Ka Nupepa Kuokoa, Volume XLII, Number 31, 29 July 1904 — Page 2
| This text was transcribed by: | Katy Darlington |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
2 NUPEPA KUOKOA, POALIMA, IULAI 29, 1904.
------------
KA
Nupepa Kuokoa
---
NO KA MAKAHIKI - - - - $2.00
NO EONO MAHINA - - - -$1.00
---
SUBSCRIPTION RATES
ONE YEAR - - - - $2.00
SIX MONTHS - - - - 1.00
O NA OLELO HOOLAHA APAU E HOOUNAIA MAI ANA NO KA HOOLAMA MALOKO O KEIA NUPEPA, E HOOUNA PU MAI ME KA AUHAU, IA INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
---
O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.
---
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Honolulu, Panaiaau o Hawaii, ma ke ano Mea oka Papa Elua.
---
DAVID L. A-I, : : Lunahooponopono
S. K. NAWAA, : : Kokua Lunahooponopono
A. W. PEARSON, : : Lunanui
HONOLULU, OAHU.
------------
POALIMA : : : : : IULAI 29, 1904
------------
HANA KU I KE KUMAKAIA
---
O kekahi hana i ku i ke kumakaia i ke oia o ka poe opiopio oia ka haawina i loaa aku maluna o keia poe kamalii opiopio eha i hoohainuia i ka rama a nui ka ona a me ia ona no a pii iluna o ke kaauwila o ke alanui Waila e holo ana no Punahou a hiki i ko lakou lele ana mai ke kaa aku i ke alanui Punahou no ke kau ana i ke kaauwila o Manoa.
O ka mea nana ka waiona i haawi i keia poe kamalii, oi loa aku i na keiki no lakou na makahiki aole i oo, ina ua haawila no ke kuai ana a i ole ua haawi me ke dala ole, he keu kela a ke kanaka uahoa o ke kumukaia, hilahila ole, a hohewale—o ka hoao ana e kinai i ke ola opiopio, aole i ka make koke aka i ka omiloia o ke ola, oiai aole he hiki ke hoohewahewa i ka ikaika omilo a ka waiona i na oia o ka poe opiopio loa.
Ina o keia kanaka he mea kuai waiona a he halekuai lama kona a i ole he mea kuai waiona laikini ole, a nana i hoolawa aku i keia poe kamalii, alaila he mea maopopo loa, he mea oia aole ke aloha hoakanaka iloko o kona puuwai, a ina aia he aloha kekahi o ia ano iloko ona alaila ke manao nei makou ua uhi pu ia mea makamae e ka puni dala, a o ka mea iaia ia ano kuko hewa alaila he kanaka oia nona ka makemake aia ka pono o ka loaa mai o ke dala me ka nana ole ae i ka pono ame ka hewa o ke alanui o kahi e loaa mai ai, a e hoohewahewa ole ia ai ka pili o ia hana i ka omilo ola o ka poe opiopio e like iho la me ko keia poe kamalii.
O kekahi mea i maopopo ma keia mea pili i ke kanaka nona ka halekuai rama ua ku-e oia i ka manao o ke kanawai i ka ae e komo na kamalii iloko o kona hale inu rama oiai ua hookapu loa ke kanawai i ka hele o na kamalii iloko o ia wahi, a ina no aole i loaa oia i ka umii o ke kanawai i keia manawa ke manao nei makou aia kona lunamanao ke hoomaopopo la he kanaka oia i ku i ka hewa a he mea pono e ahewaia a e hoopa iia, a ina aole e lilo na nu-ne ana o ka lunamanao ma ia ano i mea nui ole i keia kanaka aole io i kanamai o ka manoanoa o ka manao uahoa o ke kumakaia iloko ona, a ua aho iki o Iuda Isekariota i kumakaia ai i ka Haku no ka mea he kanakamakua kana i kumakaia ai mamua o keia kanaka a he ino loa aku no ka ianei no ka mea he keiki opiopio kana i kumakaia ai, a makou no hoi e manaoio pu nei aole pela oia e hana ai i kana mau keiki ponoi, a no ia kumu makou i pane ai he kanaka puuwai aloha ole i kona hoakanaka.
Mawaho ae o keia aole e hiki ke maalo ae ke koi’iko’i o ka hemahema maluna o na makua o keia poe keiki, no ka mea aole he kuleana iki e hookuukuu wale ia na kamalii e like iho la pela, a e nanamaka ana me ka hana ole mai i kekahi hana no ka noii pono ana a loaa keia kanaka kuai waiona i ka poe opiopio—a aole no hoi he kuleana iki o keia poe kamalii e komo wale iloko o na wahi ino e like me na wahi e loaa ai ka rama ia lakou, e like me ka kuleana ole o ka poe kuai waiona i ka hoolilo i ka waiona i na kamalii. E pono e kau mai ka maka o ka oihana makai maluna o keia kumuhana.
