Ka Nupepa Kuokoa, Volume XLII, Number 35, 26 August 1904 — Page 2
| This text was transcribed by: | Jan Pappas |
| This work is dedicated to: | Troy Yasuda |
Ka Nupepa Kuokoa
KE KILOHANA POOKELA NO KA LAHUI HAWAII.
KA
Nupepa Kuokoa
NO KA MAKAHIKI - - - - $2.00
NO EONO MAHINA - - - - 1.00
SUBSCRIPTION RATES
ONE YEAR - - - - - - - - $2.00
SIX MONTHS - - - - - - - 1.00
O NA OLELO HOOLAHA APAU E HOOUNAIA MAI ANA NO KA HOOLAMA MALOKO O KEIA NUPEPA, E HOOUNA PU MAI ME KA AUHAU, @ INA AOLE, AOHE NO E HOOKOMOIA. E HOIKEIA AKU NO KA AUMAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna pololei
mai i ka HAWAIIAN GAZETTE
COMPANY, LTD.
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Honolulu,
Panalaau o Hawaii, ma ke ano
Mea o ka Papa Elua.
DAVID L. A-I, : : Lunahooponopono
S. K. NAWAA, : Kokua Lunahooponopono
A. W. PEARSON, : : : : : Lunanui
HONOLULU, OAHU.
POALIMA : : : AUGATE 26, 1904.
MA KA NOEAU KA WAE E
PONO AI.
Aia a noeau ka wae ana i na moho kuloko o kakou e pono ai ka Ahaolelo o ke kau e hiki mai ana. E hoomaka aku no ke ko'iko'i o keia kumuhana wae moho lunamakaainana a senatoa no ka Ahaolelo Teritore o kakou mai keia manawa aku, oi loa aku maluna o ka hokua o ka poe na lakou ka wae moho ana iwaena o na aoao kalaiaina a ke noeau ka lakou wae ana a hooholoia ka lakou mau inoa na inoa moho, ia manawa e ikeia ai ka noeau o ka wae ana ame ka ole.
O keia hana ua kau ko'iko'i aku ia maluna o na komite apana i kohoia, oiai aia ia lakou ka wae moho ana, a maluna o keia haawina no hoi makou i makemake ai e hooaiai i ka lehulehu malia o loaa i leo na lakou e waiho aku i na la@a o keia mau komite a i na la@a pu no hoi kahi no ko lakou noonoo pono iho a e hana aku me ka nana ole i ko lakou pono ponoi pakahi iho aka i ka pono pililaula, a ina pela e hoohaili ai na noonoo ana alaila aole no e nele ka waeia o na moho na lakou na iini hana i ka pono pililaula.
E hoopau loa ka wae ana i na kanaka e manao mua e ia aku, aia na poo ua pehu no ke ake loaa, ka mea hoi e nele ole ai ka ulu mai o na ino o ka wa i hala iho nei iloko o ke kau 1903. I poe makaukau aole ma ka hoopono wale no oiai he hana naaupo ia o ka wae ana i na kanaka i ikeia ka hoopono a maikai a loaa ole ka makaukau hiki ke huna, eia nae, ua oi aku ka maikai o ia ano keonimana mamua o ka wae ana i ka poe aole ka hoopono me lakou a nele pu hoi i ka makaukau; a oi loa aku ka waiwai nui o ka wae ana i na kanaka no lakou na haawina hoopono a piha makaukau pu me ke akahele nae ka wae ana a ka poe no i loaa mua ka ike e puka ana.
A i hana na Repubalika pela ma o na komite apana la a kohoia ka lakou moho alaila o ka moekahi no ia a he kokua nui ana ia i ka lehulehu o Hawaii oiai he paahana Repubalika ka mana hooponopono aupuni e ku nei i keia mau la iloko o Hawaii aole no ka pono o ka aoao Repubalika aka no ka lehulehu holookoa,--no na mea apau, oia hoi, pau pu ke kanaka Repubalika ke Demokarata ame ka Home Rula i ke kuanaia e ka pomaikai ma o ua mana hoopoonopono aupuni la e ku nei.
KALE O LEONA.
O Kale o Leona oia ke kanaka opio nona ka moolelo hou e uwila aku ana ma keia helu ae o ka kakou Kilohana ma ka makalua o ke Kaunawahine Tekela, ka u'i o Tarevis i ka maka o ka pahikaua a lawe lilo ae i ka puuwai o ka Emepera o Kelemania, oiai ia e pae aku ana i kona hopena.
