Ka Nupepa Kuokoa, Volume XLII, Number 30, 22 July 1904 — Page 6
| This text was transcribed by: | Sally Vrana |
| This work is dedicated to: | for the San Francisco Giants |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, IULAI 22, 1904.
6
No na Aalolo Nawaliwali.
@ ka hakaka ana no na mea e loaa ai na @ o ke ola ana i keia mau la. @ me ka piha ikaika o kou kino, aka, me ka holopono o kou mau aalolo,” e keia ae la ka olelo a Sir J. Creighton Browne, he kauka kaulana ma ka oihana lapaau. I keia olelo, e puka’iia aku ka olelo o Kauka Fathergill i make kekahi no hoi o na kauka kaulana, “Ina e hoomaka mai e nawaliwali ka @ hoowali ai, e nawaliwali mai no kou akepaa ame kou akemama, a e piha no ke koko i na mea ino, he kumu e loaa mai ai i na ma’i ino e like me ka a-i pehu o na ami, rumatika, ma’i o ka puuwai, hano ame ka ma’i o na aalolo. O na aalolo oolea, na aalolo e hiki ai ia oe ke hana, ke ku iluna a hakoko ma keia ao no na pono o keia nohona me ka loaa ole o na popilikia i ke kino, e pono lakou e malama pono ia a e hanai hoi ia lakou me ke akahele i mea hoi e loaa ai ia oe ke kino oolea. O ka manao ae la keia; a pehea hoi e loaa ai i ka poe me na kino nawaliwali keia oolea ame keia mana hooolea hou i ke kino e waiho nei mahope o keia mau mea? Ma ka lawe ana i ka
WAMPOLE’S PREPARATION
he laau lapaau i kaulana a puni ke ao nei no ka holopono ame ka hikiwawe i ka hooonoono ana i ka ai ame ka hoomaemae ana i ke koko. E loihi no kou manawa e huli ai a loa akekahi ano ma’i e hiki ole ai i keia laau ke hoola, he laau i loaa mai ma a ka noonoo naauao ana o keia au o na hana o ke akamai. He momona e like me ka hone, a ua loaa hoi iaia na mea hoonoono ai apau i loaa i ka Aila Cod Maemae, e hanaia e makou mai ka puupaa mai a ka i’a cod hou loa, a i huiia me ka Compound Syrup of Hypophosphites ame ka xtracts of Malt and Wild Cherry. Ua olelo ae o Kauka Clark:--“Ua loihi ko’u wa i hoohana ai i ka aila cod, eia nae, aole wau e kanalua ana i ka hoike ae o kau laau k helu ekahi o na laau a’u i maopopo, a e kuaiia nei i keia wa.” Aohe e haule, a e loaa no ka pono mai ka lawe mua ana. Ua hiki i keia laau ke hooikaika i kou kino ame ka pii ana ae o ke olakino maikai. E pono e hoao. Oia ka mea e ike ai. Ke kualia nei keia laau eka poe kuai laau a puni ke ao holookoa nei.
-----
Ka Hooiaio e Lawa ai.
E PONO KE KAMAAINA O HONO-
LULU E AE I KEIA HOOIAIO.
O ke kanaka nui Sir Isaac Newton, kekahi o na kuhikuhi puuone a ke ao nei i hoopuka mai ai nona, ua po’a aku la oia ma ka pa-papa he puka nui e poholo pono ai kana popoki nui e hiki ai i ua popoki la ke hele i na kihapai elua a pela no hoi he wahi puka uuku kupono no na popoki keiki e hahai ai mahope o ka popoki nui. O ka nawaliwali i ikeia ma ka hana a Sir Isaac mamuli no ia o ka nele mai i ka manao ole. O ka mea heluhelu e papaleo mai ana no ka hooiaio e waihoia aku ai pili i na HUAALE KUAHANEENEE AME PUUPAA A DOAN e hiki mai ai i ka panina o na hooiaio o ka hooiaio oi ae mamua o na hooiaio ma o na olelo a keia kamaaina ua like kona pokole me na mana haawi kumu e like me ka mea kilo-hoku i ka manawa ona e lilo ai i kamana.
Eia ka M. H. S. Swinton olelo o ke kulanakauhale nei e olelo nei: “He manawa loihi ko’u loaa ana i na ehaeha o ke kuahaneenee no na makahiki he 12. I ka maopopo ana he hiohiona o ke kuahaneenee ka ma’i e nali mau ana ia’u nolaila ua hoao wau i na Huaale Kuahaneenee ame Puupaa a Doan i hoolahaia no ia ano ma’i. Ua loaa io ia’u ka oluolu a nolaila au i hoomau ai i ka ai ana i keia wa ua ola loa wau. Ua ike loa ia ka ikaika o na Huaale Kuahaneenee ame Puupaa a Doan ma ko’u ma’i a ola ka’u e haawi aku nei i ka hoolana manao i ka poe apau i loohia i keia ano ehaeha.
O keia Huaale Kuahaneenee ame Puupaa a Doan he kuaiia e ka poe kuai laau lapaau apau no 50 keneta o ke poho hookahi eono poho no $2.50 a i ole e hoounaia aku i ka loaa ana mai o ke kumukuai ia HOLLISTER DRUG CO., o Honolulu, na Agena Kuai Kukaa o ko Hawaii Paeaina.
