Ka Nupepa Kuokoa, Volume XLII, Number 26, 24 June 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

 

@ woki kau uwa waiwai ole. E wehe koke ae i na puka-pa @ mai i eono mau koa me ka hakalia ole, alaila e ku kiai @ ma keia kihi. Aia he mau kauho hou ka'u e waiho aku @ hana."

@ "E kahea anei au i ka Haku ke Kauna Paele" wahi a ke koa @

@ "Aole. He hoolohe kauoha wale no kau a e hooko pono aku @ ha'iia ia oe."

@ Alaila hooko aku la ke koa kiai i ke kauoha a mahope o ka ike @ na mea apau i kauohaia a ku kiai iho la ua wahi koa nei ua @ la he eono poe koa me na pahikaua iloko o ko lakou mau @ pau mai la i ka naholo ma kahi o ko lakou kapena e paa @ Konorado.

@ "E hopu i keia kumakaia," i kauoha ikaika aku ai o Setinameta @ a e hoopiha aku i kona waha i hiki ole ke uwa; a e lawe aku @ o ka pa no ka li ana iaia iluna o ka amana likanaka. E @ huli aku ma ke kahua kiai i ke alapii kahi o keia kipi i @ puka ai iwaho nei.

@ Iloko o ka manawa pokole aia ua poe koa nei eono me ka lakou @ paahao kipi ke ma ki la no ka pa no kahi o ka amana li-kanaka @ ukaliia ana hoi e Kapena Setinameta.

"Eia ke lawelawe nei ke kaula," i uwa ae ai ke kiai.

"Alaila e lawe mai ia kaula me oe iloko o ka pa," wahi a ua kapena nei.

No Hilda ua makili iki ae la kona noonoo i ka manawa e haawi kauoha ana ke kapena i na koa e lawe ia Konorado no ka li ana iaia a make, alaila ua hooholo koke iho la oia e hana koke aku ma kona aoao no ka hoopakele ana i kana ipo, no ka mea ua maopopo loa iaia aole e hoohakalia ana ke kapena i ka li ana iaia mamuli o kona (kapena) hoomaopopo o ka make o ke kanaka nana i ikemaka i kana hana kipi oia kona pakele, a me ia ano noonoo ia Hilda na kokolo ma-lu aku la oia mahope o ka huakai paahao iloko o ka pouliuli o ka lihi pa no ka ukali ana e komo pu iloko o ka pa. A oiai aia no na koa eono ke hele la imua no ka puka-pa e hamama ana a i lilo nui hoi ko lakou noonoo ame ka malama pono ana maluna o ke kanaka kipi, aole i komo iloko o lakou kekahi manao @ aia kekahi mea e ae mawaho o lakou ke hahai pu nei, a no ke Kapena hoi ua nui loa kona nanauki o ka koke i kahi o ka amana li-kanaka, me ka nana ole ae i kekahi mau hana e ae, aia ka pono a lilo ae ke ola o ke kanaka kipi e laweia ana mamua o ka loaa ana i ke Kauna Paele ka manawa e ike ai no Konorado, a @laila na nana ole ia mai o hope, a i ka hamama nui ana o ka puka-pa e poholo ai kekahi auna nui ke komo iloko, i ka manawa @kahi a i ke komo ana o na koa ame ke kapena iloko, ua ma@ loa iho la o Hilda i manawa kupono nona e komo ai, a ia manawa hookahi no aia ke hoomaopopo la oia i ke kiai maluna iho o ka pa e holoholo ana, a ia manawa no ua holo aku la oia iloko o ka pa ma ka nana ole ae i kona ike ia mai, no ka mea, ua paa kona manao e holo me ka mama nui e hiki ana iaia ke holo a imua@ o ke Kauna Paela ka pahuhopu a ina e nana ole ia mai ana oia alaila imua o Rodolofo; eia nae, aole oia i ikeia e na koa.