O Kale o Leona he naita oia ma ka oihana hakaka, a he Kristiano oiai iloko oia o ka mahale akau o Sepania, kahi o na Kristiano i hanau ai a ilaila no ka hoonaauaoia ana a loaa iaia na ano o ke kulana keonimana oiaio a ma kona hanauia ana ua oili pu mai me ia na haawina o ka wiwoole iloko o kona puuwai--he opio i ike ole @a mea he maka'u, a he ikaika kona mana koho ma ka mea e koho ai e hana kekahi kumu i pu-a ai ma ka olelo ana ka naita puuwai hao wiwoole.
A ma ka hele ana o kona moolelo i aiai loa ai ia mau haawina a ma kona hanau ana mai no hoi ua puka mai oia mai ka puhaka mai o na makua o ke kulana kauna, kona kumu i ikeia ai ke Kauna o Valedolida.
O keia naita opio puuwai hao wiwoole ka hoopakele o kekahi wahine opio nona ka nui kino i ulu ae i ka wahine u'i a maikai kona helehelena e like me ka maikai o kona ano (character) no ka mea he kanakamakua maoli no kona ano a e lilo ai i makuahine maikai; a ua wahine opio nei i kue loa ai i ka manao e hoolilo iaia i wahine na ka moi Mahomeda o Garanda ka mahele aina hema o Sepania oiai aole kona aloha lialia a he oiaio ole ia iaia iho o ka ae wale aku ina aole ka puuwai ilaila, ka mea no hoi ona i onoonou hookikinaia ai e ka mea ana i manao mau ai mamua aku he makuakane nona.
A iloko o ka alo ana i na popilikia ame ka make, a iloko no hoi o ka paio me ka oi o ka pahikaua i hooholo iho ai ka naita opio e molia i kona ola e like me ke ano o na naita i ku i ka oiaio maluna o ia oihana hanohano aia hoi ua lanakila io no ia hoopakele ana a i kona panina hoi i maopopo ai he pua'lii ka ka wahine opio, a i lawe malu ia i ka wa pepe loa.
E ka mea heluhelu ua waeia mai keia moolelo no ka hoopuka ana aole no ka hoohiaiaai wale no aka he moolelo a makou i manaoio ai aole e nele ka loaa o na haawina a'o a hookanaka iloko olaila a no ia i waiwai nui ai ka heluhelu moolelo ana aole o ka pono heluhelu wale no. Aole o makou kanalua i ka apo ohaoha ia, aka o ka hoomau me na helu apau oia ka moekahi o ka moolelo.
KOHOKOHO NO LAHAINALUNA.
Ma ka Poalua nei i weheia ae ai ke kohokoho ana no ka halekula o Lahainaluna ma ke Keena o na Hana Hou he kohokoho ana hoi i wehe hou ia malalo ka hoopii a Kendall i na Hoahanau Lucas. Ma keia kohokoho ana ua hale hou no ua haole hoopaapaa la o Hilo malalo o na Hoahanau Lucas, eia nae hoi o ke koho haahaa ioa ma keia wehe ana oia o W. J Moody, a o kana no hoi ke koho pokole o ka manawa i aneane no e like me ka ua haole hoopaapaa la o Hilo. O keia malalo iho nei na kohokoho ana:
R. Howie, 180 la .............$33,634
J. H. Craig, 120 la .............34,034
W. J. Moody, 153 la ..........31,300
Lucas Bros. 210 la .............33,933
H. Kendall, 150 la ..............33,494
H. F. Bertelmann, 130 la ....23,830
Cyrus T. Green, 370 la ......34, 300
Ua hoikeia mai maanei ua haalele aku nei ka mokuahi Korea @a Honokaona ma ka la 16 o keia mahina, nolaila ke manaolana ia aku nei e ku mai ana oia ianei ma ka la 3 o Sepatemaba ae nei.
MANAO E KUKULU ALAHAO MAI HILO A HAMAKUA.
Ma ka Poaono i hala iho nei ua noho pu aku o Mr. Philip Peck o Hilo iloko o ka halawai hana o ka poe kalepa i Honolulu nei iaia i holo mai ai mai Hilo mai no ka noonoo ana i ke kumuhana pili i ka Hui Alahao o Hilo-Kohala.
Ma ka hoike a Mr. Peck aia no na ana aina ke hana i ka lakou hana o ke ana i ke alanui no ka hoomoe ana i ke alahao ma na wahi i manaoia. O na hao no ke alahao aia ia maluna mai o ka moku a he manawa ku wale mai no i Hilo, a ua lawa hoi keia mau hao no ka hoomoe ana a hiki ma kahi o ehiku a ewalu mile.
Eia nae aole paha e hoomoe koke ia ke alahao mamuli o ka noonoo o na anaaina no ka hoopololei loa ana i ke alahao, ma na wahi e moe pololei ai ke alahao me ke keakea ole nae i na ma-la-ko.