-----
E Mahele na Mahele
Koho.
(Mai ka aoao 1 mai.)
lalani mauna mai a hiki i ke kai, pau pu o Makiki. Kewalo ame Kakaako, a ma na manawa koho balota elua i hala ae ua ikeia ka ulolohi o na hana.
O ka Mahele Koho Eha o ka Apana Eha kekahi wahi nui loa mamuli o ka nui o ka heluna o ka poe koho a ua ulu ae na noonoo i ka maikai o ka maele hou ana. Ma ke kau kakauinoa i hala ua ikeia aia he 800 poe koho ma ia wahi, a o keia haawina hookahi no ka i kau maluna o ka Mahele Koho Ehiku o ka Aapana Koho Elima. Malaila i ulu nui mai ai ka hakaka, pela hoi i ikeia ai he “Mahele Hakaka.” O ka poe kupono i ke koho balota o ia mahele koho aole e hiki ke hookomo pau pono i ko lakou baota iloko o ka
manawa i hoomaopopoia.
O na lala o ka Papa Kakauinoa o ka mokupuni o Oahu oia no o Lunakanawai Lindsay, W. J. Coelho, M. A. Gonsalves, a o ka inoa hope loa nae ua pau iho nei kona manawa i ka Poakolu o ka pule i hala oia ka la 12. A o Coelho hoi aia oia i Maui i keia manawa a aole e pau ana kona manawa a hiki i 1905; a no Lindsay hoi ua hoopiha aku oia i ka noho i waiho hakahakaia e Loio Aupuni Andrews, eia nae aia he mau hoololi kekahi o hanaia ana iloko o ka Papa Kakauinoa o Oahu.
Malalo o na kanawai ke makemake kekahi mea e waiho aku i kana noi no ke kakauinoa koho balota e haawi ninau ia mai ana oia i ikeia ai kona kupono no ke koho balota e like ai me ke kuhikuhi a ke Kanawai Panalaau ame na kanawai koho balota, a ua ikeia ka maikai ame ka maalahi o ka hana oiai i ka wa o ka Repubalika Hawaii, aka, no kela manawa ua ke ikeia aku nei he ano huikau loa no ka nui hana.
-----
HE LEKA.
Denver, Colo., July 1, 1904.
Mr. Lunahooponopono.
Aloha oe:
Ua haalele aku ia Kapalakiko i ka hora 8 o ke ahiahi o ka la 18 o June a ua iho mai ko kaua mau makamaka Wm. Kapu ame Wm. Macomber i kahi hoolulu kaaahi a malaila pu no hoi o Everett Richardson, no Maui no ia o kaua. Ua kau aku maluna o ke kaaahi a ua holo aku no ka hema o Kalepono ia po a i ke ao ana aole makou i hoea aku i ka hapalua like o Kaleponi. I ka nana ana aku i ka aina, he nui maoli no, a aole no hoi i ke palahalaha a kana mai, a ina paha he lio ko makou i kau ai ina paha ua luhi na wahi pauku kino. He nui na mea ai e ulu ana a he nui no hoi ka wai. Ua hana maoli no ka haole, nohea ole no hoi waiwai. Ia’u e hakilo nei i ke ano o ka haole, aole he hana haahaa ia lakou ina ia he mea e loaa ai o ke dala. I keia ahiahi ia’u e hele aku nei i ka holoholo ua hui aku wau me kekahi haole ohi kikiki o ke kaa he loio oia. Ma ko kaua aina aloha aole kaona i nele ole i ka hale halawai, ma keia wahi a’u i ike iho nei he kakaikahi loa na wahi hale halawai a o ka hale inu rama ame ka haleaina na mea haule ole i na kaona apau. Pehea la ua poina paha keia poe i ke Akua i ke ake nui loa e loaa ia lakou ka waiwai. Manao wau he mea pono ke hoouna mai ka Papa Hawaii i mau misionari i America nei e hoomalamalama ai i keia poe. Ia’u e kali ana no ke kaaahi i kekahi wahi hoolulu ua hele mai la kekahi haole a olelo mai la ia’u oia wau e ku ana me kuu wahi pila ukulele, “You’ve got a big music box, there.” I keia ahiahi ua hele mai nei kekahi kanaka kakau nupepa a ninau mai nei ia’u ina paha i Manila e hana ia ai ko kakou kanawai.
Mai ka hora ewalu mai o ke ahiahi o ka la 28 o June a hiki i ka hora eiwa o ke ahiahi o ka la 29, akahi no makou a kaa aku mawaho o Kaleponi oiai no nae ko makou kaaahi e holo ana he 70 mile i ka hora i kekahi manawa a he 30 no hoi a oi i kekahi manawa. I ka la 29 ua pii makou i ka mauna Sierra Madre a he “kau mai hoi kau i ka lewa.” Ua komo aku makou iloko o 18 luapao a hiki makou iluna o ka mauna. He elua kaaahi nunui launa ole nana i huki ko makou mau kaa no lakou ka loa o 1-8 mile paha i piha i na ohua e holo ana no ka Fair i Sana Lui. Ia makou i hoea aku ai i kekahi kulanakauahale o Needles ua ike aku la makou i na Ilikini. Ua hele mai lakou i ke kaaahi e kuai ai i ka lakou mau mea kuai. He poe nunui maoli no.
