Ka Nupepa Kuokoa, Volume XLII, Number 24, 10 June 1904 — Page 5

Capital letters are not capitalized; some missing punctuation marks; 1st, 3rd and 4th column - missing paragraphs and missing words; 2nd column - misspelled words; 5th column - missing words, paragraph indentation missing. (Maybe next page will be less a headache)!

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA IUNE 10, 1904

 

Nuhou Kuloko

 

            Apopo ka la 11 o Iune, he la kulaia hoi no ke aupuni  Aole he mau hana e hana ia ana ia la.

            Eia o Kiaaina Atkinson ke noonoo nei a ke huli nei i ke noi a John Kekoi, he Hawaii i hoopi’iia e Lunakanawai Liilii.

            He heihei lio ke malama ia ana ma Kapiolani i ka la apopo, a ke hele oe ilaila mai poina i ka Home o na I’a @ makai ae o ka paka.    

            O ke pa’i ana i na kii kaua ma ka papa he mea ohohia nui ia kela o ka papa  ma Kalaupapa nei.                  

M.K. MAKAENA.

            Aole he mau hoohalahala mai na lala @ o ka Ahahui Euanelio i holo aku nei no Lihue, Kauai, no ka malama ana a na kini o ia kaiaulu i na malihini.  Ua ai a ua hewa ka waha.

            I Lihue, Kauai, aku nei o Lunamakaainana Paele, i ka Ahahui Euanelio, i ka kuli hoi ana mai ua pau na ilikaa @o ma i ka piko pau i ka iole i ka aihue@.  ua paa ae ka mea i hoohuoiia i ka hopuia.

            Ma ka la 30 o Mei, ua kii ae la ka Anela o ka make a lawe aku la i ka hhanu ola o Mr. G. Hulihee Kupapaulu ma Kamaoa, Kau, Hawaii.  He ohana kona e noho aku nei me ka luuluu nona.  Aloha no!

            I ka la 5 iho nei ka pau ana o ka manawa o na Lunakanawai o ka Aha Kiekie.  Ke kali ia aku nei o ka hoea mai o na inoa o ka poe e hookohu ia nei ana e Peresidena Rusawela i pani i na makalua o na lunakanawai i pau.

            Ma ka Poakahi nei loaa mai ai he lono telegarapa ia Kiaaina Atkinson mai ia Elele Hawaii Kalanianaole mai Kapalakiko mai e hoike mai ana ua hiki aku oia ilaila me ke olakino maikai.

            O ke keiki momona hookahi apuni ke ae holookoa aia o Willie Harris no Indiana, he Amerika keia keiki.  He umikumamawalu no ona mau makahiki, a he 593 ka nui o kona mau paona kaumaha.

            Ua hemo ai kekahi ko’e mai kekahi keiki uuku mai nona na makahiki he hookahi ame na malama he eiwa, nona hoi ka loihi o ewalu iniha.  Ma Kalihi ae nei keia meahou, a o ke Sabati i hala ka manawa i hemo ai o keia ko’e.

            He nui na leta e ninau mai nei ina paha eia i Honolulu nei ka agena o ka hui Daimana i puka iho nei ma ko makou mau helu i hala.  I haina no ia mau leta ke ha’i akunei makou, aole hia no i Kikako a ilaila no e kauoha aku ai.

            Eia ke hopuhouia mai nei na koa Amerika i holomalu ai na mokukaua i ku iho nei maanei.  Mamua o ka haalele ana mai o ia mau moku ianei ua hoolaha mua ia ae na makana no ka hopu ana i na koa mahuka.

            I keia helu pau ka Moolelo Hawaii a ma keia helu ae e hoopukaia aku ana ka moolelo o ke kaua mawaena o Rusia ame Iapana, i hooponopono ia e ka makou hoaloha Bernard H. Kelekolia.  He moolelo keia e wehewehe nui ana i na kulana pakahi o na aupuni elua e paio mai  nei, ame ke kumu o ke ala ana mai o keia kaua.

 

Hoala hou i ka Hui Kawaihau

            He mea hauoli ka loaa ana mai o a hoike ua hoala hou ia ae nei ka hui himeni Kawaihau, kekahi o na hui nana i hookaulana ia Hawaii nei ma kela mea he himeni, a o kekahi hoi o na hui kahiko loa o Hawaii nei i kukuluia no ka hoohauoli ana iloko o na anaina hoolaulea ame na ahamele.