Wahi a Mr. Pack aia ke holomua nei ia manao o ka hoomoe ana i ke alahao eia nae ke hanaia nei no na hoolala o ka hoomoe ana a aole no hoi i maopopo iaia ka manawa e hoomaka ai na hana.
Aia he wahi hoolulu hui e kukuluia ana no na hui alahao--o ko Hilo Hui Alahao ame ko Hilo-Kohala.
Ua haalele like iho na mokuahi Sierra ame Copti@ i ke awa o Honolulu nei ma ke kakahiaka o ka Poalua nei no ka Ipuka Gula o Kapalakiko. Ua manao ae kekahi poe e pili nei i na hana hooholomoku e heihei ana keia mau moku a hiki i Kapalakiko.
NA MOHO ELELE AHAOLELO NUI.
Akahi no a makaokao ae na hiohiona o ke kulana moho elele lahui i ka Ahaolelo nui e kohoia aku ai i keia kau e hiki mai ana iloko ae nei o Novemaba. A hala ka halawai Aha elele o na Home Rula i ikeia ae ai i ke akea ka moho elele lahui a ia aoao ma ka lilo ana o ia kulana moho ia Mr. Charles Notley, a i ka manawa hoi i hala koke iho nei e like me ia e puka aku nei ma keia helu o ke Kilohana ua ikea ae ka inoa o Mr. C. P. Iaukea i moho elele lahui ma ka Ahaelele Teritori Demokarata.
A iloko o ka manawa kupono aole no hoi i ka liuliu loa oiai e noho ana ka Ahaelele Teritori Repubalika i Hilo kahi e ikeia ae ai ka moho elele Repubalika, ke liuliu e ia mai nei ka inoa o ke Keikialii Kalanianaole no ka lua o ke kau me ke kulana elele, ia manawa e mawehe loa ia ae ai na powewehi pili i keia kumuhana holo moho elele a maopopo loa i na mea apau o ka mea e hana aku ai--ke koho ana i kekahi o lakou i elele hooikaika no ka pono o Hawaii Teritori iloko o ka Ahaolelo Nui, aole no ka pono pilikahi aka, no ka piliaula.
KEKAHI MAU KUMU KUPONO E LILO AI I ELELE.
O ke kulana elele lahui o ke Teritori aole ia he mea liilii a paani wale, a e pono koho ia ai ka mea e noho aku ana ma ia noho, ina pela ka manao o ka lehulehu o Hawaii Paeaina, alaila na ia hana no e hoike ae he poe hana hoomeamea na makaainana o Hawaii aole he kanakamakua. Aole e noho wale kahi kanaka i elele lahui ke ole e kohoia e ka poe kuleana koho balota, nolaila ua kaa e maluna o lakou ka nana pono ana i ke kanaka kupono iwaena o na moho Home Rula Demokarata Iaukea ame ka moho Repubalika Kuhio ke puka mai ka Ahaolelo Repubalika e noho mai ana i Hilo.
A nolaila e hoomaopopo ka lehulehu ina ua pili kekahi mau kulana kupono i keia poe elele, oia hoi, nona ponoi iho e ikeia oia i kanaka manao hooikaika e hana i ka pono kaulike aole ma ka pilikahi aka ma ka pililaula, i kanaka a hoole iaia iho a nana i ka pono o ha'i, i kanaka akamai ma na olelo a elua, oi loa aku i ka Beretania, i kanaka wiwoole ma ka pane hooka'ulua ole i ka wa e ui ia mai ai e na hoa ahaolelo o ka Aina Nui, he kanaka i makaukau a kanalua ole i ke komo iwaena o na hoa ahaolelo a me ka noeau a palamimo na @ohana ana, i kanaka nona na ano kukahi a holoholo ole ia i o a kuio maoli ka no onoo i kanaka e ku ana ma ka aoao kalaiaina kulike me ke la o Amerika Huipuia, oi loa ma ka aoao e noho mana nei i keia manawa a i noho mana mau no; o keia iho la kekahi o na kahua kupono e kohoia ai kekahi o ka poe ekolu i elele no Hawaii, a ina ua loaa ia lakou na kulana kupono alaila e koho i ka mea i oi ae mamua o ka hapanui, a ke hana ke kanaka pela alaila ua hana aku oia i ka maikai loa i hiki iaia ke hana me ka hoopilimea ai ole a nana ole ae ina he hoaloha ia
MA KA HOOKUKU ANA E IKE AI.
