Ka Nupepa Kuokoa, Volume XLII, Number 24, 10 June 1904 — Page 2
| This text was transcribed by: | René Doering |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, IUNE 10, 1904.
KA Nupepa Kuakoa
NO KA MAKAHIKI $2.00
NO EONO MAHINA 1.00
SUBSCRIPTION RATES
ONE YEAR $2.00
SIX MONTHS 1.00
O NA OLELO HOOLAHA APAU E KOOUNALA MAI ANA NO KA HOO@A@a MALOKO O KEIA NUPEPA, E @OOUNA PU MAI ME KA AUHAU, A INA AOLE, AOHE NO E HOOKOMOLA E HOIKEIA AKU NO KA AU@AU OLELO HOOLAHA KE UI MAI I KE KEENA NEI.
O na Dala apau a ka Pepa e Hoouna pololei ai i ka HAWAIIAN GAZETTE COMPANY, LTD.
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Honolulu, Panalaau o Hawaii, ma ke ano Mea o ka Papa Elua.
DAVID L.A-I, Lunahooponopono
S. K. NAWAA, Kokua Lunahoopponopono
A. W. PEARSON, Lunanui
HONOLULU, OAHU.
POALIMA, IUNE 10, 1904
E Hahana ana ke Kumu Pepeiao Democarata.
O ka noho ana o ka ahaelele Demokarata o ka Teritore Hawaii nei a hooholoia ai ka olelo hooholo e a'o ana i na elele lahui Demokarata Hawaii e komo pu aku iloko ona hana o ka Ahaelele lahui Demokarata o Amerika e malamaia ana i Sana Lui e kakoo no Mr. Hearst ma ke ano i moho Demokarata no ka holo ana i Peresidena no Amerika Huipuia no ke kau e hiki mai ana, o ka hana ana iho la pela oia ka hahana ana mai o ke kumu-pepeiao o Hawaii Demokarata.
E like iho la me ka hooholoia ana e ka ahaelele i malamaia i Progress Hall e hele aku na elele Hawaii i Sana Lui no ke kakoo na ia Hearst ia manawa no i hahana ai ke kumu- pepeiao ma ke kupeeia ana o ua poe elele la,a punukuia ko lakou mau mana kohoa malele aku ke kulana kuokoa, a oiai o keia poe elele Demokarata, e hele aku ana lakou no ka hoike ana ma ka aoao o na mokupuni a lakou i ku ai e like me ka hooholoia ana, oia hoi, elua no Hawaii, elua no Maui, elua no Oahu a koe hoi o Kauai no ka mea aole ona mau elele ilko o ka aha, alaila o na haawina i kauia kau la maluna o keia maluna o keia mau elele o na haawina no ia e kau ai maluna o keia mau mokupuni, ma kekahi olelo na ua kau mai ia na haawina hapakua maluna o ka Teritore Hawii ma ke kulana Demokarata, nolaila o ka haawina kupee ua kauhihi like aku ia maluna p ka Teritore a he haawina nui hoi ia.
A hala ia alaila kau aku na maka o ka hahana mai o na haawina i kela e malamaia ai o ka ahaelele wae moho peresidena kela ahaelele hoi e malamaia ana i Sana Lui o Amerika, a oiai aole i hiki mai ia manawa ua hiki ke hoomaopopo e ia aku na haawina e mahanahana ai ke kumu-pepeiao o Hawaii Demokarata i haawina e nana ku'emaka nui ia mai ai o na elele iloko o na mahele elua koe wale no a puka o Hearst a i ole puka ka moho Repubalika, a makou e manao nei e haule ana o Demokarata.
O ka aule ana o Hearst ma ke kulana peresidena, alaila akahi, o ka haule pa-hu ana no ia o keia olelo hooholo e ko ahaelele Demokarata o Hawaii i malamaia i Progress Hall, a o ka hoonawaliwali loa ana iho ia i ka ikaika o ke Demokarata Hawaii no ka wa mua a he hooemi ana mai ia iaia a makou hoi e akiuma mua nei he hana hawawa nui ia, a ua oi aku ka maikai loa i ka hoolhoe ana i ke a'o a ke Keikialii Kawananakoa ame kona mau hoa o ka manao hookahi.
