Ka Nupepa Kuokoa, Volume XLII, Number 32, 5 August 1904 — UA HALA O MISS ROSE AKEAU. [ARTICLE+ILLUSTRATION]

UA HALA O MISS ROSE AKEAU.

Ma ka la 29 o lulai i hala iho la, ua kii mai la ka Makua Lani a lawe aku la i ke ola makamae o ka maua lei -kaikamahine, Miss Rose Akeau, ma ko maua wahi e noho nei ma Kalia. Honolulu, Mokupuni o Oahu rrei. iloko o na makahiki he umi-kumamahiku ame na malama eiwa o ke ola ana. Ua hanauia mai oia e ko maua mau puhaka ma ka la 10 o Okatoba, ISS6 ma Moloaa, Kauai, a ma Honolulu nei kona wahi i hanaiia ai a hiki i kona nui kupono ana no ka hele ana i ke kula. I ka makahiki 1592, iloko o ka mahina o lanuari, ua komo aku la oia iloko o ke K'ila Kaikamahine Katolika o Roma, a i ka umi-kumamakāihi o kona mau makahiki i komo aku ai oia iloko o ke Kula Hanai o Kawaiahao, ma ka mahina hoi o Augate, IS9B. Ma keia kula oia i noho ai a loaa i ka nawaliwali, a hoi mai me maua na makua, a mamuli o ka ikaika o ka manao e imi i ka naauao ua hoi hou aku oia iloko .o' ke kula mahope o ka oluolu ana, a malaila oia i noho ai a liiki i ka loaa hou ana i ka ma'i nana i hoohiamoe aku la iaia iloko o ka maha mau loa. He kaikamahine oluolu a waipa-he

i kana mau kumu ame kona mau hoa kula. a ia maua hoi na makua aole he leo mahope o maua mai iaia mai. He heahea a he hookipa i na malihini e kipa ae ana ma kona home. He haumana Kula Sabati no Kawaiahao, kumu no kekahi o na papa Pokii malalo o ke alakai ana a Mrs. May Wilcox, ke Kahukula Sabati Nui o Kawaiahao i keia manawa. He lala oia no ka Ahahui Hooikaika Pono Kristiano o Kawaiahao, a he wahine opio ikaika o.ka manao i ka pono uhane. Ma keia ua ili mai ke kaumaha maluna o maua na makua, a ma keia hoi ke hoike aku nei i kona mau hoaloha. ka ohana ame na makamaka apau i kona hala ana ma kela aina la'i malun, U&. kuu kona luhi, ua pau kana hana, ua hyno hoi ka pilina o ka makua ame ke keiki ma keia ao mauleule. A oiai aole na ke kanaka i haawi mai, aka Na Ia la Mauloa, nolaila e hoomaikai ia Kona Inoa. O maua iho no, I LOKA AKEAU. I MRS. LEPEKA AKEAU Kalia, Honolulu. Augate 3, 1904.

MISS ROSE AKEAU.