            Ua hoi hou ae nei na puukani o ua hua la na lakou hohi i hapai i ka poka a Kawaihau, a komo iloo o ke apo kahio a lakou i pupuu like ae i ka hauoki o Kalepone O Kimo Ko kela leo tena kaulana o Hawaii nei, a e noho hana mai nei ma ka oihana makai o Honolulu nei, aole e nalo ana kona helehelena kanka u’i mamuli o kana hana e hana nei, aka e komo pu ana no ia a e lohe mau ia ana no kona leo ena waikoloa.  O solomona Hirama, ko Hawaii nei kanaka i noho loihiiloko o ka hana himeni ua hoi ae nei a e lohe ia ana kona leo alakai iloko o na anaina a keia hui e komo aku ai ma keia mua oku.  O John Edwards ame Ben Jones aole laua e nalo ana, aka e lohe ia ana ko laua leo i ke aheahe malie, oiai ka “basso” e halulu ana ma o Ben Jones la.

            O ka poe kahiko i komo ae nei oia o Major Kealakai Palipaku ame John Bright.  Iwaena o ka poe hou i komo ae nei o Jim Kulolia, Joe Kulolia, George Nahaolelua, John Nahaolelua, Samuel Nainoa, Bila Keawe, Kapule, Paakea, Duke Kahanamoku ame kekahi poe e ae.

            Ma keia hoala ana ae nei ua hiki i ka hui Kawaihau ke hoolako aku ia elua a e ole ekolu aha hoolaulea i ka manawa hookahi.

            O ka hapanui o na keiki o keia hui Kawaihau i hoala hou ia ae nei ua kamaaina ia lakou kekahi mau mokuaina ame na kaulanakauhale o Amerika oiai ua kaahele aku lakou malaila he mau makahiki i hala ae nei, a ma ka lakou mau kaahele ana i ume loa aku ai ke ohohiaia o na mele Hawaii iloko ona puka pepeiao o ka poe ilikea.

            Ma keia hoala ana no hoi ua waiho ae nei keia poe loea mele Hawaii i ke alakai ana malalo o Kale Hapakini ko Hawaii nei opio nana e hoonohonoho nei i na mele Hawaii iloko o na hua mele hiki ai i ka poe aole i mele mua ia mau himeni, he ike nae i ka ua mele ke mele.  O na kukai ana o keia hui ma keia mua aku e hui aku me ka opio nona ko inoa i ha’iia ae nie maluna.

            No kekii o ka hui enana ma komakou aoao moolelo.

 

Paaia kekahi Mokuahi Amerika

 

            He mau pule ae nei i hala i loaa mai aia na lono hoohuoi maanei no ke piholo ana o ka mokuahi Hongkong Maru, aka ma ka lono hope loa i loaa mai nei i maopopo loa ai aole i oiaio ia mau lono a eia no ua moku la ke holoholo mai nei ma kona kulana hou, he mokukaua holo mama no Iapana.  I ka wa o ka mokuahi Hyades i haalele aku ai ia Moji, Iapana, e holo ana hoi no Seattle, Amerika, ma kana huakai hope aku nei no na kai o ka Akau, ua paaia ae oia e ka mokukaua holo mama Hongkong Maru.  Ua ike aku no aliimoku o ka mokuahi Hyades i kekahi moku e holo mai ana mahope o lakou a e ka hora 9 p. m., ua kokoke mai la oia me lakou.  I ka wa he elua mile mai kahi ai o ka mokuahi e holo ana, ua ke mai la ka Hongkong Maru i kekahi poka ma ka ihu o ua mokuahi la, a na keia poka i hoopaa i ka holo ana o ka mokuahi, eia nae aole he waapa i hoouna ia mai ka Hongkong Marumai, nolaila i hooholo ai ke kapena o ka mokuahi e hoomau aku i ka holo ana.  I ka ikaika loa ana aku o ka holo o ua mokahi la, ua ki hou ia mai he elua poka, a ku hou iho la ua moku la.  Mahope mai ua hiki aku la kekahi waapa me na luina ame kekahi aiiikoa, nona paha na makahiki he iwakalua, ma ka aoaoa o ua mokuahi la a pii aku la iluna.  Na keia aliikoa i nana i na palapala o ua mokuahi la a ninau aku la heaha la na ukana o ka moku.  Ua pane hookolohe aku kekahi wahi luina o ka mokuahi, o ka ukana o ua mokuahi la no Rusia, oiai e kukulu aku ana na Rukini i mau hale nui ma Poto Ata, a e lilo aku ana hoi i na Kepani ke lilo aku ua wahi la ia lakou.  Ua minoaka iho ua aliikoa la, a mahope o kona huli ana no kekahi manawa loihi i na hoike e pili ana no na ukana o ua mokuahi la i haalele iho  ai oia a hoi aku iluna o ka mokukaua.

