Ka Nupepa Kuokoa, Volume XLII, Number 27, 1 July 1904 — KULANALANA KALAIAINA MA MAUI. [ARTICLE]

KULANALANA KALAIAINA MA MAUI.

O ka hakoko kalaiaina o ka mokupuni no keia kau koho ae o Novemaba aia no iloko o ke po'ipu o ka inaopopo ole mamuli no ia o ka loaa pono ole o ka ike piha 110 ka pana ikaika o na aoao kalaiaina mawaena o Demokarata ame Home Rula, eia nae no na Kepuhalika ua makaukau e ka lakou mau papa hoolala hana a ua paa ka manao no ke komo aku iloko o na hakoko ana me ka paio ana iloko o ka maikai a hiki i ka puka pono ana. Ina e hoopuka kaokoa ae ana na Demokarata i ka lakou papainoa moho a kaokoa no hoi ka na Home Rula alaila e heie okoa ana ka papainoa a na Repubalika. A ina e hui ae ana keia mau aoao a elua i hookahi kaa malalo o ka inoa Demokarata he waiho nawaliwali ana iho ia i kahi a na Repuhalika e paio maalahi aku ai me ko lakou mau makaukau. A ina hoi e hiki ole ia Demokarata ke hana aku e hui ae laua a hoopuka ole ae i papainoa moho nana alaila e loaa hou ana ia Home Rula ka lanakila ma Maui a ke noi nei makou e hoopakeleia mai inakou mai keia ulia maikai ole.—Maui News. .♦« Ua holo a ua nalo aku o James Kekuku, kekahi o na keiki kakaukope o ke Keena Hoona Aina o ke Aupunl, i ka oPalima o kela pule aku nei. He hoaie i kona ukuhana i na poe like ole ke kumu o keia holo ana.