O ka moho elele Home Rula, ma ke ano o kona aoao e ku nei aole oia e ikeia mai e na hoa o ka Ahaolelo Nui, he mea hoi no kakou i a'o nui ia iloko o na kau i hala, o ka waiwai ole o ka hoouna ana i wahaolelo aole ona wahi pili i kahi o na aoao kalaiaina alakai oloko--ka Repubalika me ke Demokarata, a makou e manaoio nei ua ike e no o Mr. Notley la hemahema nui ana no hoi e hoomaopopo la i ka lilo o kona pili ole i kekahi o keia mau aoao he puupuu ikaika loa no ka lanakila ole o kana hana e hoohana aku ai ina oia e lilo ana i elele.
Aole oia wale ka i ike i keia aka o na Home Rule i loaa na hoomaopopo i ka oiaio o keia; alaila aole e nele ana ka like o ka manao o ka lehulehu me ko makou, oia hoi aole oia ke keonimana kupono no ka moho elele. He nui no na kumu e ae e loaa ana mawaho o keia mau hooaiai ke noho ke kanaka a noonoo pono koe wale no o ka hoopaakiki wale iho me ka hoomaopopo mua iho aole io no i kupono.
O na kanaka ano makaukau e like me Mr. Notley ke manao nei makou aole ona kuleana iki e noho ai iloko o kekahi aoao i pau kona waiwai oiai no nae e ola ana no ua aoao la e like me ka Home Rula o keia mau la, he ola kona aole he waiwai i ka lehulehu, a o ka hoopupue ana o Kale Naka-le, loa e nana iho ka mea koho balota a kapae i kona inoa.
PEHEA HOI KA MOHO DEMOKARATA.
O Mr. C. P. Iaukea ia moho Demokarata, he keiki Hawaii, he oiwi i ike nui ia mai ke au nohona aupuni moi a oia no kekahi o na oiwi hookahuli ia Moiwahine Liliuokalani a lilo ae nei o Hawaii i hapa no ke Aupuni Repubalika nui hookahi a puni ke ao holookoa.
Aole paha he mea iloko o ke Teritori o Hawaii i keia la iwaena o ka poe kupa i ike ole i ko Mr. Iaukea mau kulana o ka noho ana iloko o na hana kalaiaina a mamuli no hoi o kana mau lawelawe hana ponoi ana i loaa ai ia ike, oia hoi, aole ma ke kuamoo moekahi aka i ka lele i o a i o a hiki wale i keia manawa aole i maopopo kana wahi e lele hou aku ai.
He oiwi keia i ka nana aku, aole oia he Repubalika, oiai oia kana wahi i kau maua ai, a pau ia a lele hou ae a kau ana i ka lala Home Rula a kohoia i luna aupuni, a no ka lawa ole o ka makemake ua hoole iho la aole oia he Home Rula, ke hooia nei makou aole io no oia he Home Rula, a no ia mea ua lele ae la a komo i ke Demokarata kahi ona i kohoia iho la i moho elele lahui, a makou e manao e aku nei ina he aoao kalaiaina hou aku no kahi i koe, aku ole i ka makemake alaila e ike hou aku no kakou i ka lele hou aku, a makou e hoomaopopo nei he oiwi oia aole no kekahi o keia mau aoao kalaiaina e ku nei i keia manawa--ka Repubalika, Home Rula a Demokarata, aka no ka aoao Repubalika--Home Rula--Demokarata ina nae he aoao kahi o ia ano iloko o Hawaii Paeaina. O ka holoholo ana i o a i o he hana kahua ole a o ka lilo ana o kekahi o ia ano kanaka i elele lahui alaila o ka hooholoholoia ana no ia o na hana elele i mea kahua ole a he waiwai ole ia no ke Teritori, e like me ka waiwai ole o ka Iaukea i hooikaika e a'oia na elele Hawaii i ka Ahaelele Lahui Demokarata no Mr. Hearst a hoi nele ke kumu i hoi nele mai ai ua poe elele Demokarata nei me ke ko ole o ka lakou inoa moho.
ALAILA E ALAWA IHO I KA MOHO REPUBALIKA.
E like me ia e ku nei i keia manawa aole i ikeia ka moho elele a na Repubalika, aka iloko o ka manawa kupono aole no i ka liuliu loa e puka mai ai a oia no hoi ka manawa e wehe ai ke alaula no ka maopopo lea ana o na moho elele apau ekolu.
Eia nae, ma ko makou nana aku i na hiohiona, aole e hiki ke kanalua i ka ike e ia aku o ka puka mai o ka inoa o ke Keikialii Kalanianaole i moho elele Repubalika, e waeia mai ai e ka Ahaelele e noho mai ana i Hilo i keia pule ae, ke mau ka pana moekahi o ka manao e koho iaia i moho e like me ia e laulima mai nei no noonoo o na elele Repubalika apuni ka Paeaina.