Aia ke Kauna Paele ame ko ka hale apau ma ka lumi hookipa e nonoho ana iluna o ko lakou mau noho pakahi iho ma ke pakaukau, a i ka puka ana mai o ka Panapua Sure iwaho o ka lanai ua hoopuiwa nui loa ia oia, eia nae, mamua o ka hiki iaia ke hoomaopopo i keia hoolalahu o ka manawa i maopopo mua ole, a no ka hana aku i kekahi hana maluna o ua mea la aia hoi ua komo loa aku la o Hilda iloko o ka lui hookipa me he pupule la, e pukala-ki ana kona lauoho i o a ianei, ke kumu o ko loko o ka hale i puiwa pu ai.

"O, e kuu Haku, e kuu Haku, aia lakou ke li mai la ia Konorado," i hooho lea nui ae ai o Hilda. "E kuu Haku e hoopakele iaia, e hoopakele iaia."

Alaila huli ae la ke Kauna Paele me ka nanaina piena o ka huhu nui a hoopuka leo ikaika ae la:--

"A heaha kau ia lakou? Ua pono ia li ana aku la. E hele koke aku oe iwaho. Pehea la oe i aa ai e komo mai iloko nei e uwe ai me he pueo la ma ka hoopuiwa nui i keia anaina maikai? E lawe koke aku i keia wahine pupule i komo mai nei," wahi ana i kauoha aku ai i ka panapua, iaia i komo mai ai mahope o ka wahine opio no ke ake ana e ike i ke kumu o keia hana ano e.

"auwi o Hilda! o Hilda ka!" i hooho leo nui ae ai ke Kaunawahine Tekela, me ka lele pu ana ae a ku ana iluna a holo aku la i kahi o ka wahine opio e ku ana. "E Hilda heaha ia? E kamailia ma ka maopopo. Aole ou pilikia i koe ua komo oe i kahi malu."

"O, e kuu Hakuwahine, o Konorado ka mea iloko o ka pilikia i keia manawa. E hoopakele iaia e kuu Hakuwahine. Mai hoohakalia. Aole e hiki ia'u ke hoololoiahili ma ka olelo o make koke mai auanei. Na Setinameta e li mai la. Ua kuai aku nei ke kapena i ke kakela nei i na Akibihopa a ua ike pono ia e konorad he dala aiai iaia, nolaila oia e li mai nei iaia. O, e kuu Haku e hoopakele iaia."

"heaha kela olel?" i piena hou ae ai ke Kauna Paele. He kumakaia anei o Setinameta? "He hoopunipuni kela olelo."

"E pono e nana pono ia kela olelo ma ka huli pono ana aku i ka oiaio ina aia io ke hanaia mai nei," wahi a Rodolofo i pane oluolu aku ai, me ka leo ko'iko'i no nae.

I ka manawa koke no ua lalau aku ke Kauna Paele he pahikaua e waiho wa-hi ole ana iluna o ka pakaukau a hele papale ole aku la iwaho me ka huhu nui maluna o kona mau hiohiona, a uhai pu aku la no hoi ka Emepera me kana pahikaua ma kona lima. Ua iho loa aku la ua Kauna nei ilalo ma ke alapii a pela no hoi o Rodolofo, a oiai ua pani paa ia ae ka puka-pa a e pouli pu ana oloko a koe kahi a na koa e liuliu ana no ka li ana i ke kanaka kipi i manaoia, oiai aia he malamalama o na lamalama ma ia wahi, a na ia malamalama i kono ikaika mai i ua Kauna nei malaila oia e hele ai e pono ai, a nana ka hoohele ana malaila ua hahai pu aku la no hoi o Rodolofo ilaila.

I na koa e hooikaika ino ana no ka hoomakaukau ana i ka li ana ia Konorado mamuli o ka hookikina ikaika ino loa o ke Kapena Setnameta ua pau loa ko lakou noonoo malaila a aohe he noonooia ae o kekahi mea ina e hele aku ana malaila, aka o ke kapena nona iho ua nanauki loa oia no keia hakalia o ka hoomakaukau ana, aka ia manawa hookahi no oia kona makaala loa ana i ka ipuka o ka hale no ka puka mai o kona Haku Kauna, no ke ake e maopopo loa iaia ka holopono o keia li ana mamua o ka oili mai o ke Kauna ma ka ipuka hale ana hoi e nana makaala ana.