------------
KA OIHANA PUHIAHI.
---
O keeia mea he puhiahi i ke kino o ka mea make aole ia he mea malihini iloko o Honolulu oiai he nui na make i puhiahiia malalo o ke kauoha a ka Papa Ola a malalo o ka makemake maoli o ka ohana o ka mea make a mamuli no o ka makemake o ua mea make la i waiho mua ia mamua o ka hala ana, eia nae, he mea keia i maka’u nui ia iwaena o na Hawaii wale no, a o kekahi kumu o ia no ko lakou maa ole, a o kekahi no ka huhu pili kino maoli no.
O ka haawina hope ua hiki loa ke hoomaopopoia i ka oiaio o ia mea oiai ke nana aku ke kanaka noonoo maikai iloko o na moolelo o na kau koho balota o Hawaii Teritore i hala ae, i ka nui hoino i na Repubalika oiai wahi a na hoike manao like ole o lakou ka poe i hooikaiaka nui ia mau hana, a na Demokarata ame na Home Rula i haanui ai ma ka hoonui ino, ke kumu i pauiele nui ai na Hawaii ma ia mau mea a komo iloko o na hoino i hele ole ai ka hoonuila o ka ino ma ko lakou aoao.
Eia nae i ka nee ana o ka manawa o ia mau ano pohihihi ua maweheweheia ae i keia manawa ke ano makili ae nei ka noonoo no ka apono ana i keia oihana puhiahi i ke kino make o ke kanaka he noonoo apono nae i loaa iloko o ka poe ano malamalama, a nui kunahihi iloko o ka noonoo o ka poe hapopo.
I keia manawa ua hoomakili a maopopo loa ia keia oihana puhiahi ma ka hana o ke Keena o na Hana Hou o ka Teritore e hoohana mai nei oia hoi ka manao e kukulu i hale nui kupono no ka oihana puhiahi kino kanaka make ke lawa ke dala a ke paa ia hale alaila aole he puhi wale ana i ke kino o ka poe no lakou na ma’i i hoohuoi ole ia, a oia ano poe aia no i ko lakou ohana ka makemake e puhiahi a i ole e kanu lepo, a i ole e puhiahi ina ua kauoha mua ka mea make mamua e kona make ana—a o keia ano i hooaiaiia ae la oia auanei ka mea nana e holoi pau ae i na hoino wale ana maluna o na kuhihewa i hoopuka kahua ole ia, e olelo ana e puhiia no ke kino ina no aole ia o ka makemake o ka ohana, koe nae, ko poe no lakou na ma’i a ka Papa Ola i manao ai he mea pono e puhiahiia.
Nolaila aole he puhi wale ana i ka poe make no lakou na ma’i kupono ke ole e makemake na ohana a o ua mea la paha i waiho mua i kona makemake mamua o ka hala ana.
Aka ina e hookukuia na mahele a elua—ke kanu lepo ame ke puhiahi aole e nele ka ikeia o ka maemae o ka mahele elua mamua o ka mahele mua, a i na aina i maa i ke puhiahi aole i lilo ia i mea menemene aka aia ka haawina o ka maemae iloko o ko lakou hoomaopopo, a iloko o na aina i maa ole e like me na Hawaii ua lilo loa ia i mea hookunahihi, aka, i ka manawa e makili ai ka noonoo, ina aole i ka hanauna o keia wa alaila i ka hanauna ana o keia mua aku a lakou e pane kanalua ole ai i ka maikai a kupono o ka oihana puhiahi, ku like loa me ka manao o kekahi poe Hawaii kakaikahi noonoo maikai e noho mai nei, eia nae ka mea i maopopo loa e hana aku no e like me ka manao ina e kanui a e puhi ua hiki no mawaho ae nae o ka poe a ka Papa Ola e kauoha ai e puhi.
------------
Hoomaka ka Hana Puhiahi.
---
(Mai ka aoao 1 mai.)
komo iloko o ke kapuahi e aa ikaika ana no ko lakou mamaia mai a lilo i lehu.
He hana okoa ae no kekahi e pakuiia aku ana iloko o keia hale oia no ka hoomakaukau ana i wahi e puhiahi ia ai na holoholona make, a he hoopau loa ana hoi ia ia ka lawe ana ia lakou iwaho o ka moana no ke kiloi ana a e hoopau ana hoi ia lilo.
Ma ka nana aku aia ke lana nei ka manao e hoomaalahiia ana ka oihana lawe opala a houuku mai i ka lilo no ka lawe ana i na mea make iwaho o ka moana.
------------
HOOHALAHALA I KA MAHELE EHIKU.
---
Aia a hiki mai i ka wa e noho ai ka Aha Koho Elele Repubalika o ka Teritore e waiho mai ai ka huina elele Repubalika hoohalahala o ka Mahele koho Ehiku o ka Apana koho Elima i ka lakou noi e noho aku iloko o ia aha.