I ko makou hoea ana i Arizona ua ike aku makou i na lua eli gula, lanahu ame na kumulaau i lilo i pohaku. Maikai ka ea o keia teritori. ua like ka huihui me uka o Manoa. He hookahi o makou la holookoa i holo aku ai a pae ma kahi aoao o keia aina. I ke kakahiaka o keia la ua komo mai makou iloko o Colorado a malaila wau i ike ai i ka holo loa o ko makou kaaahi. Ua ike wau i na pipi e hanaia ana a i ko’u maopopo ana ina e houluulu ia na pipi a Col. Norris o Kahuku ame
ka ka hoaloha o kaua Sam. Kauhane ua poholo pu iloko o keia pu-a pipi. Ma kekahi wahi hou mai no ua like no me la ka nui o kekahi pu-a pipi. He nui no hoi ka mauu ame ka wai ame ka aina. He hookahi la holookoa a makou i holo mai nei a eia no wau i ka hapalua like nei o keia mokuaina. O keia kekahi o na mokuaina maikai loa a’u i ike iho nei. He uliuli na kula me na meaai ame na mea ulu o kela ame keia ano. Ua kuhikuhi ia mai au i ka ipu helu ekahi. Ua hookaawale ka poe mahi o keia wahi he hookahi la o ka makahiki no ka lehulehu e hele mai e ai i ka ipu me ka uku ole a ua olelo mai ko’u kamaaina “Ua ai a kena i ka ono” o ka ipu.
I ko’u hele ana i Denver ua kuhikuhiia mai au i kahi o ka waipuna kaulana loa o Colorado nei oia hoi o Colorado Springs. He kulanakauhale nui maoli no keia a he uuku iki wale no kahi kuleana, a he manaolana ko’u aole no e loaa aku kahi “Wai kaulana o Kapuna o Waihee” a ia makamaka maikai o kaua i hooheno ae ai oia hoi o Wm. Meheula o Anahola, Kauai. Ua ike au i ka malapua o ka poe kupua. He poe pohaku keia a he oia no oe i ka mea ua kalaiia. He nunui mai hoi kau. He mea kaena nui loa na ka poe haole o onei i ke kau mau o ka hau oluna o ko lakou kuahiwi. Ua oi aku ka nui o ka hau o Maunakea mamua o keia. O Denver nei kekahi o na kulanakauhale maemae loa a’u i ike iho nei. Eia ianei o Miss Knapp o ke kulaliilii o Kamehameha ame Miss Krusen o ia halekula no. Ua hui au me Miss Knapp a ua nui kona hauoli i ka ike ana mai ia’u. Ua hoolauna mai oia ia’u i kona makuakane ame ka makuahine ame kona mau kaikuaana. Ua kono mai oia ia’u e paina me ia ua kauoha aku oia i kona kaikunane e lawe ia’u e hoomaikai i ke kulanakauhale o Denver. Mahope o kela ua kono hou mai oia ia’u e hele aku e paina hou me ia. Ua kono aku oia i kekahi o kona poe hoaloha e hele mai e hui pu me a’u a ua kono pu mai hoi ia’u e himeni aku i na mele Hawaii, a ua nui ko lakou ohohia. He nani keia kulanakauhale a ina he poe Hawaii kekahi e holo ana
no ka Hikina, he mea maikai e hele e makaikai e keia kulanakauhale. He nui na halepulel maikai o keia kulanakauhale, a oiai he nui no hoi na hale rama, aka he mea maopopo, aole i poina loa keia poe i ka Makua Lani.
He nui ka pilikia o Denver nei i ke dala. I keia la i banakarupa ia ae nei kekahi hui waiwai loa o onei. He nui ka emi o na mea kuai, koe ka maia. he 3 maia i ka 5 keneta a ma kekahi wahi he $5 o ka ahui hookahi. Kanu nui mai i na maia. Maikai ka ea o keia wahi i keia la.
Ua lawa, me ke aloha.
PUAKAILIMA.
-----
KA CHAMBERLAIN Colic, Cholera and Diarrhoea Remedy ke hoike mai nei mai na wahi apau oia ka laau kupono a maikai no na ma’i eha apau o ka opu ai. He hoola a he hikiwawae hoi ka hoola ana. He hiki ke hilinai piha maluna ona ina no ua koikoi loa ka ma’i e like me ke kolera, ohao, hi koko a hi maoli. E lawe koke i ka manawa e hoomaka mai ai e pahemohemo ka opu. Ke kuai ia nei ma na halekuai laau apau. BENSON, SMITH & CO., na Agena ma Hawaii nei.
-----
Na Elele Hawaii Repu-
balika.
(Mai ka aoao 1 mai.)
kukai olelo ana me ka poe mana nui o ka aoao Repubalika ma ko Hawaii aoao e loaa mai ana he hua maikai.” wahi a Kiaaina Carter i pane mai ai ia’u (mea kakau) mamua o kona haalele ana mai ia Kikako. “Aole he mau olelo hoaloha ole i ha’iia mai ia’u a ke ike aku nei wau i ka mohala mai o na noonoo maikai nona pono o Hawaii.”