Aole io no i poho kona ike, no ka mea ua ike koke io aku no ua kapena nei i kona haku i ka puka ana mai iwaho aohe papale o kona poo a aia hoi he pahikauau e paa ia ana ma kona lima, a no ia ike ana ua haule pu iho la kona manao, aka iloko no o ka manawa pokole ua hookuoo koke iho la oia iaia iho me ka hooholo ana iho e hooikaika e uhiuhi i ka hana kipi mai kona haku aku, aka, i ka manawa i hoomaopopo hou aku ai i ka lua o ke kanaka i puka, oiai oia kana kanaka i maka'u loa ai, no ka mea, ua loaa mau iaia ka ike he kanaka noonoo akahele o Rodolofo a he hana kanakamakua me ke kueni ole i hope ina nei no ke komo hakaka ana; aka ua hooholo hou iho no oia e

 

 

komo ke'ake'a aku iaia ina e komo mai ana oia (Rodolofo) iloko o keia hana no ka mea wahi ana aole ona kuleana iloko o na hana mawaena wale no ona ame ke Kauna Paele.

Ua hoomau wai la ke Kauna i kana hele ana no ua wahi nei o na koa e ku puuluulu ana me na lamalama iloko o ko lakou lima no ka hoomalamalama ana a i ke kokoke loa ana aku o na kanaka papale ole aia hoi ua ike koke io aku la no laua i na mea apau no ka li ana i ke kanaka, oiai aia ke kaula nipuu ma ke kania i o Konorado a he manawa hiu wale no mahope iho o ke komo ana aku o ke kaula hiu iloko o ke kipuka a kekahi koa e hooitaika ana e hookomo i ka piko o ke kaula iloko olaila, he hana ·hoi nana i hoohakalia loa i ka hana koke ia ana o ka li kanaka no ka mea aia ia kipuka iluna o ka lele, kahi e liia ai ke kanaka.

"Heaha keia e ke kapena," wahi a ke Kauna

"He kumakaia e kuu Haku. Ua hoohuoi wale no wau i kekahi mau manawa nona aka i keia po ua loaa pono aku oia ia'u. Ua iho aku oia mai ka pa aku ilalo mawaho o ka pa ma ke alapii kaula ana i hoomakaukau ai a ke koa kiai i huli mai ai a loaa. I ka manawa i loaa pono aku ai ia'u e kuai ana oia nei i ke kakela i na Akibihopa ma o na elele elua la i hoounaia mai, a no ko lakou loaa pono ana ia'u ua lele limaikaika mai lakou maluna o'u a oia no ka manawa a'u i kahea ai i kuu lukanela. I ka manawa i hoea mai ai kuu lukanela oia no ka manawa a ianei i hakaka mai ai ia'u me ka pahikaua a kekahi o na elele o ka Akibihopa, eia nae, na pa a lilo ana ua pahi·kaua nei i ka lukanela a na ka lukanela ia e hoike ae i ka oiaio o ia mea!"

"He pololei a oiaio ia moolelo e kuu Haku,"· wahi a ka lukanela i pane wehewehe mai ai i ka manawa i hakapono ikaika aku ai na maka hulili o ke Kauna Paele maluna o ka lukanela.

"Heaha ka hana a keia kanaka i ku ai oia i ke kumakaia?" i ninau hou aku ai ke Kauna,

"Ua lohe wau iaia e aelike ana me na elele a na Akibihopa e haawi pio aku i ke kakela nei, ma ka hookuu ana i na koa o na Akibihopa iloko nei o ka pa ma ke alapii kaula ana i hoomakaukau ai i ka manawa ona e ku kiai ana ma ia wahi i ka po, i ka manawa a kakou e·hoomaopopo ole ai, a ma ia hana e lilo ai oe ame ke kakela holookoa."

