Ka Nupepa Kuokoa, Volume XLII, Number 30, 22 July 1904 — HOI MAI KE KEIKIALII KUHIO [ARTICLE]

HOI MAI KE KEIKIALII KUHIO

O ke Keikialii Jonah Kuhio Kalanianaole oia ka mua loa o na Elele Hawaii 1 ka Ahaelele Repubalika o Kikako i hoi mai nei ma ka mokuahi Sierra o ka Poaha o kela pule aku nei.

laia ma Kikako ua noi ia aku oia e W. H. Hoogs, kekahi no o kona maii hoa elele, e lilo oia i Ivomite Lahui no Hawaii nei, aka ua manao oia he mea pono e hookau aku ia hanohano maiuna o kekahi mea okōa aku, a o ua mea la oia no A. G. M. Robertson, nolaila ua hoole aku oia, no kona iini nui e lilo hou oia ka Elele Hawaii i ka Ahaolelo o Amerika.

„1 keia manawa eia no ke paa nei ka manao o ke Keikialii e like me kana i ha'i mua ai, oia hoi e holo elele hou i keia kau koho balota ae ma ka paa balota Repubalika. Aole keia he manao anunu iloko o ke' Keikialii, aka mamuli o kana hakilo ana i ke kulana o na hana kalaiaina ma Wasinetona i maopopo ai iaia, o ke kau mua o kekahi kanaka e noho ai iloko o na Ahaolelo he kau ia nona e hoomaamaa ai a e kula ai laia iho no kana hana e hana aku ai i kekahi kau aku.

Ua loaa pu no hoi keia ike i ka Elele Alii Kuhio he mea pono i kona mau hoa o ka auna hookahi e kokua aku laia, a mawaho ae o keia he mea pono e hoolakoia aku oia me na kuhikuhi ame na mea apau e pili ana 1 kekahi ninau no Hawaii nei e kakou mamua o kona hou hewa wale aku iloko o ka Ahaolelo me na olelo e hooia wale ana no aole no nae he io.