Ka Nupepa Kuokoa, Volume XLII, Number 29, 15 July 1904 — Page 6
| This text was transcribed by: | Mary Deguzman |
| This work is dedicated to: | john shima |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, IULAI 15, 1904. 6
HE PUUPUU IKAIKA.
-------------------
HOOHINAIA E LIKE ME KA BIBI KAUO A WAIHO PONIUNIU ME KA HIKI OLE KE HIAMOE NO KEKAHI MAU PULE.
----------------------
KA IKE I LOAA AKU IA E. C. F. WARD O GIRARD. KANSAS, KEKAHI O NA KOA O KA PUALI H@ O KA MAHELE LOA 55 O INDIANA.
----------------------------
Ua hele aku la kekahi mea kakau nupepa e huli ia Mr. Ward no ka lawe ana mai i kana hooia no ka hoike a kekahi kanaka, e noho ana ia @aona hookahi. ana i hoopuka ai e pili ana no Ward a ua loaa aku la ua kamana ia e hookomo na i kekahi puka aniani hou ma kekahi hale kahiko. I kona manawa i ninauia aku ai, ua minoaka iho la eia a waiho aku la i kana mau meahana a noho iho iluna o ka paepae puka aniani, a pane mai la:
"A@ ke aie nei wau i ko'u oia ana i ka laau Huaale Akaia a Kauka Williams no ka Poe Haikea a he hauoli mau wau ke ha'i aku i ka moolelo o ko'u ola ana no ka pono o kekahi poe e aku. Na ko'u manao he elua wale no laau lapaau maikai loa ae makepono ai ke dala---oia hoi he elua laau i loaa mai ai ia'u ka maikai---a o kekahi o laua oia ka Huaale Akaia a Kauka Williams no k Poe Haikea.
"E ike mai ana oe penei ke ano: e hana ana no wau ma ka'u hana i ka makahiki 1892, a ia'u i haalele ai i ka'u hana ua like me he mea ia ua loaa wau i kekahi puupuu ikaika loa ma ko'u poo. Ma ka hoomaopopo iho ua pau ke pana ana a ko'u puuwai a ua ha'i mai ke kauka ia'u ua haule he hookahi pana ana mawaena o kela ame keia pane ana. Owau kekahi i ke kaua o Richmond, Kentucky, eia nae aole loa i loaa mai ia'u kekahi haawina koikoi loa i like ae la me keia. He mea oiaio ua loaa nai ka manao iloko o'u o keia haawina i kau mai maluna o'u oia no ko'u hopena.
"Mahope mai ua loaa mai la wau i ka poniuniu, a ua haalele aku la wau i ka'u hana a waiho aku la wau maluna o ko'u wahi moe. No elua mahina aole i hiki ia'u ke hele mawaho o ka hale. Ua hapopo mai la ko'u mau maka a hiki ole ia'u ke ike aku i kekahi mea imua o ko'u aio, a aia wau ke waaho la me ulu mau mai o ka haupuupuu iloko o'u. Ua hiki ia'u ke moe iho iluna o ko'u wahi moe mai ka hora eiwa o ka po a hiki i ke ao ana me ka moe ole o na maka. Ua maikai ole ka holo ana o ko''u koko a ua ahu mai ko'u nau wawaae. O ke kauka nana wau i lapaau ua hooia mai oia aole i maikai kana mau laau no'u.'
"No keia hoike a ko'u kauka hooholo iho la wau e hoao i ka Dr. Williams 'Pink Pills for Pale People a'u hoi i heluhelu ai nona ma kekahi hoolaha. Mahope o ka hala ana o na la ekolu a eha paha ike iho la wau ke kokua mai nei keia mau huaale ia'u. Ua hoomaka wau e lawe i keia mau huaale iloko o Ianuari, 1893. Iwaena mai o ka mahina e Feberuari ame Malaki ua hoomaka hou wau i ka hana e like me ka mea i maa mau ia'u mamua aku. Ua hiamoe iho wau me ka loaa ole mai o kekahi pilikia. ua payu a ua nalo loa aku ke poniuniu mai ia'u aku. a ua pumehana mau ko'u mau wawae i oi aku mamua o ka wa e ikaika ana no wau. E ha'i aku oe aole loa he laau nana e hoohaule iho i ka laau Huaale Akala a Kauka Williams no ka Poe Haikea, a he laau maikai hoi no ka haupuupu ame na pilikia e pili ana i ke koko." Ke kuai ia nei keia mau huaale ma na wahi apau a puni ke ao holookoa.
------------------------------------------
Ka Poe a Makou i Ike ai.
--------------------
HE POE LAKOU NO HONOLULU A O KA LAKOU E HOKE AI HE POMAIKAI KULOKO IA.