Ma ka halawai i malamaia ma ka po o ka Poakahi nei e na Repubalika o keia mahele i na ole ka manao mamuli o na koho ana i malamaia i ka aha koho elele o na Repubalika i malama ai, iloko o ia halawai a keia poe hoohalahala i hooholoia ae ai he mau olelo hooholo a he hookahi o lakou i pili loa i ke kumuhana i hoike mua ia ae nei.
He olelo hooholo keia e hoike ana i ka na ole o ka manao o kekahi poe hoa—o ke kumu mamuli o ke ku-e o ke koho elele i malama mua ia i na rula o ka aoao Repubalika pau pu me ka hana kaulike ole a mamuli no ia o ka lawelawe ana a ka Peresidena ame kekahi poe hana kaukahi, ua hooholoia e lakou (poe hoohalahala) e ku-e loa ana i keia koho mua nolaila i wae ae ai lakou i ka lakou poe inoa hou no ke kohoia a o keia poe keonimana malalo iho nei ua poe nei i kohoia ma keia halawai a ka poe hoohalahala.
No ka Aha Teritore—Henry C. Birbe, Jr., Wm. Olepau, Jos. Kalana, Louis Trousant, J. L. Carter, Wm. Kaka.
Na moho Komite Apana—Thomas Mokulahua, William Henry, Henry Cockett, I. H. Sherwood, Ed. Koloha, J. M. Keanu, Jos. A. Apo, H. K. Alapai, Isaac Ihihi, C. H. Brown, Dan Kamahu, Albert McGurn.
Mawaho ae o keia olelo hooholo aia he elua, he hookahi e hoike ana i ka manao kakoo i na hooponopono aupuni a ke Kiaaina Carter ame ke Kakauolelo Atkinson, a o kekahi he olelo hooholo kakoo e koho i ke Keikialii Kalanianaole i Moho Elele Lahui i ka Ahaolelo Nui.
Na Henry C. Birbe, Jr., i noho lunahoomalu ae i keia halawai hoohalahala.
------------
E AKAHELE MA KA OLELO ANA.
---
Ia oe e kela makuahine e noho la ma Kewalo, nou keia mau a’o ana, oia hoi, e akahele ma ka olelo ana. O kela mau olelo au i hoopuka ai i kekahi Sabati i hala he mau huaolelo ehaeha loa o ka pepeiao ke hoolohe aku a he mau huaolelo ku no hoi i ke kanawai o ka aina, e pono e hoohalike ia oe me ka makuahine oiaio, aole hoi e like me kena kulana ou e noho nei, nolaila e akahele ma ka olelo mai hoopuka i na olelo pelapela.
J. H. NANAKU.
------------
Ina oiaio ka lono o ka puka ana o na mokukaua o Rukini ma ka moana Pakipika nei, alaila aole he mea e hoohewahewa ae ai ke hanaia mai kekahi mau hana ano nui maluna o ka moana Pakipika nei i keia mu la koke iho.
---
Ma ka hoolaha a ka Moiwahine Liliuokalani ma o kona loio la ua papa loa ia ka poe apau e komo kuleana ole ana iloko o ka aina i haawiia ia John Kiaaina ke kuleana lunanana aku oia keia aina o Kahala ame ke kai lawai’a o ia kuleana. Pela no ke kapu la o ke kai lawai’a o Hamohamo i Waikiki malalo o ka nana ana o ka Lunanana Kinekake.
------------
NU IOKA. Iulai 13—He kanakolukumamailima haneri poe limahana okibibi i olohani ae i keia la. Ua pii ae nei ke kumukuai o ka bibi he elua keneta hou iho no ka paona a ke manao ia nei e wi ana ka aina.
------------
Ka Mea Oi Loa o ka Maikai.
