Ka Nupepa Kuokoa, Volume XLII, Number 33, 12 August 1904 — ELKS AME H. A. C. [ARTICLE]

ELKS AME H. A. C.

He huahelu Democarata ka i oili ae ma ke kahua kinipopo i ka Poaono i hala, i ka wa i ai na hui kinipopo Kamehameha ame Elks, a o ka elima no hoi o na baule ana o ka hui Kamehameha ma keia kau kinipopo. O keia kekahi o na haule ino loa ana o Kamehameha, a ua haule hoi mamuli 0 ka pupuka o ka lakou paani ana mal ka hoomaka ana hiki wale i ka pau ana. 1 ke komo ehiku ana i loaa ai ka aipuni hookahi ia Kamehameha, a pakele mai iakou mai ka palaina puna ia. He 16 a Elks ahe 1 wale no a Kamehameha.

He 7 ia 6 na ai-puni o ka hookuku mawaena o na hui H. A. C. ame Maiie, a o ka haule mua loa ana no hoi o ka hui Maile ia H. A. C., ma keia kau kinipopo. He maikai ka paani ana a Maile i ka hoomaka ana o ka laua hookuku, a ua manaolana hoi ka poe i hiki ae e lilo hou ana no ia Maile ka lanakila, eia nae ua pii malie mai ka H. A. C., a hiki i kona oi ana he hookahi aipuni mai kona hoa paio mai. Ma keia paani ana i nui loa ai na hana hoohenehene a ke anaina i ka poe e paani.ana ame ka lunakanawai o ka paani, o keia mau hoohenehene hoi ua ulu mai mawaena o na koa Amerika. Mamuii o kekahi mau huaolelo kupono ole e hoopukaia iloko o kekahi anaina e like me ia i akoakoa ae ma ke kahua kinipopo, e hailiili ana hoi i ka lunakanawai o ka paani, Bowers, ua haawi ae oia i kona manao e waiho ana i ka lunakanawai o ka paani, i ka Peresidena Isenberg, o keia Kau Kinipopo. O Lunakanawai Bowers, he haole ia. i kamaaina i na rula ame na loina o keia ano paani oiai he paani kinipopo no kana hana i na kau i hala ae nei. He mea oiaio aole no i nele ka hemahema o kekahi o kana mau olelo hooholo'i haawi ai, aka u'a apoia keia mau olelo hooholo hemahema a uhipuia mamuli o kona ikeia he kanaka manao kuokoa, a he mea minamina no ke hooko ia aku kana noi haalele i ke kulana ana i paa iho nei. Me he mea la aole e loaa ana kekahi haole o keia ano ma Honululu nei, no ka mea ua hoaoia iho nei a ua ikeia £eia mea. Aole wale hoi oia, aka o ka poe manao kuokoa a i makaukau i na loina o keia ano paani, aoie loa lakou e ae ana e lawe ae i keia kulana no ka hilahila i ke kuamuamuia e ke anaina. O Bowers, ua uumi oia i keia mau hana kuamuamu, oiai aole I nele kona kuamuamuia i na wa i hala ae nei, a o keia paha ka piha ana o ke kiaha o ka hoomanawanui ana. O keia malalo iho nei ke kulana o na hui e ku nei i keia manawa ame ke koena o na paani i koe o keia kau: Hui. P. E. H. Pa-keneta. H. A» C 12 9 3 .750 Kams 12 7 5 .583 1-3 Elks 12 6 6 .500 Maile Uimas .. 12 5 7 .416 2-3 Punahou 12 3 9 .250 Aug. 13—P. A. C. kue ia Maile. Aug. 13—H. A. C. kue ia Elks. Aug. 20—H. A. C. kue ia Kams. Aug. 20—P. A. C. kue ia Elks. Aug. 27—Maile kue ia Elks. Aug. 27—P. A. C. kue ia Kams. Sept. 3—H. A. C. kue ia P. A. C. Sept. 3—Maile kue ia Kams. Sept. s—Kams5 —Kams kue ia Elks. Sept. 5—H. A. C. kue ia Maile. Sept. 19—P. A. C. kue ia Maile. Sept. 19—H. A. C. kue ia Elks. Sept. 24—H. A. C. kue ia Kams. Sept. 24—P. A. C. kue ia Elks. Oct. I—Maile kue ia Elks. Oct. I—P. A. C. kue ia Kams. Oct. B—H. A. C. kue ia P. A. C. Oct. B—Maile kue ia Kams. Oct. 15—Kams kue iā Elks. Oct. £5— H. A. C. kue ia Maile.