A ke puka mai oia i moho alaila ua loaa ia makou ka manaoio i kona lilo i elele kupono, oiai ua ike like no ka lehulehu i ka loaa o na haawina maikai i hoike mua ia ae nei iaia, a oi loa kona kulana kalaiaina, he hookahi no ia i kela o Amerika a o ka aoao noho mana nui no ia iloko olaila i keia manawa a he aoao noho nama nui i na manawa apau--ka aoao Repubalika
O kekahi mea i oi ae ai o Elele Kuhio maluna o kona mau hoa mokomoko o ka noho hookahi oia no kona kamaaina mua ana aku nei i na ano apau o ka Ahaolelo Nui--ua loaa iaia ka ike i kana mea e hana ai no na mea ana i hooaiai mua ai pili i na kumuhana kupono e hooholoia mai ai e ka Ahaolelo Nui e nele ole ai ka laulima pu o na hoa ahaolelo Repubalika me ia alaila he mea ia e hooaiai ana ia kakou, iaia ka noho elele e pono aole i kona mau hoa, eia nae e kali aku a puka mai ka io o ka hana a ka Ahaelele Repubalika.
EIA KE HOI MAI NEI.
Ua houluulu ae nei ka wahine a Morris Keohokalole, ke kakauolelo a Elele Kuhio, nona hoi ka moolelo walohia i hoolahaia aku ma kekahi mau helu i hala aku nei, i kekahi huina dala a hoouna aku ia Morris Keohokalole. Ua hoike hou ae no hoi oia (ka wahine) ua haawi aku o Elele Kuhio iaia he $100 oia no hoi ka uku mahina a ke Aupuni i hoopaa ai e uku i kana kane oiai oia e noho kakauolelo ana na ke Keikialii. Eia o Morris Keohokalole ke huli hoi mai nei no Hawaii nei, a e lilo aku ana kana mau hoike no kona loaa ana i ka pilikia ma Wasinetona, i mea na ka poe Demokarata e piepiele aku ai i na baloata i keia kau koho ae. O ka wahine i holo pu aku ai me ka Elele Hawaii ma ka ano he wahine lawelawe no ke Kama'liiwahine Kalanianaole ua hiki mai nei i Hawaii nei, a eia ka poe Demokarata ke kii nei i na hoike a keia wahine i mea na lakou e hailuku aku ai i ke Keikialii, ina oia e lilo io mai ana i moho Repubalika no keia kau ae. Ina pela iho la na kahoaka e kau nei, alaila ia manawa e lohe ai kakou i ka pane a ke Keikialii ma kona aoao, a me he mea la he mau kumu kupono no ka ke Keikialii e hoike ae ai ma kona aoao.
O KA LOLI ANA O KA WAI E INU AI oia ka mea nana e hookipa mau nei i ka ma'i hi. Mamuli o keia o ka poe kaahele mau he lawe mau lakou i omole laau Chanberlain's Colic, Cholera and Diarrhoea Remedy i hiki ai ke lapaau koke ia ke loaa i ka ma'i. O keia ka laau i loaa ole kona lua ma ka hoola ana i na ma'i o ka opu. He laau loaa ole no hoi keia ia oe e kaahele ana iluna o na kaaahi ame na mokuahi, a aole hoi he hoohewahewa ana o keia na wahi i kupono loa no keia laau. E kuai mua i omole mamua o kou kaahele ana. Ke kuai ia nei ma na halekuai lapaau apau.
BENSON, SMITH & CO., LTD., na Agena ma Hawaii nei.
HOOLAHA HOOKO MORAKI.
HOOLAHA MANAO PANIKU A KUAI A KA MEA PAA MORAKI.
N. L. AME M. F. SCOTT.
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia i ka la 1 o Okatoba, 1902, a i kakau kope @a iloko o ke Keena Kakau Kope Aina o ke Aupuni iloko o Honolulu, Teritore o Hawaii, iloko o ka Buke Helu 239, aoao 389 ame 390, i hanaia mawaena o Nettie L. Scott ame M. F. Scott, na Mea Moraki Mai, ame H. Hackfeld & Co., Ltd., he hui, ka Mea Paa Moraki, o ka Mea Paa Moraki i oleloia ke manao nei e paniku i ka moraki i oleloia no na kumu uhakiia, e hoike ana:--o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai apau i hooliloia e na Mea Moraki Mai i oleloia e kuaiia aku ana ma ke kudala akea ma ke alo iho o ka hale hookolokolo ma Kailua, Kona Akau, Hawaii, ma ka Poaono, ka la 24 o Sepatemaba, 1904, ma ka hora 12 awakea o ka la i oleloia.
