Ka Nupepa Kuokoa, Volume XLII, Number 33, 12 August 1904 — Page 1
| This text was transcribed by: | Nadine "alohatita" Samorano |
| This work is dedicated to: | Harry Kaiana Pali, Sr. |
Ka Nupepa Kuokoa
KE KILOHANA POOKELA NO KA LAHUI HAWAII.
HOOPUKAIA I NA KAKAHIAKA POALIMA APAU.
BUKE XLII, HELU 33. NUPEPA KUOKOA, PAOLIMA, AUGUTE 12, 1904. NA HELU APAU 3028
-----
KAUA MOANA NUI MAWAHO AE O POTO ATA.
Haalele ko rusia Aumokukaua i ke Awa.
Manao e Paio me ko togo mau Mokukaua i hui aku me na Mokukaua Vladivostok.
HOONEE KAUA O RUSIA MAI VLADIVOSTOK MAI NO KE KOKUA ANA I NA RU KINI E KAUA NEI MA MANUCURIA - AOLE I MAKE O ADIMARALA TOGO.
TOKIO, Augate 11, - Ua oili mai ko rusia aumokukaua holookoa o ke Awa o Poto Ata ma ka Poakolu nei a hoomaka ke kaua ikaika i maopopo ole no nae ka hopena. Ua ikeia aku na mokukaua Retvizan ame Pobieda e ku ana mawaho o ke awa o Poto Ata mahope iho o ke kaua ana.
CHEFOO, Augate 11, - Ua ku mai ianei ka moku wawahi topida Riesitiline o Rusia. Ua hoike mai nei oia ua haalele aku na Aumokukaua o Rusia o ke awa o Poto Ata no ka hui aku me na mokukaua Rukini o Vladivostok.
NA LONO KAUA, AUGATE 4.
TOKIO, AUG. 4. - Eia na Kepani ke @ kokoke loa nei ia Poto Ata.
@ mai nei o Generala Oku i @ @ o na Rukini mai ka manawa @ @i o Haicheng.
NEWCHWANG. Aug. 4. -Ua hoopuni @ Generala Kuropatkin pualikoa e @ @ Kepani.
VLADIVOSTOK. Aug. 4. - Ua hookuu @ aha hookolokolo pio i ka @ mahope o ka lawe ana i @ @ i hoounaia no Iapana.
ST. PETERSBURG. Aug. 4. - Ua ho@ @ Sakharoff he 1,000 koa Rukini @ @ i eha ma ka la 30 o Iulai. Ua hoopanee hou ia ka holo aku o Rusia aumokukaua o ke Kai Balatica.
NA LONO KAUA O KA LA 5.
TOKIO. Aug. 5. - Ke manaolana ia aku nei i na hora apau ka lilopio mai o Poto Ata. Ke manaoia nei o na pukuniahi nunui a na Kepani ka mea nana e hookupilikii nei i ke awa o Poto Ata me ka ikaika a ma keia e puka mai ana na mokukaua o Rusia a hakaka mai ma ko togo.
ST. PETERSBURG, Aug. 5. - He kaua ia e kauaia mai nei ma ka akau o Haicheng. Ke makau ia nei me he mea la
------
(E nana ma ka aono 6.)
-----
Pane a ka Elele Kalanianaole.
Kona Manao maluna o ka Ninau a Kiaaina Atkinson.
NA HAAWINA DALA A HAWAII E NOI AKU AI I KA AHAOLELO AMERICA.
(Mai ka Nupepa P. C. A., Augate 5.)
O keia malalo iho nei ka pane a ka Elele Lahui Kuhio ia Kiaaina Kuikawa Atkinson no kana ninau e pili ana i na haawina dala no na hana o ke Aupuni Amerika ma keia Teritori:
Honolulu, Hawaii, Aug. 3, 1904.
Hon. A. L. C. Atkinson, Kiaaina Kuikawa, Teritori o Hawaii, Honolulu.
Me ka mahalo: -Ke noi nei wau e waiho aku i ka'u pane no kau leta o ka la 28 o Iulai.