 

 

Punahou ame Elks.

 

            O ka paani kinipopo o ka Poaono nei ka mea nana i hoololi ae i ke kulana o na hui e paninei.  O ka hui H.A.C. i lilo mau iho nei ke alakai ana i na hui ua haule iho ia i ka helu ekolu mamuli o kona haula ana i a Elks ma o na ai-puni he 4 ia o a ua pinana ae hoi o Punahou ma ke kulana elua mamuli o ka haule ana o ka  Maile Ilima he 9 ia 4.

            I keia manawa ke ikaika loa mai nei ke kulana o na hui a ke maikai mai nei ka paani ana.  Ua manaoia mamua o ka paani mawaena o Elks ame H.A.C. i ka inoa hope oiai oia ka hui ikaika, eia nae i ka paani ana keia loaa na hua kaka 9 a he 4 a kona hoapaio.

            O ka hui kinipopo Punahou, eia ke kali nei me ka hoomanawanui no ka hoea mai o Kakela Opio, ko lakou keiki nou popo o kela makahiki aku nei, a o ko lakou puukalahala hoi a lakou e manaolana loa nei noka lilo o ka helu ekahi ia lakou i keia makahiki.  Mamuli o ka laule ana o ka hui Maile Ilima ua hapaiia ae ia hui ma ka helu elua, a ina e loaa koke ana na kokua ia  lakou ma o Kakela Opio la me he mea la e kau mau ana lakou ma ia kulana

            No keia Poaoo ae la 18 o na hui e hookuku ana.  Paani mua mawaena o H.A.C. ame Kamehameha, a o ka paani elua mawaena o Punahou ame Elks.  ma keia paani ana me he me la e loaa hou ae ana he mau koua i ka hui Kamehameha mai na keiki mai e hemo ana i keia hoomaha ana o ke kula.

            O keia malalo iho nei ke kulana o na hui e ku nei i keia manawa:

 

Hui                              P.         E.         H.        Pa-keneta.

Kams                           4          3          1          .750

Punahou                      5          3          2          .600

H.A.C.                                    5          3          2          .600

Elks                             5          2          3          .400

Maile                           5          1          4          .200

 

 

Hoonaue Olai.

            He hoonaue olai kai hoonaue ae i ke kulanakauhale o Honolulu nei mahope iho o ka hora 12 awakea o ka Poaono nei, no 20 a 27 paha sekona.  Ua ikeia keia hoonaue olai ma na wahi like ole o Honolulu nei iloko o na hale oihana, na home ame na hotele.  Iloko o Young Hotele, e ai ana ka poe e noho nei malaila i ka manawa i hoomaka ai ke olai, a ua noho  malie ae na mea apau me he mea la aia lakou iloko o kekahi anaina hoano ka meha pu.

            Ua hoike ae o Prof. Lydecker, ka haole nana e kilo nei i na mea hou pohihihi o ko ka honua nei kaahele ana, penei: “O ka manawa ma ka’u nana ana i ka hoonaue olai o ka Poaono nei oia no ka hora 12:27-25, a he 23 sekona keia hoonaue.  He elua manawa i hoonaue ai a he wahi anuu iki mawaena o kekahi ame kekahi, o ka hoonaue elua oia ke koikoi loa.  O ka mua ma ka hoomaopopo ana ua hoomaka mai elua ua like me ke kakaa ana o kekahi huila, e loaa ai no ka haupuupu.”

            Malalo iho nei na hoike i loaa mai ka telegarpa uwea ole mai e hoike ana ua loaa like aku no keia haawina ma na Mokupuni o Kama ame Hina, a o ke koikoi loa no nae ma Maui.  Mai Hawaii mai, aole i ikaika, a ma Hilo ame Honokaa na wahi i maopopo loa keia hooaue olai.

            LAHAINA, Iune 4. Ua hoonaue ae kekahi olai ikaika ia Maui holookoa no kanakolu sekona ma ka hora 12:30 o keia la.  O na pono hale ame na mea hoohiluhilu ua pau i ka hoopoinoia  ma na wahi apau.

            KAMALO, Iune 4. ua hoonaue ae kekahi olai ikaika ia Molokai nei ma ka hora 12:30 o keia la.  Ua ulaaia na pohaku e kau ana iluna o na wahi keikei a kakaa ana ilalo o ke awaw me ka halulu nui.  Aole he mau poino ano nui i ikeia.

 

MAKE KEKAHI POE I A PAUDA.

KAPALAKIKO, Iune 4.  Ma ke pahu ana o kapauda ma ka Halehana Pauda Pinole i keia la ua make he ekolu mau limahana a he elua i kau aku ina haawina poino kukonukonu maluna o laua.