"A no keaha e hana koke ia nei keia pepehikanaka mamua o ka ike mua ana mai ia'u?" Aole anei owau ka ona o keia kakela, a owau no hoi ka mea nona na kuleana haawi kauoha make a ola?"

"O oe no e kuu Haku, aka ma keia hana puuwai eleele loa ua loaa koke iho la ia'u ka manao e li koke aku iaia me ka hoohakulia ole---e hoohakalia ole ia hoi ka haawi hoopa'i ana maluna o ka mea nona ka hewa inoino loa e like me keia. Oia wale no a aohe kumu e ae."

"Pololei ia," e ke kapena, a ua kuai io aku keia kanaka ia kakou apau loa? E huli aku iloko ona kahi hoi a kakou e ike ai heaha la ka waiwai a na Akibihopa i loaa mai ia'u ma keia kuai kumakaia ana."

Emoole pili ana he elua mau koa ma ka aoao o Konorado a huliia aku la kona nui kino a me ka lima piha i na dala keokeo ua lawe mai la ua mau koa nei imua o ke ·Kauna Paele no ka nana pono.

"Aole keia he dala kumakaia e ke kapena," wahi a ke Kauna i pane aku ai mahope iho o ka nana pono ana i ua poe apana dala la, "Eia na apana dala ua kau wale ia no nae i ko'u hoailona, a aia la mahea ka hoike o ke kumakaia. Heaha kau olelo no keia e ke kakapena?"

"E kuu Haku, aole i hiawiia mai ke dala iaia i keia manawa aka ua hoopaaia mai ka aelike e loaa no iaia i ka manawa e lilopio ai ke kakela."

A, e ke kapena ke hoike mai nei kau mau olelo i ka oiaio ole iloko ou. Aole e lilo kekahi i kumakaia ke ole koua hoolilo aku me ka piha o kona mau pakeke i ke dala o kumukuai o ka waiwai kumakaia, a ma keia aole he hoike oiaio e kupono ai ka li koke ia o keia kanaka mamua o ka waiho ana iaia iloko o ka hookolokolo ana."

Ma keia mau olelo a ua Kauna nei i hoopau ae ai ua pii koke ae la kona piena, alaila o ka lima piha i ke dala keokeo o ua Kauna nei ua ka ia ae la a lele liilii ana na apana i o a ianei, ke kumu hoi i mae iho ai nu hiohiona o ke Kapena Setinameta; a me ka papalina o kana pahikau ua hili aku la ke Kauna Paele i la papalina o ke kapena, ma kahi aoao a i kekahi no hoi. Ia manawa koke no ua meha loa iho la a me he la i ka nana aku he poe kia pohaku wale no na koa e kuku oni ole ana eia nae ua hoao ae la ke kapena e unuhi i kana pahikaua aka ia manawa koke no i hoihoi hou iho ai oia iloko o ka wa·hi me ka alawa hikiwawe ana aku o kona mau maka ma kahi o ka puka-pa.

"Ua paa na puka-pa, e Setinameta," wahi a ke Kauna Paele i leo nui ae ai me ka huhu nui a nalohia ae la ka noonoo maikai mai iaia aku. "E ka lukanela, e ike aku oe i na puka-pa no ka hoomaopopo loa ana ina ua paa pono io. E wehe ae i keia kanaka. E wehe ae i kona waha ame na kaula i hauhoaia ma kona kino. Ano, e ke kanaka he oiaio anei ua hele aku oe iwaho mailoko aku nei? Heaha kau hana owaho i hele ai?"

Ua ku pane leo ole iho la o Konorado no kekahi mau minuie mamuli o kona ano poniuniu no na hana i hanaia aku maluna ona aka i ke kamailio oluolu ana aku o ka Emepera akahi no oia a hoomaopopo mai i ka ninau i waihoia aku imua ona.

"Heaha la kau i ninau mai nei?" i ninau aku ai oia i kona Haku ka Emepera.