O ka lua o ka ino e loaa mai ana oia no ka nana kuemaka nui ia mai e ka mho Demokarata i holo pu ai a lilo ka lanakila iaia, a haule hoi o Hearst, oiai aole he mea hiki ke alo ae i ka ike i ka oiaio o ia haawina i ka paholaia mai imua o na elele Hawaii mai keia Peresidena Demokarata mai, ma kona ku-e ia ana e keia mau elele ma ko lakou kakoo ana ia Hearst. He mea maopopo loa e ohaoha ana keia Presidena i kona mau hoa Demokarata i kakoo aku iaia a nana-kee mai i kona mau hoa o ka auna hookahi he auna nae i ku.e aku i kona holo peresidena ana, a o ia ano ina la ke manao nei ke Kuokoa e kauhihi mai ana ia lilo ana aku la o ua moho Demokarata la i Peresidena, ua kau aku la oia i poo aole no ka aoao Demoarata wale no, aka no Amerika Huipuia a oioi o Hawaii kekahi iiloko o ia huina, a no ka mea hoi na na Demokarata Hawaii ua Peresidena nei i hailuku mua aku i ka pohaku alaila aole e nele kona hailuka pohaku pu mai i keia poe elele a ia Hawaii Demokarata pu kekahi, e nele ole ai ka eha pu mai o Hawaii holookoa a makou e olelo nei he hana hemahema loa ka keia ahaelele i hana ai.
Mai maikai loa ina i hooloheia ke a'o noeau a ke eikialii Kawananakoa ame kona mau hoa o ka manao hookahi, a aole no e poho o ka hele kuokoa ana o na elele me kekahi a'o ole ae koho aku i ka moho nona ka okaika oi loa ae i ko na moho Demokarata apau.
Ka La Kulaia o ka Na'i Aupuni.
"Huro! Huro!! Huro!!! E olo mau loa ka inoa "Kamehameha I" ka na'iaupuni o ko Hawaii Paeaina, ke Aliiaimoku nana i hoohui i na mokupuni apau i hookahi e noho iloko o ka nohona honua ana, pela no hoi e hoomanao mau ia ai kona kulaia "La11 o Iune."
I ka la apopo e hanu hou ai ko Hawaii nei i ka hoomanao ana i ka la hanau o Kamehameha I, he la hanohano nui no na makaainana o ka Teritore o Hawaii, e manaoia oia ka la i haawiia mai ai ka noho kuokoa ana o Hawaii, ka la i haawiia ma ai o ka maluhia iaia, ka la hoi i loaa ai ia Hawaii ke kanawai kaulike, ka la i hamama ai na ipuka a olino mai ai ka malamalama iloko ona a auhee aku la ka pouli o ke ike o ka hooponopono kulana aupuni o ke au naauao; a i ke kanakamakua ana o ka mea nona ka la, a hului pau ae la ka ikaika limanui ame ka mana pakaha o na alii like ole e noho aumeume ana iloko o na mea apau iloko o ka pihaku'i no ka hookipa ana mai i ke au hou ma kekahi olelo moakaka ana ae o ka la "11 o Iune" ka la i hanau mai ke kanaka nana i hookahuli ia Hawaii ma ke kulana ano hou o ka hanohano, a Hawaii o keia la e hoomanao i keia la kamaahao nui wale.
Ma keia la i haawi mai ai na lani he kanaka nona na haawina oka noho hoomalu lahui ana i pili pu ia me ka ikaika kino ame ka iini ame ka noonoo, na pono hoi ana ihoohana ai iloko o na kahua kaua no ka hakoko ana e puka mai ka lanakila no ka pon kaulike o na mea apau a ikeia ai kona wiwoole, a puka ai ka olelo kaulana o ka wiwoole nui wale, "Imua e na pokii a inu i ka wai awaawa."
I na auwaakaua o Kamehameha I e mo-ku ana i ka aekai o Maui kokoe i Maalaea, oiani na pukonakona o Maui e hoonoohu mai ana iuka o ka aina me ka manao aole e lanakila na keiki o Keawe alaila huli ae la o Kamehameha i kona au lunakoa a haawi kauoha aku la e weheweheia na ama o na waa o lakou, a i ka maopop lea ana iaia o ka hooko pono ia ana o ke kauoha ua ike koke iho la oia he auwaa ama ole lakou he aianui hiki ole ke hoi hope, nolaila o ak la kona leo i aloha nui ia kona poe koa me ka pane ana "imua e na pokii a inu i ka wai awaawa, a aohe manao ana ae i koe no ke alanui e hoi ai i ko hope mau pono,"a me ia ano haawina iho la i papahi ai ka lanakila me Kamehamehy a o aku la ka leo mai ka waha aku o na makaainana "ka Na'iaupuni o ka Paeaina."
Na na lani no i haawi mai ma keia la ka mea haku kumukanawai o ka Paeaina Hawaii "He mmahahoe ko'u kanawai e hle ka palupalu ame ke keiki a moe i ke ala, aole mea nana e hoopilikia," ke kumukanawai hoi nana i hoohanau mai i ka maluhia no ka, manawa mua lia a pau ka pepehi wale ana hoi i ka makemake o ke kumukanawai o ke Akua, "ke Aloha."