O ka waiwai i hoopaaia maloko o ua moraki la i oleloia oia keia malalo iho:
1. He umi (10) mahele (mahele ole ia) iloko o kela aina i ikeia ka "Hui Aina Holualoa" e waiho la i Kona Akau, Hawaii, i kuai hooliloia ma ka palapala kuai aina i ua Hui la i oleloia e W. R. Castle ame kana wahine mare, i Dekemaba 31, 1887, a he palapala kuai hoi i kakau kope ia iloko o ka Buke Helu 108, aoao 451- 3.
2. O kela palapala hoolimalima i hanaia e Kalihiwa Davis ia Nettie L. Scott, pau pu me ka aina i hoakakaia iloko olaila, ame ka manawa o na makahiki i koe aole i pau: E hookoe ana no nae i kela hapa o ka aina i oleloia e paa nei i ke kahua ame na hale o ke Kula o Holualoa, ame ka hapa i puni a paa i ka pahale ame ka apana o ka hale o na Mea Moraki Mai, a pau pu no hoi na hale e ae ame na hana hou e waiho la maluna iho.
H. HACKFELD & CO., LTD.,
Mea Paa Moraki.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai no lilo palapala apau.
No na mea aku i koe e ike ae ia H. Hackfeld & Co., Ltd., Honolulu, a i Kailua, a i ole ia G. F. Maydwell, Loio o ka Mea Paa Moraki, Holualoa, Kona Akau, Hawaii.
Hanaia ma Honolulu, Augate 26, 1904.
3030--Aug. 26.--Sept. 2, 9, 16.
HOOLAHA MA KE KAUOHA
KULA HANAI KAIKAMAHINE O MAUNAOLU.
PAIA, MAUI.--E hoomaka ana kona kau kula e nee mai nei ma ka la 14 o Sepatemaba. Ua lawa na lumi i koe no umi-kumamalima mau haumana kaukamahine. O na makua e makemake ana e hoouna mai i ka lakou mau keiki i keia kula he mea pono ia lakou e kakau koke mai i ke kumupoo. MISS C. M. SNOW,
3027--Aug. 5, 12, 19, 26--Sept. 2, 9.
HOOLAHA KAKAUINOA.
E noho ana ka Papa Kakauinoa o ka Mokupuni o Oahu ma na wahi i hoakakaia malalo iho nei, no ka nana pono ana i ka poe na lakou na noi no ke kakauinoaia o ko lakou poe inoa ma ke ano koho balota ma ke kau koho balota e hiki mai ana a e hooholo aponoia ko lakou kupono io no ke koho balota.
Ma Honolulu Hale manae iho o ka Haleleta, iloko o Honolulu mawaena o na hora ehiku ame umi a.m., a mawaena o na hora eha ame ehiku p. m. o na la apau koe ke Sabati, e hoomaka ana i ka la 7 o Sepatemaba, 1904, a hoomau mai ia la mai a hiki i ka la 17 o Sepatemaba, 1904, a pau pu me ia la.
POAKAHI, SEPATEMABA 19, 1904:
Ma Puuloa i kahi Hoolulu Kaaahi--hora 7:45 a 9:30 a.m.
Ma Aiea i Kahi Hoolulu Kaaahi--hora 9:40 a 11:@5 a.m.
Ma ka Hale Hookolokolo o Manana--hora 4 a 7 p.m.
POALUA, SEPATEMABA 20, 1904:
Ma Waipahu Halewili--hora 8:15 a 11:30 a. m.
Ewa Halewili--hora 1 a 3:30 p. m.
Waianae Hale Hookolokolo--hora 5 a 7 p. m.
HOOLAHA MA KE KAUOHA.
POAKOLU, SEPATEMABA 21, 1904:
Wahi Hooiulu Kaaahi o Makua--hora 10 a 11 a. m.
Waialua Hale Hookolokolo--hora 1 a 3 p. m., a mai ka hora 5 a 8 p. m.
POAHA, SEPATEMABA 22, 1904:
Kahuku Halewili--hora 1 a 3 p. m.
Laie Hale (Hall)--hora 5 a 8 p. m.
POALIMA, SEPATEMABA 23, 1904:
Ma Hauula Hale Hookolokolo--hora 5 a 9 a. m.
Waikane Luakini--hora 12 awakea a 1 p. m.
Kaneohe Hale Hookolokolo--hora 6 a 10 p. m.
POAONO, SEPATMABA 24, 1904:
Kailua (Sam Bo)--hora 9 a 10 a. m.
Ma ke keena o ka Halewili o Waimanalo--hora 11 a.m. a 12 awakea.
