai ke kulana o na hui e paani nei.  Mamuli o ka lilo ana o ka lanakila ia H.A.C., mai ia Punahou mai ma o na ai-puni he 6 ia 4, ua haule iho o Punahou ma ka helu ekolu, a ua pii ae hoi o Kamehameha ma ka helu elua mamuli o ka lilo ana o ka lanakila ia hui ma ka hookuu ana me Maile Ilima.  He 8 ai-puni a Kamehameha a he 4 wale no a Maile Ilima.  I keia manawa e ia no ka H.A.C. ma ka helu ekahi, oiai aole he hui i hoohaule aku iaia i keia manawa, a o Maile Ilima no hoi ka huelo.  Ma ka hahau popo o ka Hui H.A.C. ka hui makaukau loa, a o Kamehameha wale no ka hui nana e hoopahu'a aku iaia.

Ma keia Poaono ae o Kamehameha ku-e ia Elks, o ia ka paani mua, a o H.A.C. ku-e ia Maile Ilima ka paani elua.

Hui                  Paani   Eo        Haule   Pa-keneta

H.A.C.                        3          3          0          1,000

Kams               3          2          1          .666 2-3

Punahou          4          2          2          .500

Elks                 3          1          2          .333 1-3

Maile               3          0          0          .000

BAPETIZOIA O KALAKAUA

II MA WAIKIKI.

I ka Lapule iho nei i bapetizoia ai ka bebe alii a ke Keikialii ame ke Aliiwahine Kawananakoa ma ka ino o Kalakaua II.  Ua malamaia ka bapetizo iloko o ka luakini St. Augustine ma Waikiki.

Ua maikai na hana o ka bapetizo i malamaia a ua wehiwehi no hoi olo,ko o ka luakini me na wehi o na pua ame na launahele a ua piha no ho@ @a makaikai, na hoaloha o ka ohana i hele kino ae ilaila e ikemaka i na hana.

I ka manawa i hookipaia ai na makamaka aia o Mr. G. Barton ke paani la ma ka ogana me kekahi mau leo i kupono loa no ka hana o ka la, a ma ka papa himeni hoi na wahine opio puukane a iwaena o lakou o Miss Alice Campbell, Miss G. Dowsett, Miss Violet Makee, Miss Ada Rhodes ame Mrs. G. Barton.

Ma ka papa noho mua o ke anaina na makua o ka bebe alii--o ke Keikialii ame ka Wahinealii Kawananakoa a pili kokoke ia laua o Konela ame Mrs. Samuel Parker a ma kekahi mau noho pili kokoke mai na pili o ka ohana.

I ka manawa i komo mai ai ka Makua Libert i ukaliia e ka Makua Valentin a i ukali pu ia hoi e na keiki kuahu ua meleioa mai la he mele maikai loa e na leo pakolu--Miss Campbell, Miss Dowsett ame Miss Rhodes e hele pu ana hoi na leo me ko ka ogana ua hui aku la ke kahuna me ke alii bebe ka mea nona ka la.

Ma ka malamaia ana o ka bapetizo maluna o ka bebe ma ka heluhelu mua ia ana o na olelo pili i ka oihana bapetizo e ka Makua Valentin a o ka panina no hoi oia ka hooko ana i ka oihana a o ka wa ia i hookauia aku ai ka inoa "David Kalakaua" maluna o ka bebe e ka Bihopa, a mai ka pau ana ua maikai na mea apau a ua noho @lie no hoi ka bebe alii.

Mahope o na hana o ka luakini ua hoohala aku na makamaka ma ka home Campbell kokoke i Daimana Hila kahi hoi o lakou i apo ohaohaia mai ai, a na ke kalapu himeni i hoohauoli ae i ka hui launa ana ma ka hookipa ana o na makua o ka bebe alii.  Mahope o ka makaikai ana i na makana o ka me nona ka la ua panaiia mai ke anaina me na ono mama.  He wahine u'i maopopo ka makuahine o ka bebe alii a oi loa ae ma o kona aahu keokeo la e kuuwelu ana na lihilihi keokeo me ka papale i hoowehiia me na hulu keokeo.  Aole oia wale no ka nani aka o na hoowehiwehi ana o ka luakini malalo o ka hana noeau a Mr. Ernest Parker.

HOOHALAHALA I NA WA-

HINE MARE KANE MA KE

ANO KUMUKULA.

Mawaho ae o ka hoopilikia noonoo maluna o ke kaomi ukuhana iwaena o na kumukula aia he wahi mea hooikiiki manao kekahi i ulu iwaena o lakou, he mea nae i pilikana ole aku i ke kumuhana pokepoke ukuhana a o ua mea la oia no ka hoohanaia o na wahine i mare kane a noho kumukula, oiai he nui na wahine mare kane ole i lawa me ka ike kumukula eia nae aole he loaa o ka hana.