---
O ke kaupale ana aku, wahi a ka olelo a’o, he oi aku ia mamua o ka hoola ana. He mea oiaio keia, a he oi aku no hoi ka maalahi o ka hana ana pela. Oia hoi ina oe i ike i ke ano o ke kaupale ana aku. Ina i ike ka poe o ke taona o Ladana i ke kaupale ana aku i ka ma’i bubonika, ina paha aole e laha ino kela ano ma’i weliweli malaila. Eia nae, aole lakou i ike, a ua pulumiia lakou e like me ka haule ana o na kumu huita i na pahi oi o ka mikini oki. I mea e pakele ai mai na enemi mai, kukulu na kanaka i na papu ame na kakela, a kukulu i mau pa kiekie a puni ko lakou mau kulanakauhale, a ma keia hana, he noeau a naauao keia noonoo ana. Aka nae, o ka ma’i ka mea nana e luku nei he mau tausani a he umi wale no ma ke kahua kaua, he mea hiki ole ia ke pale aku ma ke kukulu ana i mau pa manoanoa a holo ana paha me ka manao e pakele. O ka hana pono wale no e pono e hanaia, oia ke malama ana i ke kino i loaa ke olakino maikai ma o ka malama ana i ke ano o ka noho ana ame ka lawe ana i kekahi laau hooikaika kino ame hoomaemae koko e like me ka
WAMPOLE’S PREPARATION
ka mea nana e hoomaikai ka hoowali ana i ka ai, pepehi ame ke kipaku ana i na anoano o ka ma’i mai loko aku o ke koko, hooikaika i na mea hana o ke kino holookoa e hana i lakou apana hana pakahi i haawiia mai ai ia lakou e hana. He momona keia laau holomua a maikai e like me ka hone meli, a ua loaa iaia na mea hoonoono ai i loaa i ka Aila Puupaa Cod Maemae, i hanaia e makou mai loko mai o ka puupaa o ka i’o cod hou loa, a i huiia me ke Compound Syrup of Hypophosphites ame ka Extracts of Malt and Will Cherry. Aole he laau i like me keia no ke pale ana, hooluolu ana, ame ka hoola ana i ka La Garipa, Eha o ka Puu ame ka Akemama, Ma’i Hi Koko, Nawaliwali, ame na ma’i e ae e loaa ana ia kakou apau loa mai na anoano mai o n ma’i like ole e komo mau nei iloko o kakou ma ka hanu ana i ka ea, ma ka ai ana, ame ka inu ana i ka wai, ame kekahi mau hana e ae a kakou e maopopo ole ai he kumu keia e pilikia ai. Eia iho ka olelo a Kauka W. D. McNab o Kanada: “Ua loaa ia’u o kau aila puupaa cod he laau maikai loa ia no ke kukulu hou ana ame ka hooikaika hou ana i na ano ma’i emi pu wale mai o ke kino.” E loaa no ka maha mai ka manawa e lawe ai i ke kulu mua. E hoao nou iho i ike i ka oiaio ame ka olelo ole. E loaa no ma na halekuai laau lapaau apau.
------------
MA’I HI PAHEMO.—No kekahi mau makahiki iloko o na mahina o ke kau la ua loaa mai au i ka ma’i hi pahemo, a ua lilo koke ae keia i ma’i hi maoli o ke ano inoino loa, a ua ukali pinepine mai hoi mahope o keia ke nahu ame ke eha. He hele mau wau i na kauka no keia pilikia i loaa mai ia’u, eia nae, ua lilo mai keia i ma’i kuluma e loaa mau ana a’u i kela ame keia kau la, a ia’u e huli ana i maha no’u ua halawai ae la wau me ka laau Chamberlain’s Colic, Cholera and Diarrhoea Remedy, a o keia ka laau nana i hoola mai ia’u ame ka hikiwawe no hoi keia hoola ana, a o keia ka mea nana i ume aku ia’u e hilinai piha aku maluna ona, a o ka mea nae nana i hoopuiwa nui ia’u, oiai oia e hoola ana me ka hikiwawe i ka umii a hoopau hoi i ka hi aole loa i loaa mai he haawina ino mahope mai. He lawe mau wau i omole o keia laau ke kaahele wau.—H. C. HARTMAN, Anamosa, Iowa, U. S. A. Ke kuai ia nei ma na hale kuai lapaau apau. BENSON, SMITH &
------------
HOOLAHA MA KE KAUOHA.
------------
HOOLAHA HOOPAU HUI.
---
Ma keia ke haawila aku nei ka hoolaha o ka hui i ku iho nei mawaena o John B. Watson ame Charles P. West o Honolulu, malalo o ka inoa hui Watson & West ua hoopauia a hookuu loa ia ma ka la 12 o Iulai. A. D. 1904, ma o ka hana o ke kanawai: oia hoi, o John B. Watson i oleloia, i keia manawa, oia ka ona maoli o ka hana kalepa mikini humuhumu iole i lawelaweia iho nei e ka hui i oleloia, a e hoomauia aku ana ia hana kalepa ma kona wahi e ku nei. A aole mea e ae koe wale no o John B. Watson i oleloia ka mea kuleana e ohi i na aie ame na helu waiwai e ae i kuleanaia e ka hui i oleloia.
(Kakauinoaia) JOHN B. WATSON.
Honolulu, Iulai 18, 1904
3025—July22, 29: Aug. 5.
------------
HOOLAHA HOOKAPU.
---
Ma keia ke haawiia aku nei ka hoolaha ua hookohu aku wau ia John Kiaaina, i lunanana no kuu aina Kahala ame ka pono lawai’a o ua aina la i oleloia. O na palena o ke kuleana lawai’a e hoomaka ana ma ka palenaaina o Waiale ma kahakai e holo ana iwaho i ke kai a hiki kuanalu a mailaila aku ma ke kuanalu holo komohana a hiki i ke “puhi” a malaila aku holo hikina ma ka pa-ala a hiki i ke aeone a malaila aku holo ma ka po’ina nalu a hiki i kahi i hoomaka ai.