Ua hookipa ohaoha ia mai ko Hawaii Kiaaina opiopio. Oia kekahi o ka poe i konoia iwaena o 100 poe e Mr. Thomas F. Walsh, ko Colorado ona miliona, no kekahi paina ma ke ahiahi Poalua i malamaia ma Hotele Pacific. Malaila i hui aku ai ke Kiaaina me kekahi mau kanaka koikoi, a na lakou hoi i hoike mai i ko lakou mau manao hiaai no Hawaii ame kona mau pono. O Loio Amerika Breckons, o Hawaii, kekahi iwaena o ka poe i konoia no keia paina.
KOMITE LAHUI REPUBALIKA.
O ka paio ma Kikako maluna o ka ninau no ko Hawaii Komite Lahui oia kekahi o na hana i hoalaia mai ai na manao nune. He nui na oleo maikai i hoopukaia no Elele Kalanianaole. Ua makemake no oia e lilo i Komite Lahui, aka i ka manawa i pa’i-a-pa’i ai na balota ua hooholo iho la oia i kona manao a hookomo aku la i ka balota i kohoia ai o Mr. Robikana.
Ua kauoha aku nei ke Kakauoleo o ke Keena Kaua i ka Elele Hawaii e waiho mai i ka inoa o ka moho e komo aku ai i ke kula a’o koa o West Point, e hoopiha aku ana i ko Clarence K. Lyman makalua oiai e hemo mai ana oia iloko o Iune o keia makahiki ae; mawaho ae o keia i elua mau haumana pani hakahaka.
-----
Ke Nu-ne nei na Aupu-
ni o Europa.
(Mai ka aoao 1 mai.)
malama ana i na ualo o ka Mokupuni o Kommander.
ST. PETERSBURG, Iulai 19.—Ua noi mai nei ke aupuni o Geremania i hoike ma ko Rusia aoao no ka paa ana i na eke leta o Iapana mai ka mokuahi lawe leta Geremania aku.
CHEFOO, Iulai 19.—Ua hoike mai nei na ohua i hiki mai nei maluna o kekahi waapa ma Chefoo nei ua hiki aku ka nui o na Kepani i hopupioia e na Rukini iloko o ka papu ma ka hema o Poto Ata i ka 4,000. O na mea hoopa-hu a na Rukini ka mea nana i luku aku i na enemi.
NA LONO KAUA O KA LA 20.
TOKIO, Iulai 20.—O na mokukaua holo mama Rossia, Rurik ame Gromoboi o ko Rusia aumokukaua o Vladivostok ua hala ae nei ma ke ko-wa o Tsugaru a hiki i ka moana Pakipika.
YINKOW, Iulai 20.—O na koa hoopuipui ia Generala Oku, ana i kali aku nei, eia ke lele nei i ka aina malalo o ka hoomalu ana a ehiku mokukaua holo mama. Eia no hoi ke hooleleia nei na koa ma ka akau o Poto Ata. Ke manaolana ia aku nei e ala mai ana kekahi hoonee kaua nui i keia mau la.
TATCHEKIAO, Iulai 20.—O na hakaka liilii ana ame ke po’i ma-lu ana o ia na hana e ala mau mai nei i kela ame keia la. Eia na Kepani ke nee nei no ka akau no Hiuyan ame Simouchen.
ST. PETERSBURG, Iulai 20.—Ke manaoio nei ka poe akamai ua hoololi ae nei na Kepani i ka lakou papahana a e ia lakou ke manao nei e lele kaua aoao ia Liaoyang mamua o ko lakou nee loa ana no Tatchekiao. Ke oleloia nei o keia hoololi ana mamuli no ia o ka hiki ana ae nei o Ilamuku Oyama.
SUEZ, Iulai 20.—Ua hopu hou ae nei na Rukini i ka mokuahi Sambia. Ua hoi mai nei o Kuhina Hayashi mai Iapana mai.
BELINA, Iulai 20.—Ua noi aku nei ke Aupuni ia Rusia e hai mai i ke kumu o ka hopuia ana o na eke leta ma ke Kai Ulaula. Ke manao ia aku nei e hoole mai ana o Rusia i keia.
TOKIO, Iulai 20.—Akahi no a hookuu ia aku na poe kakau nupepa ame na mea apau e pili ana ia lakou e hele aku no kahi o ke kaua. Ua hoopiholo ae nei ko Rusia aumokukaua o Vladivostok i kekahi mokuahi Kepani mawaho ae o Isoya i keia la.
LADANA, Iulai 20.—Ua hoalaia mai na manao kue Rusia maanei mamuli o ka hopuia ana iho nei o ka mokuahi Malacca e kekahi mokukaua holo mama o Rusia.
PARISA, Iulai 20.—Ke manao nei ko Farani poo aupuni e hookuu ana o Rusia i na moku kalepa Geremania ame Pelekane i hopuia iho nei. O keia hookuu ana he hana ia na Rusia e alo ae ai i ke ala ana mai o kekahi pilikia mawaena o keia mau aupuni.
ST. PETERSBURG, Iulai 20.—Ua hoohalahala ikaika aku nei ko Beritania Nui Amebasadoa i ke Aupuni Rusia e kue ana i ka hopu ia ana o ka mokuahi Pelekane Malacca e kekahi o ko Rusia mokukaua. E lawe ana ka mokuahi Malacca i kekahi mau waiwai no Honokaona i ka manawa i hopuia ai ma ke alahele o Suez e ko Rusia mokukaua.
