Ka Nupepa Kuokoa, Volume XLII, Number 28, 8 July 1904 — E HOOKOLOKOLO IA ANEI? [ARTICLE]

E HOOKOLOKOLO IA ANEI?

Ma keia hoi ana mai nei o ka bana Hawaii mai ka heihei mai o Maui, ua hoounaia aku la kekahi elele me ke kauoha mai ia Konela Jones aku ia Kapena Berger, e kauoha aku ana iaia e hele ae me na keiki puhiohe i ka hoolewa o Lutanela Garber, i ki ai iaia iho me ka pu ma ke kahua hoolulu o na koa America. Mamuli o ka nui maluhiluhi o na keiki 6 ka bana, a mamuli no hoi- o ka ma'i, ua manao o Kapena Ber&er e hookuu i na keiki g hoomaha: nolaila, ua hoouna aku la oia i ka lohe ia Konela Jones aole e hiki ana iaia ame na keikl o ka bana ke hooko aku i keia kauoha oiai o ko lakou ku ana mai no ia a ua maluhiluhi na keiki. aku la oia 1 na keikl e hoi, 1 a hoi aku la no hoi oia e hoomaha. I ka Poakoiu nei, ua hoopukaia mai la kekahi kuahaua oihana kaua e kahea ana e hookolokoloia o Kapena Berger no ka hewa hoole kauoha. Ma ka manao o Konela Jones, ua ku ka hewa ia Kapena Berger, a ua ae aku no o Kapena Berger me ka hoike pu ana aku i na kumu i hiki ole ai iaia ke hooko i ke kauoha. Ua kipa ae oia ma ke Keena o Kiaaina Atkinson no ka hui kuka ana maluna o keia ninau, aole no nae i maopopo heaha la ka hopena i loaa mai. Ua kamaaina o Kapena P°rger i na Hawaii, nolaila aole he mau hoakaka ana nona. Mai kona lawelawe ana i ka oihana puhiohe mia Geremania a hiki wale i keia la, akahi na a loaa iaia keia haawina, nolaila aia me'ia na manao, maikai o ko Honolulu nei poe, a ke manaolana nei lakou aole e hooko ia ana keia hookolokolo ana. Ina e hookolokolo ia ana, ke manao wale ia nei e ala mai ana kekahi ninau ano nui, oia hoi, ina he mana ko Konela Jones e hookolokolo ai ia Kapena Berger. He mea oiaio he kuleana ko Konela Jones ma kona ano oia ke poo nui o ka oihana koa o ka Pualikoa Kiai Lahui Hawaii, a oiai ua komo pu me ka bana iloko o keia haawina, alaila ua kuleana oia e kuahaua a e hookolokolo: 'eia nae o ke Kiaaina ka mana nui maluna o ka puaiikoa, a ina e hookolokolo ia ana o Kapena Berger" a hoopai ia, alaila aole he alanui okoa ana e pakele ai o ke Kiaaina wale no, a ke manaolana la aku nei, ke hooko ia keia kuahaua e hana ana o Kiaaina Atkinson i ka mea pono a e huikala koke ia no o Kapena Berger he mau minute pokole mahope iho o ka hookau ia ana o ka hoopai.