Ka Nupepa Kuokoa, Volume XLII, Number 29, 15 July 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

No Ka Makahiki…… $2.00

No Kono Mahina……1.00

Subscription Rates

One Year…………….$2.00

Six Months…………….1.00

O NA OLELO HOOLAHA APAU E @OOUNALA MAI ANA NO KA HOOLAMA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKO@OLA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

O na Dala apau o ka Papa e hoouna pololei mai i ka HAWAIIAN GAZETTE COMPANY, LTD.

Hoopukala E Ka

Hawaiian Gazette Co., Ltd.

Hookomoia ma ka Hale Leka o Honolulu, Panalaau o Hawaii, ma ke ano Mea o ka Papa Elua.

David L. A. I. :: Lunahooponopono

S.K. Nawaa, : Kokua Lunahooponopono

A.W. Pearson, ::::: Lunanui

Honolulu, Oahu.

Poalima:::Iulai 15, 1904

IKEA NA MOHO PERESIDENA  

            Mahope iho o ka hakoko ana iloko o ka oihana kalaiaina iwaena o na Demokarata no ka wae ana i mau moho ma ko lakou aoao no na noho peresidena ame hope-peresidena o Amerika Huipuia, a iloko o ka Ahalele Wae Moho i malamaia ma Sana Lui, Amerika, i ikeia ae ai na moho, Lunakanawai Alton B. Parker no ka noho peresidena a o Senatoa Henry G. Davis no ka noho hope-peresidena i waeia a kohoia i mau moho mailoko mai o ka huina nui o ka poe holo moho, e like me ia e puka aku nei ma keia helu o ke Kuokoa.

            Alaila ua loaa iho ia he elua moho no ka noho peresidena, oia hoi, hookahi no ka aoao Demokarata oia o Parker a hookahi no ka aoao Repubalika - Peresidena Rusewela a he elua moho no ka noho hope-peresidena. hookahi no na Demokarata - o Davis a he hookahi no na Repubalika, Fairbanks, a ke hala nae ka manawa o ke koho e maopopo ai na mea e iliia ana e ka lanakila o ka la koho.

            Eia nae, ke lawe mai ke kanaka i ka noonoo maikai a hookahua maluna o na kahuahana ame na hana i hanaia ame na kulana ikaika o na aoao a elua - Repubalika ame Demokarata, ua hiki no ke loaa mua e ka ike i na moho e lawe ana i ka lanakila, a o ke ike no hoi ia i ka lanakila o ka aoao kahi a ia mau moho i ku ai ma ka hookuku ana - o ka mua i na aoao, a o ka lua i ke kulana o na moho, a makou e hoomaopopo nei no ka noho mua o ka peresidena o ka manawa ano ua moho ia, e nele ole ai hoi ka ukaliia e kono hoa moho o ka aoao hookahi no ka noho hope-peresidena, ke mau ka like me ka mau. aka na ka la koho e hoike mai i ka io.

            Ma ka hookuku ana i na moho peresidena ua loaa no ka ike like i ka makaukau o laua e elua, -- he makaukau ko Peresidena Rusewela e hiki ke hoohewehawa ole ia a oi loa aku aia no oia iloko o kahi o ka hana ke kumu o ka ike io i lawa ai e like ka hoike no o kana mau hana i hana ai no ka pono lehulehu, he mea no hoi i umeia ai ka noonoo pililaula Repubalika ke kumu i ou hookahi mai ai oia i moho Repubalika.

            A aole no hoi i nele ka ikeia o na kulana ame na ano o ka Lunakanawai Parker mamuli o kona mau manao i hoike akea ae ai pili i ke kahua dala gula. a in a nei ua manaoia e wae ae i mau inoa hou no ke kahua mokomoko ua makaukau no oia e unuhi i kona inoa. he kumu hoi e nele ole ai ka hoopuiwa aku i ka nui Demokarata, eia nae, aole i kuha ʻ u iho ka manaoio o na Demokarata maluna ona i hoike maopopoia ae ma kona kohoia ana i moho, me ka nana ole ae i keia kulana hoike wiwoole ana ana. Aka e hookuku i ka nui o na mana koho e kauia aku ai maluna o keia mau moho -- a o ka moho Repubalika no ke aiai loa oiai aia no ia Repubalika ka ikaika oi.

            A e like ana no ka hua no ka oho elua me keia o ka noho mua, a oi loa aku ke kakooia o ia hiohiona mamuli o ka like ole o na moho ke hookuku ae. O ka moho Demokarata Davis he kanaka oia nona na makahiki o $2 a i noho hoa no ka Senate o Amerika Huipuia no 12 makahiki a i noho hoomalolo iho no iwakalua makahiki, a no ka nele Demokarata i waeia ai paha ka elemakule a ke keonimana no hoi e noonoo ai oia nona iho e pono ai. Aole pela ke kulana o kona hoa moho.

O KA LOHE KE OLA.