Na keia la kulaia ia i hoopuka mai ia a ikea i ke ao nei.
Ka Ahahui Euanelio Paeaina.
O ka malamaia ana o ka Ahahui Euanelio o ka Paeaina Hawwaii ma Lihue, Kauai, i keia kau, a oia no hoi ke kau kanaha-kumamakahi, o ia kau ka mua loa o ka loli ana o na hana mai ke ano i maa mau iloko o na hana o keia aha a na keia aha i wawahi a kula'i aku i na ano hou o ka Aupuni o ke Akua iwaena o na ekalesia ahahuina.
O ka hoike mua o ka ikeia ana o keia loli hikiwawe ana mai ke ano kumau oia no ke kohoia ana o na lunanui, ka peresidena he kanaka aole i kahunapule ma ka hoopihaia ana e Lunakanawai H. K. Kahele, he haawina malihini loa hoi oiai o ka maamau oia no ka hoopihaia o ia wahi hanohano e ke kanaka i hoolaaia no ka oihana kahuna, a o keia ano haa wina malihini o ia no ka i kau pu ia aku maluna o ka oihana kakauolelo ma ka hoopihaia ana e Lunakanawai David Kapahee aloe i ka mea iaia ka oihana laa.
O kekahi o na haawina nana i hoike ae i ke ano hou o keia kau o ka ahaolelo o ke Aupuni o ke Akua oia ka like ole o na papahoonohonoho hana i ko na kau i hala a ua maikai maoli no na hooke hanakoe wale no na'e ka malele ole ana o ke ano hookuanui hana. A aole no hoi e hiki ke nalo o ke ano hou loa iwaena o na lala ame na ekalesia oiai ua hui pu mai na paahana o na lahui e, e laa ka Iapana, Pake, Haole ame Pukiki, pela hoi i komp like mai ai ko lakou mau ekalesia ma keia huina hui nui hookahi ana, ka manao o keia mau ekalesia like ole ma o na paahana pakahi apau.
Ma na mea apau ua maikai na hoohana ana aka aole e hiki ke hoopoinaia na aku ka ohana Ric, sIenberg ame na Wilikoki, ame ke komike malama ola ame na makuahine i hookauwa ia lakou iho ma ka lawelawe lima maoli ana o Mrs. Rice, Mrs Hanaike, Mrs. Kahele ame na wahine opio i komo laulima i na hana maikai.
Iwaena o na hoike manao ana o na haioleleo kalaimanao o ka Ahahui Euanello i noho mai nei i Lihue i ka poe i haawiia aku na lakou e kalai i na kumuhana i hoomaopopo mua e ia ka home, ka ekalesia, na kula ame ka noho maemae, ua hiki ke hoomaopopoia aku ka paka like ia o na ino o na lahui like ole iloko o Hawaii Teritori-ko na Haole ma ka waiona, ko na Hawaii ma ke kuulala, aka, aole i malele aku na hoike manao o kekahi oiai ua hoike ae kekahi aia he kanaha pakeneta iwaena o na whine Hawaii i lilo aku iloko o na hana kuulala, a makou e manaoio nei aole o na wahine Hawaii wale no ka iloko o ia ino ina ua pololei ia helu pa-keneta, aka me ka hoohekahi ma ia ino hookahi e like me kela i hoopau-aia ai e ka oihana makai a ina nei no ka loaa pono ina ua wi ka niho o ka poe ha'iha'i kanawai, a aloe wale no i keia mau lahui aka aia ia ino apuni ka honua no o na mea apau me wale no ka poe i paa mai ia lakou mai ke kuu ana aku ia lakou iloko o ia ino a iloko o na ino e ae.
Hui Alu hana na Paahana.
(mai ka aoao 1 mai.)
O kekahi kumuhana i paipaiia ai ka noonoo o na opio hooikaika pono oia kekahi o na manao i haawiia mai e ke kahunapule Pake he haiolelo e hoike ana i ka nui noeau-a ma ua manao paipai la ina he mea hiki e kukuluia i pepa a o ka mea oi loa ma ia hana e haawiia na hookupu ana a o ke komite nana ka hooikaika e piha ai ka haneri dala manawalea e papahiia oia me na hoomaikai.