------------------------
I ka manawa e loaa ai kekahi ano hana hou e like me ia malalo iho, alaila he haawina hoohihi koikoi ia na ko kakou poe heluhelu e kilohi ihho ai. He nui na mea ano malihini e hoolahaia mai nei maloko o na nupepa. he mau mea oiaio no, eia nae, hoomaloka no kanaka. Ma ke kumuhana hookahi ua nalohia aku ke ano hoomaloka. Ua loaa mai ia mamuli o ka ike mai na kupa e kakou nei a o ka lakou mau hoike ua pili no ia ia lakou. O ka poe i kanalua e hoopauia ko lakou kanalua namuli o keia maikai i ikeia ma ke alo. O na olelo hoike e waihoia ae ai i ke akea no kekahi kupa ae n oho nei no ilokonei o Honolulu, he mea hoi nau e ike ai iaia i kela ame keia ia he mea ia ae hoopau loa ai i ke ano hoomaloka. O kahi noho o Mrs. N. Joseph aia ma ke kini o na alanui Liliha ame Moi.
No ehiku mahina i eha ai ko'u kua, a e loaa ana hoi i kela ame keia wa i ke anu ame ka lia o ke kino. He maikai ole maoli no ko'u oia ana, a nolaila, ua kuko nui loa au e loaa ona laau e loaa ai ia'u kahi oluolu. Ua hoaa io ia'u ka'u mea i makemake ai ma na huaale a Doan. Kuai aku la wau ma ka halekuai laau o Hollister ma a ua hauoli loa au i ka hoike ana aku aolewale no i haawi mai ia'u keia mau huaale, he maha aka he oia loa maoli no; a no ia mea aohe o'u wahi kanalua iki ma ka hoomaikeike aku ia mea. oia hoi. i ola au i na HUAALE A DOAN NO KE KUAHANEENEE AME PUUPAA. He laau maikai keia no na ma'i puupaa.
He kuaila na huaale a Doan no ke kuahaneenee ame puupaa e ka poe kuai laau lapaau apau, he kanalima keneia no ke poho hookahi a he eono poho no $2.50. E hhunaia aku no maloko o na Eke Leta e Hollister Drug Co. Honolulu, na agena kuai nui no ko Hawaii Paeaina ke loaa mai ke kumukuai.
-------------------------------------
POINO MA KE ALAHAO.
NU IOKA. Iiulai 11,--He umikumamalima poe i make a he kanalima poe i eha ma ka hooku'i ana o ke kaahi ma ke alahao o Erie ma Midvale. Nu Ioka.
KUE I KA KARISTIANO.
Ladana, Iulai 11.--Ua hoikeia mai nei ua aia ae kekahi haunaele kue i ka poe Karistiano ma kahi he kanawalukumamalima mile ma ke homohana o Chefoo.
-------------------
Ka Poino o na Kamaiki
Opio.
------------------
I ka manawa e piha ai na makahiki he umi-kumamaono i kekahi kaikamahina, oia ka manawa e malama pono loa ia ai ke oia kino. O na makuahineka poe i maopopo aole ka wa kaikamahine he wa malaelae mai na polilikia mai. He mea pono e loaa i ke kaikamahine e ulu ana ke kion ka oia kino oolea no ka hoomakaukau an iaia iho no na hana e kau mai ana maluna ona i kona manawa e oo pona iho ai. He hookahi wale no kumu eloaa ai ke ola kino maikai, a oia ka maikai ana o ka hhhwali ana i ka ai. Eia nae, he nui nakaikamahine opiopio e ulu nei ke kino e ikeia nei aohe ai mai i na mea ai no lakou e pono ai; aohe ono mai o ka ai, wahi a lakou, a ina no hoi e onouia aku ana na mea ai iloko o ka lakou puu, aohe no e pono, no ka mea aohe pono o ka pu. No ia kumu, wiwi mai ke kono. keokeo ano e ka helehelena a ano olowi na poohiwi. Olelo mai na hoaloha o ka ohana eia ke emi ano e mai nei ka milimili nui o ka hale. a i ole, ma ka nana aku, e loaa ana paha oia i ka ma'i hokii ma kekahi o keia mau la e nee aku nei. He tausani o na kaikamahine kino pilalahi, nawaliwali, i ulu ae a lilo i poe wahine nunui puipui maikai a u'i hoi ma o ka hana hou ia ana ame ke ki hou ia ana e ka.
WAMPOLE'S PREPARATION
he mea momona e like me ka honemeli, a loaa hoi na mea hoonoono ai ame hoola o ka Pure Cod Liver Oil, i huiia me ke Compound Syrup of Hypophophites ame ka Extracts of Malt ame Wild Cherry. Ua hiki i keia laau ke hana i na mea apau i hiki ke hanaia e ka cod liver oil maemae loa ma o ka hoomaemae ana ike koko, ame ke kukulu hou ana i ke kino, a i ole no paha, ua oi ae no paha ka maikai o keia laau. Ua olelo mai o Kauka P. A. David, he loea ma ka oihana awiliwili laau no ke Kuiakiekie Bishop o Montreal: "Ua lawelawe au i ko laau cod liver oil ma ko'u halema'i ame ko'u oihana lapaau ponoi, a he nui na loaa kupono i puka pono, a ma ko'u manao o keia kekahi o na mea maikai loa a'u i maopopo ai no ke kukulu hou ana i ke kino, a no kona momona, he mea keia e makaemake nui ia ai, a hiki hoi ke laweia me ka maakahi." Ua maopopo lea ka lanakila o keia mea e like me ka maopopo e kena no ka makewai ma o ka inu an i ka wai. E hoao, a e ike no oe he oi aku o ka maikai o ke oia ana ma keia honua me ka loaa ole i mawaliwali, eha a kaumaha paha ka noonoo. "Aole oia e hoohoka ia oe." E loaa no ma na halekuai laau maanei a ma na wahi apau.