NA LONO KAUA O KA LA 21.
TOKIO, Iulai 21.—Ua kaua ia mai ko Generala Kuroki pualikoa i keia kakahiaka.
TATCHEKIAO, Iulai 21.—Ua hoikeia mai nei ua lilo aku he umi mau pukuniahi a na Kepani ma ke kaua ma ka akau o keia wahi. Ua hookuemiia aku na Kepani e na Rukini a ua lilo ae ko lakou mau kahua.
LADANA, Iulai 21.—a hoikeia ae nei na manao kue e hoike ana e kakoo aku ana i ke koi a ke aupuni no ko Rusia hopuhopu ana i na moku ma ke Kai Ula. Ua hoikeia mai nei i ka la inehinei ua hopu hou ae na Rukini i ka mokuahi Pakling ma ke Kai Ula.
ST. PETERSBURG, Iulai 21.—Ua makemake ole ka Emepera o Rusia i ke ala io ae o kekahi pilikia me Beritania Nui.
-----
Ua hoike ae nei o Kiaaina Atkinson i kona manao e hoolilo ana i kekahi manawa ona no ka noonoo ana i na Mahele Koho i hoikeia ma kekahi wahi o ko makou mau mea hou no ko lakou nui loa.
-----
Makemake no Haia ka
Noho.
(Mai ka aoao 1 mai.)
lama i ka kulaia nui maopopo i ka manawa e loheia ai ka haawipio o na Rukini—pela ka oleloia.
Ua kukulu ae nei ko Kula poe e noho nei ma Waiakoa a ku he kalapu Repubalika o 28 lala, ma ke ano he kalapu lala no ke kalapu o ka mahele koho 9. Ua loaa pu no hoi ka manao e hoololi i kahi koho balota mai Makawao ae a i Waiakoa iloko o ka halekula.
Ua haawi ae o Rev. Naeole i kona ae i ke kahea a ko Makawao poe hoahanau no kona lilo aku i kahu no ka Ekalesia o Pookela, Maunaolu. He ekalesia keia i noho kahu ole ia no kekahi mau makahiki loihi i hala.
-----
Ke hoea mai na Elele Hawaii i hele aku nei i ka Ahaelele Demokarata ma ka mokuahi Alameda o keia la, e malama ia ana kekahi halawai i ka po o ka la apopo ma ka Hale Keaka Opiuma no ka hooiaio ana ame ke kakoo ana i na moho Demokarata.
-----
HOOLAHA HOOKO MORAKI.
-----
HOOLAHA MANAO PANIKU A KUAI
A KA MEA PAA MORAKI.
-----
Y. HAMADA.
-----
Ma keia ke haawiia aku nei ka hoolaha mamuli o ka mana o ke kuai i hanaia iloko o kekahi moraki i hanaia i Aperila 14, A. D. 1903, ame kela moraki pakui i hanaia i Sepatemaba 1, 1903, o na moraki pakahi ua hanaia e Y. Hamada ia H. Hackfeld & Company, Limited, o ua moraki nei i oleloia ame ka moraki pakui i oleloia ua kaku kope ia iloko o ke Keena Hoona Aina ma Oahu, iloko o ka Buke Helu 251, aoao 105 et seq., o ka mea paa moraki H. Hackfeld & Company, Limited, ke manao nei e paniku i ka moraki i oleloia ame ka moraki pakui i oleloia no na kumu i uhaiia, e hoike ana: o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai apau i hoopaaia e ka moraki i oleloia ame ka moraki pakui i oleloia e kuaiia aku ana ma ke kudala akea ma ke alo iho o ka Hale Hookolokolo ma Hilo, Mokupuni ame Teritori o Hawaii, ma ka la 18 o Augate, A. D. 1904, ma ka hora 12 awakea o ka la i oleloia.
O ka waiwai i hoopaaia iloko o ka moraki i oleloia a iloko o ka moraki pakui i oleloia oia iho keia:
(1) O ka hoolimalima i hanaia e W. H. Shipman ia Y. Hamada ma ka la 9 o Augate, 1901, e haawi ana i ka mea nona ka inoa hope he manawa o umi makahiki mai a mahope o ka la 1 o Iulai, A. D. 1899, no ka uku hoolimalima makahiki o $140.00, Apana 14 iloko o kela Mahelehele-liilii a Shipman o kela mahele o ka aina i hookoeia e ia ma ka Pou Mile 9 ma ke Alanui Luapele (Volcano Road), ma Keaau, iloko o ka Apana o Puna, Mokupuni ame Teritori o Hawaii.
(2) O ka hoolimalima o kela apana o ka aina ma ka aoao mauka o ke Alanui Front he 151 kapuai mamao ma ke kukulu akau mai ka palena aina mawaena o Punahoa ame Ponahawai nona hoi ke alo o 48 kapuai e holo ana ma ke alanui i oleloia, e holo ana hoi i hope he 100 kapuai a he 38 kapuai laula e holo ana mahope, he aina e waiho la iloko o Hilo, Mokupuni ame Teritori o Hawaii; a o ka hoolimalima i oleloia ua hanaia ma ka la 17 o Okatoba, 1901, no ka manawa o 15 makahiki mai a mahope o ka la 1 o Dekemaba, 1901, e Charles Furneaux ia Y. Hamada i oleloia.