PEORIA, Illinois, Iune 5.  Ma ke pahu ana ma kahi hana waiona o Corning he umi poe i make a he lehulehu ka poe i eha he 30,000 barela wiseke ame 3000 bibi i pau i ke ahi.  O ke poho ma keia he hookahi miliona dala.

 

Aohe Hoopaapaa no Rusevela.

WASHINETONA, Mei 21.  Ua pau ae nei na elele Repubalika i ka Aha Elele Lahui, e hui ae ana ma ke awakea o ka la 21 o Iune ma Kikako, i ka waeia.  O keia ka la hope e kohoia ai lakou malalo o ke kuahaua i hoopukaia.  Me he mea la aole paha he wahi balota hookahi e hookomoia ana e ku-e ana hoi i ko Rusawela wae ia ana i moho Peresidena.  O ka nui o na elele iloko o keia Aha Elele Lahui he 988.  Mailoko mai o keia huina he 708 i kauohaia e hookomo aku i ko lakou mau balota no Rusawela, a o ke koena iho o 280, he heluna nui hoi iwaena o lakou i kauohaia eia nae aole i hoike ia ae e koho ana lakou no Rusawela.  O ka mea kamahao loa no nae ma keia koho ana o na elele aole loa he elele i kauoha ole ia e hookomo aku i ko lakou mau balota no Rusawela.  O na Mokuaina ame na Teritore no lakou na elele ikaia i kauohaia e hookomo aku i ko lakou mau balota no rusawela o ia iho keia malalo iho nei:

Alabama                                  22

Alaska                                     4

Arizona                                   6

Colorado                                 10

Delaware                                 6

Florida                                     6

Hawaii                                     6

Idaho                                       6

Indian Teritore                        6

Iowa                                        26

Maine                                      12

Maryland                                 16

Mississippi                               20

Montana                                  8

Nevada                                    6

New Mexico                           6

North Dakota                          8

Okalahoma                              6

Oregon                                                8

South Dakota                          8

South Carolina                        18

Utah                                        6

Vermont                                  8

Washington                             10

Wyoming                                6

 

Okiia na Uku o na Kumukula.

 

            Ma ke kakahiaka o ka Poalima i hala i malama ae ai ka Papa Hoonaauao i ka halawai mau o ia papa.  Malaila ae o Lunakula Atkinson,  Prof. Alexander, Mrs. Jordan, Mrs. Hall, H. Von Holt ame C.L. Hopkins.

            Ua hoike ae o Lunakula Atkinson me he mea la e hooponopono ia ana ka hihia pono wai o Lahainaluna mawaho ae o ka aha, a waiho pu ae no hoi i kana  hoike waha no ka hana a na keiki o ke kula o Waialee me na hale o ia kula e ku nei.  He elua kumukula o Puna i hookaawaleia mai ka oihana ae mamuli o na kumu kupono a ua apono ka Papa i keia mea.  Ma ia halawai no hoi i waiho ae ai o Mrs. Jordan ame Mrs. Hall, na komite kumau i ka laua hoike e pili ana no ke kula Hanalima o na Kaikamahine, a ua apoia ae ka laua hoike.

            Ua hookaawaleia ka la 29 o Augate i la e nana ia ai na haumana i makemake e komo iloko o ke Kula Kiekei I kulike ai me ka okioki ana o na lilo o ke Aupuni, o keia papahana ma lalo iho nei kai hooholoia a e hoikeia aku ana, e hoomaka ana hoi ai ka la 1 aku o Iulai: He $420 no ka makahiki hookahi ua hooemiia i $290; $480; i $420; $540 i $450; $600 i $510; $660 i $528; $720 i $576; $780 i $624; $800 i $660; $840 i $672; $900 i $720; $960 i $768; $1000 i $ 798; $1020 i $816; $1080 i  $864; $1096 i $900; $1200 i $960; $1500 i $1200; $1800 i $1440; $2400 i $1920; $2700 i $2160.  O na uku kumukula i emi mai malalo o $35 o ka mahina aole i oki ia.

Ka Halepaahao o Kawa.

 

            Eia ke nee mua nei ke kukulu ana i ka halepaahao hou Kawa, a ke pii ae nei no ka elua o na hale maluna.  O keia halepaahao hou e hiki ana ke noho na paahao he elua haneri, a ke kukuluia nei hoi me ka pohaku unihapa i hamo paa ia i ka puna.  Eia keia halepaahao hou ma ka aoaoa ma Ewa o ka halepaahao kahiko, ma kahi apaha o kanawalu kapuai ka mamao aku.