Ke papaia aku nei na kanaka apau loa i ka hele ana maluna o ka aina i oleloia a lawai’a iloko o ke kuleana kai lawai’a i oleloia me ka loaa ole o ka ae mai ia John Kiaaina i oleloia malalo o ka hoopa’i o ke kanawai.
LILIUOKALANI,
Ma o kona Ioio ponoi.
J. O. CARTER.
Honolulu, T. H., Iulai 27, 1904
3026—Iulai 29,—Aug. 5, 12,19.
------------
OLELO HOOLAHA.
---
Ma keia ka haawiia aku nei ka hoolaha, oia hoi mai keia la aku ke papa loa nei wau i ke komohewa o kekahi kanaka a ilio a komo paha maluna o na aina i ikeia ua kuleanaia e a’o mai Huehue a hiki i Kaumalumalu, Kona Akau, koe wale no a loaa aku ka ae mai ia’u aku.
Iulai 18, 1904
J. A. MAGUIRE.
3026—Iulai 29—Aug. 5, 12.
------------
HOOLAHA MA KE KAUOHA
------------
HOIKE A KA FIRST AMERICAN SAVINGS AND TRUST COMPANY OF HAWAII, LTD.
---
Territori o Hawaii )
Kulanakauhale o Honolulu )
Mokupuni o Oahu )ss
---
Ma o ka hoohikiia ana o Cecil Brown ame W. G. Cooper, ua hoike pakahi ae laua ma ka palapala a olelo ae he mau lunanui laua, o Cecil Brown, ka peresidena, a o W. G. Cooper ka Mea Malama Dala no ka First American Savings and Trust Company of Hawaii, Ltd., a o ka papa huahelu malalo iho nei he hoike piha pono ia, he oiaio, pono a pololei no na hana o ua hui la i oleloia ka First American Savings and trust Company of Hawaii, Ltd., i oleloia a hiki i ka la 30 o Iune, 1904, a pau pu me ia la.
O ke kumupaa o ka hui he $250,000 i mahelia iloko o 250,000 mahele o $100.00 waiwai io o ka mahele hookahi. O ka heluna o na mahele i hoopukaia 250,000 a ua uku piha ia na mahele.
Na Loaa no na aie o ka Hui ma ka la 1 o Iulai oia keia malalo iho:
Kumupaa......................................$250,000.00
Na Dala i hookomoia..................... 351,718.60
Puka ame Poho.............................. 918.86
Na Loaa Waiwai e ae o ka Hui ma ka la 1 o Iulai, 1904, oia keia malalo iho:
Na Bila loaa mai...... $348,410.00
Na Bona ame na
Mahele Huikau 96,880.00
Dala Kuike ma ka
KUOKOA—Galley 6
Banako........... 135,426.07
Mahele Ukupanee...... 4,609.39
Waiwai Paa................ 17,275.00
Na Palapala Hoopaa
Waiwai e ae.... 37.00
$602,637.46 $602,637.46
(Kakauinoaia) CECIL BROWN, Peresidena.
(Kakauinoaia) W. G. COOPER, Mea Malama Dala.
Hooia a hoohikiia imua o’u i keia la 25 o Iulai, 1904.
W. P. ROTH, Notari no ka lehulehu, Apana Hookolokolo Kaapuni Ekahi.
Ma keia ke hooia nei wau o ka hoike maluna ae, he kope oiaio a pololei ia o ka hoike maoli a papa huahelu o ka The First American Savings and Trust Company of Hawaii, Ltd., i hoohikiia imua o'u i keia la 25 o Iulai, 1904.
W. P. ROTH, Notari no ka lehulehu, Apana Hookolokolo Kaapuni Ekahi.
3036—Iulai 29—Aug. 5, 12.
------------
HOOLAHA HOOKAPU.
---
Ma keia ke haawiia aku nei ka hoolaha ua hookohu aku wau ia Kinekake i lunanana no ke kuleana lawai’a o Hamohamo, Waikiki. O na palena o ke kuleana lawai’a i oleloia e hoomaka ana ma ka po’ina-nalu maluna o ka pa-ala eleele i ikeia o Paliiki, kokoke i kahi noho o Cunha a malaila aku holo iwaho i ke kai i ke kuanalu a holo ma ke kuanalu ma ke komohana a hiki i ka ma-ka kupono ma kekahi aoao o ke kikowaena o ke kahawai i ikeia o Apuakehau ma ka po’ina-nalu a malaila aku holo hikina ma ka po’ina-nalu a hiki i kahi i hoomaka ai.
Ke papaia aku nei na kanaka apau loa i ka hele ana maluna olaila a lawe i na i’a mai ia kai lawai’a aku me ka loaa ole o ka ae mai ia Kinekake aku i oleloia malalo o ka hoopa’i o ke kanawai.
