Ka Nupepa Kuokoa, Volume XLII, Number 33, 12 August 1904 — NA KA HOOKAE ILI MAI KE KAUWAKUAPAA. [ARTICLE]

NA KA HOOKAE ILI MAI KE KAUWAKUAPAA.

O na mea a Kaniahiku i hooaiai ai ma ka pule i haia ame ko keia helu o ke Kuokoa he oiaio ia mau mea o ka hookaeia o na Paele o Amerikā Huipuia a hiki wale no i keia manawa, a e koe anpano nei no ka nanaukl o ka noonoo o kekahi poe o ka Hema pili i ka hookaulikeia o na paeie me na haole e like me ka manaoio o ko ka Akau poe. A i hooiaio no keia hookae ili e nee nei no i keia manawa iloko o Amerika Huipuia maloko o na palena o ka Hema oia no ka mea hou hoolele hauli i hoopukaia ma ke Kuokoa nei iloko o kekalii o kona mau helu i hala pili i ke klpakuia ana o ke Keikialii Kalanianaoie ame ka Wahinealii Kalanianaole mai ka Halekeaka aku mamuli o ka manaoia he mau paele laua, a mihi mai ai i ka. manawa i loaa ai na hoomaopopo ana he elele lahui ka ka mea i kipakuia no ka Ahaolelo Lunamakaainana o Amerika Huipuia mai Hawaii aku nei. O keia iho la kekahi haawlna maopopo loa e hoike ana i ka mau o keia hookae ili iwaena o na.Amerika o ka Hema no ka mea tia h'anaia keia kipaku mamuli o ka hookae ili eleele maloko o na palena o ka Hema iloko o kekalii o na mokuaina pili hikina. A o keia mahele hookae ili mailoko mai olaila i puka mai ai ka aoao Demokarata, a he mea hiki no ia ke hoomaopopo ae i ka oiaio o ia mea no ka mea, oiai, ka poe o ka Akau i lawe ae ai i ko iakou kulana kalaiaina no ke kahua pililaula, oia hoi, ua like na kanaka apau me ka nana ole i ka ili ame kahi 1 hanau ai koe wale no kona ano ame kona makaukau, a kapa ia lakou iho he poe Repubalika ua nui loa ke kunahihi o ka noonoo o ua poe hookae ili nei no ke kamahao loa o ka puiamaia o na ili eleele iloko o ka auna hookahi m« na haoie, ma ka olelo ana ua like no alike, ke kumu hoi i puiwa nui ai i ka hookipaia ana o Mr. Booker T. Wakinekona he paele i ka papaaina o Peresidena Rusewela ma ka Hale Keokeo. He aoao ka aoao Demokarata no ka poe hookae ili eleele, a na lakou no i kukulu ia aoao a na ko lakou noonoo hookae ili eleele i alako ia aoao a lilo maoli i aoao hookae ili, a makou e manao pu nei o ka poe i kapa iho ia lakou he Repubalika oiai nae ka hookae ili eleele e noho kukonukonu ana iloko o ko lakou puuwai a e noho nei i ka Akau a i Hawaii nei aole lakou he poe Repubaiika oiaio aka he Demokarata oiaio, no ka mea o ka manaoio o ka poe Repubalika oiaio ua like a-like na -mea apau a oi loa aku hoi ka mamao o ka hookae ili mai ke kahua aku o ka aoao Repubalika. E like no me ia i hoikeia e Kanlahiku, oia hoi mai kinohi mai no keia haawina—he oiaio ia mea no ka mea o ka poe o ka Hema ka i pulama nui ia mau hana hookauwakuapaa i na paele a ulu ikaika mai ka hookae ili e lawe ana i ka paele e like me na holoholona, ka hoohanaia a kaa mawaho o ka mea J:upono, a kuaiia e like me ko na holoholona kahi e kaawale ai na makua mai, na keiki aku a ke kane mai ka wahine aku a he nui aku na haawina walohia i hanaia maluna o na paele ia mau la i kinohi, aka mamuli o ka puuwai aloha o Peresidena Linekona o ka Akau ua molia aku pia ame kona poe o ka Akau i ko lakou ola e komo iloko o ke kaua i mea e ulaa pu ia ai keia ino nui, a i keia la he kanaka kuokoa ka paele like loa me ka haole—a na ka Repubalika ia no ka mea he Repubalika o Peresidena Aberehama Linekona ame kona poe i molia i ko lākou ola no lee kuokoa o ka paele mai ka nohona kauwakuapaa ana. Ma keia mahele a ma na mahele no apau ua oi loa aku ke kulana o ka Repubalika manjua o ke Demokarata,j eia nae pehea la i kaakaa ole ai ka maka o ka oiwi Hawaii mamua o ke poholo ana iloko o Demokarata. E noonoo iho e pono ai.