            O keia ke au i hoano hou la ai ke kulana o Hawaii uuku nei, a e like me kona hoano hou ia ana pela i komo mai ai na mea hou i maa ole ia kakou na Hawaii. I keia mau la he nui na hui i hoaiaia a i kukulu ia iwaena o kakou, he mau hui hoi no ka manao ana e hoomakaulii na kanaka Hawaii ame na lahui e ae a e pulama hoi i ko lakou mau loaa liilii. He mea oiaio i ke ku ana o keia mau hui maanei ua lawe koke ia mai imua o na kanaka Hawaii ame na lahui e ae no hoi, he mau mea e hiki ole ai ke hoole ae i ka oiaio o ke ku ana o keia mau hui, ma kekahi olelo ana ae. ua laweia mai na kahua o keia mau hui i mau hoike nana e huli aku i na manao. he pono ia mau hui a he mea pono e hoahu malaila i ka loaa uuku i loaa i ke kanaka.

            Maluna o ke kahua hoahu i na loaa liilii o ke kanaka, he mea pono i ke kanaka e noonoo mua mamua o ka lele ana iloko olaila. a e ninau mua iho oia iaia iho enei:

            He hiki anei ia ʻ u ke hilinai aku i kona (hui) mau lunanui? He poe anei lakou i kuonoono iluna o ka aina? He poe noho hihia ole anei lakou (ma ka hookele waiwai ana?) Ua lawa anei na kakoo ana no ia hui e hiki ai ke loaa hou mai ka ʻ u mau dala in a ia e poho ana ame na ninau lehulehu i kupono i ka ninau ana maluna o keia ninau.

            Aia a loaa ka haina pololei i ke kanaka maluna o keia mau ninau alaila ua hiki iaia ke ookomo i kana mau dala me ka ninau ole mahope iho; aka i nele ke kanaka me ka haina o keia mau ninau o ka hana pono loa iaia oia kona hoohuli ana i kona kua a haawi aku i ka mea e hooikaika mai ana e hoahu i kana mau dala. E wehe hamama i kona poai o ka ike; e hookipa mai iloko on a i na ike e hoohewahewa ole ai i ka pono o kana hana i hana aku ai. Ina ua komo mua iloko o kekahi hui a loaa ka pilikia malaila, e lawe mai ia ike a hoohana aku i kona manawa e halawai hou ai me kekahi mea o ia ano, a e akahele loa i ke komo ana iloko o na hui i maopopo ole ko lakou kahua oiaio. Ke hoole ke kanaka i keia mau alakai pokole ana he mea maopopo ua hoole oia i ka oiaio a ua papani i kona pepeiao. "O ka lohe ke ola, o ke kuli ka make," wahi a kahiko.

            E like me ka make i hooaiai mua ai no ka mahanahana mai o ke kumupepeiao o Demokarata Hawaii ma ka lawe a ʻ o o na elele Demokarata e kakoo no Hearst wale no oiai iloko o ka Ahaelele i malamaia ma Progress Hale, aohe hoohewahewa ana i ka oiaio o ia mea, no ka mea aole he wahi mea a loheia o ka inoa o Hearst a hiki wale i ka puka ana mai o ka hua o ka Ahaelele ma Sana Lui ma o Parker la, a makou e hoomaopopo nei aole i nele ka pii o ka ula o na papalina o Demokarata mamuli o ka mahanahana o ke kumupepeiao, a ua hoomaopopo iho paha i ka nui hemahema io o keia a ʻ o kuhihewa.

            Aole no i kala i uwaioia ai e na noonoo maikai iwaena iho o ia auna, he ole nae ka hoolonoia mai. Nolaila in a kohoia o Parker i peresidena alaila, me ka hoohewahewa ole aia o Hawaii Demokarata ma ke kulana puikaika o ka hoohakaliaia o kona nanaia mai. Ua oi aku keia hawawa i nele ole ai ke emi ino loa i ko ka noeau o ka hele pu ma ka auwai o ka hapanui in a i hanaia pela.

KE PIHOLO ANA O KA MOKUKAUA HATSUE I KA RUKINI.

            Wahi a ka nupepa Adavataisa Iapana ua loaa mai na mea e pili ana i ka poino o ka mokukaua Kepani Hatsuse. Ma kona ala aukai i waho pono o Poto Ata he umi mile ka mamao ua hookui ae la kekahi pokapahui i mo-kuia iloko o ke kai ma kekahi wahi o kona kino, ke kumu i kauoha koke ae ai kona hope kapena Mr. Arimori i kona poe kanaka e hana koke ia kahi i poino kahi o ke kai e komo ana iloko o ka moku, ame ka eleu no hoi ua paa koke ae la ua wahi poino nei a hoikeia aku la ua ulia nei ia Kapena Nakao ame Hope Akimarala Nashiwa.

