Ka Nupepa Kuokoa, Volume XLII, Number 23, 3 June 1904 — LELE NAAUPO A LILO KE OLA. [ARTICLE]

LELE NAAUPO A LILO KE OLA.

Ma ke ahiahi o ke Sabati iho nei. ma ka hora 7. ua lele naaupo ae o Kaleikuaiwa he hapauea Hawaii, mai kekahi kaauwila e holo nei ma ke alanui Moi. a ma ia lele ana ua lilo aku kona ola. E holo ana ke kaa ia manawa no Kalihi. a i ka hiki ana i ka mahi laiki ,o Kapalama. ua lele aku la kona papale i ka makani. ke kumu hoi ona i iele aku Ua hoao ae ka ohi dala e paa aku ia Kaleikuaiwa mai kona lele ana, oiai e mau ana no ka holo o ke kaa, aka ua lohi lon kona hik**ana i kahi a Keliinui e noho ana. a iaia i lele al, ua pa po»o kona poo iluna o ke alanui. a waiho maule oia ma kahi ana i haule ai. O Kauka Walakahauki kekahi o na ohua iluna o ke kaa, a ua lilo koke ae malalo o kana lāpaau ana ke kanaka i poino, a nana I hoihoi ae no ka Halema'i Moiwahine. Ma ka hui kuka ana me na Kauka Wahie ame La, ua loaa iho la na hoike ua noha ke poo o keia kanaka. ke kakahiakanui o ka Poakahi ae i make ai oia.