O ka Papa Hawaii kekahi i komo pu aku iloko o na hana ma kona malama ana ae i kona mau halawai kahi i puka mai ai na kumuhana maikai i waihoia ai iloko o ka Ahahui Euanelio Paeaina no ka hoaponoia mai a ma ka aponoia ana e ka Ahahui i maopopo ai na lunanui o ka Papa Hawaii no ka makahiki e hele nei- Persidena P. C. Jones; hope peresidena, W. W. Hall; Kakauolelo, Rev. Westervelt; kakauleta, D. Scudder; puuku, T. Richards; iunahooia ma na makalua i hoohakahakaia oia e Keliinohopono, W. R. Kakela ame Bowen.
Ma ka waiho ana aku o ka Papa i kana poe inoa i waiho aku ai no ke aponoia mai ma ke ano elele no ka holo ana i Amerika Huipuia no ka hui pu ana iloko o ka Ahaelele e malamaia ana i ka mokuaina o Iowa ua aponoia ae me ko lakou mau hope ina nei no ka hiki ole o kona mua. He eiwa ka nui o na elele a he eiwa mau kokua, ekolu haole, elua Iapana ame Pake, eha Hwaii.
Mai ka Poakolu ka malamaia ana o na hana a hiki i ka Poalua iho la, aka aole i poinaia na hana hoohauoli i malamaia no keia mau aha- o ka huakai holo kaahi mai kahi hoolulu aku i Lihue a pii i ka waihi o Waiehu kela wahi kaulana kahi o na haupo lewalewa a ma na mea apau ua maikai na hana no na mea apau ua maikai na hana no na mea apau i hiki kino ae ilaila; a i ka po iho i malama ia ae ai ka ahamele kahi i loheia aku ai na puukani o Kauai ame kekahi mau kalapu o na mokupuni e ae. Ua nui no na okeni'i laulimaia ae ia po. I ke Sabati ae ka hoike kula Sabati o na kula Sabati o ka mokupuni o Kauai, ka hana hoi i hoohala ae ai na makaikai malaila a ua maikai na mea apau i malanaia.
O Hearst ka na Democarata Moho.
(Mai ka aoao 1 mai.)
i komo kokua aku i keia manao o Mr. Harvey, oia no hoi ke ku-e ana i ka hoouna ana i na elele Hawaii me na a'o no ke koho ana ia Hearst. Malia o Herast ka moho lalo loa o ka papainoa o na moho holo peresidena Demokarata a oiai ua kupeeia na elele Hawaii nona e hoomau anei lakou no ke koho ana i ka moho lalo loa? E noonoo mua me ka moakaka lea mamua o ka lele ana iloko o ke kawa.
O Bpikane, Manase ame kekahi poe e iho ua hoike manao ae no lakou no ke kakoo no ka hoouna ana i na elele e koho no Hearst i moho peresidena no Amerika Huipuia, a ua ku-e ae no hoi o W. A, Kinney ame kona mau hoa, a ma ka wehewehe manao ana o ka Lunahoomalu, Iaukea no ka hoouna aku iaia i Sana Lui no ke kakoo ana ia Hearst i moho peresidena ua noiia ae la e ninau i ke kumuhana no ka hooholo ana a hooholoia no hoi ka olelo hooholo ma ke koho ku ana iluna. Pela iho i maopopo ai ka hele aku o na elele Hawaii Demokarata i ka Aha Nui i Sana Lui no ke noho Peresidena o Amerika Huipuia.
Komisina Kanawai Kalana.
Ma ka auwina la o ka Poaha i hala i malama ae ai ke Komisina i hookohuia ai e Kiaaina Carter no ka hana ana i kanawai kalana a hookomo ae iloko o ka Ahaolelo e nho mai ana o keia makahiki ae. Ma ke keena loio o Henry E. Cooper i malama ae ai ua komisina la i ka lakou halawai. Ma ia halawai ana ua koho ae lakou ia komisina.
Ua kohoia ae o Crabbe i komite o hookahi lala e hui aku me ke Kiaaina a noi aku iaia i kekahi keena o ka Halealii i wahi e kekahi keena o ka Halealii i wahi e halawai ai o ke komisina. Ua manao wale ia aole e loaa mai o ke keena o ka Hale o na Lunamakaairrana i ke Komisina.
Ma ia halawai ana ua hooholo na komisina e malama i ko lakou halawai i kela ame keia Poalua ma ka hora 7:30. Ua ala mai kekahi ninau ma ia halawai ana , a o ka hopena'oia ka hooholo ana o ke komisina e wehe ia ka halawai no ka lehulehu. Ua manao ia e loaa aku ai he mau manao mai na makaainana aku.
Ua noiia ae o Cooper e haiolelo maluna o ke kumuhana kanawai Kalana ma ka halawai mua o keia komisina.
Na Kula Kamehameha.