            Ia manawa koke no ua kolo koke ia aku la o Hatsuse e kekahi mokukaua no o lakou. No ke ano ino ana mai o ke kai ua hiki pono ole ka moku ke holo nona iho a hiki pone ole ke hookele iaia nolaila ua iho aku la na kapena a elua ilalo e nana pono ai i ke ano o ka poino a ia laua ilaila ma kahi o ka hora 12:30 p.m. ua pa hou mai i ka moku ka lua o ka pokapahu.

            Ia manawa koke no ua lilo koke ae la ke ola o ka hope kapena, a pii koke ae la ka pouli iloko o ka lewa lani me ka haalulu nui mamuli o ke pahu ana a punohu ia ae la e ke ahi ame ka nui uwahi e uhi pu ana i ka moku ame ka moana a o ka nanaina o ka hiohiona holookoa he ku maoli no i ka weliweli e hiki pono ole ai i ka olelo ke wehewehe, a iloko o kekahi minute hou ame umi kekona ua nalo aku la ua moku nei iloko o ka hohonu.

            Me ka eleu no hoi kekahi poe moku manuwa Kepani e holo kokoke ana me ka moku poino ua hoopakeleia ae la he ekolu poe koa a oi o ka mokukaua Hatsuse a ua pakele pu ae no hoi ka Hope Akimarala Nashiwa a laweia iluna o ka mokukaua Tatsuda. O ke Kapena ame kona poe koa ua nui ko lakou ikaika ma ka hana i ka manawa i loaa a i keia poino. O Lutanela Tanaka oia kekahi i hoike ae i kona wiwoole oiai ka moku iloko o ka poino ua holo koke aku la oia iloko o ka moku no ka lawe ana mai i na kii o ko lakou mau Emepera ame na palapalaaina ame kekahi mau palapala ano nui e ae no ka hoopakele ana mai ke piholo like ana iloko o ka moana.

            I ka manawa i piholo ai keia mokukaua Kepani aia na moku topido Rukini iloko o ka awa o Poto Ata kahi i ku ai a mamuli o keia ike ana mai i ka poino o ke Kepani ua holo koke mai ia lakou i kahi o ka poino no ka manao paha e kaua mai, aka aole i kuhau iho ka mokukaua Tatsuda oiai ua uhai aku la oia mahope o ua poe Rukini nei ke kumu o lakou i naholo ai iloko o ko lakou puuhonua.

            Ma ka aoao o ka moku Kepani e uhai ana ua hooholo iho o Hope Akimarala Nashiwa aole e kuupau i ka holo oiai malia o hihia aku me kekahi mau pokapahu e mo-ku ana iloko o ke kai, alaila e poino ana, nolaila ua haawi aku la oia i ke kauoha e hoopau i ka uhai ana  a huli hoi aku la e hui me kona auna mokukaua.

KA AHAHUI KULA SABATI O MAUI, MOLOKAI AME LANAI.

            Ke hoolahaia aku nei, e noho ana keia aha, maloko o ka luakini o Wananalua, Hana, ma ka Poaha eha (4) la 22 o Sepatemaba. A. D. 1904, ma ka hora 10 kakahiaka.

            Nolaila, ke kauoha ia nei na iaia a apau o keia Aha, e akoakoa ae ma kahi ame ka manawa i oleloia maluna.

M.P. WAIWAIOLE.

Kakauolelo.

Wailuku. July 8th, 1904.

PAUAHI NUI MA FRESNO.

            FRESNO, Cal., Iulai 12. -- Ua pau ae ka hale wili papa Madary ame kekahi mau hale wili e ae i ke ahi i ka po nei me ka poho o $225,000.

O DIAZ NO KA PERESIDENA

            KULANAKAUHALE O MEKIKO, Iulai 12. -- Ua noho ae ka aha koho inehinei no ka hookomo ana i na balota no ke koho peresidena a puka aka la o Porfirio Diaz no ka noho Peresidena ame Ramon Corral no ka noho HopePeresidena. Ke emi mau nei ka ikaika kino o Kenerala Diaz a e waiho koke ana i ka noho persidena ana. a o Ramon Corral ka mea ma kona wahi.

            Ma keia manawa he 74 makahiki o Kenerala Diaz, a o kona ola ua piha me na hana o ka pono pili i ka lehulehu a na kona mau hana i hana ai i hoike ae i ke ano like loa aku o kona noho peresidena me ke ano moi.

            He haumana wale no oia i ka manawa e noho ana o Mekiko iloko o ke kaua a ua komo aku ia oia ilaila a kaua aku ia Amerika Huipuia. a iloko o ia mau paee ana ame na paee e iho i aneane ai oia e komo iloko o ke kupilikii mamuli o ke eha i loaa iaia mamuli o keia mau kaua aku ua lilo ae la oia i mea aiai loa iloko o ka hapanui o ka poe iloko o ke kaua.

            Ua kue loa oia i ke komo limanui ana mai o na Farani a oia no ke alakai o ka pualiko ao Mekiko i ka la 5 o Mei 1862, a lilo pio o Puebia mahope iho o ke kaua ana aneane hookahi mahina. Mahope iho, ma ia wahi hookahi no, ua hopuia aku la oia a paapio aka ua lanakila no oia ma kona mahuka ana. Ua kaua hou aku no oia i na Farani a paa hou no i ka hopuia aku ua pahemo no i ka lua o ka manawa.