O ke Teritori o Hawaii oia kekahi o na mea hou a ku kaawale hoi i hoopuipui aku ia Amerika a no ia mea aole i moakaka lea i ko kakou poe ke koikoi o na palena a ke kanawai i hookau ai maluna o ka Ahaolelo Amerika ma kona lawelawe ana i kona mau loaa me na Mokuaina ame na Teritori.
O kakou, i na wa i hala ae nei, ua maa i ka hoouna ana i na elele kuwaho no Wasinetona, a hiki wale i ka lilo ana o ka hana a ka Elele maoli i hoounaia ai i ka Ahaolelo i mea homaopopo ole ia mai.
O keia mau mea elua o ia na mea pono e loaa na noonoo naauao a koikoi ana iloko iho o kakou mamua o ko kakou nee ana aku me ka ike.
Aia no he lehulehu o na apana i loaa ka pono iloko o ka Ahaolelo a nele no nae i ka loaa ana aku ia lakou na mahele dala mai ka Ahaolelo aku. Aole
-----
(E nana ma ka aoao 6.)
-----
Komisina o ke Kanawai Kalana.
Noonooia kekahi mau Pauku o ke Kanawai o ka Ahaolelo i hala..
HOIKE AE KEKAHI HAWAII I KONA MANAO MALUNA O KE KOHO ANA I NA LUNAKIAI.
He mau pule ae nei ka hana ana o ke Komisina i hookohuia ai no ka hana ana i ke Kanawai Kalana, e like hoi me ia a ka Ahaolelo Kuikawa i hooholo ai, a akahi nona hoomaka ka lakou hana maluna o ua kanawai la. O na halawai i malamaia a@ mamua aku nei, he mau halawai ia a ke Komisina i hoolohe ai i na manao o kela ame keia mea i loaa na manao maluna o ke kanawai kalana.
I ka halawai ana o ke Komisina ma ka po Poalua nei e like hoi me ia i hoopaneeia ai mai ka halawai i hala, ua hiki ae kekahi poe Hawaii malaila, a i ka ninauia ana o kekahi o lakou i kona manao maluna o keia kumuhana ano nui a ke Komisina e hana mai nei, ua ku ae keia Hawaii a hoike aku i kona manao.
Ua manao keia Hawaii he mea pono loa na ka lehulehu e koho i na lunakiai o kela ame keia kalana, aole hoi e like me ka manao o kekahi poe e waiho i keia hana ma ka lima o ke kiaaina e like hoi me ka mana i loaa iaia ma ke Kanawaikumu. O ka lilo ana o keia mana i ke kiaaina he mea ia e lilo aku ai ka manao piha maluna o ke kiaaina, a he mea hoi e hoohelelei ana i ka manao o ke kanawai kalana i manaoia ai, o ia hoi na ka lehulehu e koho i ko lakou mau lunakiai.
O ka hana mua a ke Komisina i ha-
-----
(E nana ma ka aoao 5.)
-----
Maluhia na Mahele Koho o ka Repubalika.
Kakaikahi na Balota ku-e -- Haule wale na Manao wawahi Balota ma ka Mahele Ehiku.
NO KE KEIKIALII JONAH KUHIO KALANIANAOLE KA HAPANUI O NA ELELE I WAEIA - KAHI E NOHO AI O KA AHAELELE REPUBALIKA.
E like me na hjoaiai mua ana ma ko makou mau helu i na Elele i ka Ahaelele Teritori ame na Apana, pela i hookoia ae ai ma ka auwina la o ka Poaono i hala, mai ka hora 2 a hiki i ka hora 8 o ka po. He maluhia na hana i hanaia ma kekahi mau mahele koho, oia hoi, aole he mau inoa kue, a he hookahi wale no paa balota; a ma kekahi mau mahele hoi ua loaa ae he mau paa balota paonioni.
Ma ka Mahele Ehiku, Apana Elima, ka mahele hoi i ikeia "Ka Mahele Haunaele," ua hiamoe pu ka liona me ke keikihipa, aole na paonioni, aole he paa balota kue e like me na mea i ala mua mai ai, a i hoikeia aku hoi ma ko makou helu o ka la 29 o Iulai.
