Ka Nupepa Kuokoa, Volume XLII, Number 33, 12 August 1904 — Opio Hawaii Naauao. [ARTICLE]

Opio Hawaii Naauao.

Ua loaa mai nei kekahi l£ta ia Lunakula Nui Atkinson mai ia William K. Makakoa, kekahi o na kumukula Aupuni o keia Teritori, a pookumu hoi o ke Kula Aupuni o Hilea, Kau, Hawaii, i kakauia mai Poughkeepsie, N. Y., e hoike mai ana. i ka malamaia ana o ka hoike o ke kula kiekie, Eastman College kahi hoi ana i holo aku nei no ka hoomahuahua ana i kona naauao, ua loaa iaia na pa-keneta he 91 ma kana mau haawina i hoikeia ai. O keia loaa ana o na pa-Keneta kiekie iaia ka mea nana i hoopuiwa aku i na haole o ia wahi, a ninau ae lakou ia Makakoa i kona wahi i hoonaauaoia ai i ka olelo Beritania. Ua hoike ae o Makakoa i kona hikilele ana i keia ninau ame ka ike ole o keia poe i na mea .e pili ana no Hawaii ame kona mau kula hoonaauao.