            Me kona manao paa ua hooikaika ae no oia e kukulu pualikoa a ku io no a me ia ikaika i loaa iaia ua lawepioia ae la ke kulanakauhale o Mekiko a oia no hoi ka panina o ia kaua a o ka pau loa no hoi ia o ka noho mana ana o na Farani ma Amerika. I ka makahiki 1867 ka hanaia ana o ia hana.

            Alaila hoi aku la o Kenerala Diaz i kona wahi i La Vonia oiai ua pau ae la no kana hana. Ma ka make ana o Peresidena Juarez ua noho ae la o Tejada ma ia noho ma kona kohoia ana e noho ma ia wahi aka aole i kupono oia ma ia wahi, nolaila ua pii nui mai ka manao o ka lehulehu kue i kona koho hou ia a lilo ae la o Kenerala Diaz i hoa paonioni no ka noho peresidena, i ukaliia hoi e ke kaua a komo lanakila aku la o Diaz  iloko o ke kulanakauhale o Mekiko i Novemaba, 1876 a lilo ae la oia i peresidena. Ua paa iho oia ia noho a hiki i ka makahiki 1880, oia no hoi ka manawa i haawi aku ai ia wahi ia Kenerala Gonzales ka peresidena hou.

            Ma na makahiki eha mahope mai ua hana aku oia no kona aina iloko o na wahi kulana ano koikoi a iloko o na hui. Ua hele aku oia i Amerika Huipuia ma ke ano he komikina i ka hoikeike nui o Nu Olina kahi ana i hui ai me kekahi poe a lilo lakou i poe hoaloha pilipaa nona.

            I ka makahiki 1884 ua koho hou ia ae la o Diaz i peresidena no Mekiko a ua koho hou ia no i ka manawa i pau ai kona manawa o ke kau mua a o keia manawa hope i lilo ai ka puuwai o ka poe imi waiwai o ka aina i on a la, he waiwai nui hoi i panaiia aku  i kekahi kanaka. Aole no e hiki ke alo ae i ka panai maikai ana no ka mea i kona manawa hoomalu ua hookahua pono iho la ka mana o ke kanawai, na hana hooholomua o ka aina, hoopakeleia na waiwai, a noho mai la ka maluhia maluna o ka aina a nalo aku la ka haowale a ma kona noho hooponopono aupuni ana ua noho aku ka pono ma kahi o ka epaepa.

            O na ano maikai ole o ka nohona ma Mekiko mamua aku a ma ka manawa on a i noho aku ai iloko o ka noho hooponopono aupuni ana ua ano kunahihi maoli no ka noho ana o ka lehulehu, aka ua nalohia aku ia mau ano mamuli o ke kapae ana i na kanaka hoala ino i manao iloko o lakou aia malaila e loaa ai ko lakou pono.

            Iloko o kona hooponopono aupuni ana ua pii mahuahua mai la ka waihona aupuni i ka pakolu a lawa no kona mau lilo ponoi a koe koena, ua pii ikaika ae la me ke ohohia nui ia a pela no hoi i pii mahuahua ae ai na hana hoowaiwai aina apau aole e like me mamua.

            O kana kukulu hana oia no ka ae ole ia o na mea e ae e komo wale iloko o Mekiko in a he mau mea hiki ole lakou ke ulu ilaila. O Peresidena Diaz he ike kona e hiki ai ke hoomaopopo no kela ame keia mokuaina o Mekiko. A he ike pu hoi kona i pili i ke ano o ke kanaka, a he ike pu no hoi kona e wae ai i mau limahana no ka hoopiha iloko o na oihana aupuni no lakou hoi na ano i kupono loa no na oihana i hookomoia aku ai lakou.

IKE KA POE PAA KULEANA O KEWALO I KA MORAKI.

            Akahi no a pu-a ae kekahi mau anoi pili i kekahi mau hoohana kuai aina a Chas. S. Desky i hana ai i ka wa on a i hoomaka ae ai ia mea iloko o ke kulanakauhale o Honolulu a huliamahi ai ka nui lehulehu iloko o ia mea hookahi ma ka lawe ana i mau apana no lakou.

            Oia hoi, ke kuai ana aku ia Kewalo ae nei maloko o na apana i okiokiia. O ka moolelo hoohikilele manao o kekahi moraki i hanaia e kue ana i ka poe kuai o na apana he iwakalua-kumamaiwa, ka poe hoi e paa nei ia mau kuleana ma o ka loaa ana ia lakou na palapala kuai hoolilo mai ia C. S. Desky mai ma ka hookaa piha ana i ka waiwai io o na apana -- oia poe ka poe e loheia aku nei ko lakou leo nunui o ka hoohalahala.