----------------------------------
Kakoo na Demokarata
i na Moho.
(Mai ka aoao 1 mai.)
-------------------
karata ua hooi loa ia aku kona holomua ma ka waeia ana o Lunakanawai Parker. Ina e kohoia o Parder i peresedena alaila aia ianei he mau Demokarata e apo aku ai iaia, nolaila kau aku la ka leo o ka loio e paipai ana i na Hawaii e komo i ka aoao Demokarata.
Ua olelo ae oia i ka pau o ka waiwai io o ka aoao Home Rula a ua hiki mai no hoi i ka panina o kona kumuwaiwai a o ka hoomau ana ia aoao oia no ka haawi mau ana i ka aoao Repubalika ma ke kahua paa, ana Hoi e noho hoomalu mau ai i na hooponopono ana o ka Teritori.
Wahi hou a ka loio he Demokarara oia a aole hoi he Repubalika. A no kona kulana pili i ka hoohuiaina ua ike e no oia e hoea io mai ana no ia. He nui na manawa a'u i heluhelu ai iloko o na nupepa Hawaii e olelo ana i ke kipakuia o na Hawaii i na kuahiwi i ka manawa e ko ai, a ua hoea io mai no ka hoohuiaina a ua auamoia me ka ehaeha e kekahi ipoe no keia lilo ana, he mau hiohiona nae e hiki ole ke weheweheia ma ka olelo aka o ke au o ka manawa ka mea nana i mawehe pono ae.
Wahi ana aia no kanaka i ko lakou wahi iho aole iluna o na kuahiwi a ke noho kuokoa nei e like me mamua. He poe makaainana Amerika wale no apau loa. Alaila paipai aku la ka loio e komo pu iloko o na kukeana apau i haawiia mai e Amerika a e hauoli pu e kapae ana i ke ano pili ili a e koho aku na mana koho i loaa i na Hawaii no na kanaka aole ma ka pili ili, aka ma ke ano o ke kanaka.
O na haiolelo e ae ua kau like aku no ko lakou manao maluna o ka oihana pili kalaiaina e like no me ke ano o ke kulana o ia halawai i malamaia ia po.
--------------------------------
NUNE I K MARE O CLARK.
(Mai ka aoao 1 mai.)
---------------------
mau pale-wawae nani kumuwaiwai nui ooia i uku ai he $550.000 a no na kii pena no $3,000,000, aka ua pane iho la oia me ka hanu nui ana--"He puikaika loa ke kuai ana i kekahi mea o Europa. O na mea a'u i makemake ai aole lakou no ke kuai. He mea hookunahihi manao maoli no."
----------------------
HOOMAIKAI.
-----------------
I ka nupepa Kuokoa,
Aloha oe:
Oluolu oe e ae mai ia makou, e hoike aku i ka makou mau hoomaikai piha ia William K. Kaeo o Honolulu no ka makana ana i hoouna mai nei no ka pomaikai o ka halehalawai o Ponomau; oia hoi, he hookahi uwati nui kau hale.
Ke noi ae nei makou i ka lokomaikai o na lani e hoopomaikai mai ia oe ma kau hana, e alakai i kou noonoo ma na hana maikai, ela ke Akua e kokua mau mai ia oe ma na ano maikai apau.
O makou iho no na hoapaahana o Kristo iloko o ka Ekalesia o Pukaana ma o ko makou komite la,
Mrs. John H. Ahu.
Mrs. Chas. Pawai.
Mrs. Hattie Kanuha.
Mrs. Lucy Oba.
Mrs. P. Kaeo.
Komite. Hookena. S. Kona, Hawaii. July 3, 1904.
---------------------------------
Ka Moho Peresidena
Demokaratr Parker.
(Mai ka aoao 1 mai.)
----------------------------------
aloha hope loa no M. Cambon, ua aahuia oia iloko o ke kahiko nani a he kiiakiia maoli kona kulana, he kanaka o oili oeoe ae a komo iloko o ka huina o na Amerika i kui ka lono.
He kanaka o Lunakanawai Parker nona ke kiekie ma kahi o elima kapuai ame umi iniha--o ke kino nui maikai a he kanaka u'i no, me kona umiumi i malama pono ia a ka lauoho gula hoi e pohai ana i kona poo.
O na makua o keia lunakanawai--ka makuakane ame ka makuahine he mau mea mahiai no laua a elua a i ikeia hoi ma ia oihana. Ma ka piha ana ia Parker he umikummaono makahiki ua hoomaka akku oia i ka oihana kumukuia. Ma keia hana ana i hoomakaulii ai i kana mau loaa a loaa ai ke cala nui kupono no ka hoonaauao ana iaia iho iloko o ke kula kanawai i hemo pono mai ai oia mai ke kula kanawai mai o Albany i ka makahiki 1872.
Mahope o ka hemo ana mai ke kula mai ua kukulu iho oia i kona home iloko o ke kalana o Ulster o ka mokuaina o Nu Ioka a no umikumamalua makahiki oia inoho ai ma ke ano lunakanawai kokua o ka aha hooponopono wauwau. Iloko o ka makahiki 1884 i ike nui ia ai oia iloko o na hana kalaiaina o ia mokuaina.