(3) O ka hoolimalima o ka Apana 35 e like me ia i hoikeia ma ka palapala aina o ka hapa o ka aina o Punahoa e waiho nei iloko o ke keean o Charles Furneaux, he aina e waiho la iloko o Hilo i oleloia Hawaii; o ka hoolimalima i oleloia ua hanaia i ka la 1 o Iune, 1902, e Charles Furneaux ia Y. Hamada i oleloia no ka manawa o umikumamaha makahiki ame eono mahina mai a mahope o ka la 1 o Iune, A. D. 1902, no ka uku hoolimalima makahiki o $120.00.
(4) O na pono apau loa, ame na kuleana apau loa o Y. Hamada i oleloia iloko a i pili i na hale pakahi apau e ku nei maluna o na aina i hoakakaia maloko nei.
H. HACKFELD & COMPANY, LIMITED, Mea Paa Moraki,
Ma o GEORGE RODIEK, kona lunahana i hoomana piha ia.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai na lilo palapala apau.
Hanaia i Iulai 22, 1904.
F. E. Thompson, Loio no ka Mea Paa Moraki.
Helu 8-9-10 Campbell Block, Honolulu, T. H.
3025—July 22, 29; Aug. 5, 12.
-----
HOOLAHA MANAO E PANIKU A
KUAI A KA MEA PAA MORAKI.
-----
MALIE (w) AME Y. WELEWELE
-----
E like me na mea i hoopaaia iloko o kekahi moraki i hanaia e Malie (w) iloko o kona pono ame H. Y. Welewele, kana kane mare, ia Pae Kamaka, kahu no na keiki oo ole a S. K. Kamaka o Honolulu, Oahu, i hanaia i ka la 22 o Ianuari, A. D. 1901, a i hoopaaia iloko o ke Keena Kakaukope Hoona Aina, iloko o ka buke 215 a ma na aoao 458 a hiki i ka aoao 460, ke haawi ia aku nei ka hoolaha ke manao nei ka mea paa moraki e paniku aku i ka moraki no na kumu i uha’iia, oia hoi: ka uku ole ia ana o ke kumupaa ame ka uku-panee i ka wa e uku ai.
Ke haawi pu ia aku nei no hoi ka hoolaha mahope o ka hala ana o na pule ekolu mai ka la o keia hoolaha ana, o ka waiwai i paa iloko o ka moraki i oleloia e hoolahaia aku ana no ke kuai kudala akea ana, ma na keena kudala o James F. Morgan, iloko o Honolulu, ma ka Poaono ka la 18 o Iune, A. D. 1904, ma ka hora 12 awakea o ka la i oleloia.
E loaa no na mea aku i koe mai ia J. M. Vivas, loio o ka mea paa moraki.
Hanaia ma Honolulu, Mei 4, 1904.
PAE KAMAKA, Kahu.
Mea Paa Moraki.
O ka waiwai i paa iloko o ka moraki i oleloia oia keia malalo iho nei:
HOOLAHA HOOKO MORAKI.
-----
He apana a mahele o ka aina (mahi laiki) nona hoi ka iliaina o 1 A. S. R. ame 30 Per., e waiho la ma Hanamaulu, Puna, Mokupuni o Kauai, i hoakakaia hoi iloko o Palapala Sila Nui (grant) Helu 7210, Kuleana Helu 8600 ia Keolanui.
3016—Mei 20, 27—Iune 3, 10, 17.
-----
O keia kuai maluna ae ua hoopaneeia a ka Poaono, Iulai 9, 1904.
3021—Iune 24,--Iulai 8. Lunakudala.
-----
O keia kuai maluna ae ua hoopaneeia a ka Poaono, Iulai 30, 1904, ma ka manawa i hoke ia maluna ae.
JAMES F. MORGAN,
3024—July 15, 22, 29. Lunakudala.
-----
HOOLAHA MANAO PANIKU A KUAI
A KA MEA MALAMA PAA MO-
RAKI.
-----
JOSEPH FERNANDEZ AME KANA
WAHINE.
-----
Ma keia ke haawiia aku nei ka hoolaha ma ka pono o ka mana o ke kuai i hanaia iloko o kekahi moraki i ka la 7 o Sepatemaba, A. D. 1899, i hanaia e Joseph Fernandez ame Mrs. M. Fernandez kana wahine mare, no Honolulu, Mokupuni o Oahu, Teritori o Hawaii, ia William C. Achi, o ka moraki hoi i oleloia ua kakau kope ia iloko o ke Keena Kakau Kope Aina iloko o Honolulu, i olelo mua ia ae nie, iloko o ka Buke Helu 199, aoao 113 a ka aoao 115 a o ua moraki nei i oleloia ua hooliloia aku ia Cecil Brown, Kahu, mai ia William C. Achi aku i oleloia ka mea paa moraki, ma kekahi palapala i hanaia i ka la 13 o Sepatemaba, A. D. 1899, a i kakau kope ia iloko o ke Keena Kakau Kope Aina i oleloia iloko o ka Buke Helu 199, aoao 155,--o Cecil Brown i oleloia, Kahu, ka mea malama moraki i olelo mua ia ae nei, ke manao nei e paniku i ka moraki i oleloia no na kumu i uhaiia iloko o ka moraki i oleloia e hoike ana, o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei ka hoolaha o na aina pakahi apau, na hale noho ame na waiwai hooilina i hoakakaia iloko o ka moraki i oleloia, e kuaiia aku ana ma ke kudala akea ma na keena kudala akea ma na keena kudala o James F. Morgan, ma Alanui Kaahumanu, iloko o Honolulu, i olelo mua ia ae nei ma ka Poaono, la 30 o Iulai, 1904, ma ka hora 12 awakea o ua la la ia oleloia.