            Ua oleloia ae i ka manawa i loaa mai ai na palapala kuai i ka poe i hookaa piha i ko lakou mau apana aia he moraki o $10,000 maluna o iwakalua-kumamamao apana mawaho ae o iwakalua-kumamaiwa apana. He aneane ma kahi o $2,500 i hookaaia maluna o keia huina moraki a koe iho ia ke koena no ke kumupaa ma kahi o $7,500. A aole he ukupanee i ukuia maluna o keia koena kumupaa no elua makahiki. nolaila o ka ale maluna o ka moraki mai ke koena kumupaa ame ka ukupanee i uku ole ia ua hiki aku ma kahi o $8,800.

            O Mr. W. Wolters kekahi o ka poe kuai apana a i lilo mai iaia he iwakalua apana o $750 o ka apana hookahi no lakou ka huina nui o $15,000 ka huina hoi iukuia e ia. He eha hoi apana a ke California Feed Co. ililo mai iaia, a o Willard E. Brown he ekolu apana a he elua hoi a F. C. Betters.

            Ua oleloia aole e kala i ike ai o Mr. Wolters i keia moraki ame kona hookaa pono ole la aka no kekahi poe mea kuleana apana e ae ua hiki aku keia meahou o ka moraki imua o lakou he mea hoopuiwa nui. O keia mahele aina nui. ua kuaila mai ia Cummins mai. aka o ka moraki ua hooliloia mahope mai ia J. F. Hackfeid a aia iaia e paa nei i keia manawa.

            "Aia he moraki ko Desky maluna o $10,000 maluna o ka waiwai i ka wa ana e kuai liilii ana ma na apana, eia nae aole oia i hoike iki ia oiaio i ka poe kuai." wahi a kekahi o ka poe mea kuleana i hoike manao ae ai ka Poakahi nei.

            "Ua kuai makou i keia mau apana i ka wa ohohia nui ia o ke kuai aina." wahi hou ana, "an ma ke kumukuai ohohia no hoi makou i uku aku ai. I ka manawa i uiia aku ai o Desky no ke aha la oia i hoolilo ole ai i na dala i loaa iaia mai na apana aku no ka hookaa ana i ka moraki, ua pane mai oia me ka pihoihoi ole he mau dala ia ana i makemake ai no kekahi hana okoa aku."

HOIKE HUI O NA KULA SABBATI O HANA. MAUI HIKINA.

            I kulike ai me ka Olelo Hooholo a ka Ahahui Kula Sabati o Maui, Molokai ame Lanai. ma ke Kau o MAy, A. D. 1896, ma Wailuku. oia hoi, "Ma kahi e noho ai keia Aha e malamaia ka Hoike Hui o na Kula Sabati maloko o ia mahele a apana paha. A o na alakai ame na hooponopono ana o na hana hoike oia la, aia no ia malalo o na lawelawe ana a ke komite. a ka Aha. Nolaila, ke hoolaha ia aku nei e malama ia ana ka Hoike Hui o na Kula Sabati o Keanae, Nahiku, Wananalua, Kipahulu ame Kaupo, maloko o ka Luakini o Wananalua, Hana, ma ke Sabati hope ka la 25 o Sepatemaba, A. D. 1904, hora 10 kakahiaka.

Na Haawina Hoike:

            Kula Sabati o Keanae, mahina o May, 1904.

            Kula Sabati o Nahiku, mahina o Iune, 1904.

            Kula Sabati o Wananalua, mahina o July, 1904.

            Kula Sabati o Kaupo, mahina o Sepetemaba, 1904.

            A o ka haawina o na pokii ame na opio, aia no ka hooponopono ana malalo o na Kahukula Sabati apana ame na kumu apana o kela ame keia Kula Sabati iho. A pela pu me na himeni.

Na ka Aha,

M. P. WAIWAIOLE,

Kakauolelo.

Wailuku, July 8th, 1904.

            MA ʻ I HI PAHEMO. -- No kekahi mau makahiki iloko o na mahina o ke kau la ua loaa mai au i ka ma ʻ i hi pahemo, a ua lilo koke ae keia i ma ʻ i hi maoli o ke ano inoino loa, a ua ukali pinepine mai hoi mahope o keia ke nahu ame ka eha. He hele mau wau i na kauka no keia pilikia i loaa mai ia ʻ u, eia nae, ua lilo mai keia i ma ʻ i kuluma e loaa mau ana a ʻ u i kela ame keia kau la, a ia ʻ u e huli ana i maha no ʻ u ua halawai ae la wau me ka laau Chamberlain's Colic, Cholera and Diarrhoea Remedy, a o keia ka laau hana i hoola mai ia ʻ u ame ka hikiwawe no hoi keia hoola ana, a o keia ka mea nana i ume aku ia ʻ u e hilinai piha aku maluna on a, a o ka mea nae nana i hoopuiwa nui ia ʻ u, oiai oia e hoola ana me ka hikiwawe i ka umii a hoopau hoi i ka hi aole loa i loaa mai he haawina ino mahope mai. He lawe mau wau i omole o keia laau ke kaahele wau. -- H. C. HARTMAN, Anamosa, Iowa, U. S. A. Ke kuai ia nei ma na hale kuai lapaau apau. BENSON, SMITH &

HOOLAHA HOOKO MORAKI.