            O ka halelua o keia halepaahao ua hanaia me na pale pohaku e ku laina ana no 117 kapuai me na lumi i maheleheleia.

            E kukuluia aku ana kekahi pa kiekie nona na kapuai kiekie he kanawalu, a he kanalima hoi kapuai ka loihi, a e hooku’i mai ana keia pa me a paia o keia halepaahao hou.  E hoohui ia ana ka pa o ka halepaahao kahiko meka pa o keia halepaahao hou a e kukulu ia aku ana kekahi pi’o ma ka puka-pa nana e hoohui ana i keia mau pa elua.  O ke pani-puka o keia pi’o he apni hao, a o keia ka mea nana e hookaawale i ka poe e noho ana iloko o na pa.  Wahi a Henry, ke poo nui o Kawa, ina i paa keia halepaahao mamua aku nei ina aole e hiki ia Sanchez he paahao Poto Rico, ke mahuka aku.

 

Hoio na Mokukaua Amerika no Kiska.

 

            Ma ka hora 10 o ka Poaono i hala i haalele iho ai na mokukaua o Amerika i ku iho nei ma ke awa o Honolulu nei, a holo aku la ma ko lakou alahele no Kiska.  I ke kakahiaka nui o ia ia i holo aku ai ka mokukaua Buffalo no Amerika, a mahope aku ona ka moku lawe lanahu o na mokukaua i holo aku la malalo o ke alakai ana a Adimarala Glass

            I ka manawa i hoikeia ae nei maluna, ua haawiia ae la ke kauoha mai ka  mokukaua Nu Ikoa e huki i na heleuma a hoomakaukau koke aku no ka holo ana, a he hapaha hora mahope mai ua hiki ae la ka mokukolo Fearless ma kahi e pili ana  o ka mokukaua Nu Ioka a kolo aku la iaia mai ka uwapo aku.  I kona hala ana aku a hiki i ka nuku o ke awa, oia no hoi ka manawa i holo aku ai ke koena iho o na mokukaua.

            O ka mokukolo Amerika, Iroquois, me ka bana Hawaii kekahi i hahai aku i ua mau moku la, e haawi ana hoi i no mele hoolana manao i na luina o ua mau mokukaua la.  I ka hui ana o na mokukaua apau, ua haawiia mai la ke kauoha hope loa mai ka mokukaua Nu Ioka, a o keia no hoi ke kauoha e haawi hope ana i ke aloha ia Hawaii nei, a haalele iho la ua mau moku nei i na aekai o Hawaii nei no ka lakou wahi i holo aku la.

 

NUHOU KUWAHO

MAHELE DALA NO HONOLULU NEI.

 

            WASINETONA, Iune 4. ua apono ae nei o Kakauolelo Taft i ka mahele dala o $173,750 no ke kukulu ana i na hale ma ke kahua hou o ko America pualikoa e kukuluia aku ana ma Honolulu.

KUIKAHI MAWAENA O PELEKANA AME RUSIA,

 

ST. PETERSBURG, Iune 3.--O na kukai ana no ke kuikahi lawelawe kalepa ana mawaena o Beritania Nui ame Rusia aole i hoomaka i keia manawa.

 

 ST. PETERSBURG, Iune 2.-- O ka hooholoia o ka hoopaapaa pono lawai’a o Canada ke manao ia nei oia ka hiki mua o ko Rusia ame Pelekane kuikahi ana.

 

HE HOOKAHE KOKO NUI.

 

            CRIPPLE CREEK, Iune 7. Eia ke kau nei ka weli maanei.  O na koa, e paa nei i na alanui, eia lakou ke hui nei i kela ame keia hora e ka poe hoohaunaele.  Eia ke hopuhopuia nei ka poe union o na limahana eli lanahu.  Mamuli o na koi ikaika ana ua waiho ae o Makai Nui Robertson i kona kulana a ua paniia aku nei o Edward Bell ma kona makalua he lala hoi oia no a Hui Makaainana.  he ekolu haneri mau hope i hookohuia aku nei.  Aneane e pau loa na lua lanahu i ke pani ia.  Ma ka haunaele o ke kakahiaka nei he elima poe i kiia a make.  Ma Victor ua aia ae kekahi haunalele i ka wa e malamaia ana kekahi halawai i malamaia ae no ka noonoo ana i ka pahu i pa-hu ae mamua.  he kanaha ka nui o na poka i kiia.  He hookahi kanaka i  make a he nui ka poe i eha.