O ka waiwai i hoopaaia iloko o ka moraki i oleloia oia ka Apanaa 16 iloko o ka Mahele-aina o Pawaa (Pawaa Tract), i Honolulu i olelo mua ia ae nei, a i hoomoakaka pono loa ia iloko o ka palapala-aina o ka Mahele-aina i oleloia i kakau kope ia iloko o ka Buke Helu 178, aoao 304 ame 305, a i hoakaka pono loa ia e like me keia malalo iho:
E hoomaka ana ma ke kihi Hikina o keia apana, oia no hoi ke kihi Akau o ka Apana 15, a holo e like me ia malalo iho:
1. Hema 19 deg 43 min Kom. 144.2 kapuai ma ka Apana 15;
2. Akau 68 deg 52 min Kom. 75 kapuai ma ka Apana 19;
3. Akau 19 deg 43 min Hik. 145 Kapuai ma ka Apana 17;
4. Hema 68 deg 32 min Hik. 74 kapuai ma ke Alanui Beritania a hiki i kahi i hoomaka ai, nona ka iliaina o 10,483 kapuai kuea oi iki a emi mai, a oia no hoi ka aina i hooliloia i ka mea moraki mai ma ka palapala kuai o W. C. Achi, i hanaia i ka la 7 o Sepatemaba, 1899, a i kakau kope ia iloko o ka Buke 198, aoao 393 ame 394.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai na lilo palapala apau.
Hanaia ma Honolulu, Iune 28, 1904.
CECIL BROWN, Kahu.
Mea Malama Moraki o ka Mea Paa Moraki.
No na mea i koe e ike ae ia Cecil Brown, Kahu, Mea Malama Moraki o ka Mea Paa Moraki ma kona keena Helu 97 Alanui Kalepa, Honolulu.
3022—July 1, 8, 15, 22, 29.
-----
HOOLAHA MANAO PANIKKUU A KUAI
A KA MEA PAA MORAKI.
-----
AH FAT.
-----
Ma keia ke haawiia aku nei ka hoolaha o ka mea nona na inoa malalo iho nei, na Mea Paa Moraki no lakou na inoa i hoopaaia iloko o kekahi moraki i hanaia e Ah Fat o Kohala, Mokupuni o Hawaii, ame Ting She Ah You ia Tong Wing Wai, Tong Sing Yee, San Wai Tai ame Tam But San, he poe hoa hui malalo o ka inoa hui o Wing Wo Chan & Co., i hanaia i ka la 23 o Sepatemaba, A. D. 1901, a i kakau kopeia iloko o ke Keena Hoona Aina o ke Aupuni ma Honolulu, iloko o ka buke Helu 227, aoao 155 ame 156, ke manao nei, mamuli o ka mana kuai i hanaia iloko olaila, e paniku i ka moraki i oleloia no na kumu i uhaiia, e hoike ana, o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai paa i hoopaaia iloko o ka moraki i oleloia e kuaiia aku ana ma ke kudala akea ma na keena kudala o James F. Morgan, Alanui Kaahumanu, Honolulu, Mokupuni o Oahu, Teritori o Hawaii, ma ka Poaono, Iulai 30, 1904, ma ka hora 12 awakea.
-----
HOOLAHA HOOKO MORAKI.
-----
O ka waiwai i hoopaaia iloko o ka moraki i olel ia a e kuaiia aku ai e like me ia i olelo mua ia ae nei oia keia malalo iho:
1. O kela mahele apau loa o ka aina e waiho la ma Kaauhuhu, Kohala, Mokupuni o Hawaii, oia no hoi ka hapa o ka R. P. 6292, L. C. A. 10573, ia Olonoheana a i hoakakaia iloko o ka palapala kuai o Alapai ia Akona i hanaia i Novemaba la iwakalua-kumamalima, A. D. 1884, a i kakau kope ia iloko o ke Keena Hoona Aina iloko o ka Buke 92, aoao 262.
2. O kela mahele o ka aina apau loa e waiho la i Kaauhuhu, Kohala, Mokupuni o Hawaii, oia no hoi ka hapa o ka R. P. 6292, L. C. A. 10573 ia Olonoheana a i hoakakaia iloko o ka palapala kuai o Georgi Kaomea ia A. @ Kona i hanaia i Ianuari la umi-kumamaono, A. D. 1889, a i kakau kope ia iloko o ka Buke 111, aoao 205.
Ma ke dala kuike ka makemake @ ma ke dala gula Amerika no hoi a @ ka aoao o ka mea kuai na lilo palapala apau.
No na mea aku i koe e ike ae @a @. A. Dickey, Helu 39 Hema Alanui Moi, Honolulu, ka loio o ka poe paa moraki.
TONG WING WAI, TONG SING YE@, SAN WAI TAI, ame TAM K@ SAN, na hoa hui malalo o ka @ hui o WING WO CHAN & CO.,
Poe Paa Moraki.