LILIUOKALANI,
Ma o kona loio ponoi, J. O. CARTER.
Honolulu, T. H., Iulai 27, 1904.
3026—Iulai 29—Aug. 5, 12, 19.
------------
HOOLAHA O NA UKU O KA PAIPU LAWE MEA INO.
---
Mamuli o ka lohi o ka hoouna ia ana aku o na hoike o ke paipu lawe o na mea ino, nolaila ua hooloihiia aku ka manawa no ka uku ana a hiki i ka la 31 o Iulai, 1904, a mahope aku oia la e au no ka hoopa’i o 10 pa-keneta maluna o na uku e panee ana.
C. M. WHITE
Poo Kakauolelo.
Aponoia e C. S. HOLLOWAY.
3024—July 15, 22, 29.
------------
HOOLAHA HOOKO MORAKI.
------------
HOOLAHA MANAO E PANIKU A KUAI A KA MEA MALAMA MORAKI.
---
KAHUILA WILCOX AME W. L. WILCOX.
---
Ke haawi ia aku nei ka hoolaha i kulike ai me ka mana o ke kuai i hanaia iloko o kekahi moraki i hanaia i ka la 1 o Iulai, 1897, i hanaia e Kahuila Wilcox ame W. L. Wilcox, kana kane mare, o laua a elua no Honolulu, Mokupuni o Oahu, Teritori o Hawaii, na mea moraki, ia W. R. Castle, Kahu. oia wahi hookahi no, a o ua moraki la i oleloia ua kakaukopeia ma ke Keena Hoona Aina iloko o Honolulu i oleloia, iloko o ka Buke 170 ma ka aoao 429, et seq., a o ua moraki la i oleloia, i kekahi manawa mamua aku nei, oia hoi, ma ka la 27 o Dekemaba, 1902, ua hooliloia aku e W. R. Castle, Kahu, i olelo ia ia John Hind, Kahu, a o ua hoolilo la i oleloia o ka moraki i oleloia ua kakau-kopeia iloko o ka Buke 247 ma ka aoao 19 o ke Keena Hoona aina i oleloia, o ka mea malama o ka moraki i oleloia o ka mea paa moraki i oleloia ke manao nei e paniku i ka moraki i oleloia no ke kumu i uhaiia, oia hoi no ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai i paa iloko o ka moraki i oleloia e kuai ia aku ana ma ke kudala akea ma na keena kudala o Jas. F. Morgan, Alanui Kaahumanu, iloko o Honolulu i oleloia ma ka Poakahi ka la 1 o Augate, 1904, ma ka hora 12 awakea o ka la i oleloia.
O ka waiwai i paa iloko o ka moraki i oleloia oia iho keia: O kela mahele apau loa o ka aina e waiho la ma ka Mokupuni o Molokai, o ka Teritori i ha’i mua ia ae nei, i ikeia ka Ahupuaa o Pukoo Elua, i hoakaka piha pono ia iloko o ka L. C. A. 8214, R. P. 7375 ia Ilae Napohaku, a oia no hoi ka aina i hooliloia ia Kahuila Wilcox ma ka palapala hoolilo a John Napohaku Ilae, i hanaia i ka la 1 o Iulai @ a i kakaukopeia iloko o ka Buke 172 ma ka aoao o 86 o ka moolelo o ke Keena Hoona Aina i oleloia.
Pau pu me na pono apau na pomaikai apau ame na mea apau e pili ana iloko o ua apana la i oleloia.
JOHN HIND. Kahu.
Ka Mea Malama Molaki i oleloia o ka Mea Paa Moraki i oleloia.
Ma ke dala kuike ka makemake a ma ke kala gula Amerika no hoi, a ma ka aoao o ka mea kuai mai na lilo palapala apau.
No na mea aku i koe e ike ae ia Smith ame Lewis, na Loio o ka Mea Malama moraki o ka Mea Paa Moraki.
Hanaia ma Honolulu, Iulai 5, 1904.
3023—July 8, 15, 22, 29.
------------
HOOLAHA MANAO PANIK@ A KUAI A KA MEA PAA MORAKI.
---
KAUHOLA (K.)