            CRIPPLE CREEK, Iune 6. He ekolu haneri paona dainamaita, malalo o ka papahele o kahi hoolulu Independence, o  ka Hui Alahao Kaaahi o Flroence Cripple Creek, i pa-hu ae i keia la.  He nui ka poino i loaa mai mamuli o keia pa-hu ana.  Ua pa-hu pu ae  no hoi kekahi mau mea hoopa-hu i maopopo ole ko lakou nui, i hunaia malalo o ka hale mikini o ka lua lanahu o Delmonico a ua make iho he kanakolu-kumamakolu poe limahana uniona ole a he nui nohoi ka poe i eha.          

            O keia hoopa-hu dainamaita o ia ka hopena i ala mai mamuli o ka like ole o na limahana ame na haku i paa iho nei hoi keia wahi o Colorado nei malalo o ke kanawai koa no kekahi mau mahina.

 

Ka Panai no ka ha’i oiaio ana.

Wasinetona, Iune 4,---

nae me ko Lunakanawai Dole ma ka hihia o Loio Davis, eia nae ua hooholo e like me ko Peresidena Rusawela manao kanawai ua hiki ole iaia ke komo pu mai iloko o keia hihia.

O keia maluna ae ka lono telegarapa i loaa mai ma Honolulu nei e pili ana i ko Loio dais kapaeia ana  mai ka lawelawe ana i ka hana loio iloko o ka Aha Hookolokolo Federala. He lono hoi keia e hooia ana i ke aponoia o ka olelo hooholo a Lunakanawai Dole i hoopukaia i ka la 16 o Malaki, e kapae ana ia Davis mai ka lawelawe loio ana iloko o kana Aha no na mahina eono. Ua hoohalahala o Davis i keia kapaeia ana ona, a ua kau aku nei kona manaolana no Amerika, a o keia maluna ae ka haina i loaa mai.

Ua kapaeia o Loio Davis mai ka lawelawe ana i ka oihana loio iloko o na Aha apau o keia Teritore, a ua kapae pu ia no hoi mai ka Aha Hookolokolo Federala mai, aka o ke kapae ana o ka Aha Federala no ka manawa wale no o eono mahina, a o ka ke Teritore hoi, he kapae loa no no ko manawa i maopopo ole.

           

Ae, a i ole Hoole.

KE NOI IA AKU NEI KA LEHULEHU E HA’I I KA HAINA O KEIA MAU NINAU.

 

He oiaio no anei kekahi iloko o ka hoike ana a na ike o kekahi kanaka?

He waiwai no anei kekahi iloko o ka hoike ana a kekahi no kou mau hoaloha?

            Ua hiki anei ia kakou ke hilinai ina hooia ana mai kekahi poe mai a kakou i ike ai?

Aole anei i oi ae ka waiwai o na olelo hoike mai kekahi poe mai e noho ana ma kekahi mau aina mamao mamua o na olelo ike mai kekahi mai o na kamaaina e noho nei ma keia mau aina?

            Penei ka Mr. W.J. Maxwell o keia kaona, he makai kula, i hoike ae ai: “Ua loihi ko’u hoomanawanui ana i kekahi eha ikaika ma ko’u  kua (he mau hoailona o ka ma’i puupaa i loaa ia’u) a ua piha na makahiki oia noho ana.  ua noi ia mai la au e kekahi o ko’u mau hoaloha e hoao i na Huaale Kikala Haneenee a Doans no ka hoola ana i keia eha i loaa ia’u.  Ua ae aku la au e hoao a hele aku la no a Halekuai Laau o Hollister ma, ma ke Alanui Papu, a kuai i kekahi o keia mau huaale ua ike iho la au i ko’u maikai mai, a ua hiki loa hoi ia’u ke olelo ae, me ke kanalua ole, o na huaale maikai loa keia o ke kikala haneenee ame na kua eha e ae.  Ua hoike aku au i ka maikai o keia laau i kekahi o ko’u mau hoaloho, a mawaena o  lakou o Mr. Frank Metcalf, ua hoao oia i keia laau a ua loaa iaia ka oluolu, a oia kekahi o na hooia ikaika loa no ka maikai o na Huaale Kikala Haneenee a Doans.”

            E loaa no na Huaale Kikala Haneenee a Doans ma na halekuai laau apau loa he kanalima keneta no ke poho hookahi, a he eono poho no elua dala me ka hapalua, a e hoouna ia aku no i kela ame keia i ka manawa e loaa mai ai o ke dala kmukuai ia Hollister Drug Co., Honolulu, na agena kuai nuino Ko Hawaii Paeaina.