Iloko o ke au noho peresidena o Kalivilana ua lilo ae o Mr. Parker i lunakanawai kiekie no ka Aha Kiekie. A ilioko o ka makahiki 1902, ua nui na Demokarata i hoehu ae ia Paarker i kiaaina no ka mokuaina o Nu Ioka.
---------------------------
HE KANIKAU ALOHA NO DANIEL
MANUHOA WOODWARD I HALA.
--------------------------
Kuu kane mai na pali haualiuli o Koolau--e
Aloha Koolau i ka ua Apuakea o Mololani--e
Aloha kuu kane i ke ko'a mokumoku o Heeia--e
Mokumokuahua loko o'u i ke aloha o kuu kane--e
Ua hele malu me ke kuka pu ole--e
Na ka uweaolelo i hai mai ia'u me na keiki a maua--e
Aia o papa Manuhoa la ua hala i ke ala hoi ole mai--e
Auwe kuu kane--e
Kuulihaliha paumako i kuu kane--e
Kuu kane mai ka uluohai o Lilipuna--e
Aloha ia home a kaua i noho ai me na keiki a kaua--e
Kuu kane mai ka ua Poaihale o Kahaluu--e
Ke lihau mai la iuka o Ahuimanu--e
He manumanu ke kaa he hala loa ka ia--e
Hala kuu kane i ke ala hoi hou ole mai--e
Auwe kuu kane--e
Kuu makua malama ia'u--e
Kuu kane mai ke kai leo nui o Mokolii--e
E hoala mai ana i ke aumoe me he ipo ala--e
Kuu kane mai ke kula o Kaawa--e
Aloha ia wahi a kaua i noho ai---e
Aloha ka wai o Kaiaka i ka ihu o ka lio--e
Aloha Makaua i ke kai pakuikui--e
Aloha kuu kane mai ka makani ahiu o Kahana--e
Auwe kuu kane--e
Kuu hoa pili o ia wahi--e
Kuu kane mai ka ehukai o na Koolauloa--e
Aloha ia wahi a kaua i hele pu ai--e
Aloha ke one o Hauula me na Laie Elua--e
Elua kaua i ke kula o Malekahana--e
Aloha ka lae o Laniloa e au mai la i ke kai--e
E hooipo mai ana me ka paia ala o Kuhuku i ka hala--e
Hala kuu kane hele malu me kuu ike ole---e
Auwe kuu kane--e
Kuu kane mai ka makani anu he Malualua--e
E iniki mai ana i ka ili me he ipo ala e
I hooipo ia ke aloha o ke kane me ka wahine i na la ui--e
Makia paa i ka iki i na kau i hala ae--e
Hala kuu kane kuu aloha poina ole--e
Aole poina ke kane malama maikai i wahine--eHe hoa lei keiki ke kane hoa hoomanawanui no hoi--e
Auwe kuu kane--e
Kuu makua o kahi malihini---e
Kuu kane mai ke kula o Kemoo--e
Aloha ia kula a kaua i hele pu ai i ka po--e
O ka mahina ke kuikui o ke alanui--e
O ka noe mai a ka ua lihau uika o Halemano--e
Me he kui ala e houhou mai ana i ka ili i ke anu--e
Hoopumehana i ke kapa hulu a ka haole--e
Aloha ke kula o Lihue i ke ala kupukupu--e
Auwe kuu kane--e
Kuu alakai o kahi a'u i ike ole--e
Kuu kane mai ka lepo ula o Ewa--e
Mai ka ia papa i ka leo kuu kane aole e hea mai--e
Awahua aloha ole ia'u me na keiki a maua--e
E paiauma ana i ka makuakane ole--e
Me na moopuna e uwe ana i ke kuku ole--e
Kuu kane mai ka lai aloha o ke kaona--e
Mai ka ululaau i ke kai o Mamala--e
Auwe kuu kane--e
Kuu aloha poina ole--e
Kuu kane mai ka ua Kuahine o Manoa--e
He ua aloha ia na ko laila kamaaina--e
Pela hou ko[u ia wahi a maua i noho ai--e
Aloha ka lae o Leahi i ka ihu o na moku--e
Aloha ke kaha o Hanauma e nee nei i ka la --e
Aloha ka lae o Kawaihoa e au mai la i ke kai--e
Auwe kuu kane--e
Ka makua o a'u keiki--e
Kuu kane mai ka uhu kai o Makapuu e
Mai ka leo o ke kai wawalo i na pali--e
Aloha na ale huli lua o Malama i kai--e
Aloha ka lai o Pahonu a kaua i hele pu ai--e
Aloha ke kula o Manuloa i ka ihu o ke lio--eAloha Maunaloke i ka uluwehiwehi aaia o na pua--e
Aloha ia home a kaua i noho ai--e
Auwe kuu kane--e
Kuu hoikeike o ia wahi--e
Kuu kane mai ka hale lana i ke kai--e
Mai na ale huli lua o Pailolo i ka makani--e
Kuu kanae mai ka ulu kuikui o Maliko e
O ia aina malihini a kaua i hele pu ai--e
Kuu kane mai ka ua Ukiukiu anu o Makawao--e
E iniki mai ana i ka ili me he ipo la--e
Hoopumehana i ke kihei pili o ka po he kane--e
Auwe kuu kane--e
Kuu makua o ia wahi e
Kuu kane mai ke kuahiwi o Haleakala--e
Aloha ia kuahiwi paa mai i ka hau--e
Me he kapa kea ala i ka piko o na mauna--e
He ahi ke kapa e malama ai ia uka ke hele--e
Aloha kuu kane o ia mau kuahiwi e hele ai--e
Kuu kane i ka ulu kukui o Lilikoi--e
Mai ka uka aala i ka hala o Huelo--e
Auwe kuu kane--e
Kuu hoa pili o ia aina malihini--e
Kuu kane mai ke kula o Kamaomao--e
Mai ke one hone o Kahului i ke kai--e
Kuu kane mai na wai Eha o Maui--e
O Wailuku, o Waihee, o Waikapu me Waiehu--e
Aloha ia wahi a maua i hele malihini ai--e
Huli aku ke alo hoi ka uka o Makawao--e
O ia home aloha a kaua i noho ai--e
Auwe kuu kane--e
Kuu hoa hele o ia wahi--e
MRS. HELLEN UMIOKALANI WOODWARD.