HOOLAHA MANAO PANIKU A KUAI A KA MEA PAA MORAKI.

KAUHOLA (K.)

            I kulike ai me ka olelo o kekahi palapala moraki i hanaia ma ka la 9 o September, A. D. 1898, mawaena o Kauhola (k.) o Makua, Waiane, Oahu, ame C. B. Maile o Honolulu, Oahu, i oleloia, a i kopeia ma ka Keena Kakau Kope o ke Aupuni, Buke 180, aoao 477 ame 478, a i hooliloia mai ia moraki ia Douglas Kaona ma kekahi Palapala Hoolilo i hanaia ma ka la 2 o July, A. D. 1904, a i kopeia ma ka Buke Aupuni o ke Keena Kaku Kope i oleloia a no ka hookaa ole ia o ke kumupaa ame ka ukupanee; nolaila ke manao nei ka mea malama moraki i oleloia o ka mea paa moraki i oleloia, e pani, a ke hoolaha aku nei no ke kuai ana ma ke kudala ma ka Hale Kudala o J. F. Morgan, ma Alanui Kaahumanu, Honolulu, Helu 847, ke hiki aku ma ka la 6 o Augate, A. D. 1904 a o ka waiwai i oleloia ma ia moraki, penei no ia:

            He apana aina ma Makua, Waianae, Mokupuni Oahu, nona ka Palapala Sila Nui Helu 3634, Kuleana Helu 9054 i hookoia no Kawaa no Manua, nona ka nui he 9 eka oi aku a emi mai a i loaa mai iaia ma ka Palapala Kuai a D. K. Mahu ma ka la 4 o September, A. D. 1878, a i kopeia ma ka Buke Aupuni 93, aoao 155 ame 156, a ke hoike pu ia aku nei o na lilo no ka hana ana i na palapala, na ka mea e kuai mai. Kuike ke dala ma ke dala gula o Amerika.

            No na mea i koe, e ninau ia DOUGLAS KAONA, Mea Malama Moraki o ka Mea Paa Moraki.

            Ma o kona @ la, J. P. Ball, Alanui Moi, Helu 3. Waity Building.

            3024 -- July 15, 22, 29 Aug. 5.

HOOLAHA MA KE KAUOHA

HOOLAHA.

            I na poe apau. O ke Kailawai ʻ a o Moanalua, aia malalo o ka hoomalu ana a Sam. Kipi. Ke papaia aku nei na mea apau aole e hele a lawai ʻ a ma ua kai la koe wale iho no na kupa ame na poe e noho hoolimaama nei a e hookoeia ka i ʻ a kapu a ke konohiki oia hoi ka amaama no ko ʻ u po@o ponoi. O ka mea e ku-e ana i keia e hoopiiia no ma ke kanawai.

HOOLAHA O NA UKU O KA PAIPU LAWE MEA INO.

            Mamuli o ka lohi o ka hoouna ia ana aku o na hoike o ke paipu lawe o na mea ino, nolaila ua hooloihiia aku ka manawa no ka uku ana a hiki i ka la 31 o Iulai 1904, a mahope aku oia la e kau no ka hoopa ʻ i o 10 pa-keneta maluna o na uku e panee ana.

C.M WHITE.

Poo Kakauolelo.

            Aponoia e C. S. HOLLOWAY

302A -- July 15, 22, 29.

HOOLAHA MANA HOOKOLOKOLO

ILOKO O KA AHA KAAPUNI O KA APANA KAAPUNI ELIMA, TERITORI O HAWAII. -- HOOPONOPONO WAIWAI HOOILINA MA KE KEENA.

Iloko o ka Waiwai o W. E. H. Deverill o Hanalei, Kauai.

            Kauoha o ka Hoolaha o ka Hoolohe Palapala Noi no ka Hooko Kauoha.

            He Palapala e hoike ana o ia ka Palapala Kauoha hope loa ame ka Hoike a W. E. H. Deverill, mea i make, i waihoia mai hoi ka la 23 o Iune. A. D. 1904, imua o ka Aha Hooko Kauoha i oleloia, a he noi hoi no ka Hooko ana i ua Palapala Hooko Kauoha la a no ka hoopuka ana aku i na Palapala Hoike la Sarah B. Deverill i waihoia mai hoi e ia.

            Ke kauoha pu ia nei no hoi o ka Poaha, ka la 4 o Augate. A. D. 1904. ma ka hora umi a. m., o ka la i oleloia, ma ke Keena hookolokolo o ka Ah i oleloia, ma Lihue, Mokupuni o Kauai. o kahi ia ame ka manawa i hookawaleia no ka hooiaio ana i ka Palapala Kauoha i oleloia ame ka hoolohe ana i ka Palapala Noi i oleloia.

