Ka Nupepa Kuokoa, Volume XLII, Number 33, 12 August 1904 — KA HUI KOKUA KUAI HOME. [ARTICLE]

KA HUI KOKUA KUAI HOME.

Ma ka ike o Ka Hoaloha he hui maikai keia i ku'.euluia a ua kupono hoi i ka makemake o kanaka, nolaila ua kakoo aku oia no kona ano maikai, aole i kona ano maikai ole. A mamuli hoi o na hoolaha nupepa o kela mau la iho nei, ua hoea powehiwehi ae kekahi wahi ano maikai ole e like me ia i hoolahaia. Puiwa na lala, a ulu mai na manao ano kue i ka Hui, a hoao mai kekahi poe e kii i ko lakou mau kuleana. Ma ka noonoo ana, aole ia. he hana naauao; o ka hana naauao oia no ka hooponopono hou ana a loaa kona kulana maikai ae, e makaikai a loaa na wahi ino, kiloi, a hookomo i ka mea maikai ae. No keia, ua ala mai ka manao iloko o kekahi poe kakaikahi o

ka Hui i hui pu ia me ke kokua ana a ka Luna Hoohana, e hanaia i mau kanawai ame na Rula; nolaila ua hanaia, a ua hoolahaia e noho ka halawai no ka noonoo ana i ke kulana e palekana ai ka Hui me ke apono ana i ke Kumukanawai ame na Rula. O keia Kumukanawai, ua ninauia ka manao kanawai o Lylle A. Dickey, ina paha e palekana ana ka Hui malalo oia mau kanawai—ua haawi mai oia i kona apono no ia mea i hanaia. Ika wa i apono ia ai o keia Kumukanawai, aole no i nele na keak'ea mai kekahi poe lala mai, ua ikeia ia mau ano ma na po apau o ka noho ana o ka Ahahui. Aka oka manao kumu o ka poe na lakou i hapai keia hooponopono, oia no ka loaa o kekahi kahua kupono i kukuluia maluna o ke kahua paa, ,no ka palekana o na lala o ka Hui. I ke aponoia ana oke Kumukanawai ame na Rula, ua hooholoia e kahea i halawai no ke koho ana i na Luna Nui ame ka Papa Kahu Waiwai, aka, oiai eia no keia manao keehi, hoomaopopo ole no ka pono e hooholomua aku iloko o kekahi poe lala, a e hele mai ana no paha lakou me ia manao e hoohaunaele ae i ka pono o ka 16hulehu, ft lilo i mea holo ole; nolaila ua hooholo kekahi poe kupono o ka Hui, no lakou ka nui he umi-kuma-makahi ame ka hoihoi ana mai o ka Hui (Copartnership) i ko lakou kuleana a pau i keia Hui hou o umi-kumamaka-hi lala (Association) a e hoohuiia aku ana me ke Aupuni ma keia mau la iho, e koho no lakou i na Luna Nui ame ka Papa Kahu Waiwai me ke kāli ole a noho mai ka halawai nui o ka Aha, nolaila ua noho keia poe a ua wae ia maiwaena mai o keia Hui hou (New Asso,ciation) i keia poe keonimana malalo iho: Hon. J. A. Akina, Peresidena; S. K. Oili, Hope Peresidena; J. J. Mataio, Kakauolelo; M. W. Tsuchdi, Puuku. Papa Kahu Waiwai: S. N. Lukua, W. Kelle, W. K. Luther, L. K. Sheldon, M. V. Souza P. Kahawai; a ma ka halawai o keia Papa Kahu, ua wiae lakou ia L. K. Kakani i Peresidena no lakou ame Mr. Lupua i Kakauolelo. O keia poe apau he umi-kuma-makahi, o lakou no ka Papa Alakai, a e hana ana e like me ke alakai ana o na kanawai ame na rula. Na keia Papa Alakai i koho aku i Luna Hoohana nona, oia hoi o P. E. R. Strauch. O ka Puuku ame ka Luna Hoohana, e noho ana laua malalo o kekahi Bona he $1000 o ka mea hookahi me ka manao e hoopii hou ae i ka Bona i ka wa e mahuahua ai o na lala komo mai.

(O keia maluna ae kekahi manaopepa o ka Nupepa Kristiano a ka Papa Hawaii e hoopuka nei, oia hoi "Ka Hoaloha" o keia mahina o Augate he manao maopopo loa e kakoo ana i ka Hui Kokua Kuai Home a ke Kuokoa e kahahā nui Joa nei i ke komo kakoo ana o keia pepa i kekahi o na hana i manaoia he mea hoopoino i ka hoakanaka, eia nae, ua loaa mai ka olelo ia makou ua paaia kekahi mau kope o keia mahina aole e hoopuka mamuli o ka ikeia ana e ka lunahooponopono nui o ua. manaopepa nei no kona maikai ole mahope iho nae o ka puka ana o kekahi mau kope iloko o ke kulanakauhale ,nei a ikela i ke akea.