---------------------------
HOLO AKU NO KA HIKINA.
WASINETONA, Iulai 11.--Ua kauoha ia aku nei o Generala Funston e lawe ae i ke Keena o ka Hikina. O Generala Williams ke pani ana ma kona makalua ma ke Keena O Columbia
--------------------------
O NA MAI KAU LA o ia ko na keiki enemi ino loa a o ka hoa paio hoi o na makuahine. Nolaila o ka loa koke ana o ka laau ame ka hoohana koke ana o ia ka hana pono e hana ai. O ka laau Chamberlain's Colic, Cholera and Diarrhoea Remedy, ina e haawi koke ia e like me na kuhikuhi e loaa koke no ke ola. Ke kuai ia nei ma na halekuai laau apau. BENSON, SMITH & CO., na Agena ma Hawaii nei.
--------------------------
HOOLAHA HOOKO MORAKI.
--------------------------
HOOLAHA MANAO E PANIKKU A
KUAI A KA MEA PAA MORAKI.
------------------------
MALIE (w) AME H. Y. WELEWELE
-------------------------
E like me na mea i hoopaaia ilioko o kekahi moraki i hanaia e Malie (w) iloko o kona pono ame H. Y. Welewele, kana kane mare, ia Pae Kamaka, ka hu no na keiki oo ole a S. K. Kamaka o Honolulu, Oahu, i hanaia i ka la 22 o Ianuari, A. D. 1901, a i hoopaaia iloko o ke Keena Kakaukope Hoona Aina, iloko o ka buke 215 a ma na aoao 458 a hiki i ka aoao 460, ke haawi ia aku nei ka hoolaha ke manao nei ka mea paa moraki e paniku aku i ka moraki no na kumu i uha'iia, oia hoi: ka uku ole ia ana o ke kumupaa ame ka uku-panee i ka wa e uku ai.
Ke haawi pu ia aku nei no hoi ka hoolaha mahope o ka hala ana o na pule ekolu mai ka la o keia hoolaha ana, o ka waiwai i paa iloko o ka moraki i oleloia e hoolahaia aku ana no ke kuai kudala akea ana, ma na keena kudala o James F. Morgan, iloko o Honolulu, ma ka Poaonoa ka la 18 o Iune, A. D. 1904, ma ka hora 12 awakea o ka la i oleloia.
E loaa no na mea aku i koe mai ia J. M. Vivas, loio o ka mea paa moraki.
Hanaia ma Honollulu, Mei 4, 1904. PAE KAMAKA, Kahu. Mea Paa Moraki.
O ka waiwai i paa iloko o ka moraki i oleloia oia keia malalo iho nei:
He apana a mahele o ka iana (mahi laiki) nona hoi ka iliaina o 1 A. 3 R. ama 30 Per. e waiho la ma Hanamaulu, Puna, Mokupuni o Kauai, i hoakakaia hoi iloko o Palapaia Sila Nui (grant) Helu 7210, Kuleana Helu 8600 ia Keolanui. 3016--Mei 20, 27-Iune 3, 10 17.
------------------------------------
O keia kuai maluna ae ua hoopaneeia a ka Poaona, Iulai 9, 1904. 3021--Iune 24,--Iulai 8. Lunakudala.
------------------------------------
O keia kuai maluna ae ua hoopaneeia a ka poaona, Iulaai 30, 1904. ma ka manawa i hoike ia maluna ae. JAMES F. MORGAN. 3024--July 15, 22, 29. Lunakudala.
------------------------------------
HOOLAHA MANAO E PANIKU A KUAI A KA MEA MALAMA MORAKI.
-----------------------------------
KAHUILA WILCOX AME W. L. WILCOX.