---
I kulike ai me ka olelo o kekahi palapala moraki i hanaia ma ka la 9 o September, A. D. 1898. mawaena o Kauhola (k.) o Makua, Waianae, Oahu, ame C. B. Maile o Honolulu, Oahu, i oleloia, a i kopeia ma ka Keena Kakau Kope o ke Aupuni, Buke 180, aoao 477 ame 478, a i hooliloia mai ia moraki ia Douglas Kaona ma kekahi Palapala Hoolilo i hanaia ma ka la 2 o July, A. D. 1904, a i kopeia ma ka Buke Aupuni o ke Keena Kakau Kope i oleloia a no ka hookaa ole ia o ke kumupaa ame ka ukupanne; nolaila ke manao nei ka mea malama moraki i oleloia o ka mea paa moraki i oleloia, e pani, a ke hoolaha aku nei no ke kuai ana ma ke kudala ma ka Hale Kudala o J. F. Morgan, ma Alanui Kaahumanu, Honolulu, Helu 847, ke hiki aku ma ka la 6 o Augate, A. D. 1904, a o ka waiwai i oleloia ma ia moraki, penei no ia:
He apana aina ma Makua, Waianae, Mokupuni Oahu, nona ka Palapala Sila Nui Helu 3634, Kuleana Helu 9054 i hookoia no Kawaa no Manua, nona ka nui he 9 eka oi aku a emi mai a i loaa mai iaia ma ka Palapala Kuai a D. K. Mahu ma ka la 4 o September, A. D. 1878, a i kopeia ma ka Buke Aupuni 93, aoao 155 ame 156, a ke hoike pu ia aku nei o na lilo no ka hana ana i na palapala, na ka mea e kuai mai. Kuike ke dala ma ke kala gula o Amerika.
No na mea i koe, e ninau ia
DOUGLAS KAONA,
Mea Malama Moraki o ka Mea Paa Moraki.
Ma o kona loio la, J. P. Ball, Alanui Moi, Helu 3, Waity Building.
3024—July 15, 22, 29 Aug. 5.
------------
HOOLAHA MANAO PANIKU A KUAI A KA MEA PAA MORAKI.
---
LAWRENCE H. DEE.
---
Ma keia ke haawiia aku nei ka hoolaha mamuli o ka mana o ke kuai i hanaia iloko o kekahi moraki i hanaia i ka la 7 o Feberuari, A. D. 1903, e Lawrence H. Dee, o Honolulu, Mokupuni o Oahu, Teritori o Hawaii, to Louisa H. Dee, wahine mare a Lawrence H. Dee i oleloia ua hui iloko o keia ma ka hookuu ana a haalele loa i kona kuleana wahine mare iloko a i pili i ka aina i hoakakaia iloko nei ia J. F. Humburg, Kahu, mea paa moraki, he moraki hoi i kakau kope ia iloko o ke Keena Kakau Kope Aina o ke Aupuni i Oahu, iloko o ka Buke Helu 247, aoao 52, 53, 54 ame 55, o ka mea paa moraki J. F. Humburg, Kahu, e manao nei e paniku i ka moraki i oleloia no na kumu i uhaiia, e hoike ana, o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai apau i hoopaaia iloko o ka moraki i oleloia e kuaiia aku ana ma ke kudala akea ma ka Hale Inu Rama Hoffman, e ku nei ma ke kihi hema o na alanui Hotele ame Nuuanu iloko o Honolulu i oleloia, ma ka Poaono, ka la 13 o Augate, A. D. 1904, ma ka hora 12 awakea o ka la i oleloia: koe nae ka waiwai i hoakakaia iloko o ka pauku ekahi (1) oloko nei, a ma keia ke haawiia aku nei ka hoolaha o ua waiwai la i oleloia i hoakakaia iloko o ua pauku ekahi (1) nei e kuaiia aku ana ma ke kudala akea e Will E. Fisher ma kona keena kudala ma Alanui Alakea ame Kalepa iloko o Honolulu i oleloia ma ka Poaono i oleloia ma ka hora 1 p. m. o ka la 13 i oleloia o Augate, A. D. 1904.
O ka waiwai i hoopaaia iloko o ka moraki i oleloia oia iho keia:
(1) O keia apana a mahele apau loa o ka aina e waiho la ma Alanui Young, iloko o Honolulu i oleloia, oia no hoi ka hapalua Hikina o ka Apana Helu 13, he hapa o ka Apana "A" o ka Palapala Sila Nui Helu 78, a oia no hoi ka aina i hoolilia ia Lawrence H. Dee i oleloia ma kekahi palapala kuai aina o E. May McGregor i hanaia i ka la 16 o Iune, A. D. 1901, a i kakau kope ia iloko o ke Keena Kakau Kope Aina i oleloia iloko o ka Buke Helu 130, aoao 363, pau pu me kela apana o ka aina nona ke alo e waiho la ma ke alanui Young i oleloia e pili la me ka mahele o ka aina i hoakakaia maluna ae ma ka aoao Kamaki Kuea (Thomas Square) nona hoi ke alo i aneane aku i ka 25 kapuai a o ke koena o ka aina ua hooliloia mai ia'u mai ia John Grace mai ma kekahi palapala kuai aina i hanaia i ka la 7 o Okatoba, A. D. 1890, a i kakau kope ia iloko o ke Keena Kakau Kope i oleloia iloko o ka Buke 127, aoao 110. Pau pu me na pono apau, na kuleana, na hale, na hana hou, ame na mea apau i pili ilaila, i kaa nae malalo o ka hoopaa a hoomalu ana o kela moraki i hanaia e Lawrence H. Dee i oleloia ia C. M. Cooke, Kahu, no ka huina o Ekolu Kaukani ame Elima Haneli Dala, i hanaia i ka la 4 o Feberuari, A. D. 1902, a i kakau kope ia iloko o ke Keena Kakau Kope Aina, Oahu, iloko o ka Buke Helu 233, aoao 87 et seq.