O ka hoohalahala wale no ua pili no ia i na wahine e noho kumukula no lakou nae na kane e noho hana ana me na ukuhana nunui, ina he hana aupuni a hana okoa ae paha.  Ua olelo pu ia ae no hoi i ka malama ame ka makaala loa ia o keia ano ma Kapalakiko.

Ma keia mea i loheia ai kekahi moolelo no kekahi wahine noho hana ma ke ano kumukula i Kapalakiko a mare kane nae i Honolulu nei a hoi hou ai i Kapalakiko.  I Kapalakiko aole oia i ikeia he wahine mare kane a aole no i loheia ia moolelo a hoolaha ole ia no hoi, a ma ka hoike o kona palapala hooaiai a mau kakoo e ae ua haawiia iaia ka oihana kumukula.

Eia nae i ka lohe ana o ka oihana kula i keia moolelo o ka wahine ma ka waihoia ana aku o na hooiaio ua hookuu kokeia ua wahine la mai ka oihana kumukula aku, no ka mea ua loaa ka ike i ua oihana kula la he kane ka keia wahine i hiki loa ke malama i kana wahine.

I Hawaii aia he mau kula no lakou na kumukula kane a wahine pu no iloko o ke kula hookahi he mau mea nae i mareia a no laua hoi na ukuhana mahuahua maopopo, oiai nae he nui na wahine opio i hooikaika ma ka hoonaauao ana la lakou iho a loaa na palapala hoomaikai no ka oihana kumukula eia nae aole he hoonanaia o lakou e waiwai ai ka lakou hooikaika ana.

HIKI HOU O AFONG I HA-

WAII NEI.

Ma ka Poalima o ka pule i hala i hiki hou mai ai o Mr. Toney Afong i Honolulu nei mai Kina mai.  Mahope iho o kona kaawale ana aku no umi-kumamawalu makahiki a oi, a ua puiwa nui no hoi aoia i ka like ole o keia au o Honolulu nei ame kela o ka wa kahiko.  Ua nani maopopo loa ko keia mau la i ko na la mamua.

Mai ka manawa o kona haalele ana ia Hawaii nei he aneane he iwakalua makahiki i hala ae, a no Hongkong kona wahi noho ua komo nui aku oia iloko o na hana kalepa waiwai he nui ma ia hapa o ka Emepaea nui o Kina.  O kona mau kuleana aia iloko o na hui mokuahi, banako, na hui hoopuka nupepa ame na hui hoopukapuka waiwai kuai ame na mea like.  O kona wahi noho aia i Maoao kokoke, i kahi noho o kona makuakane Mr. C. Aafong ilaila hoi kona mau aina waiwai nui.

Oiai oia ma kona huakai no Honolulu nei ana i ku aku ai i Nagasaki kahi o na Iapana ua hooku'i aku oia me na hookuia.  Ma keia wahi o Nagasaki he makaala loa na Iapana i ka poe apau e hiki aku ana ma kona mau kapakai ma ka pili lahui, oia hoi, e maopopo kela ame keia mea no ka lahui hea oia.  Malalo o kela mau rula puikaika ua hoomaluia iho la o Mr. Afong no ka manaoia he Rukini oia a no ia manawa a mahope iki mai ua ano kaumaha maoli kona kulana me ka maopopo ole o ka mea e hanaia mai ai aka i ka maopopo ana i na Iapana he Pake oia ua hookuu malaelaeia ae la oia me ka mihi pu ana mai o na Iapana no kela kuhihewa.

Ua manaoio o Mr. Afong e lanakila ana o Iapana maluna o na Rukini a e holo mana aku ana na Iapana maluna o Manchuria ka aina e aumeume nei o Iapana ame Rusia.

PIHAKU'I KA LUAU MAKA-

HIKI A NA KAKOLIKA.

O ka ahaaina Uhane Hemolele o na ilihune he umi-kumamalua i malamaia ma Roma ka Luakini Kakolika o Honolulu nei ua pihakui ae i na kanaka o na lahui like ole--o na Pukiki no nae ka hapanui a ma kahi o na kaukani ka heluna.  Ua piha ke kahua o ka hana i ka poe makemake wale no i ka makaikai, eia nae he nui ka poe i hiki kino ae ilaila no ka haawi ana i ko lakou mau manao ohaoha no na hana aloha i kukuluia e kekahi o na wahine Pukiki o ka wa i hala loa.