Ma ka Poalima o kela pule aku nei i hoomaka ai na hana hoike o na Kula Kamehameha, e hoomaka ana hoi mai ke Kula Pokii mai o ma Keikikane. Ma ia la i malamaia ai na hana hoike o ia kula, a ma ka Poakahi nei ko ke Kula Kaikamahine.
Ma ka auwina la Poakahi nei i malama ae ai ka papa e hemo ana o na keikikane i ka lakou hana kanulaau no ka hoomanao ana i na la o ka noho inea ana ma ia home imi naauao, a malaila ae ka poe i konoia no ka makaikai ana i na hana. O ka laau a lakou i kanuia ai aia mauka iho o ko lakou halepule.
Ika po iho i malamaia ae ai na haiolelo ame na himeni o ke Kula o na Kaikamahine maloko o ko lakou halepule. Okeia na hana haiolelo a na haumana i hemo mai i keia makahiki. He ewalu ka nui o keia poe kaikamahine, oia o Editk Leilani Dunn, Annie Claire Davidson, Hattie Hiilani Jones Victoria Kekaihaakuloulani Mahikoa, Iwakilaukapu Augusta Scholtz, Hannah Keakalani Sheldon, Hakamaikalani Wongkong ame Henrietta Weloulani Scholtz.
HOOLAHA MANAO E PANIKU A NO KE KUAI
WONG SHIU KING.
Malalo a ma ka pono o ka mana o ke kuai i hanaia iloko o kekahi moraki i ka la 7 o Dekemaba, 1900, i hanaia e Wong Shiu King, Ho Poi, Lum Fai, Y. Chock Hin, Pang Kin Fai, ame Wing Sun Hing, no Honolulu lakou apau, Mokupuni o Oahu, Poe Moraki Mai, ia Yee Sing Tie(he hui) no Honolulu i olelo mua ia ae nei, Poe Paa Moraki, a i kakau kopeia iloko o ka Buke Helu 213, aoao 490-493, o ke Keena Hoono Aina o ke Aupuni (he moraki hoi i hooliloia e Yee Sing Tie i oleloia ia Lewers & Cooke, Ltd., he Hui Hawaii e lawelawe oihana kalepa ana iloko o Honolulu i olelo mua ia ae nei, ma kekahi palapala i hanaia i ka la 1 o Novemaba, 1902, a i kakau kopeia iloko o ka Buke Helu 239, aoao388 ame 389, iloko o ke Keena Hoona aina i oleloia) a mamuli o ka Mokuna XXXIII o na Kanawai Ahaolelo o 1874 e pili ana i ke "Kanawai i hanaia no ke Kuai" ame ke Kanawai (MokunaIX o na Kanawai Ahaolelo o 1890) e pakui ana ia mea hookahi, o Lewers & Cooke, Ltd., i oleloia, ma keia ke haawi nei i ka hoolaha no ka manao e paniku i ka moraki i oleloia no na kumu i uha'iia, e hoike ana: o ka uku ole ia i ka manawa e uku ai i ka huina kumupaa o Elua Kaukani Dala $2,000.00) i hoopaaia e ka moraki i oleloia.
Ke haawi pu ia aku nei no hoi ka hoolaha o ka waiwai apau i hoopaaia iloko o ka moraki i oleloia e kuaiia ana ma ke kudala akea ma na keena kudala o wWill E. Fisher, Helu 180, Alani Kalepa, Honolulu i olelo mua ia ae nei, ma ka Poaono, la 2 o Iulai 1904, ma ka hora 12 awakea o ka la i oleloia.
O ka waiwai i hoopaaia iloko o ka moraki i oleloia oia keia:
O kela apana a mahele o ka aina apau loa (he hapa o ka aina i hoakakaia iloko o ka R. P. 1985, L. C. A. 6245 ia Kalaeokekoi no Kalakini) e waiho la ma Kamakela, Honolulu i olelo mua ia ae nei a i ikeia ka Apana Helu 2 o ka Home Hookuonoono Buckle a i apoia a hoakaka maopopo loa ia e like me ia malalo iho nei: E hoomaka ana ma ka ma-ka ma ka aoao Hikina Hema o ke Alanui Vineyard i mamao he 191 1-2 kapuai Hikina Hema mai ke kihi aku o na alanui Liliha me Vineyard a malaila aku holo:
(1) Hema 53 deg. 50 min. Kom., 83 5-10 kapuai ma ka Apana Helu 1 o ka Home Hookuonoono Buckle; malaila aku holo
(2) Hema 36 deg. 10 min. Hik., 75 kapuai ma Alanui-olo-li Buckle; malaila
(3) Akau 53 deg. %0 min. Hik., 89 5-10 kapuai ma ka Apana Helu 3 o ka Home Hookuonoono Buckle; malaila aku
(4) Akau 40 deg. 45 min. Kom., 75 2-10 kapuai ma ke alanui Vineyard i oleloia a hiki i kahi i hoomaka ai a nina ka iliaina o 6496 kapuai kuea.