------

            Ma ka noho ana o ka halawai o ka Ahahui Hooikaika Pono Kristiano o Maui, Molokai ame Lanai me Lahaina, ua kohoia ae o L. B. Kaumeheiwa i Peresidena; Mrs. D. N. Opunui, i hope Peresidena; Mrs. Hannah Kalino i Puuku; Sarah A. Kahokuoluna i Kakauolelo; Peter N. Kahokuoluna i Luna Hooia, a o D. N. Opunui i Ho@.

 

LAAUILINONA BEBE

O Kona paa ame Kana Lauoho kekahi mea an’o nui loa a na.  Makuahine e noonoo nui ai

 

UA HANAUIA KELA A ME KEIA KEIKI ILOKO O KA HONUA NEI me ke ewe o na mai lehulehu e ulu mai ana iloko o ka ili, ke poo a e lilo ana hoi kekoko ia wa i mea nui loa no ka panee ana i keia popilikia, a peia ilii@ ai ia i mea nui loa e hookaumaha mau ai i ka noonoo o kela a me keia meaoohia i ka nali ana a na ma’i lehulehu.  Aole keia mea i hookaumaha ia @ kekahi ano e ae, aka, mamuli no o ka hoopalalehaia ana e ka mea i kapono e malama a makaala i keia poino.  Nolaila, ua lili i kumuhana na kela a me keia makuahine maikai e akaala mau ai i ka lakou mau keiki e loohia ana @ na popilikia lehulehu e ulu mai ana mamuli o ke koko ino, e hookama@ mau lakou me na mea a pa ue hiki a ke pale aku i keia mau popilikia lehulehu, i mea ho e loaa ai ke ola maikai, malalo o na lapaau noeau ana ke hikiwawe a me ke ola loa no hoi.

            Ua olelo ia o k aauau me ka wai pu mehana a me ke KOPA CUTIKURA ae , a pela hoi no ka unahi-pii, a pela hoi, ina ka e kaplili malie i ka Aila Hamo CUTIKURA, oia wale ae la no ka na mea a  pau e hana ai no ka pale ana aku i keia mau kinaunau o na keiki liilii i na wa apau e hoomaka mai ai, a ina no ua loaa mua, ne mea pau wale no ia i keia mau laau ae la, ke malama pono ia na kuhikuhi.  Ma keia hana ana pela, e loaa ai i na hoi ia no lakou e hookamaha ole ia ai i na wa a pau.  Ua hooiaia keia mai haawina pomaikai ma na home lehulehu a puni ka aina.

            Mamuli o ka momona, ka maemae, ame ka hikiwawe o ke ola o keia laau, i makemake nui ia ai e na lahui kanaka a pau i hoao a ike maka i kona waiwai nui ma ke ano hoola, a pela no hoi i hilinai nui ia ai kona waiwai no ka hoopakele ana i ka Iuhi a me ke kaumaha o na makua lehulehu ma na wahi a pau, a pela no i malama nui ia ai maloko o na home.

            HE HOOLA MAOPOPO NO NA MA’I MALOKO A MAWAHO O KE KINO.

            Oia hoi ke KOPA CUTICURA e hoomaemae ai i ka ili a me ke kepia o ke poo a hoowaliwali i ka alualu o ka AILA CUTICURA HAMO no ka hoopau koke i ka maneo a hooluolu a hoola, a me ke CUTICURA RESOLVENT no ka hooluolu a hoomaemae ana i ke koko.  ke kuaiia nei ma na wahi a pau o ka honua nei.  Keena Kuaiaina Austerralia, R. Towns & Co., Sydney, N.S., W. Keena ma Aferikfa Hema, Lamron Ltd., Cape Town,  “I loaa ai ka ili pahee maikai, ka lauoho a me na lima.”

 

O POTTER DRUG AND CHEM. COMP., Boston, U.S.A., na Ona o na laau CUTICURA a pau loa.

 

HOOLAHA I KA POE HAHAI HOLOHOLONA, KAAHELE KUAHIWI, etc.

 

            KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA NO LAKO NO KE KAAHELE KUAHIWI ANA, NA LAKO HAWAI HOLOHOLONA AME NA LAKO LAWAIA.     

            NA AHAMAKA NA NOHO KAAEHELE, AME NA NOHO KULE, NA PU AME NA POKA.

-----

PEARSON & POTTER CO.,

LIMITED

931 ALANUI PAPU.

 

KA EHA ILOKO O A OPU, ua like no ia me ka niho popo, aole he poino eia nae he mea hoopilikia i ke ano o ke ola ana.  O ka pe ma ka oe i maa i ka loaa mau ia ano e hauoli ana lakou ke ike i ka loaa ana o ka mea nana e hoola hikiwawe ma ka lawe ana i hookahi a i ole i elua manawa i ka laau Chamberlain’s Colic, Cholera and Diarrhoea.  Eia ke kuaiia nei ma na halekuai laau lapaau apau.  Benson Smith & Co., Ltd., na Agena ma Hawaii nei.