O kahi o ka pahu hoano o ka Uhane Hemolele he wahi hale uuku ia i hoowehiwehiia me na pua pepa o na ano like ole a ua maikai i ka nana aku.  I ke ao iho ua laweheleia ae ka hae hoano a honi ia ae la e ka poe manaoio a manao nui ma ia mea.

Aia he kalaunu he hoailona i kela o ka ka Moiwahine o Potugala i haawi ai i ka Ekalesia he makana no kona olioli ma ka hiki ana i ka hopena o ke kau ma'i i pahola nui ai maluna o kona aina, a o ia kalaunu kekahi i laweheleia ae mahope o ka hae, a iloko o keia i hookupu nui ia ae ai na dala manawalea.

Ua hoomaka ka hanai ana i na ilihune he umi-kumakaukauia he pakaukau iloko o ka hale o ka pahu hoano o ka Uhane Hemolele, a ma ke pakaukau iluna o na noho he umi-kumamalua i nonoho iho aia he umi-kumamalua poe palupalu--he eono Hawaii a he eono Pukiki,  nana lala o ka ahahui e malama nei i keia hana i kela ame keia makahiki i kuene ae no lakou.

Mai ka auwina la a hiki wale i ke aumoe o ka po ua piha nui mau ke kahua a ua hoohauoliia e na keiki puhi ohe o ka ohana Pukiki.

HE LUNAKANAWAI O Mc-

VEIGH I KEIA MANAWA.

Mamuli o ko Thomas Nakanaela make ana, ua hookohu aku o Hope Kiaaina Atkinson ia J. D. McVeigh, ka lunanui o ke Kahua Ma'i Lepera, i lunakanawai.  He uku no ko ka lunakanawai o kahi ma'i lepera, aka nae ua ae ae o McVeigh e lawelawe i keia hana me ka uku ole, a o keia hookohuia ana aku la o keia haole he mea ia e hooemi mai ai i na lilo ma ka aoao o ke aupuni.

O keia hookohu i hapaia aku la no ka manawa wale no.  I keia manawa aole he mea i noi ae ia wahi i kupono hoi i ka manao o Hope Kiaiaina Atkinson, a e noho ana keia haole ma ia kulana a hiki i ka manawa e loaa ai ka mea kupono ma ia wahi a hookohu ia aku.

Eia ko Oukou

Makemake Maanei

Na kekahi Kaamaaina o

Honolulu nei e Hoo-

lakou ia oe me na

Kuhikuhi.

Ua oi hewahewa aku na hoohalahala maluna o na ma'i puupaa mamua o na ma'i e ae.

O ka hoailona mua o ua ma'i puupaa la oia no ka akiaki liilii ma ke kua, a he maeele ikaika ka hope o ia ma'i ma ka puhaka, a ke ole e lapaau koke ia alaila e lilo ana ia i mea nui loa.  Na ia eha koikoi, ke loaa io oia, e kono aku iaia e huli i wahi e oluolu ai.  E hoao wale no i na laau kau no keia ano ma'i, aole no e loaa ka oluolu.  Makemake anei kekahi e loaa ia ano haawaina e loaa kona hoopakele?  Ina pela, alaila e uhai aku i na kuhikuhi a keia keonimana.

Eia ka pane a Mr. S. Hanoland kekahi luna o ka Hale Kuke Awa:  Mamuli o ko'u loaa ana i ka haawina o ka eha nui ma kuu kua no kekahi manawa, ua hoao iho la wau i na Huaale Kuahaneenee a Doan ma kuu kuai ana ma ka Halekuai Laau o Hollister ma a ua loaa ia'u ka oluolu a pau loa kuu eha.  Ua maopopo loa ia'u he mau huaale io no lakou no ka ma'i kuahaneenee.

Eloaa no na huaale kuahaneenee a Doan i ka poe kuai laau apau no 50 keneta o ke poho hookani, 6 poho i ka $2.50.  E hookoia no ua kauoha apau ma ka leta ma ke kuike ke hoouna mai i ka Halekuai Laau o Hollister ma, na agena o ka Paeaina.  E lawe i ka Doan me ka nana ole i ka ha'i.

Poe Akepau i loaa hou

ke Ola Kino Maikai.

Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane e loaa i ka ma'i Akepau i hoopakela ia mai kela ma'i mai mamuli o ka laau

"Ayer's Cherry Pectoral."

Ke loaa i keia laau e loaa ana i ka ma'i ka maha no ka wa mau loa, a aole no kekahi manawa pokole e like me kekahi ano laau okoa ae.

Aohe Laau Kunu i oi ae o ka maikai mamua o ka LAAU KUNU

"Ayer's Cherry Pectoral."