"Ua makemake kuu Haku ke Kauna e ike i ka oiaio ina ua hele io oe iwaho a no ke kumu hea la kou hele ana ilaila?" wahi a Rodolofo i ninau oluolu aku ai.

"Ua hele io no wau iwaho a i hele au e hui me Hilda iaia e pii mai ai mai Alakena mai."

"Alaila ua hookuli oe i na kauoha a ua pono no ke kau ia ana ·aku o keia mau hookaumaha ana maluna ou. A pehea i loaa ai ka pahikaua a ko Tarevis ia oe?"

"Ua hakoko ikaika aku wau me kekahi koa o na Akibihopa ke kumu i lilo mai ai ia'u, a me ia mea wau i pale ai no'u mai ka limaikaika ana mai o ke kapena ia'u a hiki wale i ko'u hopuia ana e na koa ana i kauoha ai a hoopiha ia kuu waha i ·hiki ole ke uwa."

"A heaha ka oiaio o keia kuai kumakaia i ke kakela?"

"Ua hoopaa aelike aku ke kapena me na Akibihopa ma o na elele la i hoounaia mai, oia hoi, e hamama ana ka puka·pa no lakou e komo maalahi mai ai iloko nei i ke aumoe o ka la apopo, me ke a'o pu ana aku o ke kapena e hooikaika lakou e hopu mua ia oe i ole ai e hoala hakaka ia ko loko nei poe e oe."

Ua ano minoaka iki iho la ke Kuana i ka lohe ana no ka manao e hopu mua iaia, aka ua huli ae la oia a nana aku la i ke kapena me na maka hulili o ka huhu a pane ae la:

"Ae, ua ano like no keia moolelo me kela o ka manao e pinana ma ke alapii kaula. Nolaila e huli aku i ke Kapena Setinameta e like me ka huliia ana o kana paaliao a e ike hoi kakou heaha la ka waiwai o kona mau ekeeke"

Me ke ke'ake'a ole a ke kapena i ka manawa i huliia aku ai ua loaa aku la i na koa he ekolu mau eke dala i piha pono a weheia ae la e ke Kauna he hookahi eke a lu iho la i ke dala iloko o kona poholima. Alaila nana pono iho la oia i na apana dala-he dala gula wale no a maluna o lakou e kau ana ka hoailona o ka Akibihopa Iseneboga a no keia mea ua pii ino loa ae kona huhu a lalau aku la oia i na eke dala ekolu a palukuia aku la iluna o kekahi pohaku nui ke kumu i lele liilii ae ai na apana dala i o a ianei me he mau mamalaahi la ka lele liiliii.

"E Setinameta," wahi a ke Kauna, "e @nnuhi oe i kau pahikaua a waiho aku la ilona o ka pohaku, a aole hookahi o makou mea e aa e lawe ia mea haukae, no ka mea aole makou i like aku me kekahi mea puuwai eleele ino loa e like me oe." ·

Alaila huki ae la o Setinameta i kana pahikaua a hoolei aku la iluna o ka honua a oia no hoi ka manawa a ke Kauna Paele i lele mai ai ma kahi e waiho ana ua pahikaua nei a hehi iho ha me ka ikaika nui no ka nui hohu a panau ae la no hoi ka pahi e like me ke ano

mau o na hao kila. ·

(Aole i pau)

 

 

MAKAIKIU

WETE DETONA

Ke Ahi Lalapa Pio ole i na Nihiliti

Ke Kanaka Amerika Koa lua ole

Mokuna V.

KOMO POO ILOKO O KA HANA.