-------------------------------
Ke haawi ia aku nei ka hoolaha i kulike ai me ka mana o ke kuai i hanaia iloko i kekahi moraki i hanaia i ka la 1 o Iulai, 1897, i hanaia e Kahuila Wilcox ame W. L. Wilcox, kana kane mare, o laua a elua no Honolulu, Mokupuni o Oahu, Teritori o Hawaii, na mea moraki, ia W. R. Castle, Kahu, oia wahi hookahi no, a o ua moraki la i oleloia ua kakaukopeia ma ka Keena Hoona Aina iloko o Honolulu i oleloia, iloko o ka Buke 170 ma ka aoao 429, et seq., a o ua moraki la i oleloia, i ke kahi manawa mamua aku nei, oia hoi, ma ka la 27 o Dekemaba, 1902, ua hooliloia aku e W. R. Castle, Kahu, i olelo ia ia John Hind, Kahu, a o ua hoolilo la i oleloia o ka moraki i oleloia ua kakau-kopeia iloko o ka Buke 247 ma ka aoao 19 o ke Keena Hoona Aina i oleloia, o ka mea malama o ka moraki i oleloia o ka mea paa moraki i oleloia ka manao nei i paniku i ka moraki i oleloia no ke kumu i uhaiia, oia hoi no ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai i paa iloko o ka moraki i oleloia e kuai ia aku ana ma ke kudala akea ma na keena kudala o Jas. F. Morgan, Alanui Kaahumanu, iloko o Honolulu i oleloia ma ka Poakahi ka la 1 o Augate, 1904. ma ka hora 12 awakea o ka la i oleloia.
O ka waiwai i paa iloko o ka moraki i oleloia oia iho keia: O keia mahele apau loa o ka anina e waiho la ma ka Mokupuni o Molokai,m o ka Teritori i ha''i mua ia ae nei, i ikeia ka Ahupuaa O Pukoo Wlua, i hoakaka Piha pono ia Iloko o ka L. C. A. 8214, R. P. 7375 ia Ilae Napohaku, a oia no hoi ka aina i hooliloia ia Kahuila Wilcox ma ka palapala hoolilo a John Napohaku Ilae, i hanaia ia ka la @ o Iulai, 1897, a i ka
--------------------------
HOOLAHA HOOKO MORAKI.
-----------------------------
kaukopeia iloko o ka Buke 173 ma ka aoao o 86 o ka moolelo o ke Keena Hoona Aina i oleloia.
Pau pu me na pono apau na pomaikai apau ame na mea apau e pili ana iloko o ua apana la ia oleloia. JOHN HIND, Kahu, Ka Mea Malama Molaki i oleloia o ka Mea Paa Moraki i oleloia.
Ma ke dala kuike ka makemake a ma ke dala gula Amerika no hoi, a me ka aoao oa ka mea kuai mai na lilo palapala apau.
No na mea aku i koe e ike ae ia Smith ame Lewis, na Loio o ka Mea Malama moraki o ka Mea Paa Moraki.
Hanaia ma Honolulu, Iulai 5, 1904.
3023--July 8, 15, 22, 29.
---------------------------------
HOOLAHA MANAO PANIKU A KUAI A KA MEA MALAMA PAA MORAKI.
------------------------------------
JOSEPH FERNANDEZ AME KANA
WAHINE
-------------------------------
Ma keia ke haawiia aku nei ka hoolaha ma ka pono o ka mana o ke kuai i hanaia iloko o kekahi moraki i ka la 7 o Sepatemaba, A. D. 1899, i hanaia e Joseph Fernandez ame Mrs. M. Fernandez kana wahine mare, no Honolulu, Mokupuni o Oahu, Teritori o Hawaii, ia Williama C. Achi, o ka moraki hoi i oleloia ua kakau kope ia iloko o ke Keena Kakau Kope Aina iloko o Hononlulu i olelo mua ia ae nei, iloko o ka Buke Helu 199, aoao 113 a ka aoao 115 a o ua moraki nei i oleloia ua hooliloia aku ia Cecil Brown, Kahu, mai ia Wiliam C. Achi aku i oleloia ka mae paa moraki, ma kekahi palapala i hanaia i ka la 13 o Sepatemaba, A. D. 1899, a i kakau kope ia iloko o ke Keena Kakau Kope Aina i oleloia iloko o ka Buke Helu 199, aoao 155,--o Cecil Brown i oleloia, Kahu, ka mea malama moraki i olelo mua ia ae nei, ke manao nei e paniku i ka moraki i oleloia no na kumu i uaiia iloko o ka moraki i oleloia e hoike ana , o ka uku ole ia o ke kumupaa ame ke ukupanee i ka manawa e uku ai.
Ke haawi pu ia aku nei ka hoolaha o na aina pakahi apau, na hale noho ame na waiwai hooilina i hoakakaia iloko o ka moraki i oleloia, e kuaiia aku ana ma ke kudala akea ma na keena kudala akea ma na keena kudala o James F. Mogan, ma Alanui Kaahumanu, iloko o Honolulu, i olelo mua ia ae nei ma ka Poaono, la 30 o Iulai, 1904, ma ka hora 12 awakea o ua la la i oleloia.