He mea maikai e ike kakou i keia, no ka mea ua hooia keia haawina no aneane kanaono makahiki.  E malama mau i keia laau.  Ina aole au omole laau kunu o keia ano, e kuai koke mamua o ka loaa ana i ke kunu.  Ina ua loaa kekahi iloko o ka ohana i ke anu e hooinu i keia laau a e loaa no ka maha.

Hoomakaukau ia e Kauka J. C. Ayer & Co., Lowell, Mass., U. S. A.

E loaa no keia mau Huaale ma na halekuai laau a pau.

Ma ka hora 5 auwina la o ka la apopo e weheia ai ka uhi o ka pohaku kiahoomanao o Hiram Kauikeaouli Kiwalao Keliikapuninuiamamao ma ka pailina o Kawaiahao.  Ua kono ia na hoaloha e nauea ae malaila.

Ma ke kakahiaka o ka Poakolu nei i ku mai ai ma Honolulu nei na mokukaua Amerika Marblehea ame Concord mai Kapalakiko mai.  O keia mau moku kekahi e hui aku ana me ko Adimarala Glass mau mokukaua e ku nei maanei.

He Ili Nani Lima A'ia'i

: : ME KA : :

LAUOHO ULIULI.

KA HUA O KE

 

 KOPA CUTIKURA

HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i ke lakou ili, i pau ai ka papaa o ke poo, ka unahi-pii, a i mea no hoi kekahi o pau ai ka helelei ana o ka lauoho, a i hoopalupalu, hoa @ i a me ka hoeu'iu'i ana i ka ili o n awahi i hele a manoanoa i ka hooikaika i ka hana e like me na lima a pela no hoi e hoopau ai i na eha, amka holoi ana i na wahi eha me kela kopa, i ole oi e ike i ka ani me ka welawela i ole no hoi e hou nui, ma ka holoi ana i na wahi pehu a palahehe; a he oi loa aku ka waiwai nui o kela kopa i na makuahine e lawelawe ana i na hana lehulehu i pili i n akeiki a me lakou iho no hoi, a i na wahine no a pau; a he kupono lao no hoi keia kopa no na wahi auau a pau.  O ka poe i ikemakea i ka maikai o kela kopa, aole loa lakou e ae iki ana e hoao i kekahi kopa okoa aku ke koiia mai; ina no e oleloia ana, hekupono ia ano okoa aku no na mea a pili ana i ka ili, ke poo a me ka lauoho o na bebe am e na keiki.  Ua loaa mai kela waiwai nui o ke KOPA CUTIKURA mailoko mai hoi o kela laau hooia ikaika loa i kapala, KUTICURA oia ka laau ikaika loa ma ke hooia anai na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai ona pualioko o kela kopa.  Aole loa e hiki ke hoohalikela mai kekahi ano kopa e aaei hoohuihuiia e ke akamai o kanaka me kela kopa, ma kana mau hana malama, hooia a me ka hoou'iu'i ana i ka ili, a pela aku.  Pela hoi i ka ili oke poo, ka lauoho a me na wahi e ae.  Aole no i lihi lauan mai na kopa ona aiana e me keia no ka auhau ana a me ka hana o na keiki liilii.  Pela ihoia i lilo ai ka waiwai o na kopa a pau i HOOKAHI no ke KUMUKUAI hoo@ @ he Helu Ekahi keia Kopa no na poino o ka ili a me kahi auau a hehelu ekahi no hoi no na kamlii a puni ke ao nei.

NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTIKURA, i pau ai ka paapaa lepo a ano e ae paha o ka ili, a pela hoi ke poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTIKURA i mama ae ai ka akiaki ana a ka hu'i a me ka ehaeha, a pela hoi e hoohana ai ka laau i kono hana a ola ka eha, alaila, e inu i ka Laau Inu CUTIKURA i mea e maemae ai ke koko maloko.  Ke kuaila nei keia laau ma na wahi a pau o ka honua nei.  Ma Aukekulia:  o R. Towns & Co., o Sydney, N.S.W., ko laila Agena; ma Aferika Hema Depot:  Lennon, Ltd.  Na "Hoakaka no ka Hoola ana i na Bebe ame ko lakou mau kinaunau," he loaa wale no me ke kuai ole.

 HOOLAHA I KA POE HAHAI HOLO-

HOLONA, KAAHELE KUAHIWI, etc

* * *

KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKOU NO KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.

NA AHAMAKA, NA NOHO KAAHELE, AME NA NOHO KULE, NA PU AME NA POKA.

PEARSON & POTTER CO.,

LIMITED.