            Ke kauoha hou ia nei no hoi he hoolaha o keia e hoolahaia ma ke pa ʻ i ana i kela ame keia pule no eha pule nee papa iloko o ka "Hawaiian Gazette" ame ke "Kuokoa" he mau nupepa e hoolahaia nei ma Honolulu, o ka hoolaha hope hoi aole e emi iho o ka manawa i hoopaaia iloko nei no ka hoolohe ana.

            Hanaia ma Lihue, Kauai, i keia la 24 o Iune, 1904.

            Na ka Aha:

(Kakauinoaia) JNO. A. PALMER.

Kakauolelo.

3022 -- July 1, 8, 15, 22.

ILOKO O KA AHA KAAPUNI O KA APANA KAAPUNI ELIMA, TERITORI O HAWAII. HOOPONOPONO WAIWAI HOOILINA MA KE KEENA. ILOKO O KA WAIWAI O KAMALI O KOLOA, KAUAI, I MAKE.

Kauoha o ka Hoolaha o ka Hoolohe Palapala Noi no ka Apno i ka Hoike Papahelu WAiwai Hope Loa. ka Fuunaue ame ka Hookuu ana.

            Ma ka heluhelu ana ame ka waiho ana mai i ka Palapala Noi ame ka Hoike Papahelu Waiwai o R. K. Ainaike, ka Lunahooponopono o ka Waiwai o Kamali o Koloa, Kauai, i make, iloko hoi olaila i noi ai oia e aeia iaia he $44. 64, ana hoi i auhau iaia iho me $177.80, a ke noi nei e noii pono ia ua hoike la a e aponoia, a e hanaia i kauoha hope loa no ka puunaue ana o ka waiwai i koe iho iloko o kona mau lima i ka poe apau i kuleana iloko olaila, e hookuu ana iaia ame kona poe hope hoopaa mai na ko ʻ iko ʻ i hou aku ma ke ano Lunahooponopono Waiwai.

            Ua kauoha pu ia no hoi o ka Poalima ka la 29 o Iulai, 1904, ma ka hora umi a. m., imua o ka Lunakanawai o ka Aha i oleloia ma ke Keena Hookolokolo o ka Aha i oleloia ma Lihue, Mokupuni o Kauai, o kahi ame ka manawa i hoike mua ia ae nei oia kahi ame ka manawa no ka hoolohe ana i ka Palapala Noi ame ka Hoike Papahelu Waiwai i oleloia, a o ka poe apau i kuleana iloko o keia mea e hiki ae lakou ilaila ma ka manawa i oleloia a hoike ae i ke kumu, ina he kumu kekahi a lakou no keaha la e hiki ole ai e aeia ke noi, a e waiho pu ae i na hoike kupono no ka poe i kuleana io i ka waiwai i oleloia. A he hoolaha o keia Kauoha e hoolahaia  ma ka olelo Hawaii iloko o ka Nupepa Kuokoa he nupepa i pa ʻ iia a hoolahaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua o ka manawa i hoopaaia iloko nei no ka hoolohe i oleloia.

            Hanaia ma Lihue, i keia la 18 o Iune, 1904.

            Na ka Aha:

(Kakauinoaia) JNO. A. PALMER.

Kakauolelo.

3021 -- June 24, -- July 1, 8, 15.

ILOKO O KA AHA KAAPUNI O KA APANA KAAPUNI ELIMA. TERITORE O HAWAII. HOOPONOPONO WAIWAI HOOILINA MA KE KEENA. ILOKO O KA WAIWAI O JAME UPAPA UNAUNA O KOLOA, KAUAI, I MAKE.

Kauoha o ka Hoolaha o ka Hoolohe Palapala Noi no ka Apono i ka Hoike Papahelu Waiwai Hope Loa, ka Puunaue ame ka Hookuu ana.

            Ma ka heluhelu ana ame ka waiho ana mai i ka Palapala Noi ame ka Hoike Papahelu WAiwai o R. K. Ainaike. ka Lunahooponopono o ka Waiwai o James Upapa Unauna o Koloa, i make, iloko hoi olaila i noi ai oia e aeia iaia he $125.25 ana hoi i auhau ai iaia iho me $274.50. a ke noi nei e noii pono ia ua hoike la a e aponoia a e hanaia i kauoha hope loa no ka puunaue ana o ka waiwai i koe iho iloko o kona mau lima i ka poe apau i kuleana iloko olaila, e hookuu ana iaia ame kona poe hope hoopaa mai na ko ʻ iko ʻ i hou aku ma ke ano Lunahooponopono Waiwai.

