Ka Nupepa Kuokoa, Volume XLII, Number 33, 12 August 1904 — Pane a ka Elele Kalanianaole. Kona Manao maluna o ka Ninau a Kiaaina Atkinson. NA HAAWINA DALA A HAWAII E NOI AKU AII KA AHAOLELO AMERICA. [ARTICLE]

Pane a ka Elele Kalanianaole.

Kona Manao maluna o ka Ninau a Kiaaina Atkinson.

NA HAAWINA DALA A HAWAII E NOI AKU AII KA AHAOLELO AMERICA.

(Mai ka Nupepa P. C. A., Augate 5.) O keia malalo iho nei ka pane a ka ! Elele Lahui Kunio ia Kiaaina Kuikawa Atkinson no kana ninau e piii ana i na haawina dala no na hana o ke Aupuni Amerika ma keia Teritori: Honoiulu, Hawaii, Aug. 3, 1904. Hoīi. A. L. C. Atkinson, Kiaaina Kuikawa, Teritori o Hawaii, Honolulu. Me ka mahalo:—Ke noi nei wau e waiho aku i ka'u pane no kau leta o ka la 28 o lulai. O ke Teritori o Hawaii oia kekahi o na mea hou a ku kaa.wale hoi i hoopuipui aku ia Amenka. a no ia mea aiole i moakaka lea i ko kakou poe ke koikoi o na palena- a ke kanawai i hookau ai maluna o ka Ahaolelo Amerika ma kona iaweiawe ana i kona mau loaa me na Mokuaina ame na Teritori. O kakou, i na wa i hala ae 'nei, ua maa i ka hoouna ana i na elele kuwaho no "\Vasinetona, a hiki wale i ka lilo ana o ka hana a ka Elele maoli i hoounaia ai i ka Ahaolelo i mea homaopopo ole ia mai. O keia mau mea elua o ia na mea pono e loaa na noonoo naauao a koikoi anā iloko ihb o.kakou mamua o.ko kakou nee ana aku me ,ka ike: •• Aia no'he lehulehu o na apana i loaa ka pono iloko o ka Ahaoleio a nele no nae i ka loaa ana aku ia lakou na mahele dala mai ka Ahaolelo aku. Aole

he rnaf> muliwai e malamaia nei na launa kalepa moku ana, aole hoi he mau taona nui i kupono e kukuluia na hale aupuni, nolaila aole no e hiki i ka Ahaolelo ke hana aku i kekahi mau mea e pono ai lakou iho, a o ko lakou mau poninikai oia no na mea i maa mau ia kakou holookoa. Oiai o ka Teritori o Hawaii he paeaina ku mamao a waiho wale hoi nolaila aole no e hiki iaia ke komo pu aku a kaana like i na pomaikai pili i na mokuaina o Amerika, a he mea pono hoi i ka Ahaolelo o Amerika ke noonoo mai e like roe ko kulana e waiho nei, aole hoi e like me na manao koho wale 1 pili ole aku i ko lakou kulana ame na launa ana.

Eia ko Hawaii Teritori nei mau kapakai apuupuu a waiho wale hoi, kona mau awakumoku elua a ekolu e makemakeia nei e hoolilo aku i kekahi huina dala nui i hiki ai ke hooholo pono ia na mea e manaoia nei no lakou. Aole e hiki ke noonoo ia mai ko Honolulu nei maluna o ke koho aku a kobnei oiai he awa keia e kipa ia mai nei me na hana o ka Moana Pakipika, a ma keia hoi ke hoolawa aku nei keia awa i na launa kalepa e komo mai nei a e puka aku nei.' I mea e hiki ai ke loaa mai ia kakou na haawina dala he mea pono ia kakou e hoolilo aku i ko kakou ikaika maluna o hookahi a i ole elua paha kumuhana, eia nae he "hiki no paha ia kakou ke noonoo ae no kekahi mea okoa aku a kakou i makemake ai. Ke makemake nei wau e kaulono mua aku i na makaainana e ae i na koi e'pili ana i na hana kaupale o ka lahui e waiho nei l keia manawa i na Keena Kaua Aina ame Moana. Na keia mau Keena e hana mai no keia mau mea. He mea maikai i ka Elele e hoolilo ole aku i kpna ikaika ame kona manao ume maluna o keia mau waihona dala no na hana o ka Lahui, o pau kona ikaika malaila a hoolohe ole ia mai oia maluna o na haawina dala no ka pono kuloko. Ke manao nei wau i ka manawa e noho mai ai keia kau ae o ka Ahaolelo o ka hana a ka Elele e apo. wale no īloko o keia mau kumuhana: I—Oia ka hoihol ia ana mai o na dala a ka Teritori o Hawaii i hoolilo ai no na hana o ke Aupuni Federala i kuleana maoli ia e ke Aupudi Amerika e hana mai, oia hoi: ka eli ana i ke awa 0 Honolulu ame kp, malama ana i na halekukui kiai awa. 2—Ka hoohohonu ana ame ka hoonui ana i ke awa o ame kona nuku. » He mea ano nui keia e koiia mai nei 1 hiki ai ke konoia aku no ko kakou awa nei na kana kalepa ano nui e ku nei i keia manawa a e mahuahua ae nei' 3—E hana ia i palekai no ke awa o Hilo, Hawaii, i mea e ala ai keia mokupuni nui o keia paeaina. 4—E loaa na kokua ana no ka imi naauao ana i ka ma'i lepera ame ka hiki ke hoolaia. 5—E huli i kekahi mau kahua e pili ana i ko, kakou pilikia limahana,. O na mea i makemakeia e like me na hale Aupuni o Amerika ma Honolulu nei ame Hilo me he mea la he hiki no ke koi ikaika ia aku me ka niana piha, i ole no nae hoi e hoopilikia aku i na kumuhana i makemakeia e like ae la me ia maluna. Ke manao nei wku o ka pau keia o na mea kupono maluna o keia ninau i keia manawa. (Kakauinoaia) J. KALANIANAOLE, Elele.