931 ALANUI PAPU.

HUI HOOLEWA HONOLULU

Ke hoolaio nei kela hui i kana mau hana kokua i kona mau lala.  I keia wa ua oi mamua o 1300 lala, a ke pii mau nei i kela ame keia la.

J. H. TOWNSEND, Kakauolelo.

Fidelity Funding Co.

KUKULUIA MALUNA O KE KANA-

WAI O KALEPONI,

E ninau ae i ka BANAKO WESTERN NATIONAL o Kapalakiko.

O keia ka hui mua loa o Amerika i hoapono ia malalo o na Kanawai o 1903 o keia Teritoria e uku ana $200 ma na ukukomo, hookahi dala i kela ame keia pule no 100 pule, a e hoihoi aku ana ia oe he $150.00 mahope o ia manawa.  100 pule, ua like la me 4 pule emi mai malalo o 2 makahiki.

E ike ae i kona mau agena, a i ole e kakau ae ia.

R. D. HIGHTOWER,

Agena nui ma Hawaii nei.

41 ame 42 Young Block, Honolulu.

E HELE MAI A E IKE I NA MEA

PILI I KA

O AMERIKA

Ka Maikai

Ka Pono

Ka Haahaa

E LOAA NO I NA LALA O KA AHA-

HUI HE $100.00 LILO HOOLEWA

INA IA E MAKE.

H. H. Williams

Mea Lawekupapau

LOVE BUILDING     ALANUI PAPU

Ke Hamama nei ka

Home o na I'a Ola

---I KEIA MANAWA MA---

Kapiolani Paka.

E WEHE HAMAMA IA ANA KA HOME O NA I'A ma na la apau o ka pule mai ka hora 10 a.m. a hiki i ka hora 5 p.m. a mai ka hora 7 a hiki i ka hora 9:30 p.m.

E WEHE HAMAMA IA ANA ma na Poaha apau me ka AUHAU OLE.  Ma na la e ae e auhau ia no he 19 keneta no na kanakamakua a he 8 keneta hoi no na keiki malalo mai o umi-kumamaha makahiki.

PAHA KA MOKU AILA.

KAPALIKIKO, Mei 23---ua pahu ae ka mokukuna Fanny Adele, ma kona uwapo e ku ana , me kona piha aila O na mokukuna la ua poino loa.

O ka hoea ana mai nei no la o na kopa auau hou loa ame na wallala, a peia no hoi na wehi o na wahine o ke ano hou loa..

O na Papale---e kipa mua mai oe lanei mamua o ka hele ana i na halekuai pipii ino loa o na kumukuai.  E hoae ma ka ikemaka ana.

FUKURODA

Helu 28-32     Alanui Hotele

Laau Kunu "Aeko"

Aohe hoopilikia, aka he maikai a hoola no na kunu, anu naenae ha-no, puu eha, kunu kalea ame na ano ma'i e ae o na akemama ame ka puu.

Kuhikuhi Lapaau

No ka poe oo, 2 puna ti piha; kamalii 10 a 15 makahiki, hapa puna ti; malalo o 5 makahiki, akahihapakolu puna ti, 6 a 7 inu ana o ka la.  Hoomakakaukauia e ka

Makino Drug Co.

Kihi o Alanui Hotele me Muliwai

Honolulu, T. H.

GOO KIM

[KUKIMA]

KIHI ON A ALANUI NUUANU ME HOTELE

Na Waiwai Lole Hou, na Waiwai Makamae, ame na Lole mauu etc.  Ke kualia nei me ke kumukuai haahaa loa

KE ANO E HIKI AI KE KAUPALE AKU I NA POINO.---O kela ka manawa kupono nou e hoolako ai ia oe iho ame kou ohana me kekahi omole o ka laau Chamberlain's Colic. Cholera and Diarrhoea.  He mea maopopo e makemake ia ana keia laau mamua o ka hala ana o keia kau wela, a ina paha oe e kii koke ana i keia manawa a hoea mai ka manawa e loaa aina haawina nawaliwali, e maalahi ana oe a e hoolilo ole ia ana kou manawa i ka holo ana mai i ke taona e kii ai, i ka po a i ole i kou manawa paha e paa loa ana i kau hana.  Ua hoikeila mai na wahi apau e kela ka laau oi loa o ka holomua no na ma'i o ka opu, a he maikai like ne hoi i na keiki ame ka poe i oo.  Aole he ohana e hoopalaleha wale a hoonele hoi liaia iho me keia ano laau.  Ke kuai ia nei ma na halekuai laau lapaau apau Benson, Smith & Co., Ltd., na Agena ma Hawaii nei.