E huli hoi mai no ka Papa Kaukauinoa o ka poe koho balota ! Honolulu i ka Poakahi, Sepatemaba 26, 1904, no ka hoopaa inoa mawaena o na hora 7 ame 10 a. m. a mawaena o na hora 4 ame 7 p. m.
WILLIAM T. RAWLINS.
Lunahoomalu o ka Papa Kakauinoa
Koho Balota.
Honolulu, Augate 8, 1904.
302S--Aug. 12, 19, 26; Sept. 2, 9.
HOOLANA I KA POE KOHO BALOTA O KAUAI AME NIIHAU.
O ka Papa Kakauinoa o ka Poe Koho Balota no Kauai ame Niihau e noho ana mai ka hora 8 a. m. a hiki i ka hora 3 p. m. ma keia mau wahi i hoakakaia malalo iho nei:
Waioli Hale Hookolokolo, Hanalei, Sepatemaba 12 ame 13.
Halekuai o Kilauea Sugar Co., Kilauea, Sepatemaba 14 ame 15.
Helekuai o Makee Sugar Co., Kealia, Sepatemaba 16 ame 17.
Kapaa Hale Hookolokolo, Kapaa, Sepatemaba 19 ame 20.
Hanamaulu Halekuai, Hanamaulu, Sepatemaba 21 ame 22.
Keena o W. H. Rice, Lihue, Sepatemaba 23, 24 ame Okatoba 8.
Keena o Koloa Sugar Co., Koloa, Sepatemaba 26 ame 27.
Halekuai o J. I Silva, Eleele, Sepatemaba 28 ame 29.
Social Hall (Hale Hoohauoli), Makaweli, Sepatemaba 30 ame Okatoba 1.
Waimea Hale Hookolokolo, Waimea, Okatoba 3 ame 4.
Keena o Kekaha Sugar Co., Kekaha, Okatoba 5 ame 6.
Niihau, Okaoba 7. O keia la aole o i maopopo loa kona hookoia a malia o hoololiia.
W. G. SMITH, Lunahoomalu.
A. H. RICE.
W. J. SHELDON.
Papa Kakauinoa o ka Poe Koho Balota no Kauai ame Niihau.
3028--Aug. 12, 19, 26; Sept. 1, 8.
HOOLAHA AINA AUPUNI.
Ma ka Poaono, Sepatemaba 3, 1904, ma ka hora 12 awakea a ma ke alo iho o ka Hale Hookolokolo, Honolulu, e kuaiia aku ia ma ke kudala akea he elua Apana Aina Aupuni o ka aina hanai, holoholona e waiho la i Hanalei Kauai, e like me ia malalo iho nei.
Apana 1, nona ka iliaina o 987.25 eka, oi iki a emi mai; kumukuai haahaa $9,000.00.
Apana 2, nona ka iliaina o 894.75 eka, oi iki a emi mai, kumukuai haahaa $4,000.00.
Ma ke dala kuike ka makemake a ma ke dala gula Amerika no hoi.
No na kii palapala-aina ame na mea e ae pili ilaila, e ninau ae i ke Keena o na Aina Aupuni, Hale Hookolokolo, Honolulu.
JAS. W. PRATT.
Komikina o na Aina Aupuni.
Honolulu, H. T., Augate 1, 1904.
3027--Aug. 5, 19--Sept. 2.
HOOLAHA HOOKAPU.
Ma keia ke haawiia aku nei ka hoolaha ua hookohu aku wau ia Kinekake i lunanana no ke kuleana lawai'a o Hamohamo, Waikiki. O na palena o ke kuleana lawai'a i oleloia e hoomaka ana ma ka po'ina-nalu maluna o ka pa-ala eleele i ikeia o Paliiki, kokoke i kahi noho o Cunha a malaila aku holo iwaho i ke kai i ke kuanalu a holo ma ke kuanalu ma ke komehana a hiki i ka ma-ka kupono ma kekahi aoao o ke kikowaena o ke kahawai i ikeia o Apuakehau ma ka po'ina-nalu a malaila aku holo hikina ma ka po'inanalu a hiki i kahi i hoomaka ai.
Ke papaia aku nei na kanaka apau loa i ka hele ana maluna olaila a lawe i na i'a mai ia kai lawai'a aku me ka loaa ole o ka ae mai ia Kinekake aku i oleloia malalo o ka hoopa'i o ke kanawai.
LILIUOKALANI.
Ma o kona loio ponoi, J. O. CARTER.
Honolulu, T. H., Iulai 27, 1904.
3026--Iulai 29: Aug. 5, 12, 19, 26.
HOOLAHA HOOKAPU.