Pau pu me na hale, na hana hou, na kuleana ame na pono hooilina apau o ua waiwai la a i pili aku ilaila i kaa aku nae malalo o ka moraki i hoopiaaia ia A. A. Halelea, Kahu o ka Waiwai o J. H. Coney, i hanaia i Iune 28, 1900, a i kakau kopeia iloko o ka Buke Helu 207, aoao 338-340, o ke Keena Hoona Aina i oleloia, a i ka huina no hoi o Umi-kumamalima Haneri Dala ($1,500) ame ka Ukupanee i hoopaaia.
LEWERS & COOKE, LTD., Ma o F. J. Lowery, Peresidena.Ea Paa Moraki.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.
No na mea aku i koe e ike e ike ae ia Holmes & Stanley, Honolulu, na Loio noka Mea Paa Moraki.
Hanaia Iune 9, 1904.
3019 - June 10, 17, 24 - July 1.
HOOLAHA AINA AUPUNI.
Ma ka Poalua, Iulai 5, 1904, ma ka hora 12 awakea, mamua iho o ke alo o kaHale Hookolokolo, e kuai ia aku ana ma ke kudala akea ka hoolimalima ao na aina malalo iho nei e waiho la ma Anahola, Kauai:
25 eka aina mahi laiki.
14 eka oi aku a emi mai paha, aina kula.
Manawa hoolimalima, 5 makahiki mai Augate 1, 1904, aku.
Uku Hoolimalima haahaa, $542.00 no ka makahiki, e uku hapa makahki ana ma ka hookaa mua.
No ke kii aina ame na mea aku i koe e ike ae ma ke Keena o na Aina Aupuni, Honolulu, Oahu.
JAS. W. PRATT, Komisina o na Aina Aupuni. Keena Aina Aupuni, Iune 3, 1904. 3019 - Iune 10, 17, 24 - Iulai 1.
NA MA'I PILIKIA LOA.
Ua maopopo no i na poe apau o ka ma'i nawaliwali mamuli o ke kolera oia kekahi o na ma'i eha loa a hoopilikia i ke ola i ikeia iloko o keia ola ana maluna o ke kanaka, a o kekahi no hoi o ka nui o na make i loaa mai mamuli o keia ano ma'i oia kona mea e maka'u ia ai e like me kekahi mau ma'i hoopilikia e ae. I kekahi manawa he make ka hopena mamua o ka hiki ana ke kii aku i ke kauka a i ole mamua o ka loaa ana o ka laau. O ka loaa ana i keia ano ma'i he hoea mai me ka maopopo mua ole a he mea mai me ka maopopo mua ole a he mea maikai i kela ame keia ohana ka lako ana me ka laau. Oka laau lapaau Chamberlain's Colic, Cholera and Diarrhoea oia ka laau hiki ke hilinai ia a ha laau hoi e loaa koke ai ke ola ke haawiia i ka manawa e kau ai ka ma'i a he kaupale maikai hoi mai ke komo ana aku iloko o ke kulana pilikia. Aole he manawa i hoookaia ai ka poe i lawe i keia laau a he maikai no hoi ka lawe ana. He mea maikai i kela ame keia ohana e loaa kekahi omole o keia laau ma ko lakou mau home. E kii ae i keia la. Malia o ke ola keia. Ke kuaiia nei e kela ame keia halekuai laau lapaau. Benson, Smith & Co., Ltd., na Agena ma Hawaii nei.
HOOLAHA MANA HOOKOLOKOLO
ILOKO O KA AHA KAAPUNI O KA APANA KAAPUNI EKOLU, TERITORI O HAWAII, MA KE KEENA HOOPONOPONO WAIWAI.ILOKO O KA HANA O KA WAIWAI O LUKIA KUAIMOKU, MEA I MAKE.
Kauoha o ka hooHoolaha no ka Hoolohe ana i ke Noi no ka Aponoia o na Hoike Helu WAwai Hope loa, Mahelehele ame Hookuu ana.
Ma ka heluheluia ana ame ka waihoia ana mai o ke Noi ame ka Hoike o na Helu Waiwai o John D. Paris, Lunahooponopono Wawai o ka Waiwai o Lukia Kuaimoku i make, iloko olaila i noi ai oia e aeia aku i $820.42 a auhau no oia iaia iho me ka huina o §4,108.00, ame kana noi e nana ono ia mai ka hoike ame ke aponoia mai, a e hoopukai mai i kauoha hope loa no ka mahelehele ana i ka waiwai i koe iho iloko o kona mau lima i ka poe apau i kuleana iloko olaila ame ka hookuu mai na ko'iko'i aku apau ma ke ano lunahooponopono o ka Waiwai o Lukia Kuaimoku i make.