            Ua kauoha pu ia no hoi o ka Poalima, ka la 29 o Iulai, A. D. 1904, ma ka hora umi a. m., imua o ka Lunakanawai o ka Aha i oleloia ma ke Keena hookolokolo o ka Aha i oleloia ma Lihue, Mokupuni o Kauai, o kahi ame ka manawa i hoike mua ia ae nei oia kahi ame ka manawa no ka hoolohe ana i ka Palapala Noi ame ka Hoike Papahelu Waiwai i oleloia, a o ka poe apau i kuleana iloko o keia mea e hiki ae lakou ilaila ma ka manawa i oleloia a hoike ae i ke kumu, in a he kumu kekahi a lakou, no keaha la e hiki ole ai ke aeia ke noi, a e waiho pu ae i na hoike kupono no ka poe apau i kuleana io iloko o ka waiwai oleloia. A he hoolaha o keia Kauoha e hoolahaia ma ka olelo Hawaii iloko o ka Nupepa Kuokoa, he nupepa i pa ʻ iia a i hoolahaia iloko o Honolulu. no ekolu pule neepapa, o ka hoolaha hope loa aole e emi malalo o elua pule mamua o ka manawa i hoopaaia iloko nei no ka hoolohe i oleloia.

            Hanaia ma Lihua, i keia la 18 o Iune, 1904.

            Na ka Aha:

(Kakauinoaia) JNO. A. PALMER.

Kakauolelo.

2021 -- June 24, -- July 1, 8, 15.

HOOLAHA KUMAU

LEWERS & COOKE

L@I AME KUKE, Kaupalenala

Na Mea Hookomo mai a Kuai aku i na

LAKO HANA HALE

O Kela ame Kena Ano.

Malaila e loaa ai na mea malalo iho@

            NA PAPA N. W., NA PAPA @ PILI HALE, NA PUKA, NA @ LEPE AME NA PONO PUKA AN@ ANI, NA KUI, AME NA MEA PILI @ KA OIHANA KAMANA, NA PONO @ PENA.

            NA PENA LIKE OLE AME N@ HULU PENA, NA ANIANI, NA P@ PA HALE, PALE PUKA ANIANI @ MOENA, ETC.

            O na kauoha pono hale apau i@ hiki mai ana ia makou e h@ ia no me ka eleu ame na KUMUKUAI @ HAAHAA LOA.

LEWERS & COOKE

Kakela me Kuke

[KAUPALENAIA]

Poe Kalepa ma ke Komisina

::A HE::

POE LAWELAWE KOPAA

Poe Agena no na Mahiko Lehulehu.

Hui Alahao âme Aina o Oahu

MANAWA HOLO

Mei 1, 1903.

MAI HONOLULU AKU

No Waianae, Waialua, Kahuku ame na wahi hoolulu ma ke alahao -- *9:15 a. m., *3:30 p. m.

No Pearl City, Ewa Mill, ame na wahi hoolulu ma ke alahao -- + 7:30 a. m., *9:15 a. m., *11:05 a. m., *8:15 p. m., *3:20 p. m., +4:15p. m., *5:15 p. m., +9:30 p. m., +11:15 p. m.

MAI WAHO MAI.

Ku i Honolulu mai Kahuku. Waialua, ame Waianae mai * 8:36 a. m., *5:31 p. m.

Ku i Honolulu mai Ewa Mill ame Pearl City mai -- +6:50 a. m., +7:46a. m., *8:36 a. m., *10:38 a. m., *2:05 p. m., *4:31 p. m., *5:31 p. m., *7:40 p. m.

*5:31 p. m., *7:40 p. m.

*Kela âme keia ia.

+ Sabati wale no.

+ Koe ke Sabati.

G. P. DENISON,

Lunahoohana.

F. C. SMITH

G. P. & T. A.

KAUKA T. MITAMURA

Alanui Kukui Ololi Helu 68, Honolul. Na Hora Hana:

            Hora 9 a.m. a 12 m; 6:30 p. m a 7:30 p. m. Sabati, Hora 9 a. m. a 10@ a. m. Telepone Blue 2366 P. O. Box 842.

…O KE…

Koko Ino ka mea e loaa ai na Pilikia ma ke Kino.

            E Heluhelu i keia mau Manao.

O KA LAAU

AYER'S SARSAPARILLA

KA

laau nana e hookaawale na m@ mai kou koko aku. He laau @ ai, a he laau e hoikaika ana i @ mau iaia apau. O ka Laau Ayer's Sarsaparilla ka laau kaulana loa a @ ke ao holookoa. Ina e hoomau @ ka lawelawe ana i keia laau e loaa ana @ ke ola kino maikai a me ke @ maemae, hoi hou mai ka ula o k@ m@ lehelehe, pu ʻ ipu ʻ i maikai kou mau papalina, a loaa ke kulana ola kino maikai.

            He loaa na pu ʻ u paa o ke k@ laau Ayer's Sarsaparilla, e hoopakele ana mai ka ma ʻ i puu paa (Brights' Disease) ame na ma ʻ i oia ano. Ke @ ikaika aku nei makou e lawe ia k@ laau ma kahi i ike ia na ma ʻ i @ paa apau.

            Hoomakaukau ia e Kauka J. C. Ayer's & Company, Lowell, Mass., U. S. A. E loaa no keia mau Huaale ma na hale kuai laau apau.