 

Ma Rusia ka aina i nele kona mau makaainana i ka wahaolelo, a e rulaia ana e na lima kakauha o ka Emepera, he mea hiki ole i kekahi kanaka ke hele aku iloko o kekahi hotele iloko o na hora kulipo o ke aumoe me ka loaa ole o na kuia, oiai o ia iho la ko Rusia mana oihana makai, a ua maopopo hoi ia Wete ia mea. Ua hiki ole no hoi iaia ke hoohala i ka po ma an alanui o St. Petersburg, malalo no o ia kumu hookahi. Ua maopopo mua ma ka hookumu ana o keia moolelo ko Wete noho ana ma Rusia, nolaila ua lewa na alu o ua kulanakauhale la iaia a he mea paakiki ole ka loaa ana o kahi e hoohiamoe iho ai kona poo no ke koena o keia po hana nui no ka hoopakele ana i ke Kaunawahine Radolinisiki.

I ke kakahiaka o kekahi la ae ala ae la oia me ka makaukau no ka hoomau ana aku i kana hana, ina ia he mea hiki iaiai ke hana aku. Aole loa he wahi manaolana iloko ona e hiki ana iaia ke huna nalo loa i ke kaunawahine mai na maka aku o na makai, oiai ua maopopo no iaia e hooikaika ana ka oihana makai e loaa ka lakou mea e huli ana, a aole wale hoi oia aka e huli pu ia mai no hoi oia. O kana hana pono wale no o ia kona huli ana aku i ko Kaunawahine Rodolinisiki hewa ole a hookau aku i ke koikoi o ka hewa maluna o ka mea i hewa, ana hoi e manaolana loa nei o Kaunawahine Alamazofa no ia.

O ka hana mua loa ma kona aoao o ia ka hele ana aku e hui me ko Amerika Kuhina ma St. Petersburg, a ha'i aku i na mea oiaio apau ana i ike ai e pili ana no keia hana ana e hana nei, a nana hoi e hana

aku i ka mea pono no Ivana ame kana mea aloha. Ma ka hora eiwa, he manawa hoi i maa ole no ka ike ana aku i ko Maerika Kuhina, aia na Wete la ke ku la mawaho o ko ke Kuhina keena.

"Aole oia maanei, aka eia kona kakauolelo iloko," wahi a ke kiai i ka Wete ninau.

"E ike aku ana wau iaia, ina no nae e ae mai ana oia e ike ia'u," wahi a Wete ma kona aoao.

I ka hoi ana mai o ke kiai me ka ha'i ana mai iaia nei ina o kana hana i hele aku ai a he hana ano nui, alaila he mea pono iaia e komo koke.

"E oluolu oe e ha'i iaia he hana ano nui loa ka'u."

"Ina pela he mea maikai ia oe ke komo loa aku iloko."

Komo aku la o Wete iloko o ke keena o ke kakauolelo, a me kona kali ole aku ua lilo mua mai la na ianei ka hoomaka ana o ka laua kukai olelo.

"E kala mai i ko'u awiwi ma ka'u hana, a he mea maikai hoi nou ka hoolohilohi ana ke noi aku wau ia oe e ike koke aku wau i ke Kuhina."

"Aole ia maanei i keia manawa.

"I ka wa hea la oia e hiki mai ia""

"O ka hora umi kona manawa mau."

"O ka'u hana he hana nui, he hana hoi e kau lihilihi nei ka make maluna iho. Ua holo mai wau mai Nu loka mai no ka hana ana i keia hana, a aia ko'u manaolana ana maluna o ke kuhina.:

"Ina pela e hahai mai oe ia'u no kona hale. He mea mau ole kela, aka nae ke lawe nei wau i ke koikoi o kau olelo a he hana hiki ole hoi kau ke kali ia.
He iwakalua minute mahope mai aia o Wete ke ku la @ianua o ko Amerika Kuhina.

"He hana awiwi kau. Heaha la hoi?" i ninau aku ai ke Kuhina Amerika.

"He mea pono ia oi e heluhelu mua i ko'u komisina. Eia," a ia wa i haawi aku o Wete i kona komisina ame na palapala hooiaio.

Lalau mai la ke Kuhina a heluhelu, a no ka pololei o na mea apau, ua huli mai la oia a nana mai la ia Wete me kona mau maka oluolu, a pane mai la:

"He makaikiu ka oe. Heaha ka'u e hiki ai ke lawelawe nou?