Ua kauoha pu ia no hoi o ka Poaha, ka la 30 o Iune, A. D. 1904, ma ka hora 10 a. m., imua o ka Lunakanawai o ka Aha i oleloia ma ke Keena Hookolokolo o ua Aa Hookolokolo la i oleloia ma Kailua, Mokupuni o Hawaii, oia kahi ame ka manawa i hooholoia no ka hoolohe ana i ke noi i oleloia ame ka Hoike Helu Waiwai, a o ka poe apau i kuleana iloko olaila e hele ae ma ia wahi a i ke kumu, ina he mau kumu kekahi a lakou, no keaha la e ae ole ia ai ia mea ame ka waiho pu ae i mau hoike no ka poe apau i kuleana iloko o ka waiwai i oleloia,
A he hoolaha no hoi o keia Kauoha, iloko o na olelo Beritania ame Hawaii, e hoolahaia iloko o na nupepa Evening Bulletin ame Kuokoa i pa'iia a hoopukaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua iho o ka manawa i hooholoia iloko nei no ka hoolohe i oleloia.
Hanaia ma Kailua, i keia la 9 o Mei, 1904.
Na ka Aha: J. P. Curts, Kakauolelo.
3016 - Mei 20, 27 - Iune 3, 10.
HOOLAHA MA KE KAUOHA.
KEENA PUUKU.
KEENA HOONA AINA.
OIsaac Ihihi ua hookohuia aku oia i keia la i Hope Lunakakau Kope Hoona Aina no ka Teritore o Hawaii, me ka mana e hooia i na hoike o na palapala oihana no ke kakau kope ana.
CHAS. H. MERRIAM,
Lunakakau Kope Hoona Aina.
Aponoia:
A. J. CAMPBELL,
Puuku.
Honolulu, T. H., Iune 1, 1904.
HOOLAHA I KA POE AIE.
WAIWAI PAA O J. P. MIOI.
Ke haawi ia aku nei ka hoolaha e S. K. Mioi, Lunahooponopono Waiwai Paa o J. P. Mioi i make, o ka poe apau loa he mau koi ka lakou iloko o ka waiwai i oleloia, ke ha'i ia aku nei lakou e waiho ae i ua mau koi la, me na kou hooiaio i hooiaioia ame na palapala kikoo pololei, ina eia kekahi oia ano ke waiho nei a ina no hoi oia koi ua hanaia ma kekahi molaki maluna o ka Waiwai Paa, i ka mea nona ka inoa malalo iho nei ma Kailua, Kona Akau, Hawaii, a i ole e hoole loa ia no ia mau koi no ka wa mau loa.
S. K. MIOI.
Lunahooponopono o ka Waiwai o J. P. mioi i make.
Kailua, Kona Akau, Hawaii, Mei 17,1904.
3016 - Mei 20, 27 - Iune 3, 10.
HOOLAHA I KA POE AIE.
WAIWAI PAA O EKEKALA MALANI
Ke haawi ia aku nei ka hoolaha e Malani, Lunahooponopono Waiwai Paa o Ekekala Malani, mea i make, o ka poe apau ke mau koi ka lakou iloko o ka waiwai paa i oleloia, ke ha'i ia aku nei ia lakou e waiho ae i ua mau koi la me na hooiaio i hooiaioia ame na palapala kikoo pololei, ina eia kekahi oia ano ke waiho nei, ina eia kekahi oia ano ke waiho nei, ina no o ua koi la ua hoopaaia e kekahi molaki maluna o ka waiwai paa, i ka mea nona ka inoa malalo iho nei, ma Keauhou, Kona Akau, Mokupuni o Hawaii, a i ole ia G. F. Maydwell, Holualoa, Kona Akau, i olelo mua ia ae nei, kona loio, iloko o na mahina eona mai keia la aku, a i ole e hoole loa ia no ia mau koi no ka wa mau loa.
MALANI,
Lunahooponopono o ka Waiwai Paa o Ekekala Malani i make.
Keauhou, Kona akau, Hwaii, Mei 17, 1904.
3016 - Mei 20, 27 - Iune 3, 10.
OLELO HOOLAHA.
Ke kauoha nei ka mea nona ka inoa malalo iho nei ia Frank Halstead a i ole ia Henry Wharton, e hoihoi mai ma ko'u lima i kuu Palapala Sila Nui Helu 335 i hoopukaia ia Kuamanu a i hoikeia ma eka he 120, olai ua hooili aku wau i ko'u mau kuleana apau, ka mana apau maluna o ko'u au hooilina.