O ke kakoo ana o kekahi nupepa i kapa iaia iho he pepa Kristiano me ka nana ole ae o ka pepa hea la ia, i kekahi ino i hoomaopopoia he mea hoo'poino i ka hoakanaka, he mea e poho ai ka lioakanaka, he mea kahua ole e hiki ole ai ke hilinaiia i ka pakele io o ka hoakanaka, ke manao nei ke Kuokoa aole keia he nupepa Kristiano, ne ka mea o ka makou i manaoio ai he pepa ka nupepa Kristiano no ke kakoo wale ana no i na mea apau i ku i ka pono pau pu me na mea pili i ko ke Akua aupuni, a aole loa ia ano pepa e kakoo i na ano ino apau e lumaiia ai ke kanaka a poino.

Aia he nui na niahele manao e loaa ana mailoko mai o keia" manaopepa o "Ka Hoaloha" o Augate nei i hoopuka hapaia a maiwaena mai o lakou aia he mau mahele ka makou e hooaiai aku ai a na ka lehulehu no hoi ia e pulama mal i ka hapanui no ka noonoo pono ana. Ma ka hoopuoho ana o na nupepa e ae i kaakaa ai na maka o kekahi poe lala a p.uiwa lakou ke kumu i noiiia ai a ike lakou aohe kahua nolaila i kukulula iho la na rula ame na mea like a kohoia na lunanui ame ka papa kahu waiwai, a na keia hooponopono hou ana i hoike ae i ke akea aole ona kahua i ka wa o ka hoomaka ana, eia nae, ke kakooia nei ia hemahema nui, a ka iehulehu i hoomaopopo ai i ka maikai 0 ka hoopuohoia ana oiai na ka hoopuoho ana i hemo mai al ka ino, a hoao hou ia ai ka hooponopono e like me ia e ku nei. O ke kohoia ana o na lunanui o ka Ahahui e ka hapauuku a iloko o kekahi halawai i kukulu malu ia, a aole 1 kaii a ka Aha nui i hooholoia ilaila ke koho lunanui no ka maka'u i na hoohaunaele ana, oia lawelawe malu ana ka mea nana e hoike ae i ke kaulike ole ana hana. Ua oi aku ka maikai e hanaia iloko o ka Aha i ilaila na hana e hanaia ai, a oi aku ka maikai ole o ka lawe ana ia mau hana a hooholoia iloko o ka halawai mana ole. O ka hookohu ana o ka Papa Alakai ia P. E. R. Strauch, _ke kanaka i hele maoll aku imua o ka Aha Hookoiokoio Federaia a noi aku e banakarupaia mai oia, oia hoi ina e loaa iaia ia kuleana, alaila aole e hiki i ka poe i aieia ka lakou dala e ia, e koi aku ia Strauch oiai he rnea aie kaa ole oia a he poho nui hoi ia ma ka aoao o ka poe koi aie, a o keia hookohu ana o ka Papa Alakai iaia i lunahoohana oia no ka mea nana i hoike ae ua hilinai lakou iaia a o ka hilinai # ana no hoi ia i ka makemake «banakarupa o keia lunahoohana o lakou i waiho ai imua o ka aha a o ka hilinai ana no hoi ia o ka Ahahui holookoa. He keu ke kupaianaha o ka hilinaiia o ke kanaka i makemake e banakarupaia oia e keia Papa Alakai, a e ka Ahahui a hoihoi iaia ma kahi o ka io o ka hana. A no ia mea no hoi makou i puiwa ai a kahaha nut ai i ka manao kakoo o "Ka Hoaloha.")

I ka Lunahooponoponō o ke Kuokoa. Aloha oe:—Ke hoike aku nei lau i kuu makemake ole i na olelo e pai ana < ka Hui Kokiia Kuai Home i puka hewa aku ma ka Hoaloha o Augate nei. Aole na'u ka Lunlahooponopono o ka Hoaloha i kakau a apono i keia hoopuka ana. I kuu ike mua ana ia mea i kakauia, ua pa'i mua ia a ua haawiia aku ko Kaumakapili ame ko Kawaiahao mau pepa. Ke 6oike akea a.ku nei au, ke hoole nei ka Hoaloha ia mau olelo i puka

hewa ma kona mau kolamu iho. Na*u na, O. H. GULICK, Lunahooponoponp o ka Hoaloha. Honolulu, Aug. 9, 1904.