Ka Nupepa Kuokoa, Volume XLII, Number 26, 24 June 1904 — KA LA II O IUNE. [ARTICLE]

KA LA II O IUNE.

Ua malamaia ae na hoomanao o ka la 11 o lune nei ma na wahi like ole o ka Paeaina Hawaii nei. Ma ka mokupuni o Molokai, ma ke kahua ma'i o Kalaupapa, ua malamaia ae na ano lealea like oie e hauoli ai ka poe e noho nei iloko o ka ehaeha. Ma ke ahiahi o ka la mamua ilio ua hoomakaia na hana hoohauoli ma ka malamaia ana ae o kekahi Ahamele e ka Hui Himeni o Kalaupapa. Ma-ka hora 7 o ke kakahiaka o ka La 11 ua naue ae la na keikikane o ka Home Bolowina no Kalaupapa, e alakaiia ana e ko lakou puali puhiohe no ke komo pu ana iloko o na hana lealea o ia la. O ka hana mua loa, i malamaia ae, oia ka hookuku kikipu mawaena o na hui o Kauka Goodhue ame Lunanui McVeigh. O ka hui e hiaule ana ma ka hookuku ana nana e hoomakaukau i kekahi papaaina maikai. Ma ka hookuku ana o kela mau hui ua lilo i ka hui o Lunanui McVeigh ka lanakila ma o na ai he 435 ahe 419 aka hui o Kauka Goodhue. I ka wa e. malamaia nei ka hookuku kikipu ua puhi ae ka bana o Kalawao i na leomele hoonanea a ua maikai maoli no.

Ma ka hora 12 awakea i hoomakaia al na hana heihei lio. He 14 ka nui 0 na heihei like ole i malamaia, a ua nui ka hauoli o ka poe i ike i keia mau heihei". I ke ahiahi iho i malamaa ae ai ka luau, a ua ai a ua lawa ka poe 1 naue ae malaila a ua hoalaia mai na manao hoomaikai i ka poe o Honolulu nei i haawi aku i na kokua ana no ka hoohauoli ana i ka poe e noho mai nei iloko o ka ehaeha. MA KONA I KE KAI MALINO. Ma ka pa-halekula o ke kula 4ur»ur.i 0 Hoonaunau, ua malamaia ae he hookuku kinipopo hoohauoli no ka la o ka Na'i Aupuni. He ekolu hui kinipopo i paani ae ia la, oia hoi Napoopoo, Hoonaunau ame Hookena. a ua ahai haaheo ae ko Napoopoo hui kin'popo 1 ka lanakila o ka la mamuli o ka haule ana o na hui o Hookena avne Hoonaunau iaia. O keia iho na u'puni a kela ame keia hui: līookena ku-e ia Napoopoo. he 9 a Hookena a he 35 a Napoopoo. Hoonaunau ku-e ia Napoopoo. he 1S a Napoopoo a he 17 a Hoonaunau.