Hanaia ma Honolulu, Iune 28, A. D. 1904.
3022—July 1, 8, 15, 22, 29.
-----
HOOLAHA MANAO E PANIKU AME
KE KUAI.
-----
JAS. A. ALLEN.
Malalo a ma ka pono o ka mana o ke kuai i hanaia iloko o kekahi moraki, i ka la 2 o Iune, 1896, e a mawaena o James A. Allen o Honolulu, Mokupuni o Oahu, Teritori o Hawaii, Mea Moraki Mai, ia Samuel C. Allen o Honolulu no i oleloia, Mea Paa Moraki, a i kakau kope ia iloko o ke Keena Hoona Aina o ke Aupuni iloko o ka Buke Helu 160, aoao 446-448, o ua moraki nei hoi i oleloia ua hooliloia aku e na Mea Hooko malalo o ka Palapala Kauoha o S. C. Allen i oleloia, mea i make, ia Allen & Robinson, Limited, he Hui Hawaii, ma kekahi palapala i hanaia i Iune 2, 1904, a i kakau kope ia iloko o ke Keena Hoona Aina i oleloia iloko o ka Buke Helu 259, aoao 146-148, a o ua moraki nei hoi i oleloia ua hoolilo hou ia aku e ka Allen & Robinson, Limited, i oleloia i ka Hawaiian Land & Improvement Company, Limited, he hui i kukuluia a e ola nei malalo o na kanawai o ke Teritori o Hawaii, ma kekahi palapala i hanaia i Iune 15, 1904, a i kakau kope ia iloko o ke Keena Hoona Aina i oleloia iloko o ka Buke Helu 259, aoao 165-166, a mamuli o ka Mokuna XXXIII o na Kanawai Ahaolelo o 1874, oia hoi, “He Kanawai e pili ana no ke kuai o ka waiwai morakiia me ka Hoopii ole ame ke Kauoha o ke Kuai ame ke “Kanawai (Mokuna IX o na Kanawai Ahaolelo o 1890) e pakui ana ia mea hookahi, o ka Hawaiian Land & Improvement Company, Limited, i oleloia ka mea malama o ka moraki i oleloia, ma keia ke haawi nei i ka hoolaha no ka ma@ e paniku i ka moraki i oleloia no @ kumu i uhaiia, e hoike ana, o ka @ ole ia o ke kumupaa ame ka ukupanee i ka manawa e uku ai o ka palapala pili aku a i hoopaaia e ka moraki i oleloia.
Ke haawi pu ia aku nei no hoi ka hoolaha o na aina pakahi ai @ na pahale i hoopaaia a i hoakakaia iloko o ka moraki i oleloia ame @ na hou maluna iho, e hoakakaia @ mahope iho nei, e kuaiia aku @ ke kudala akea ma na keena @ o James F. Morgan, Alanui Kaahumanu, iloko o Honolulu, ma ka Poa@ ka la 30 o Iulai, 1904, ma ka hora 2 awakea o ka la i oleloia.
O ka waiwai i hoopaaia e ka moraki i oleloia a i manaoia e kuai ku@ aku e like me ia i olelo mua ia @ oia keia:
O kela poe apana, a mahope o ka aina e waiho la i Pearl City (M@ Ewa, Mokupuni o Oahu, Teritori o Hawaii, i ikeia na Apana Helu Umi-kumamalima (15) Umi-kumamaono (16) ame Umi-kumamahiku (17)il@ Kuea Helu Umi (10) i ikeia @ palapala-aina o Pearl City (M@ i oleloia i hoomana a aponoia @ hu Railway and Land Company @ kope ia iloko o ke Keena Hoo@ i oleloia iloko o ka Buke 121, aoao @-245, a oia no hoi ka aina i h@ ka Mea Moraki Mai e ka Oa@ Railway and Land Company ma ka @ kuai i hanaia i Maraki 25, 1892@ kau kope ia iloko ke Keena @ Aina i oleloia iloko o ka Buke Helu 136, aoao 10@-111.
Ma ke dala kuike ka mak@ ma ke dala gula Amerika no @ ka aoao o ka mea kuai na @ apau.
No na mea i koe e ike ae @ & Marx, Stangenwald Building, Honolulu, na loio o na mea malama @ moraki.
Hanaia ma Honolulu, Iulai @, 1904.
HAWAIIAN LAND & IMPROVEMENT COMPANY, LIMITED.
Mea Malama o ka Moraki
3022—July 1, 8, 15, 22, 29.
-----
NANA ANA
AOHE AUHAU
Niho Gula $5.00
Niho Keokeo 5.00
Papa Niho 5.00
o ka Niho Hookahi.
Heaha hoi kou mea e hoohemahema nei i kou mau niho? Ua kuai makou i ka makou mau lako hana niho ma ke kuai kukaa a nolaila he hiki ia makou ke hana me ka uku haahaa. Ke hoopaa nei makou o ka makou mau hana apau e maikai ana. He wahine ko makou kokua. Aole auhau no ka nana ana.
NA KAUKA HUKI NIHO NOHAU
Na Hora hana, 8 a hiki i ka hora 5. Na La Sabati, 9 a 12.
215 ALANUI HOTELE, E HULI PONO ANA I YOUNG HOTELE