O ka waiwai i hoopaaia iloko o ka moraki i oleloia oia ka Apana 16 iloko o kaa Mahele-aina o Pawaa (Pawaa Tract), i Honolulu i olelo mua ia ae nei, a i hoomoakaka pono loa ia iloko o ka palapala-aina o ka Mahele-aina i oleloia i kakau kope ia iloko o ka Buke Helu 178, aoao 304 ame 305, a i hoakaka pono loa ia e like me keia malalo iho:
E hoomaka ana me ke kihi Hikina o keia apana, oia no hoi ke kihi Akau o ka Apana 15, a holo e like me ia malalo iho:
1. Hema 19 degrees 43' Kom. 144.2 kapuai ma ka Apana 15;
2. Akau 68 degrees 52' Kom. 75 kauai ma ka Apana 19;
3. Akau 19 degrees 43' Hik. 145 Kapuai ma ka Apana 17;
4. Hema 68 degrees 32' Hik. 75 kapuai ma ke Alanui Beritania a hiki i kahi i hoomaka ai, nona ka iliaina o 10,483kapuai kuea oi iki a emi mai, a oia no hoi ka aina i hooliloia i ka mea moraki mai ma ka palapala kuai o W. C. Achi, i hanaia i ka la 7 o Sepatemaba, 1899, a i kakau kope ia iloko o ka Buke 198, aoao 393 ame 394.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai na lilo palapala apau.
Hanaia ma Honolulu, Iune 28. 1904. CECIL BROWN Kahu.
Mea Malama Moraki o ka Mea Paa Moraki.
No na mea i koe e ike ae ia Cecil Brown, Mea Malama Moraki o ka Mea Paa Moraki ma kona keena Helu 97 Alanui Kalepa, Honolulu.
3022---July 1, 8, 15, 22, 29.
----------------------------------
HOOLAHA MANAO PANIKU A KUAI
A KA MEA PAA MORAKI.
--------------------------
AH FAT.
--------------------------
Ma keia ke haawiia aku nei ka hoolaha o ka mea nona na inoa malalo iho nei, na Mea Paa Moraki no lakou na inoa i hoopaaia iloko o kakahi moraki i hanaia e Ah Faa o Kohala. Mokupuni o Haawaii, ame Tine She Ah You ia Tong Wing Wai, Tong Sing Yee, SanWai Tai ama Tam But San, he poe hoa hui malalo o ka inoa hui o Wing Wo Chan & Co. i hanaia i kala 23 o Sepatemaba, A. D. 1901, a i kakou kopeia iloko o ke Keena Hoona Aina o ke Aupuni ma Honolulu, iloko o ka Buke Helu 227, aoao 155 ame 156, ke manao nei, mamuli o ka mana kuai i hanaia iloko olaila, e paniku i ka moraki i oleloia no na kumu i uhalia, e hoike ana, o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai paa i hoopaaia iloko o ka moraki i oleloia e kuaiia aku ana ma ke kudala akea ma na keenakudala o James F. Morgan, Alanui Kaahumanu, Honolulu, Mokupuni o Oahu, Teritori o Hawaii, ma ka Poaono, Iulai 30, 1904, ma ka hora 12 awakea.
------------------------
HOOLAHA HOOLO MORAKI.
-------------------------
O ka awaiwai i hoopaaia iloko o @ moraki i olei ia a e kuaiia aku @e like me ia i olelo mua ia ae na @ keia malalo iho:
1. O keia mahele apau loa o ka @ e waiho la ma Kaauhuhu. Koh@ kupuni o Hawaii, oia no hoi ku@ o ka R. P. 6292, L. C. A. 10575, ia @ heana a i hoakakaia iloko o ka @@ pala kuai o Alapai ia Akona @@@@i Novemaba la iwakalua-kumama @ A. D. 1884, a i kakau kope ia iloko Keena Hoona Aina iloko o ka Buke @ aoao 262
2. O keia mahele o ka aina apau ka e waiho la i Kaauhuhu, Kohala, Mokupuni o Hawaii, oia no hoi ka han@ o ka R. P. 6393, L. C. A. 10575 ai Ol@ heana a i hoakakaia iloko o ka palapala kuai o Georgi Kaomea ia A@ Kona i hania i Ianuari la umu-kumu maono, A. D. 1889, a ia kakau kope a iloko o ke Keena Kakau Kope Aina iloko o ka Buke 111, aoao 305.
Ma ke dala kuike ka makemake a ma ke dala gula Amerika no hoi a @ ka aoao ka mea kuai no lilo palapala apau.
No na mea aku i koe e ike ae ia @ A. Dickey , Helu 39 Hema Alanui, @ Honolulu, ka loio o ka poe paa m@@@,TONG WING WAI. TONG SING YEE, SAN WAI TAI, ame TAM BUT SAN, na hoa hui malalo o k@@ @a hui o WING WO C HAN & CO..
Poe Paa Moraki. Hanaia ma Honolulu, Iune 28, A. D. 1904
3022--July 1, 8, 15, 22, 29.
-----------------------------
HHLAHA MANAO E PANIKU AME
KE KUAI.