Ma keia ke haawiia aku nei ka hoolaha ua hookohu aku wau ia John Kiaaina, i lunanana no kuu aina Kahala ame ka pono lawai'a o ua aina la i oleloia. O na palena o ke kuleana lawai'a e hoomaka ana ma ka palena-aina o Waiale ma kahakai e holo ana iwaho i ke kai a hiki i kuanalu a mailaila aku ma ke kuanalu holo komohana a hiki i ke "puhi" a malaila aku holo hikina ma ka pa-ala a hiki i ke aeone a malaila aku holo ma ka po'ina nalu a hiki i kahi i hoomaka ai.
Ke papaia aku nei na kanaka apau loa i ka hele ana maluna o ka aina i oleloia a lawai'a iloko o ke kuleana kai lawai'a i oleloia me ka loaa ole o ka ae mai ia John Kiaaina i oleloia malalo o ka hoopa'i o ke kanawai.
LILIUOKALANI.
Ma o kona loio ponoi.
J. O. CARTER.
Honolulu. T. H., Iulai 27, 1904.
3026--Iulai 29; Aug. 5, 12, 19, 26.
HOOLAHA HOPE.
Ua hoonoho aku au i Hope Oiaio a ku i ke Kanawai ia Yuen Chong o Pahala, Kau, Hawaii, e lawelawe ma ko'u inoa ponoi. i ka oihana kalepa ame na oihana e ae e pili ana ia'u iloko o ka Teritore o Hawaii, U. S. A. E hoomaka ana mai keia la 25 o Iulai, 1904.
L. CHONG.
Pahala, Kau, Iulai 25, 1904.
3027.
HOOLAHA KUMAU.
Kakela me Kuke
(KAUPALENAIA)
Poe Kalepa ma
ke Komisina
:: A HE
POE LAWELAWE KOPAA
Poe Agena no na Ma
hiko Lehulehu.
Hui Alahao ame Ana o @
MANAWA @
Mei 1, 1903.
MAI HONOLULU @
No Waianae, Waialua K@
na wahi ho@
*9:15 a. m. *7:3@
No Pearl City, Ewa M@
hoolulu ma ke @
*9:15 a. m., *11:0@ a. m. @
*3:20 p. m., +4:15 p. m. @
@9:30 p. m., +11:15 p.m.
MAI WAHO MAI
Ku i Honolulu mai Ka@
ame Waianae mai @
*5:31 p. m.
Ku i Honolulu mai Ewa M@
City mai--+6:50 a. m. @
*8:36 a. m., *10:38 a. m. @
*4:31 p. m., *5:31 p. m. @
*@5:31 p. m., *7:40 p. m. @
*Kela ame kela la.
@Sabati wale no.
+Koe ke Sabati.
G. P. DENISON,
Lunahoohana.
F. C. SMITH.
@
KAUKA T. MITAMU@
Alanui Kukui Ololi Helu @ H@
Na Hora Hana:
Hora 9 a. m. a 12 m: 6 @
p. m. Sabati, Hora 9 a. m. @
Telepone Blue 2364 P@
Na Papale I-e Nu@
O na Lede ame na K@
ano hou e loaa no ma k@
FUKURODA
Helu 28-32 . . . . .@
HUI HOOLEWA HONOLULU
Ke hooiaio nei keia h@
hana kokua i kona mau @
wa ua ei mamua o 1300 @
mau nei i kela ame kela @
J. H. TOWNSEND, Kak@
UA UKU AKU@
Fidelity Funding
Iloko o na makahiki elua @
i ka poe i hoahu i ka @
he $380,000.
Na ka FIRST NATIONAL @
HAWAII e ku nei @
e hoolaio mai i ke@
$1.00 o ka pule no @
he $150.00
O na papa hoike @
ka poe e uku pule @
e loaa no ma ke K@
R. D. H@
Agena ma H@
41 ame 52 Y@
He Huaale Mai
Aole he like o na
"HUAALE A AYERS
me na huaale e ae @
huaale kokua ke@a @
naau, a he laau h@
hoi. Ina he paa k@u @
"HUAALE A AYERS
ka laau e hemo ma @
maikai mau ana @
oia manawa.
Aole loa he hiki i kek@
Olelo ae he maikai @
ina aole he hemo@
he hookahi manawa @
paha. Ina i maopopo @
ke ola i na kanaka @
e like ka nui o ka poe @
mea e ike ia nei @
Ua hana ia owaho me ke @
maikai loa ka lawe aha @
Aohe mau Huaale @
mamua o na
"HUAALE A AYERS
Hoomakaukau ia e Kauka J.
& Company. Lowell, Mass.
E loaa no keia mau Huaale @
Hale Kuai Laau o Ho@
Papu.