Ka Nupepa Kuokoa, Volume XLII, Number 24, 10 June 1904 — Haaia kekahi Mokaahi Amerika [ARTICLE]

Haaia kekahi Mokaahi Amerika

He mau pule ae nei i hala i loaa mai ai na lono hoohuoi maanei no ke piholo ana o ka mokuahi Hongkon& Maru, aka ma ka lono hope loa i loaa mai nei i maopopo loa ai aole i oiaio ia mau lono, a eia no ua moku la ke holoholo mai nei ma <kona kulana hou, he mokukaua holo mama no lapana. I ika wa o ka mokuahi Hyades i haalele aku ai ia Moji, īapana, e holo ana (hoi no Seattle, Amerika, ma kana huakai hope aku nei no na kai o ka Akau, ua paaia ae oia e ka mokukaua holo mama Hongkong Maru. Ua ike aku na aliimoku o ka mokuahi Hyadeg i kekahi moku e holo mai ana mahope o lāikou a i ka hora 9 p. m., ua kokoke mai la oia me lakou. I ka wa he elua mile mai kahi mai o ka mokuahi e holo ana, ua kl mai la ka Hongkong Maru i kekahi poka ma ka ihu o ua mokuahi la, a na keia poka i hoopaa i ka holo ana o ka mokuahi, eia nae aole he waapa i hoouna ia mai ka Hongkong Maru mai, nolaila i hooholo ai ke kapena o ka mokuahi e hoomau aku i ka holo ana. I ka ikaika loa ana aku o ka holo o ua mokuahi la, ua ki hou ia mai he elua poka, a ku 'hou iho la ua moku la. Mahope mai ua hiki aku la >kekahi waapa me na iuina ame kekahi aliikoa, nona paha na makahiki he iwakalua, ma ka aoao o ua mokualil ia a pli aku la iluna. Na keia alii(koa i nana i na palapala o ua mokuahi la a ninau aku la heaha ia na ukana o ka moku. Ua pane 'hookolohe āku kekahi wahi luina o ka mokuahi, o ka ukana o aia mokuahi la no Rusia, oiai e kukulu aku ana na Rukini i mau hale nui ma Poto Ata, a e liio aku ana hoi i na Kepani ke lilo aku ua wahi la ia lakou. Ua minoaka iho ua aliiikoa la, a mahope o kona huli ana no ikekahi manawa loihi i na hoike e pili ana 110 na ukana o ua mokuahi la i haalele iho ai oia a hoi aku iluna o ka mokukaua.