 

Poe Akepau i loaa hou ke Ola Kino Maikai.

            Ke hoike mau  mai nei na Kauka ia makou mai na wahi like ole mai o ke ao nei no ka nui o ka poe i anenae e loaa i ka ma’i Akepau i hoopakele la mai keia ma’i mai mamuli o ka laa.

 

“Ayer’s Cherry Pectoral.”

            Ke loaa i keia laau e loaa ana i ka ma’i ka maha no ka wa mau loa, a  aole no kekahi manawa pokole  e like me kekahi ano laau okoa ae.  Aloha Laau Kunu i oi ae o ka maikai mamua o ka LAAU KUNU

“Ayer’s Cherry Pectoral.”

            He mea maikai e ike kakou i keia, no ka mea ua hoola keia laau i ka poe  loaa i kela haawina no aneane kanaono makahiki.  E malama mau i kiea laau.  Ina aole au omole laau kunu o keia ano, e kuai koke mamua o ka loaa ana i ke kunu.  Ina ua loaa kekahi iloko o ka ohana i ke anu e hooinu i keia laau a e loaa no ka maha.

            Hoomakaukau ia e Kauka J.C. Ayer & Co, Lowell, Mass., U.S.A.

E loaa no keia mau Huaale ma na halekuai laau a pau.

 

GOO KIM

(KU KIMA)

KII ON A ALANUI NUUANU ME HOTELE

Na Waiwai Lole Hou, na Waiwai Makamae, ame na Lole mauu etc. ke

kualiia nei me ke kumukuai haahaa loa

 

            O ka hoea ana mai nei no ia o na kopa auau hou loa ame na waiala, a pela no hoi  na wehi o na wahine o ke ano hou loa.  O na Papale – e kipa mua mai oe ianei mamua o ka hele ana i na halekuai pipii ino loa o na kumukuai. E hoao ma ka ikemaka ana.

 

FUKURODA

Helu 26-82 e @ Alanui Hotele

 

Ke Hamana nei ka Home o na I’a Ola

I KEIA MANAWA MA

Kapiolani Paka

 

E WEHE HAMAMA IA ANA KA HOME O NA I’A ma na la apau o ka pule mai ka hora 10 a. m. a hiki i ke hora 8 p. m., a mai ka hora 7 a hiki i ka hora 9:30 p.m.  Ma na La Sabati e wehe ia ana ma ka hora 1 p. m.

            E WEHE HAMAMA IA ANA ma na Poaha apau me ka AUHAU OLE.  Ma na la e ae e auhau ia no he 10 keneta no na kanakamakua a he 5 keneta hoii no na keiki malalo mai o uni-kumamah makahiki.

 

Laau Kunu “Aeko”

 

Aohe hoopilikia, aka he maikai e hoola no na kunu, anu, naonao

ha-no, puu eha, kunu kalea ame na ano ma’i e ae o na akemame ame ka puu.

 

Kuhikuhi Lapaau

 

No ka poe oo, 2 puna ti piha; kamalii 10 o 5 makahiki, akahihapakolu

puna ti. 6 a 7 inu ana o ka la.  Hoomakaukauia e ka

 

Makino Drug Co.

Kihi o Alanui Hotele me Muliwai Honolulu, T.H.

 

$100,000.00

I HOIHOI IA AKU I KA POE I HOOKOMO MAI I KA LAKOU

MAU DALA I KA HUI

 

Fidelity Funding Co.

o Kapalakiko iloko o na mahina mua eha o ka makahiki 1904 oi mamua o

$40,000 iloko o ka mahina o Aperila, he kumupuka hoi o 50 pa-keneta no ua dala

i hookomoia mai malalo iho o elua makahiki.

            Na ka FIRST NATIONAL BANK O HAWAII, e ku nei ma Honolulu e  hooiaio mai i keia mea. $1.00 o ka pule no 100 puke e loaa ana he $150.00 i ka pau ana o 100 pule. No na mea aku i koe ee ike ae la.

R.D. HIGHTOWER

Agena nui ma Hawaii nei.

41 ame 42 Young Block, Honolulu

 

@ HUI HOOLEWA HONOLULU

 

            Ke hooiaio nei keia hui i kana mau hana kokua i kona mau iaia.  I ke@ wa ua oi mamu o 1800 iaia, a ke @ mau nei i kela ame keia la.

            J.M. TOWNSEND, Kakauolelo.