Ua hiki ia oe ke hilinai mai maluna o'u e loaa aku ana na kokua ana no kau hana ke kaa mai ia iloko o ko'u mana."

Ma ko Wete aoao, iaia i komo ai iloko o ka lumi, ua haka pono loa aku kona mau maka maluna o ke Kuhina e kilo ana hoi i kona ano, a hooholo iho la oia iloko iho ona e hilinai aku maluna ona.

"E ha'i aku ana au i ka'u mau mea i ike ai a nau ia nana mai," wahi a Wete, a hoomaka aku la oia e ha'i i na mea apau e like me ka kakou i ike mua ai.

"Auwe, he hana puikaika loa kau!" i hooho ae ai ua kuhina la. "Ke manaoio nei oe o kau i ha'i mai nei e pili ana no Kaunawahine Alamazofa he oiaio?"

"E waiho aku ana wau na ka hua hana e hoike ae. Ua hiki no ia oe ke ike mai ina o ka'u mau mea i ha'i aku neu ia oe he mau mea oiaio."

"Eia anei me oe na palapala e hiki ai ke hoike i ko Ivana Hova@ wiki kupa Amerika?"

"Eia mai ua mau palapala nei."

"O ka hana hiki ia kaua ke hana oia kona hookolokolo pono ia, he hana hiki ole hoi ina aole kona palapala hookupa."

"Aka, me he mea la ua hookuuia oia i keia manawa a kaua e hui nei."

"He oiaio. A heaha ka kaua hana e hana aku ai?

"E hoonalowale iho kaua me he mea la aole kaua i ike ia mea a e hele aku kaua i ko Rusia Kuhina Kalaiaina, malia paha o loaa aku ia kaua kekahi mau mea e pili ana no keia hana."

"Aole i hiki i ka manawa, a he hana ano nui hoi kau, aka ina oia maoli kou makemake, e haele ae kaua."

Aole he pane ma ko Wete aoao, a haele like aku la laua e hui me ke Kuhina Kalaiaina. Ua hookipaia mai laua nei e ia poo aupuni, a i panai no ka ninau no Ivana, ua minoaka mai la oia, a pane mai la:

"O na kumu no kona hopuia ana ua kupono maoli no, eia nae mahope mai ua loaa mai la ia makou na hooiaio ana i kona hewa ole, a ua hookuuia aku oia i ka la inehinei."

"Mahalo. A e hiki ana anei iaia ke hele lanakila e like me na la i hala aku?"

"O, aole. Ua noonoo iho makou i keia mea a hooholo i ka makou mea e hana ai, a ua hoounaia aku nei oia malalo o ke kiai no kahi o na koa e hoomoana mai nei ma na palena o Rusia nei."

"Ua papaia anei oia mai kona hoi hou ana mai ma Rusia nei?"

"Me he mea la oia maoli no ka manao."

"Ina pela ua pau ae la no ka'u mea e hana aku ai nona maanei,"

wahi a ko Amerika Kuhina, me ka oluolu o kona manao.

"Pela io no ko'u manao, ina no nae aole ia e hoi hou mai ana iloko nei. O, aole anei oe i lohe ua hoopilikia mai kekahi kanaka Amerika ia makou i ka po nei?"

"Pehea hoi i loaa mai ai ia mea?"

"Ua hoao aku ka oihana makai e hopu aku i ka mea i hewa ma ka hihia pepehi kanaka o Bazarofa----oia no hoi ke kaikuahine; a o kekahi kanaka Amerika, he wahi wale, oia ka i komo mai a kaupale i na makai a kokua aku la no hoi i ka hoomahuka ana i na wahine la."

"Oia!"

"Ae," wahi a ua Kuhina Kalaiaina la me ke anoe o kona nana ina, "aka ua loaa aku ua wahine la ia makou a eia oia ke paa mai nei, a ke manao nei wau aole loa oia e hemo aku ana mai ia makou aku."