O keia malalo iho nei ka hopena i loaa mai no ka Mokupuni o Oahu nei:
MAHELE EKAHI, APANA EHA.
Na Elele i ka Ahaelele - T. P. Cummins, 126; W. W. Harris, 123; D. P. R. Isenberg, 120; W. H. Charlock, 101; S. M. Kauai, 100; J. W. Iona, 83.
Na Komite Apana - S. F. Chillingworth, 126; Isaac Harbottle, 124; S. K. Kamaiopili, 130; W. C. Roe, 133; Ed. Towse, 127; Frank Andrade, 122; S. M. Kanakanui, 118; Chas. Lewis, 119; Geo. S. Macy, 120; W. W. Chamberlain, 117; Geo. P. Thielan, 95; Robert Pahau, 73; Kalani, 82.
MAHELE ELUA, APANA EHA.
Na Elele i ka Ahaelele - J. A. Hughes, 104; J. W. Jones, 105; W. T. Rawlins, 128; H. E. Murray, 113; Frank J. Kruger, 117; J. A. Gilman, 72.
Na Komite Apana - Q. H. Berry, 81; Willard E. Brown, 97; Chas. Crane, 124; C. H. Cooke, 117; Capt. Dabel, 111; C. M. V. Forster, 117; M. A. Gonsalves, 96; Hiram Kolomku, 119; Joseph S. Richard, 104; Gus. Schuman, 114; Geo. C. Sea, 97.
MAHELE EKOLU APANA EHA.
-----
Na Elele i ka Ahaelele -n J. Mana, 156; R. N. Boyd, 152; E. Faxon Bishop, 151; James W. Lloyd, 146.
Na Komite Apana - E. Faxon Bishop, Antone Manuel, Geo. K. Lowe, John C. Oliviera, Frank H. Foster, Lima Kahaunaele, A. K. Kaeo.
MAHELE EONO, APANA EHA.
Na Elele i ka Ahaelele - Lorrin Andrews, Chas. A. Yarrick, Wm. S. Fleming.
Na Komite Apana - E. G. Carrera. J. J. Hughes, Wm. S. Fleming, W. J. Stansbery, C. K. Quinn, L. Andrews.
Aole he hoike mai Waimanalo mai, Mahele Ehiku hoi o ka Apana Eha.
MAHELE EWALU, APANA EHA.
Na Elele i ka Ahaelele -n W. F. Heilbron, 95; Chas. L. Beal, 94; T. J. King, 94; J. Lucas, 93; Geo. E. Smithies, 93; J. C. Quinn, 90; Carlos A. Long, 89; H. C. Pfluger, 89.
Na Komite Apana - Geo. W. Smith, 96; F. E. Thompson, 94; Chas. Croier, 101; C. W. Zeigler, 97; W. H. Thornton, 92; C. G. Ballentyne, 98; F. L. Waldron, 96; J. M. Kealoha, 82; E. J. Lord, 93; F. E. Richardson, 81; Kawai George, 76; T. H. Petrie, 92; E. O.
White, 93; J. M. Kea, 71.
MAHELE EKAHI, APANA ELIMA.
Na Elele i ka Ahaelele - Henry Cobb Adams, D. O. Konaaihele.
Na Komite Apana - Frank Pahia, John Brown, Moko Konaaihele.
MAHELE EKOLU, APANA ELIMA.
Na Elele i ka Ahaelele -n A. S. Mahaulu, 50; W. W. Goodale, 53.
Na Komite Apana - Andrew Cox, 68; Oscar Cox, 61; Edward Hore, 58.
MAHELE EHIKU, APANA ELIMA.
Na Elele i ka Ahaelele - Solomon Mahelona, 124; T. McCants Steward, 121; Eli J. Crawford, 121; George Lucas, 121;
-----
(E nana ma ka aoao 6.)
-----
(caption of drawing)
LELEKAUA A NA KEPANI I KEKAHI O NA PAPU LEPO IKAIKA O NA RUKINI, E HOIKE ANA I KO NA KEPANI KOMO ANA A PAIO LIMA A HIKI I KA LANAKILA ANA.