---------------
JAS. A ALLEN
----------------------
Malalo a ma ka pono o ka mai @o ke kuai i hanaia iloko o kekahi moraki, i ka la 2 o Iune, 1896, e a mawaena o James A. Allen o Hononlulu, Mokupuni o Oahu, Teritori o Hawaii, Mea Moraki Mai, ia Samuel C. Allen o Hononlulu no i oleloia, Mea Paa Moraki a i kakau kope ia iloko o ke Keena Hoona Aina o ke Aupuni iloko o ka Buke Helu 160, aoao 446-448, o ua moraki @ hoi i oleloia u hooliloia aku e na Mea Hooko malalo o ka PalaPala Ka@@ o S. C. Allen i oleloia, mea i mak@a Allen & Robinson, Limited, he Mea Hawaii, ma kekahi palapala i ha @ i Iune 2, 1904, a i kakau kope ia i @ o ke Keena Hoona Aina i oleloia i @ o ka Buke Helu 259, aoao 146-148, @@ ua moraki nei hoi i oleloia ua ho@@ hou ia aku e ka Allen & Robinson, Limited, i oleloia i ka Hawaiian Land & Improvement Company, Limited, he hui i kukuluia a e ola nei malalo o na kanawai o ke Teritori o Hawaii, ma kekahi palapala i hanaia i Iune 15, 1904. a i kakau kope ia iloko o ke Keena Hoona Aina i oleloia iloko o ka Buke helu 159, aoao 165-166, a mamuli o na Mokuna XXXIII o na Kanawai Ah@ olelo o 1874, oia hoi, "He Kanawai e pili ana no ke kuai o ka waiwai morakiia me ka Hoopii ole ame ke Kauoha o ke Kuai ame ke "Kanawai ( Mokuna IX o na Kanawai Ahaolelo o 1890) e pakui ana ia mea hookahi, o ka Hawaiian Land & Improvement Company, Limited, i oleloia ka mea m@ma o ka moraki i oleloia, ma keia ke haawii nei i ka hoolaha no ka manao e paniku i ka moraki i oleloia no @a kumu i uhaiia, e hoike ana, o ka uku ole ia o ke kumupaa ame ka ukup@@e i ka manawa e uku ai o ka palapala aie o ka mea moraki mai i olelo @a pili aku a i hoopaaia e ka moraki a oleloia.
Ke haawi pu ia aku nei no hoi ka hoolaha o na aina pakahi apau @e na pahale i hoopaaia a i hoakakaia i iloko o ka moraki i oleloia ame na na hou maluna iho. e hoakakaia ua mahope iho nei, e kuaiia aku ana @ ke kudala akea ma na keena ku @ o James F. Morgan, Alanui Kaalumanu, iloko o Honolulu, ma ka Poaono, ka la 30 o Iulai, 1904, ma ka hora 11 awakea o ka la i oleloia.
O ka waiwai i hoopaaia e ka moraki i oleloia a i manaoia ae kuai kuda@@a aku e like me ia i olelo mua ia ae @i oia keia;
O kela poe apana, a mahele o ka aina e waiho la i Peaarll City (Mana@Ewa , Mokupuni o Oahu, Teritori o Hawaii, i ikeia na Apana Helu Umi-kumumamalima (15) Umi-kumamaono @@ame Umi-kumamahiku (17) iloko o ke Kuea Helu Umi (10) i ikeia ma ka palapala-aina o Pearl City (Man@@ ) i oleloia i hoomana a aponoia e ka@hu Railway & Land Company, i k@ koope ia iloko o ke Keena Hoona Aha i oleloia iloko o ka Buke 121, aoao @-245, a oia no hoi ka aina i hooliha @ ka Mea Moraki Mai e ka Oahu Railway & Land Company ma ka pahu ia kuai i hanaia i Maraki 25, 1892, a @ kau kope ia iloko o ke Keena Hoona Aina i oleloia iloko o ka Buke Helu 136. aoao 103-111.
Ma ke dala kuike ka makemake a ma ke kala gula Amerika no hoi a ua ka aoao o ka mea kkuai no lilo pa@ a apau.
No na mea i koe e ike ae ia Ballard & Marx, Stangenwald Building, Honolulu, na loio o na mea malama o ka moraki.Hanaia ma Honolulu, Iune 1, 1904. HAWAIIAN LAND & IMPROVEMENT COMPANY, LIMITED Mea Malama o ka Moraki. 3122- July 1, 8, 15, 22, 29.
----------------------------------------------------------------------------------------------------------------------------------------------------------------------------
NANA AN AOHE AUHAU
Niho Gula----------------$5.00
Niho Keokeo--------------5.00
Papa Niho-----------------5.00
o ka Niho Hookahi.
-----------------------------------------------------------------------------------------------------------------------------------------------------------------------------
Heaha hoi kou mea e hoohemahema nei i kou mau niho? Ua kaai makou i ka makou mau lako hana niho ma ke kuai kukaa a nolaila he hiki ia makou ke hana me ka uku haahaa. Ke hoopaa nei makou i ka makou mau hana apau e maikai ana. He wahine ko makou kokua. Aole auhau no ka nana ana.
----------------------------------------------------------------------------------------------------------------------------------------------------------------------------
NA KAUKA MUKI HIHO NOEAU
Na Hora hana, 8 a hiki i ka hora 5. Na La Sabati, 9a 12.
215 ALANUI HOTELE, E HULI PONO ANA I YOUNG HOTELE
----------------------------------------------------------------------------------------------------------------------------------------------------------------------
.