(2) O kela aina hoolimalima e waiho la me ke kihi Hema o na Alanui Nuuanu ame Hotele iloko o Honolulu i oleloia nona hoi ka manawa hoolimalima i pau ole o 4 makahiki a pau pu me na waiwai pakahi apau loa, na waiwai kuai, na pono hale apau iloko olaila i komo ole iloko o ke kuleana hoolimalima i hoakakaia o na mea apau i ikeia ka Hale Inu Rama o Hoffman.
J. F. HUMBURG, Kahu, Mea Paa Moraki.
Hanaia i Iulai, 19, 1904.
Frank E. Thompson, Loio no ka Mea Paa Moraki.
3025—July 22, 29; Aug. 5, 12
------------
HOOLAHA KUMAU
------------
LEWERS & COOKE
LUI AME KUKE, KAUNA@@
Na Mea Hookomo mai a Kuai @@ i na
LAKO HANA HALE
O Kela ame Kena A@@
Malaila e loaa ai na mea @@@ @@
---
NA PAPA N. W., NA PAPA HOLA PILI HALE, NA PUKA NA LEPELEPE AME NA PONO PUKA ANIANI, NA KUI, AME NA MEA PI@ KA OIHANA KAMANA NA PONO PENA.
NA PENA LIKE OLE AME NA HULU PENA, NA ANIANI NA PAPA HALE, PALE PUKA ANIANI MOENA, ETC.
O na kauoha pono hale apau loa a hiki mai ana ia makou @ @ @ k@ ia no me ka eleu ame na KUMUKUAI HAAHAA LOA.
LEWERS & COOKE
------------
Kakela me Kuko
(KAUPALENAIA)
---
Poe Kalepa ma ke Komisina
--A HE—
POE LAWELAWE KOPA
---
Poe Agena no na Mahiko Lehulehu.
------------
Hui Alahao ame Aina o Oahu
MANAWA HOLO
Mei 1, 1903
MAI HONOLULU AKU
No Waianae, Waialua, Kahuku ame na wahi hoolulu ma ke alahao—*9:15 a. m., *3:30 p. m.
No Pearl City, Ewa Mill, ame na wahi hoolulu ma ke alahao--*7:30 a. m., *9:15 a. m., *11:05 a. m.,*1:15 p. m., *3:20 p. m., +4:15 p. m., *5:15 p. m., ++9:30 p. m., +11:15 p. m.
MAI WAHO MAI
Ku i Honolulu mai Kahuku, Waialua, ame Waianae mai *8:36 a. m., *5:31 p. m.
Ku i Honolulu mai Ewa Mill ame Pearl City mai--+6:50 a. m., +7:45 a. m., *8:36 a.m., *10:38 a. m., *2:05 p. m., *4:31 p. m., *5:31 p. m., *7:40 p. m.
*+5:31 p. m., *7:40 p. m.
*Kela ame keia la.
++ Sabati wale no.
+Koe ke Sabati.
G. P. DENISON, Lunahoohana
F. O. SMITH, G. P. & T. A.
------------
KAUKA T. MITAMURA
---
Alanui Kukui Oioli Helu 68, Honolulu Na Hora Hana:
Hora 9 a. m. a 12m: 5:30 p. m. a 7:@0 p. m. Sabati, Hora 9 a. m. a @ @. m.
Telepone Blue 2366 P. O. Box 141
------------
Ina He Makemake
--KOU I KA—
Lauoho Maikai
E HELUHELU I KEIA.
Malia paha ke pau nei kou lau he ka helelei, a koe kakaikahi @ ana i ka laau mamua o ka pa@ loa ana i ka helelei, e hana i laau e @ k@a ai. O ka laau
"Laau Hooulu Lauoho a Ayer's"
ka mea e ulu hou ai. He nana @ lauoho ke ulu mai, a he nui @ ina he nawali ka ulu ana o kou @aioho, o ka
"Laau Hooulu Lauoho a Ayer's"
ka mea e manoanoa ai ka ulu ana, a ke loaa i keia laau pau loa ka helelei ana. I na he piha kou poo ke Kepia, o ka
"Laau Hooulu Lauoho a Ayer's"
ka laau e pau ai a maemae @u poo. Ke loaa i keia laau e hoi hou ana ae ulu ana o kou lauoho a like me ke kou wa bebe.
Hoomakaukau ia e Kauka J. C. Ayer & Company, Lowell, Mass. U. S. A.
E loaa no keia mau Huaale ma ka Hale Kuai Laau o Hollister, alanui Papu.