PUAIOLE MAHELONA, Honolulu, Iune 1, 1904.
3018 - June 3, 10.
DENEVA, Iune. Ua Kukalaia ae nei ke kanawai koa ma ke Kalana o Teller. Ke maka'u nei na poo aupuni p puhi ia ka taona o Victor i ke ahi mamuli o na manao inaina e laha nei. LILO O OREGONA I NA REPUBALIKA.
PORTLAND, Ore., Iune 8. Ua lilo ae nei i na Rupubalika o Oregon nei ma o na balota oi he 2000. Ua kohoia ae o Herman ame Williamson i ka Ahaolelo Amerika me ka oi kiekie.
HOOLAHA KUMAU
LEWERS & COOKE
LOI AME KUKE, Kaupalenaia
Na Mea Hookomo mai a Kuai ak@ i na
LAKO HANA HALE
O Kela ame Kena Ano. Malaila e loaa ai na mea maialo @@@
NA PAPA N. W., NA PAPA HOLEPILI HALE, NA PUKA, NA OLEPELEPE AME NA PONO PUKA ANIANI, NA KUI, AME NA MEA PILI @ KA OIHANA KAMANA, NA PONO PENA.
NA PENA LIKE OLE AME KA HULU PENA, NA ANIANI, NA PEPA HALE, PALE PUKA ANIANI, MOENA, ETC.
O na kauoha pono hale apau loe @ hiki mai ana ia makou e hooko kohe ia no me ka eleu ame na KUMUEU@@ HAAHAA LOA.
LWERS & COOKE
Hui Alahao ame Aima o Oahu
MANAWA HOLO MEI 1, 1903.
image of a steam locomotive
MAI HONOLULU AKU
No Waianae, Waialua, Kahuku Ame na wahi hoolulu ma ke alahae 9:15a. m., 3:30p. m.
No Pearl City, Ewa Mill, ame na wah@ hoolulu ma ke alahao 7:30 a. m.
9:15a. m., 11:05a. m., 8:15p. m.
3:20 p. m., 4:15p. m., 5:15 p. m.,
9:30 p. m., 11:15 p. m.
MAI WAHO MAI
Ku i Honolulu mai Kahuku. Waialua ame Waianae mai 8:36 a. m., 5:31 p. m.
Ku i Honolulu mai Ewa Mill ame Pearl City mai 6:50 a. m., 7:46 a. m.,
8:36 a. m., 10:38 a. m., 2:05 a. m.,
4:31 a. m., 5:31 p. m., 7:40 p. m.,
5:31 p. m., p. m., 7:40 p. m.,
Kela ame keia la.Sabati wale no. Koe ke Sabati.
G. P. DENISON, Luanahoohana. F. C.SMITH. G. P. & T. A.
Kakela me Kuke (Kaupalenaia)
Poe Kalepa ma ke Komisina
: : AA HE : :
POE LAWELAWE KOPAA
Poe Agena no na Ma hiko Lehulehu.
KAUKA T. MITAMURA
Alanui Kukui Ololi Helu 6@, Hoaoiui@. Na Hora Hana:
Hora 9 a. m. a 12 m; 6:30 p. m. a 7:30 p. m. Sabii, Hora 9 a. m. a 10:30 a. m. Telepone Blue 236@ P. O. Box @@@
Ina He Makemake
Kou i ka
Lauoho Maikai
E HELUHELU I KEIA.
Malia paha ke pau nei kou lauohe ka helelei, a koe kakaikahi. E ka@ i ka laau mamua o ka pau loa ana i ka helelei, e hana i laau e ulu hoe ai. O ka laau
" Laau Hooulu Lauoho a Ayer's "
Ka mea e ulu hou ai. He nani ka lauoho ke ulu mai, a he nui hoi.
Ina he nawali ka ulu ana o kou la@oho, o ka
"Laau Hooulu Lauoho a Ayer's"
ka mea e manoanoa ai ka ulu ana @ ke loaa i keia laau pau loa ka helelei ana. I
na he piha kou poe ke Kepia, o ka
" Laau Hooulu Lau oho a Ayer'"
ka laau e pou ai a maemae kou poe Ke loaa i keia laau e hoi hou ana ka ulu ana o kou lauoho a like me k@ kou wa bebe.
Hoomakaukau ia e Kauka J. C. Ayer's & Company. Lowell. Mass. U.S.A.
E loaa no keia mau Huaale ma ka Hale Kuai Laau o Hollister, ala@@@ Papu.